ئامێدیێ: ئەسعەد رێکانی:

خاندن وفێرکرنا زاروکی ل پولا ئێکێ بنەرەت گرنگیەکا تایبەت ھەیە، دڤێت رەفتار وسەرەدەریەکا راست ودروست دگەل دا بھێتەکرن، ماموستاژی وەسا دیاردکەن کو خواندن ل پولا ئێکێ بنیاتێ ئاست و ئاڤاکرنا کەسایەتیا زاروکی یە.

موئەیەد سەعید ماموستایێ پولا ئێکێ یە، بۆ بەرپەرێ پەروەردە و فێرکرن گۆت: ل سالا ٢٠٠٧ وەکو ماموستا ھاتیمە دامەزراندن وھەر ل وێ سالێ من کوردی یا پولا ئێکێ بنەرەت وەرگرتیە و ئەڤە ماوەی ١٤ سالایە کوردی یا پولا ئێکێ دبێژم ونوکەژی ئەز ل قوتابخانا نەمران ل ناحیا شێلادزێ دەوامێ دکەم وھەر پولا ئێکێ دبێژم، ل دور گرنگیا پولا ئێکێ ھەمان مامۆستا گۆت: گۆتنا وانێ ل پولا ئێکێ خوشیەکا تایبەت بوومن پەیداکریە  و ھەرسال دەمێ خشتێ وانا دابەش دکەن پولا ئێکێ بومن دھێتە دانان ئەڤەژی ژوێ یەکێ دیاردبیت کو من سەرەدەری وسەربورەکا باش دگەل پولا ئێکێ ھەیە.

موئەیەد سەعید ئەوژی گوت : ھەردەم من قوتابیێن پولا ئێکێ وەک زاروکێن خوە ھەژمارتی نە وچ جارا من نەھێلایە ئەو ھەست ب کێماسیێ بکەن وسەرەدەریەکا جوداجودا دگەل قوتابیان دکەم ل دووڤ ئاست وخاستێن وان وزێدەباری ژینگەھەکا خوش وئارام بۆ قوتابیێن خوە پەیدادکەم وپەیوەندیێن موکوم دگەل سەمیانێت وان ھەنە وقوتابیێن من ژی تارادەیەکێ زورباش فێری خاندن ونڤیسینێ دبن وھەروەسا وەکو رابەرێ پولێ ژی دھێمە دانان لێ یافەرە نەبتنێ ماموستایێ کوردیێ رابەربیت بەلکو ھەمی ماموستایێن بابەتێن پولا ئێکێ دبێژن دڤێت ھەمان سەرەدەری وەک دایک وباب دگەل زاروکی بکەن.

ماموستا موئەیەد گوتژی: ئەگەر ماموستا یێ خەمخورودلسوزبیت بوفێرکرنا زاروکا ھەردەم دێ یێ سەرکەفتی بیت بۆ پولا ئێکێ ڤیجا چ ماموستا ژن بیت یان زەلام لێ ب دیتنا ماموستایا ژن د چاڤدیریکرنا زاروکاو کاروبارێن مال ڤە یا وەستایە لێ دەمێ دھێتە قوتابخانێ خوە ژپولا ئێکێ دووردتێخیت و چێدبیت پرانیا ماموستایێن ژن ل پولا ئێکێ ناوەرگرن چونکی پولا ئێکێ شیان وھزرەکا ئارام پێدڤێت ونەخاسمە ماموستایا ژن زور پێدڤی ب مولەتایە ئەڤە ھەمی دێ کارتێکرنێ کەتە ل سەر ئاستێ خواندنێ یێ زاروکا چونکی پولا ئێکێ بنیاتێ ئاست وئاڤاکرنا کەسایەتیا زاروکی یە.

ھەمان مامۆستا گۆت: دڤێت ل دیڤ شیانێت زاروکی وانە یان ئەرکێ مال بھێتە دان ونابیت زێدەتر وانە بیتە بارگرانی بۆ زاروکی ل مال نەشێت بنڤیسیت و بکەتەگری وب زوری بھێتە  قوتابخانێ.

سالیمە ئەحمەد نھێلی مامۆستایە و  ل قوناغا بنەرەت وانە گوتینە و نوکە ژی ل پشکا زمانێ ئینگلیزی ل قوناغا چوارێ ل کولیژا پەروەردا بنیات وەک قوتابی بەردەوامیێ دەتە خواندنا خوە وەسا دبینت کو  ماموستایا ژن ل پولا ئێکێ وانا بێژیت باشترە، بۆ بەرپەرێ پەروەرە و زانکۆ گوت: ھەر چەندە کەس نەشێت بۆ زاروکی جھێ دەیکێ بگریت لێ ماموستایا ژن ھەستەکێ دلوڤانیێ یێ  ل دەڤ ھەی ودشێت سەرەدەریێ دگەل ھەمی جورێن قوتابیان بکەت تایبەتی پولا ئێکێ، دڤێت ماموستایا ژن وەکو دەیکەکێ بیت دگەل زاروکی  چونکی بۆ جارا ئێکێ یە زاروک دێ ژدەیکا خۆە دویرکەڤیت ودێ ھێتە دناڤ ژینگەھەکا نوی دا ودڤێت ماموستایا ژن ڤێ ڤالاھیێ پربکەت، ئەوژی ب دلوڤانی وسەرەدەریەکا جوان دابشێت سەرنجا قوتابیان بخو راکێشیت  وئەگە ر ئەڤ سەرەرەدەریە نەبیت دێ کارتێکرنەکا نەرێنی لسەر دەرونی زاروکی پەیداکەت ودێ دویرکەڤیت ژ فێربوون وخاندنێ.

سالیمە نھێلی ئەوژی گوت: یافەرە ل دەستپێکێ ماموستایێن پولا ئێکێ قوتابیان فێری ژینگەھا قوتابخانێ بکەت  دا ھەست ب ئارامیێ بکەن وپاشێ فێری خاندن ونڤیسینێ بھێنەکرن، و ئەوژی دویرژ ترس وتوندوتیژیێ وچێدبیت زاروک سەروسیمایێ دەیکا خۆە دکەسایەتیا ماموستایا ژن دا ببینیت ودڤێت  ماموستا دلوڤان بن دگەل قوتابی وب دیتنا من  گوتنا وانێن پولا ئێکێ ژن بێژن دێ باشتربیت ژبەرکو ماموستایێ زەلام نەشێت وەکو پێدڤی رولێ دەیکێ ببینت چونکی سەرەدەریا ژنێ وزەلامی یا جیاوازە دگەل زاروکان وزور جارا زاروک ل قوتابخانێ توشی ھندەک ئاریشا دبیت وەک ترس وئاریشێن ئاخفتن وزمانی و نەشارەزایی دژینگەھا قوتابخانێ دا ول دەستپێکا دەوامێ دێ بینی زاروک ناھێتە دپولێ ڤە ھەتا دەیکا وی دگەل دانەبیت ودڤێت ماموستایێن پولا ئێکێ دبێژن زۆر ب ھەستیار وشارەزای رەفتارێ بکەن چونکی ئەڤ زاروکە یێ ژھەمبێزا دەیکا خۆە دویرکەفتی  دا ھەست ب کێماسیێ نەکەت

ئەڤرۆ، سالار محەمەد دۆسکی:

ئەندامەکا لژنا پەروەردێ ل پەرلەمانێ کوردستانێ ئاشکراکر کو کاودانێن ھەرێما کوردستانێ یێن ساخلەمیێ لبن کونترۆلەکا باشن و چ مەترسی نین و ھەتا ئاستەکێ باش رەوشا باشە.

گولستان عبدلباقی ئەنداما لژنا پەروەردێ ل پەرلەمانێ کوردستانێ بۆ بەرپەرێ پەروەردە و زانکۆ ل رۆژناما ئەڤرۆ گۆت:  ل سەر چارەنڤیسێ پروسێسا خواندنێ ل ئەف سالە ھندەک لژنێن لاوەکی ھاتینە پێکئینان، ئەندامێن پەرلەمانێ کوردستانێ لژنا پەروەردێ ل سەر ئەوان لژنان ھاتینە بەلاڤەکرن و دێ سەردانا ھەموو قەزایێن کوردستانێ کەن بۆ ژ نێزیک ھایداربوون ل سەر رەوشا خواندنێ و پەژیکا کورونایێ و خوە پاراستنا قوتابی و مامۆستان دڤی بیاڤی دا، ئامارێن دروست چنە یێن ھەموو قەزایێن سەر ب پەروەردا گشتی ڤە دھێنە کومکرن.

ھەمان ئەندام پەرلەمان گۆتژی: چونکو نێزیکی ملیونەک و حەفت سەد قوتابیان ل ھەرێمێ ھەنە و ھەتا نوکە  بتنێ چوار حالەتێن کرونایێ ھەبووینە دناڤ قوتابیان دا و ھەتا رادەکێ باش رێنمایێن ساخلەمیێ ژی  ھاتینە بجھئینان، لەورا مە ئەڤ لژنێن لاوەکی پێک ئیناینە کا ئەرێ ئەڤ قوتابخانە رێنمایێن ساخلەمیێ ب جە دئینن،  ھەکە رێنمایان جێبەجێ نەکەن دڤێت دوڤچوونێ ل سەر بکەین و ب راوەستینین و نەھێلین ئەڤ چەندە ھەبیت، بەلێ ھەتا نوکە کاودان دبن کونترولێ دایە و ئەم لگەل ھندێ ینە پرۆسێسا خاندنێ یا بەردەوامبیت و قوتابی دھولێن خوە یێن خاندنێ ڤە ب خوینن، چونکو ھەتا نوکە چ مەترسی نین و ئەڤە ژی دمینتە ل سەر لژنەیا بەرھەنگاریبوونا کورونایێ و ئەزب باوەرم بیست و سێ ڤێ ھەیڤی َدێ بریارەکێ دەت و ھەکە بزانن مەترسی ھەیە و حالەت یێ بەرب زێدەبوونێ یە ل وی دەمی ئەو دێ بریارێ دەن، بەلێ ئەم وەکو لژنا پەروەردێ ل پەرلەمانێ کوردستانێ ل گەل ھندێ نین دەرگەھێن قوتابخانان بھێنە گرتن و راستە عیراقێ دەرگەھێن قوتابخانان گرتینە و وان ھندەک حالەتێن کورونایێ ھەنە، بەلێ مەل ل قوتابخانێن کوردستانێ حالەت ھەنە و ئەو حالەتێن ھەین ژی دبیت بەی وی دەمە ھەبن.

ھەمان ئەنداما پەرلەمانی گۆت: بابەت یێ گرێدایە ب گیانێ قوتابیان ڤە و نەشێن ھەتا نوکە بریارەکا وەسا بدەین کو مەترسی ل سەر گیانێ قوتابی و مامۆستان دروست بیت، پێشنیارا مە ئەڤە یە و بابەت یێ ژێر کونترولێ یە و چو تشتی َوەسان ژی نینە کو مەترسی ل سەر گیانێ قوتابیان ھەبیت و ھەکە مەدیت دڤان روژێن بھێت دا حالەت گەلەک زێدەبوون و ئەم وەکو لژنا پەروەردێ ژی ل گەل ھندێ دانین دەرگەھێن قوتابخانا بھێنە گرتن و ھەکە دەە قوتاب ژی توش بوون وی دەمی ژی دشێن کونترول بکەین، بەلی َھەکە قوتابی ھەموو توش بوون ل وی دەمی وەزارەتا ساخلەمیێ ھەماھەنگی ل گەل وەزارەتا پەروەردێ ل گەل لژنا بەرھانگاریبوونا کورنایێ دێ بریارێ ل سەردەن.

گۆت:  ل زانکویان ژی ھەتا رادەکی پێگێری رێنمایێن ساخلەمیێ جێبەجێ دکەن و ل ڤێرە جھێ پرسیاری َیە ل زانکویا ھەموو قوناغ دچنە زانکویێ و بەشەک ژوان ئونلاین دخوینن و بۆچی دەرگەھێن قوتابخانان بھێنە گرتن، لەورا دبێژم ئەڤ حالەتێ نوی یێ کورونایی َیی َ یە و زارویان ڤە دگریت و ئەو زارو ڤەدگوھێزنە کەسێن مەزنتر.

د.سەباح محەمەد سەرۆکێ لژنا ساخلەمیێ ل پەرلەمانێ کوردستانێ بۆ ئەڤرۆ گۆت: کاودانێن ساخلەمیێ ل ھەرێما کوردستانێ لبن کنترولێ دایە و  ھەتا نوکە رەوشا خەلکی گەلەک یا باشە.