ئەڤرۆ، سالار محەمەد دۆسکی:
سەرپەرشتیارێ ئێکێ ل پەروەردا دھۆک یا رۆژئاڤا ئاشکراکر کو لدیف رێنمایێن نوو ھەر مامۆستایەکێ وانێن خوە ب دووماھی ئینان دشێت قوتابخانێ بجە پێلیت و ھەکە مامۆستایەکی سێ رۆژان ژی وانە نەبن ماف ھەیە نەچیتە قوتابخانێ.
دلوڤان تاھا رەشید سەرپەرشتیارێ ئێکێ ل پەروەردا دھۆک یا رۆژئاڤا بۆ رۆژناما ئەڤرۆ گۆت: پشتی بریارھاتیەدان کو دەرگەھێن قوتابخانا ل ٦/٢/٢٠٢١ بۆ کارگێریێن قوتابخانا بھێنەڤەکرن و میکانزمەک بۆ ڤەکرنا قوتابخانان بھێـتەدان کو ٧/٢/٢٠٢١ دەست ب وانە گۆتنێ بھێتەکرن، ھەر قوناغەک دێ سێ رۆژان دەوامێ کەن ئانکو قوناغێن ئێکێ و دو و سیێ بنەرەت دێ رۆژێن شەمبی و دوشەمبی و چارشەمبی دەوامێ کەن، قوناغێن چار و پێنچ و شەش رۆژێن بەرۆڤاژی ئێک شەمبی و سێ شەمبی و پێنچ شەمبی، ئەفە دێ دەسپێکا کورسێ ئێکێ بیت و دێ ل ٥/٦/ ٢٠٢١ کورسێ ئێکێ یێ سالا خواندنێ دێ ب دووماھی ھێت و کورسێ دووێ ٤/٩/٢٠٢١ دەستپێ کەت.
سەرپەرشتیارێ ئێکێ ئەو ژی گۆت: خواندنا ئونلاین ھەموو بابەت ھاتبوونە تومارکرن و قوتابیان ھەتا ئاستەکێ باش پێگیری پێ دکر، بتنێ ئەڤە پالپشتەک بوو بۆ قوتابین مە و بۆ مفا وەرگرتنێ بوویە، گەلەک قوتابخانا مامۆستایێن وا ل گەل بووینە بۆ خواندنا ئونلاین، لێ پشتی لژنا بەرھنگاربوونا کورونایێ بریار ل سەر ڤەکرنا قوتابخانا داین ل ١/٣/ و پێشتر ژی قوتابیێن پولا شەشێ دەست ب خواندنا خوە کرین، دەوام ھاتە ٧/٢/٢٠٢١ دێ دەسپ ب پرۆگرامێن خواندنێ ھەر ژ دەسپێکێ ھێتەکرن و ئەوا ئونلاین ناھێتە ھەژمارتن.
دلوڤان تاھا ئەو ژی ئاشکراکر کو ھەموو رێکارێن توند بۆ پاراستنا گیانێ مامۆستا و قوتابیان دھێنە وەرگرتن و پێگیری دێ پێ ھەبیت ژلایێ مامۆستاو فەرمانبەر و کارگێریێن قوتابخانێ وبەرھەڤی ھاتینەکرن ژلایێ وەزارەتێ ڤە و دابینکرنا کەل و پەلێن خوە پاراستنێ و پیڤەرێ گەرماتیێ ل ھەموو قوتابخانا ھەیە و رۆژانە ھەموو قوتابی دھێنە پشکنینکرن ژلایێ مامۆستا و کارگێریا قوتابخانێ ڤە و ھەکە نیشان ھەبن دێ پێرابوون و رێنمایێن پەروەردێ ھێنە بجھئینان.
ھەمان سەرپەرشتێ پەروەردێ ئەو ژی دیارکر کو دێ ل ھەر قوتابخانەکێ لژنەک ھێتە دروستکرن و رێڤەبەرێ قوتابخانێ سەرۆکێ لژنێ یە ل گەل ھاریکارێ قوتابخانێ و رێنماکاری و مامۆستایەکێ قوتابخانێ ڤە و ھەکە رێنما کار نەبیت دێ دو مامۆستا ببنە ئەندام ل لژنێ دا ل گەل ھەڤالێ رەخنەگرێ قوتابخانێ کو سەرپەرشتیارەکێ پەروەردێ یە.
ل دور رێّا قوتابیان ژی ل پولێن خواندنێ دا، ھەما سەرپەرشتێ پەروەردێ ل پەروەردا دھۆک یا رۆژئاڤا گۆت: لدیف رێنمایێن نوو نابیت ھەر پولەکا قوتابخانێ ژ (١٥ ھەتا ٢٠) قوتابیان زێدەتر ھەبن، ھەر پولەک دێ بیتە دو پول و دێ سێ رۆژان دەوامێ کەن و تەمامکرنا وانا دێ چیتە حەفتیا دی دا، پێدڤی یە رێڤەبەرێ قوتابخانێ ل گەل مامۆستایێن خوە خوە ب گونجینت بۆ نموونە ھەکە وانەکێ سێ بەھرێن وانا ھەبن ئەو سێ بەھرە دێ ماوێ دو حەفتیان دا بۆ قوتابیان ھێنە گۆتن، کەمامە دڤێـ ل بەر مامۆستا و فەرمانبەر و ھەموو قوتابیان ھەبن و پێگیربن ب رێنمایێن ساخلەمیێ.
ھەمان سەرپەرشتیار ئەو ژی گۆت: ھەر قوتابیەک دێ ل سەر تەختەکی ئانکو رحلەکێ روینتە خوارێ و دێ مامۆستایێن چاڤدێر ل قوتابخانێ ھەبن کو قوتابی تێکەلی ئێک دو نەبن و دێ بەردەوام دیفچوونا قوتابیان ھەبیت.
زێدەتر گۆت: دڤێت دایک و بابێن قوتابیان ھاریکاربن ل گەل قوتابخانا بۆ کرنا کەماما رۆژانە، ھەکە قوتابیەکی ژ بیرکر یان ب رێکێ ڤە بەرزەکر، ھەر کارگێریەکێ رێژەک لدیف رێژا قوتابیان ل قوتابخانێ بۆ ھاتینە دابینکرن و کارگێریا قوتابخانێ دێ کەماما دەتێ، لدیف بریارا وەزارەتا پەروەردێ و ئەڤە بتنێ پشنیارە کو ھەر دایک و بابەکێ نەڤێت زارۆکێ وی بھێتە قوتابخانێ دشێت فورمەکێ ل قوتابخانێ تژی بکەت وەک سوزنامەکێ و دێ پێزانینا دەتە رێڤەبەرێ قوتابخانێ و دێ دانەکا فورمێ ل قوتابخانێ مینت و دانەکا دی دێ بۆ پەروەردێ ب رێکا ھەڤالێ رەخنەگر ھێتە رەوانەکرن، بتنێ مەرجەک ھەبیت دڤَت ئەو قوتابی ل تاقیکرنا دووماھیێ یێ بەرھەڤ بیت بۆ ئەنجامدانا تاقیکرنێ وەک تاقیکرنا ھەیڤانە و یا دووماھی یا کورسی ژی و ئەڤە مەرجەکێ سەرەکی یە ل ڤێ فورمێ دا.
ھەمان سەرپەرشتیارێ پەروەردێ ئەو ژی خویاکر کو لژنا قوتابخانێ دێ سەرپەرشتیا قوتابخانێ کەت و ھەر پولەکا حالەتەکێ کورونایێ دەرکەفت دێ ھێتە رەوانەکرن بۆ بنگەھێ زانینن یێ ساخلەمیێ و دێ ئێکسەر بۆ پشکنینا کورونایێ ھێتە رەوانەکرن و دێ ئەو پول دەرگەھێ وێ بۆ ماوێ ١٤ رۆژان ھێتەگرتن و ھەکە پێنچ قوتابی ل وێ قوتابخانێ کورونا ھاتێ ئەو قوتابخانە ھەمی دێ ھێتەگرتن بۆ ماوێ ١٤ رۆژان وەک گرنتی کرن.
ل دور قوتابیێ، دەرەکی ژی گۆت: ھەر قوتابیەکێ دەرەکی تووشی کورونایێ بیت دێ دەسیردان بۆ ھێـتەدان و پشتی ١٤ رۆژا دێ زڤریتە ڤە و ھەکە ماوێ تاقیکرنا دا بۆ مە خولا دووێ ھەیە و ئەو قوتابی دشێت ل خولا دووێ بەردەوامیێ بدەتە تاقیکرنێن خوە و رێنما ل دور ڤی بابەتی ھەنە.
دلوڤان تاھا زێدەتر ژی گۆت: بۆ جارا ئێکێ یە وەک ھاریکاری بۆ قوتابیێن دەرەکی ھەر قوتابیەک دێ ل سنورێ قەزا خوە تاقیکرنا ئەنجام دەت.
ناڤبری گۆتژی: ١٤٠ قوتابخانە ل سنورێ پەروەردا دھۆک رۆژئاڤا ھەنە، ب شێوەکێ گشتی رەوشا ئاڤاھیان ل سنورێ پەروەردا دھۆک رۆژئاڤا ل ئاستەکێ باشە ھەتا ئاستەکی ھندەک قوتابخانا پێدڤی ب نووژەنکرنێ ھەیە، پشکا ئاڤاھیان ل سنورێ پەورەردێ ھەیە و لژنە ھەیە و ھەر گازندەکا ل سەر ئااڤیاە ن ھەبیت ب راپورت دگەھیتە پەروەردێ و ب راپورت بۆ پشکا ئاڤاھیان ل رێڤەبەریا گشتی دھێتە بلندکرن.
ل دور رەوشا پاقژیێ ژی ل قوتابخانا، ھەمان سەرپەرشتێ پەروەردێ گۆت: ب شێوەکێ گشتی فەرمانبەرێن پاقژکرنێ ل قوتابخانا دکێمن چنکو چەندین سالە دامەزراندن نەبوویە، گەلەک قوتابخانا ب ھاریکاریا رێکخراوا و کەسانێن دەولەمەند کەس بۆ قوتابخانا ھاتینەدابین و قوتابخانە دھێنە پاقژکرن و ھەتا ئاستەکێ باش قوتابخانێن مە دپاقژن.
ل دور جلوبەرگێن زارۆکان ژی ل ئەف سالە ھەمان سەرپەرشیارێ پەروەردێ گۆت: جلکێن قوتابیان وەک ھەف بن تشتەکێ جوانە ل ھەر قوتابخانەکێ، لێ ژ بەر کاودانێن دارایی و پەژیکا کورونایێ ل ئەف سالە و لدیف رێنمایێن وەزارەتا پەروەردێ ل سەر چ قوتابیان ناھێتە سەپاندن کو چ رەنگێ جل و بەرگی بکەنێ، بتنێ جلکەکی بکەتە بەرخوە ل گەل ژینگەھا قوتابخانێ ب گونجیت و ھەتا ئەو جلکێ پار ژی بیت دروستە و ھەمی ئاسنکاری بۆ خێزانا ھاتینەکرن و بتنێ ب گونجن ل گەل قوتابخانێ و ئاسایی یە و ئەف سالە چ گرفت بۆ قوتابیان پەیدا نابن و ل سەر چ زارۆکان ناھێنە سەپاندن.
ل دور ڤەکرنا باخچێن زارۆکان ژی، ھەمان سەرپەرشتیارێ پەروەردێ گۆت: ھەتا نوکە باغچێن زارۆکان نەھاتینەڤەکرن و ٢٣/١/٢٠٢١ کومبونا لژنا بەرھنگاربوونا کورونایێ دھێتە ئەنجامدان و ڤەکرنا باغچێن زارۆکان ژی دچارچووڤێ وێ کومبوونێ دا دێ بریار ل سەر ھێتەدان و ھەکە کاودان بەر ب باشیێ چوون وەک پەژیکا کورونایێ دێ بریار ل سەر ڤەکرنا باخچان ژی ھێتەدان و ھەکە بەرۆڤاژی بیت رەنگە بریارەکا دی بھێتەدان.
ل دور قوتابخانێن گوندان ژی گۆت: رێژا قوتابیێن گوندان گەلەک یا کێمە و ھەتا چەند قوتابی ی بن ئەو ژی وەک قوتابخانَن باژێران دێ بتنێ سێ رۆژان دەوامێ کەن و ھەمان رێنمایێن بۆ باژێران ھاتینە دابینکرن و قوتابخانبَن ئێڤاران ژی وەک قوتابخانێ، سپێدەھیان بیت و ھەر قوناغەک دێ سێ رۆژان دەوامێ کەت و پێشتر قوتابخانێن ئێڤاران رۆژێن پێنچ شەمبی بھێنڤەدان ھەبوو نوکە ئەو بھێنڤەدان ژی نەما و دێ رۆژا پێنچ شەمبی ژی دەوام ھێتەکرن.
ناڤبری ئەو ژی گۆت: رێڤەبەرێن قوتابخانا ل گەل ھاریکارا دێ بەردەوام ل قوتابخانێ بن و مامۆستا ژی گەل وانا خوە کر نامینتە ل قوتابخانێ و کەنگی وانە ھەیە دێ بەرھەڤ بیت ل قوتابخانێ و و ھەکە مامۆستایەکی رۆژەکێ ھەتا سێ رۆژا ژی وانە نەبن ئەو ناچیتە قوتابخانێ و ئەڤە ژی دا قەرەبالغ ل قوتابخانا دروست نەبیت.
ل دور بەھرێن مامۆستایان ژی، دلوڤان تاھا رەشید سەرپەرشتیارێ ئێکێ ل پەروەردا دھۆک یا رۆژئاڤا گۆت: ل قوناغا بنەرەت ئێکێ ھەتا نەھێ ٢٤ بەھرەنە ، ئامادەیی ٢٢ بەھرنە و لدیف میلاکێ قوتابخانێ دێ بەھرە ھێنە بەلاڤەکرن و ھەر مامۆستایەکێ زێدەتر بەھرێن خوە بێژیت دێ بۆ ھێنە ھەژمارتن وانەبێژ یان دێ وانەبێژ بۆ وێ قوتابخانێ ھێنە دابینکرن، بۆ مامۆستایێ قوتابخانێ ھەر وانەک ب سێ ھزار دینارانە بۆ مامۆستایەکێ نە دامەزراندی ب چار ھزار دینارانە.
ل دور ئەزموونێن نشتیمانی ژی گۆت: بتنێ ئەزموونێن نشتیمانی بتنێ ل پولا نەھێ یە و بریار ھاتیەدان ل ١٦/١١/ ئەزموونا نشتیمانی بھێتە ئەنجامدان و ٦٠نمرە ل ئەزموونا نشتیمانی نە و ٤٠نمرە ل قوتابخانێ دێ بۆ ھێنە ھەژمارتن و تاقیکرنێن وەرزێ ئێکێ و دوێ ژی دێ ئەنجام دەت و تاقیکرنێن نشتیمانی یا گرنگە و سەنگا قوتابیان دھێتە دیارکرن.
ل دور پرۆژێ برێتش کێنسل ژی، ناڤبری گۆت: ھەلسەنگاندنا قوتابخانا و سەردانێن لژنێن دەرکی نابن، چالاکیێن ھونەری وەرزشی و کومبوونێن دایک و بابا ل قوتابخانێ نابیت بھێنە ئەنجامدان.
دەرگەھێن قوتابخانە ب توندترین رێنمایێن خوە پاراستنێ ڤەبوون
نيشاندان