ئه‌ڤرۆ نیوز، ھەرھین محەمەد:

رێڤەبەرێ رەگەزنامە و کاروبارێن شارستانی ل دهۆكێ دیارکر،سالا دوهزار و شازدێ دەست ب کارتا نشتیمانی ھاتیە کرن و ھەتانها پتریژ سه‌دێ سیهـ یا خەلکی کارتا نشتیمانی چێکریە و ژ سه‌دێ حه‌فتێ ماینە، ئەو ژی ژبەرڤان کاودانێن ب سەر ھەرێمێ دا ھاتین.

عمید ئیبراھیم عەگید سەدیقبۆ ئه‌ڤرۆ نیوز، كارێ چێكرنا كارتا نشتیمانى بۆ ده‌مێ ساله‌كێ یه‌ ژبه‌ر به‌لاڤبوونا په‌ژیكا كۆرۆنایێ هاتیه‌ راوه‌ستاندن، لێ بۆ هنده‌ك حاله‌تێن تایبه‌ت دهێته‌ چێكرن وه‌كو بوونا زارۆیەکێ نوو دێ ھێت تومارکەت و کارتا نشتیمانی دێ بۆ چێبیت،یان بەرزه‌بوون،یانپێکئیناناھەڤژینیێیان مرن بیت دێ چیتە دسیستەمی دا، بەلێ ھەکە ئێک بھێت بۆ جارا ئێکی چێکەت چێنابیت.

عمید ئیبراھیم گۆت ژى: دەمێ سالەکێیە كارێ چێكرنا كارتا نشتیمانى ھاتیە راوەستاندن و ئەو ل گەل عیراقێ بەردەوامن جارەکا دی دەستپێبکەنەڤە، بەلێبه‌لاڤبوونا كۆرۆنایێ دەرفەتێ نادەت، ھەتا وەزارەتا ساخلەمیێ بریارەکێ نەدەت ئه‌و نەشێن پەنجەمورێ بدەنە کاری.

ئه‌ڤرۆ نیوز، ئێقبال عومەر:

بەرپرسێ بنگەهێ سەخبێریا کارەبا شێلادزێ دیاركر، هژماره‌كا پرۆژه‌یێن کارەبێدێ ل سنۆرێ ناحیا شێلادزێ هێن بجهئینان و كۆژمێسێسه‌د و سیهـ و چارملیۆن دینار بۆهاتینه‌ ته‌رخانكرن.

سوبحی عەزیز، بەرپرسێ بنگەهێ سەخبێریا کارەبا شێلادزێ بۆ ئه‌ڤرۆ نیوزئاشكرا كر، حكومه‌تا هه‌رێما كوردستانێ بۆ ناحیا شێلادزێ ویستگەهەکاکارەبێیا موبایل ب قه‌بارێ سیهـ و سێ ل سه‌ر یازده‌ كه‌ى ڤى یا پێكهاتى ژ شه‌ش ڤه‌بڕێن كاره‌بێ،ب كۆژمێسێسه‌د و سیهـ و چار ملیۆن دیناراندابینکرینە بو گەهاندنا هێلا کارەبێ بو مالێن وەلاتیان.

سوبحی عەزیزگۆت:  دابینکرناڤی کۆژمێ پارەی بۆ کارەبا شێلادزێ دێ هه‌تا سه‌دێ هه‌شتێ ژ پێدڤیێن کارەبا خه‌لكێ شێلادزێ دابین دكه‌ت، ژبەرکو ل وەرزێ زڤستانێ بارگریانیەکا مەزن ل سەر گوهۆرکێن کارەبا شێلادزێ هەبوو، لێ ئاریشا كاره‌با نشتیمانى ب رێژه‌یا سه‌دێ بیست دێ هه‌ر مینیت، ژبەرکو ناحیا شێلادزێ پێدڤی ب ویستگەهەکا جودا هەیە ل کۆمەلگەها سیریێ بهێتە دروستکرن و هێلەکاسیهـ و سێیا کارەبێ جودا بۆ بهێتە کێشان داکو بارگرانی ل سەرڤێ ویستگەهێ راببیت و کێشا کارەبا شێلادزێ چارە ببیت. بەرپرسێ بنگەهێ سەخبێریا کارەبا شێلادزێدیارکر،پتر ژ دوسه‌د و چل ستوونێن کارەبێ و پازده‌ گوهۆرك ل پتریا تاخێن شێلادزێ و کۆمەلگەها سیریێ و گوندێن سەر ب ناحیا ناڤبریڤە دێ دێ هێنە دانان.

گۆت ژى: پشكه‌كا وەلاتیان ئاستەنگان بۆ کارێواندروست دکەنو رێکێ نادەن ل راستا مالێن وان و دوکانێن وان ستوونێن کارەبێ دانن و هاریکار نینن دگەلوان دا، هەروەسائاریشا نه‌بوونا ترۆمبێله‌كێ بۆ کاری هه‌یه‌ ژبه‌ركو کارمەندێنوان ب ترۆمبێلێن خوەیێن تایبەت د چنە سەر کاری، کارمەندێنوانیێن کاریژى دکێمنو هیڤیى خواستن هەموو کێشێنوان بهێنە چارەکرن.