ئەڤرۆنیوز:
بەرەڤان حەمدی بریكارێ وەزارەتا شەهیدان‌و ئەنفالكریان راگەهاند، پشتی بڕینا مینحەیا زێدەتری 13 هەزار كەسێن نەشایستە ل وەزارەتا شەهیدان، کو سالانە (12 ملیار) دینار بۆ خەزێنا حكومەتێ ڤەدگەریت.
پەیڤدارێ وەزارەتێ ئەو چەندەژی دیارکر ئەوێن موچەیێن هاتینە برین، تەڤایا وان هەیڤانە دبیتە ملیارەکا دیناران، دێ ل سەر پرۆسەیا چاكسازیێ بەردەوام بین و دەمێن بهێن زێدەتر چاکسازیێ ئەنجام دەین.
ئەڤرۆ نیوز،عەلی حاجی :
رێڤەبەرێ کەمپا بێرسڤێ دو بۆ ئەڤرۆ نیوز دیار کر ئەڤرۆ ل رۆژا پێنچ شەمبێ ٧/١/٢٠٢١ێ ژ ئەگەرەکێ نەدیار کچەکا ئێزدی خوە د خەندقینیت دناڤ مالا خوە دا.
زێدەتر ماهر مشو گۆت : ئەو روودان ل دەمژمێر ١١:٣٠ێ یا ژبەری نیڤرۆ بۆ دەما کچەکا ئێزدی بناڤێ ( س.س ) یا ژ دایک بویا ١/٢/٢٠٠٥ێ دناڤ مالا خوە دا ب حەبلەکێ خوە دخەندقینیت و گیانێ خوو ژ دەست ددەت و هەتا نوکە ئەگەرێ خوە خەندقاندنا وێ کچێ نەهاتیە زانین و پۆلیسان ژی بۆ ڤێ کێشەیێ دەست ب ڤەکۆلینان کری یە و د ئەڤ سالە دا دبیتە ئێکەم حالەتێ خوە کوشتنێ دناڤ کەمپا مە دا .
ئەڤرۆ نیوز:
ئەڤرۆ رۆژا چوارشەمبی ب ئامادەبوونا ئەندازیار دیار بەحری رێڤەبەرێ گشتیێ باژێرڤانیان ل پارێزگەھا دھۆکێ و سەروەر سەعید رێڤەبەرێ ناحیا ئیبراھیم خەلیل، رێورەسمێن گۆھۆرینا سەرۆکێ باژێرڤانیا ئیبراھیم خەلیل برێڤەچوون.
د رێورەسمان دا، کچەکا مەسیحی ب ناڤێ ئەندازیار ماردین حکمەت یوسف وەکو سەرۆکا باژێرڤانیا ئیبراھیم خەلیل ل شوونا نیھاد سەلیم دەستبکاربوو.
ئەندازیار ماردین ژدایکبوویا سالا 1989ێ یە، ئاکنجیا قەزا زاخۆیە ل دەڤەرا پێشابیر، بەری نوکە بەرپرسا پشکا ئەندایاری بوویە ل فەرمانگەھا ھاتن و چوونا زاخۆ.
ھەکار ھروری پەیڤدارێ لژنەیا خودانێن موالیدەیێن ئەھلی ل دھوکێ راگەھاند ژ بەر کارکرنێ د ویستگەھێن کارەبا گشتی دا ل ھژمارەکا تاخێن دھۆکێ ئەڤرۆ کارەبا گشتی دێ ھێتە برین و ل شوونا وێ کارەبا موالیدەیان دێ بۆ وەلاتیان ھێتە بەردان.
پەیڤدارێ لژنەیا خودانێن موالیدەیێن ئەھلی ل دھۆکێ دیارکر ژی ژ بوی وێ چەندێ بارگرانی دروست نەبیت د ئەڤ شەڤە دا و کارەبا موالیدەیان ب دروستاھی بھێتە بەردان ئێڤاریا ئەڤرۆ بوۆ ماوێ ئێک دەمژمێر دێ موالیدە ھێنە ڤەمراندن.
سەبارەت ب وان تاخێن دێ کارەبا گشتی لێ ھێتە برین ھەکار ھروری گوت کو ئەو ھاتینە ئاگەھدارکرن کو ھەر ژ دەڤ نەخوشخانەیا تەنگاڤیان تا پیشەسازیا دھوکێ ھەروەسان ژ تاخێ شندوخا تا نزارکێ کار تێدا دھێتەکرن.
ھەکار ھروری پەیڤدارێ لژنەیا خودانێن موالیدەیێن ئەھلی ل دھۆکێ راگەھاند ژ بەر کارکرنێ د ویستگەھێن کارەبا گشتی دا ل ھژمارەکا تاخێن دھۆکێ ئەڤرۆ کارەبا گشتی دێ ھێتە برین و ل شوونا وێ کارەبا موالیدەیان دێ بو وەلاتیان ھێتە بەردان.
پەیڤدارێ لژنەیا خودانێن موالیدەیێن ئەھلی ل دھۆکێ دیارکر ژی ژ بوی وێ چەندێ بارگرانی دروست نەبیت د ئەڤ شەڤە دا و کارەبا موالیدەیان ب دروستاھی بھێتە بەردان ئێڤاریا ئەڤرۆ بۆ ماوێ ئێک دەمژمێر دێ موالیدە ھێنە ڤەمراندن.
سەبارەت ب وان تاخێن دێ کارەبا گشتی لێ ھێتە برین ھەکار ھروری گوت کو ئەو ھاتینە ئاگەھدارکرن کو ھەر ژ دەڤ نەخوشخانەیا تەنگاڤیان تا پیشەسازیا دھۆکێ ھەروەسان ژ تاخێ شندوخا تا نزارکێ کار تێدا دھێتەکرن.
ئەڤرۆ نیوز ، مه‌حمود نهێلى:
د سه‌ره‌دانه‌كێ دا بۆ ده‌ڤه‌را ئامێدیێ ئه‌ندازیار كه‌مال محه‌مه‌د وه‌زیرێ كاره‌با حكومه‌تا هه‌رێما كوردستانێ سه‌را پرۆژێ هایدروپاوه‌رێ دێره‌لۆك دا و ل نێزك ئاگه‌هدارى ره‌وش وچاوانیا رێڤه‌چوونا كارێ پرۆژه‌ى بوو.
دكۆنگرنه‌كێ رۆژنامه‌ڤانى دا وه‌زێرى كاره‌بێ دیار كر: پرۆژه‌یێ هایدروپاوه‌رێ دێره‌لۆك ئێكه ژ پرۆژه‌یێن ستراتیژى ل ده‌ڤه‌رێ و كوژمێ 129 ملیۆن دۆلارا ل سه‌ر قه‌رێن یابانى بۆ هاتینه ته‌رخانكرن، دشیاندایه 37 میگاواتێن كاره‌بێ به‌رهه‌م بینت و گۆت: ژلایێ دو كۆمپانیێن ئیرانى ڤه دهێته چێكرن، نوكه 75% كار تێدا ب دوماهى هاتیه و ل دووڤ وى ده‌مێ بۆ هاتیه ته‌رخانكرن دڤێت ل هه‌یڤا 12 یا ئه‌ڤ ساله ب دۆماهیك بهێت و ئه‌م گه‌له‌ك ته‌كه‌زیێ ل سه‌ر هندى دكه‌ین داكو ل ده‌مێ خوه یێ دیار كرى دا ب دووماهیك بهێت داكو چ كێشێن دارایى بۆ دروست نه‌بن.
ناڤهاتى دیار ژى كر، كو گرنگیا ڤى پرۆژه‌ى ئه‌وه ئێكه‌م پرۆژه‌یه ل كوردستانێ و ل عیراقێ ژى هاتبیته چێكرن و بشێت كاره‌بێ ب ئاڤێ به‌رهه‌مبینت و هه‌روه‌سا دێ ئاریشه‌یا كێمیا ڤولتیا كاره‌بێ ل ده‌ڤه‌رێ چاره‌سه‌ركه‌ت، هه‌روه‌سا دێ كاره‌با دهوكێ ب كاره‌با هه‌ولێرێ ڤه گرێده‌ت ب رێكا وێسته‌گه‌ها دێره‌لۆك ل گه‌ل وێسته‌گه‌ها رێزان كو هێزه‌كا دى ددە ته كاره‌با هه‌رێمێ.
و گۆت: سكره‌كێ دى هێته چێكرن دگه‌لى دا ده‌مى شیانێن دارایى ل به‌ر ده‌ست بن كو دێ شێت 261 میگاواتێن كاره‌بێ به‌رهه‌م ئینت.
ئه‌ڤرۆ نیوز،عه‌لی حاجی :
ل دووڤ سالناما كه‌نیسه‌یا ئه‌رمه‌نیان یا ره‌سولی بریاره ل رێكه‌ڤتی 6/1/2021 رێ و ره‌سمێن جه‌ژنا ژ دایك بوونا حه‌زره‌تێ مه‌سیح ل كوردستانێ ب رێڤه بچن .
داوود ماردیروسیان سه‌رۆكێ لژنا كارگێریا ملله‌تێ ئه‌رمه‌ن بۆ ئه‌ڤرۆ نیوز گۆت : سالانه ل رێكه‌ڤتی 1/6 لگوره‌ی سالناما كه‌نیسه‌یا ئه‌رمه‌نیان یا ره‌سولی رێ و ره‌سمێن جه‌ژنا ژ دایك بوونا حه‌زره‌تێ مه‌سیح ل سه‌رانسه‌ری جیهانێ و ب تایبه‌تی ژی ل كوردستانێ د رێڤه دچن، له‌ورا ل رۆژا 6/1/2021 ێ ل پێنچ كه‌نیسه‌یێن تایبه‌ت یێ ئه‌رمه‌نان ل كوردستانێ د بن رێكارێن ساخله‌میێ دا رێ و ره‌سمێن جه‌ژنێ ب شێوه‌یه‌كێ ئاسایی ب رێڤه بچن و هه‌می به‌رهه‌ڤی ژی هاتینه كرن دا كو ب شێوه‌یه‌كێ باش ئه‌و رێ و ره‌سم ب رێڤه بچن،هه‌ر ب هه‌لكه‌ڤتا جه‌ژنا ژ دایك بوونا حه‌زره‌تێ مه‌سیح جه‌ژنا هه‌می ئه‌رمه‌نێن كوردستانێ و عێراقێ و جیهانێ پیروز دكه‌ین و هیڤی خازین كو ئه‌ڤ جه‌ژنه ژی ببیته جه‌ژنا خێر و به‌ره‌كه‌تێ بۆ هه‌می ملله‌تێ كورد و عێراقێ و ب هێڤیا وێ چه‌ندێ ژی نه كو ژیان ئاسایی بیته ڤه و ببیته جه‌ژنا ب دوهی هاتنا كورونایێ .
ل دوماهیێ گۆت ژی : سالانه بێ چ كێشه‌یه‌ك ئه‌رمه‌ن ل كوردستانێ جه‌ژنێن خوه دگێرن و ئه‌و ئێمناهیا ل كوردستانێ هه‌یی ژی بوویه ده‌لیڤه‌یه‌ك كو زێده‌تر پێكڤه ژیان ل كوردستانێ موكوم ببیت و ل هه‌می جه‌ژنان ژی دا هه‌می ئولێن ل كوردستانێ دا هه‌ین پیروزباهیێ ل ئێك دكه‌ن .
ئەڤرۆ نیوز،عەلی حاجی :
ل نێزیک ناحیا دەرکارێ ژ ئەگەرێ روودانەکا ترافیکی دناڤبەرا دو ترۆمبێلان دا کەسەکی گیانێ خوە ژ دەست دا و کەسەک ژی بریندار دبیت.
کومیسەر بەشیر یوسڤ ژ راگەهاندنا رێڤەبەریا هاتن و چوونا زاخۆ بۆ ئەڤرۆ نیوز گۆت : ل ناحیا دەرکارێ دەمژمێر ٧:٣٠ی شەڤ ژ ئەگەرێ روودانەکا ترافیکی دناڤبەرا ترۆمبێلەکا بی ئێم دەبلیو و ترۆمبێلەکا ژ جورێ ئوپەل دا شوفێرێ ترۆمبێلا بی ئێم دەبلیو گیانێ خوە ژ دەست دا و شوفێرێ ترۆمبێلا ئوپەل ژی بریندار دبیت،شوفێرێ گیانێ خوە ژ دەست دایی بۆ پزیشکیا داد ل زاخۆ هاتە رەوانە کرن .
ئەڤرۆ نیوز:
ده‌سته‌یا سه‌ربه‌خۆ یا مافێ مرۆڤى ل هه‌رێما كوردستانێ راگه‌هاند، ئه‌و ل روانگه‌یا بنه‌مایێن مافێ مرۆڤى و به‌ندێن جاڕناما مافێن مرۆڤى و د كڤانێ قانوونا به‌ركارێن هه‌رێما كوردستانێ، خوه‌نیشادانان وه‌ك مافه‌كێ ئاسایی و قانوونى یێ وه‌لاتیان دبینیت، ژ پێخه‌مه‌ت دابینكرنا داخوازیان و ئامانجه‌كا دیاری كرى د كڤانی قانوونى و رێنمایان دا و دوور ژ تووندوتیژیێ.
ده‌سته‌یا سه‌ربه‌خۆ یا مافێ مرۆڤى ل هه‌رێما كوردستانێ ئاشكرا كر، ئه‌و ژ حكومه‌تا هه‌رێما كوردستانێ دخوازن بزاڤێن خوه چڕتر بكه‌ن بۆ رێكکه‌فتنێ ل گه‌ل حكومه‌تا ناڤه‌ندى ژ پێخه‌مه‌ت دابینكرنا مووچه‌ى و شایستێن دارایی یێن مووچه‌خۆران و په‌یداكرنا ده‌لیڤێن كارى و بنبڕكرنا گه‌نده‌لیێ و دابینكرنا ژیانه‌كا ژ هه‌ژى بۆ وه‌لاتیێن هه‌رێما كوردستانێ.
ده‌سته‌یا سه‌ربه‌خۆ یا مافێ مرۆڤى داخواز ژ هه‌موو لایه‌نێن سیاسی و ده‌زگه‌هێن راگه‌هاندنێ كر ب هه‌ستیاری و هه‌ستكرن ب به‌رپرسیاتیێ سه‌رده‌ریێ ل گه‌ل ره‌وشێ بكه‌ن و هه‌موو ئالى هه‌ڤكار بن ژ پێخه‌مه‌ت دیتنا چاره‌سه‌ریا ئاریشان و گه‌هشتن ب رێكکه‌فتنێ و رێكخستنا ناڤمالیا هه‌رێما كوردستانێ و پاراستنا ئاساییشا جڤاكى و دوور ژ گۆتارا تووندره‌ویێ.
ئەڤرۆ نیوز:
کۆمسیۆنا مافێن مرۆڤی یا ئیراقێ بەیاننامه‌ک ل دۆر خوه‌نیشادانێن سلێمانیێ بەلاڤ کریه و دیار كریه، هه‌شت کەسان د خوه‌نیشادانان دا گیانێ خوه ژ دەست دایە و داخواز کریه، هەموو لایەن ئارام بن.
هه‌روه‌سا گۆتیه: هه‌ر ژ رۆژا 3/12 هه‌تا 9/12/2020 هەشت خوه‌نیشادەران ل سنۆرێن پارێزگه‌ها سلێمانیێ گیانێ خوه ژ دەست دایە و 54 کەسێن دی ژى بریندار بووینە.
کۆمسیۆنا مافێن مرۆڤى گۆت ژى، تۆڕێن جڤاکی یێن فێیسبووكى، ئینستیگرامى، ڤایبەرى، و سنەپچات ل سلێمانیێ هاتینە راگرتن و داخواز ژ هێزێن ئێمناهیێ و خەلکێ سلێمانیێ کریه، ئارامیا وى باژێرى رابگرن.
نيشاندان