قه‌ده‌رێ زوو ل مه شكاندن چۆك
بۆ وه‌غه‌را خودێ ژێ رازی نڤیسه‌ر و ره‌وشه‌نبیرێ باژێڕێ دهوكێ (ئسماعیل تاهر جانگیر)
نایف مه‌حمود
ئاخ قه‌ده‌رێ ته چ زوو هۆ ل مه شكاندن چۆك
مه‌نده‌هۆش ماین ب مرنا ته بێ هوش و شۆك
وه‌ك ته نه‌بوون كاك ئسماعیل تاجا سه‌را
ڕۆژ ئاڤا بوو مه ژ ده‌ست دان خامه و پرتۆك
دهۆك واره‌ك بێ ده‌نگ و كه‌ڕ پڕ خه‌مگینن
سه‌خی و مه‌رد، برا و دلسۆز وه‌ك ته نینن
ئاخ و فیغان، هه‌وار ل مه گه‌میا خه‌ما نه
دل په‌ریشان چاڤ ب رۆندك، تژی خوینن
كه‌نی و گرنژین و كه‌یفا ژ ناڤ مه بار كر
ژین و ئه‌ڤین ژیانا خوش ته ل مه سار كر
گوڕا ته ب گول و ڕۆناهی، مێرگ و چیمه‌ن
دهۆك پاویز و گولوه‌رین ته وێران كر
كو مه ژ ده‌ست دا كه‌سه‌ك زانا و ڕه‌وشه‌نبیر
روحا وی چو ل ئه‌سمانا و ژ مه دوور
سه‌ره‌خوشی ل مالباتێ و كه‌س و كارا
دۆست و هه‌ڤال و براده‌ر مانه ئێخسیر
شه‌ڤا مرن و وه‌غه‌را ته چه‌ند درێژ بوو
چاڤ زوها بوون ژ ڕۆندكا مال زێمار بوو
ڤی باژێڕی خه‌ملا خوه ب كراسێ ره‌ش كر
هه‌وار و داخ شه‌ڤه‌كا ڕه‌ش و تاریبوو
وه‌غه‌ر خێربیت هه‌رێ ساخی و مای د دل دا
به‌رێ كه‌د و زه‌حمه‌تا ته شین و گول دا
سه‌رفه‌رازبه ته ناڤه‌كێ سپی تۆمار كر
زه‌ڤیا دێم و هشك و به‌یار ته تێر ئاڤ دا
