ئه‌ڤرۆ:
ب گوژمێ چار ملیار و 500 ملیۆن دیناران 12 پرۆژێن خزمه‌تگۆزاری ل چه‌ند ده‌ڤه‌رێن جودا یێن سنوورێ پارێزگه‌ها دهۆكێ دێ هێنه بجهئینان و 39 گوند دێ ژ وان پرۆژان مفادار بن.
ملله‌ت عسمه‌ت، سكرتێرێ رۆژنامه‌ڤانی یێ پارێزگارێ دهۆكێ دیار كر، د. عه‌لی ته‌ته‌ر، پارێزگارێ دهۆكێ دوهی 25/7/2021، ب گوژمێ چار ملیار و 431 ملیۆن دیناران 12 پرۆژێن خزمه‌تگۆزاری ل سنوورێ ده‌ڤه‌رداری و ناوچه‌داریێن جودا یێن پارێزگه‌ها دهۆكێ دێ هێنه بجهئینان.
ناڤهاتی گۆت: “ئه‌و پرۆژه د بیاڤێن كاره‌ب، رێك و پران و سه‌خبێریكرنا جادێن ناڤخوه‌نه و 39 گوند ل سنوورێ پارێزگه‌ها دهۆكێ دێ ژێ مفادار بن”.
سكرتێرێ رۆژنامه‌ڤانی یێ پارێزگارێ دهۆكێ خویا ژی كر، ئه‌و پرۆژێن دوهی پارێزگاری َدهۆكێ ره‌وانه‌ی بجهئینانێ كرین، ل سنوورێ قه‌زایێن ئامێدیێ و ئاكرێ و زاخۆ و دهۆكێ دێ هێنه بجهئینان”.
ملله‌تی ئاماژه ب وێ چه‌ندێ ژی كر كو هژماره‌كا دی یا پرۆژێن خزمه‌تگۆزاری د قووناغا راگه‌هاندن و ته‌نده‌ركرن و ره‌وانه‌كرن بۆ بجهئینانێ دانه.
نيشاندان