ئه‌ڤرۆ نیوز:
لگۆری دوماهی ئامارێن ل سه‌ر توشبوویێن كورونایێ ل جیهانێ، نێزیكی 28 ملیۆن و 362 هزار توشبوو ژ كورونایێ ساخ بوون.
لگوری نووترین ئامارێن هاتینه به‌لاڤكرن سه‌ر توشبوویێن ڤایرۆسێ كورونایێ ل سه‌ر ئاستێ جیهانێ زێده‌تری 37 ملیۆن و 755 هزار و توشبوویێن ڤایرۆسێ كورونایێ هاتینه توماركرن.
هه‌ر لگۆری ئه‌وێ ئامارا هاتیه راگه‌هاندن، نیزیكی 28 ملیۆن و 362 هزار توشبوویێن كورونایێ ساخ بووینه، ملیۆنه‌ك و 82 هزار كه‌سان ژی ب ڤایرۆسێ كورونایێ گیانێ خوه ژ ده‌ست دایه.
ئەڤرۆ نیوز:
پارێزگارێ دهۆكێ پێشوازیا شیرەتکارێ ئاسایشا نیشتیمانی ل عیراقا فیدرال كر و به‌رهه‌ڤى به‌هیا خودێ ژێ رازى بابه شێخ ل قه‌زا شێخان بوون
ئه‌ڤرو سپێدێ 4-10-2020 د.على ته‌ته‌ر پارێزگارێ دهۆكێ ب ئاماده‌بونا على خه‌لیل به‌رپرسێ لقێ 14 ل موسل وقایمقامێ قه‌زا شێخان پێشوازیا به‌رێزان قاسم ئه‌لئعه‌رجى شیرەتکارێ ئاسایشا نیشتیمانی ل عیراقا فیدرال ونه‌جم جبورى پارێزگارێ نه‌ینه‌وا و شاندێ دگه‌لدا كر .
پاش ل هۆلا هه‌لكه‌فتا ل قه‌زا شێخان به‌رهه‌ڤى رێ ورسمێن به‌هیا خودێ ژێ رازى بابه شێخ بوون.
شیرەتکارێ ئاسایشا نیشتیمانی ل حكومه‌تا عیراقا فیدرال بناڤێ خو وسه‌روك وه‌زیرێن عیراقێ سه‌ره‌خوشیێن خو گه‌هاندنه مالباتا بابه شێخ وجڤاتا روحانیا ئێزدیان وخواست خودێ سه‌بر وهه‌دارێ ب ده‌ته هه‌موویان وجهێ ره‌حمه‌تى بكه‌ته به‌هه‌شتا به‌رین .
هه‌روه‌سا گوت: مرنا بابه‌شێخ خوساره‌تییه‌كا مه‌زنبوو بۆ هه‌موو خه‌لكێ عیراقێ و هه‌رێما كوردستانێ چونكو بابه‌شێخ مروڤه‌كێ خێرخاز وجامێر بوو هه‌رده‌م داكوكى ل برایه‌تى وپێكڤه ژیانێ دكر.
هه‌روه‌سا سوپاسیا حكومه‌تا هه‌رێما كوردستانێ وپارێزگه‌رێ دهۆكێ وپارێزگاڕێ نه‌ینه‌وا وهه‌موو سازیێن حزبى وحكومى ل ده‌ڤه‌رێ كر بو رێ رسمێن پێشوازیكرن وپشكداریكرنێ دبه‌هیا بابه شێخى دا کرن.
ئه‌ڤرۆ نیوز:
وه‌زاره‌تا خاندنا بلند و ڤه‌كۆلێنێ زانستی سه‌ركه‌فتیێن قوناغا دوازدێ یا ئاماده‌ی ئاگه‌هدار دكه‌ن، كۆ دڤێ هه‌فتیی دا په‌یڤا تێپه‌ر و نهێنی و یوزه‌رنیمی ژ خاندنگه‌هێن خوه وه‌ربگرن.
عه‌باس ئه‌كره‌م په‌یڤدارێ وه‌زاره‌تا خاندنا بلند و ڤه‌كۆلینێن زانستی راگه‌هاند پشتی بزاڤێن رێڤه‌به‌راتیا گشتی یا خاندن و پلاندانان و دووڤچوونێ ل وه‌زاره‌تێ و ناڤه‌ندا وه‌رگرتنا قوتابیان، په‌یڤا تێپه‌ر و پاسوه‌رد و یوزه‌رنێم بۆ ته‌ڤایا سه‌ركه‌فتیێن دوازدێ ئاماده‌یی هاتینه به‌رهه‌ڤكرن و ره‌وانه‌ی وه‌زاره‌تا په‌روه‌ردێ ژی هاتینه‌كرن.
په‌یڤدارێ وه‌زاره‌تا خاندنا بلند و ڤه‌كۆلیننێن زانستی راگه‌هاند د ئه‌ڤێ هه‌فتیێ دا دشێن سه‌ره‌دانا خاندنگه‌هێن خو بكه‌ن بۆ وه‌رگرتنا په‌یڤا تێپه‌ر و پاسوه‌رد و یوزه‌رنێمی ژبوی بشێن زانكۆلاینێ تژی بكه‌ت.
عه‌باس ئه‌كره‌م په‌یڤدارێ وه‌زاره‌تا خاندنا بلند و ڤه‌كۆلینێن زانستی ئه‌و چه‌نده ژی دازانین ل چه‌ند رۆژێن بهێت زانكۆلاین بۆ سه‌ركه‌فتیان دێ كارا بیت و به‌ری كاراكرنێ ژی راگه‌هاندنه‌كێ ل سه‌ر هیرده‌كاریێن وێ بۆ سه‌ركه‌فتیان دیار كه‌ین.
ئه‌ڤرۆ نیوز:
وه‌زیرێ ده‌رڤه‌یێ عیراقێ راگه‌هاند ڤه‌كێشانا ئه‌مریكا ژ عیراقێ دێ ئه‌نجامێن خراپ دیڤ خوه ئینیت.
وه‌زیرێ ده‌رڤه‌یێ ئه‌مریكا و عیراقێ شرۆڤه‌یا بریارا واشنتونێ بۆ ڤه‌كێشانا بالوزخانه‌یا ئه‌مریكا ژ به‌غدا دكه‌ن و دانوستاندنی ل سه‌ر ئه‌وان رێكاران دكه‌ن، كۆ حوكمه‌تا عیراقێ بۆ رێگرتن ژ دووباره‌نه‌بوونا هێرشێن بۆ سه‌ر بالیوزخانه‌یا ئه‌مریكا دێ بكار ئینیت.
وه‌زاره‌تا ده‌رڤه‌یا عیراقێ د به‌یاننامه‌یه‌كێ دا راگه‌هاند فوئاد حسێن وه‌زیرێ ده‌رڤه‌یێ عیراقێ دلته‌نگیا خو ژ بریارا ڤه‌كێشانا بالیوزخانه‌یا ئه‌مریكا ده‌ربریه و ئه‌نجامێن خراپ دێ دیڤ ئه‌وێ بریارێ دا هێن، حوكمه‌تا عیراقێ چه‌ندین رێكارێن ئه‌منی و سیاسی و دیپلوماسی بكار ئیناینه بۆ رێگرتن و راوه‌ستاندنا هێرشان بۆ سه‌ر ده‌ڤه‌را سه‌وز و فرۆكخانه‌یێ و سوز ژی دایه ل ده‌مه‌كێ زۆر نێزیك ئه‌نجامێن ئه‌وان ریكاران ده‌ربكه‌ڤن.
وه‌زیرێ ده‌رڤه‌یێ ئه‌مریكا سوزدا د هه‌ر بریاره‌كێ دا دوماهی پێشهاتان شرۆڤه بكه‌ن وهه‌بوونا په‌یوه‌ندیه‌كا باش ل گه‌ل عیراقێ بگرنگ دزانین هه‌موئه‌گه‌رێن بهێت یێن بالیوزخانه‌یێ ل گه‌ل وه‌زیرێ ده‌رڤه‌یێ عیراقێ دێ دانوستاندنێ كه‌ین.
ئه‌ڤرۆ نیوز:
رێبه‌رێ ره‌وتا سه‌در راگه‌هاند پێدڤیه خونیشاندانێن چاڤه‌رێكری به‌ری هه‌لبژارتنێن پێش وه‌خت بكه‌ین.
موقته‌دا سه‌در رێبه‌رێ ره‌وتا سه‌در راگه‌هاند چار داخازیان د ئێخینه ریی بۆ چاره‌كرنا ره‌وشا عیراقێ، داخازیێن مه ژی ئه‌ڤه‌نه هه‌لبژارتنێن پێش وه‌خت ب سه‌رپه‌رشتیا نه‌ته‌وه‌یێن ئێكگرتی دا بن، ل نێزیكترین ده‌م دا حزمه‌تگۆزاری بۆ گه‌لێن عیراقێ بهێنه دابینكرن، لێپرسین ل گه‌ل گه‌نده‌لكاران و ئه‌ڤێن ژ یاسایێ ده‌ركه‌تین و هێرشكرینه سه‌ر خونیشانده‌رێن سالا 2019 تا نوكه بهێته‌كرن، هه‌كه ئه‌ڤ داخوازیه نه‌هێنه بجهكرن ئه‌ڤه ب رامانا به‌رزه‌بوونا عیراقێ یه.
ئه‌ڤ گوتنێن رێبه‌رێ سه‌در د ده‌مه‌كی دایه ره‌وشا عیراقێ د قوناغه‌كا ئالوزا سیاسی و ئه‌منی و ئابووری دایه هنده‌ك ژ چاڤدێرێن سیاسی د وێ هزرێ دانه هه‌لبژارتنێن پێش وه‌خت چاره‌سه‌ریا ره‌وشا عیراقێ ناكه‌ت.
ئه‌ڤرۆ نیوز:
سه‌رۆكا په‌رله‌مانێ كوردستانێ، بانگهێشتا ئه‌ندامێن په‌رله‌مانێ كوردستانێ دكه‌ت بۆ به‌رهه‌ڤ بوون ل رینشتنا ژماره 8 یا ئاسایی یا خۆلا پائیزی سالا دوێ ل خۆلا هه‌لبژارتنێن پێنجێ یا په‌رله‌مانێ كوردستانێ، كۆ بریاره برێڤه بچیت.
لگۆری كارنامه‌یا كاری رینشتنێ یا سه‌رۆكاتیا په‌رله‌مانێ كوردستانێ به‌لاڤكری، رینشتنا په‌رله‌مانێ كوردستانێ ل ده‌مژمێر 10 سپێده‌هیا رۆژا 5/10/2020 برێڤه چیت، كو مه‌سرور بارزانی سه‌رۆكێ حوكمه‌تا هه‌رێما كوردستانێ و جێگرێ وی قوباد تاله‌بانی و ئاواتێ شیخ جه‌ناب وه‌زیرێ دارایی و ئابووری به‌رهه‌ڤی رینشتنا په‌رله‌مانی دبن و تێدا ئه‌ڤ ته‌وه‌ره دهێنه به‌حسكرن، كۆ پێنگاڤێن بجهكرنا پرۆسیا چاكسازیێ ل كابینا نویا حوكمه‌تا هه‌رێما كوردستانێ و تایبه‌تی پێنگاڤێن بجهكرنا یاسایا چاكسازیێ ل موچه و ده‌رماله و به‌خشین و ئیمتیازات و خانه‌نشینیێن هه‌رێما كوردستانێ دا یا ژ ماره 2 یا سالا 2020.
ته‌وه‌رێ دویێ كارنامه‌یا رینشتنا په‌رله‌مانێ كوردستانێ ره‌وشا دارای یا هه‌رێما كوردستانێ و پارڤه‌كرنا موچه‌ییه ته‌وه‌رێ سیێ دانوستاندنێن ل گه‌ل حوكمه‌تا عیراقێ و ته‌وه‌رێ چارێ ژی ره‌وشا ده‌ڤه‌رێن كوردستانیێن ده‌رڤه‌ی ئیداره‌یا هه‌رێمێ، هنگاڤێن به‌رهنگاربوونا ڤایرۆسێ كورونایێ.
ئه‌ڤرۆ نیوز:
جه‌واد موسه‌وی بریارده‌رێ شانه‌یێن به‌رهنگاربوونا كورونایێ ل جڤاتا نوونه‌رێن عیراقێ راگه‌هاند ل هه‌یڤا 10 و 11 دێ پێله‌كا دژوار یا ڤایرۆسێ كورونایێ ل عیراقێ سه‌رهلده‌ت، ره‌نگه د ئه‌وان دو هه‌یڤان دا ژماره‌یا توشبوویێن ڤایرۆسێ كورونایێ بۆ 10 هه‌تا 20 هزار كه‌سان بلند بیت و ئه‌ڤه ژی ژماره‌یه‌كا زۆره.
بریارده‌رێ شانه‌یا به‌رهنگاربوونا كورونایێ ل جڤاتا نوونه‌رێن عیراقێ ئه‌و چه‌نده ژی راگه‌هاند بۆ دانوستاندن ل سه‌ر پێشهاتێن په‌یوه‌ندیدار ب ڤایرۆسێ كورونایێ، میڤانداریا حه‌سه‌ن ته‌میمی وه‌زیرێ ساخله‌میێ كریه.
ناڤبری ئه‌و چه‌نده ژی دیاركر ل كۆمبوونا شانه‌یێن به‌رهنگاربوونا كورونایێ و وه‌زیرێ ساخله‌میێ هه‌ردولا رژدن ل سه‌ر سه‌پاندنا رێكارێن خوپارێزیێ و قه‌ده‌غه‌یا هاتنوچونا ته‌مام هه‌كه ژماره‌یا رۆژێن توشبوویان زۆرتر بیت و دشیانێن وه‌زاره‌تێ دا نه‌بن.
ئه‌ڤرۆ نیوز:
وه‌زاره‌تا ساخله‌میا حوكمه‌تا هه‌رێما كوردستانێ ئامارا نوو یا ڤایرۆسێ كورونایێ به‌لاڤكر و تێدا هاتیه ل 24 ده‌مژمێرێن بوری سێ كه‌سان گیانێ خوه ژ ده‌ست دایه ب ئه‌گه‌رێ كورونایێ.
لگۆری راگه‌هاندنا وه‌زاره‌تا ساخله‌میێ ل 24 ده‌مژمێرێن بوری 4979 پشكنینێن نوو هاتینه‌كرن، كو 1932 ل هه‌ولێرێ و 758 سلێمانیێ و 168 گه‌رمیان و 2085 دهۆك و 36 ل هه‌له‌بجه هاتینه‌كرن.
د راگه‌هاندنا وه‌زاره‌تا ساخله‌میێ دا هاتیه ژی ئه‌و كه‌سێن توشی ڤایرۆسی بووین 673 كه‌سن كۆ ل 297 ل هه‌ولێرێ و 92 ل سلێمانێ و 28 گه‌رمیان و 224 دهۆك و 32 هه‌له‌بجه.
وه‌زاره‌تا ساخله‌میا هه‌رێمێ ئه‌و چه‌نده ژی دیاركریه كو كه‌سێن ژ كورونایێ ساخبوین 430 كه‌سبوون و 197 ل هه‌ولێرێ و 21 ل سلیمانێ و 26 گه‌رمیان و 159 ل دهۆكێ و 27 ل هه‌له‌بجه.
توشبوویێن ب ڤایرۆسێ كورونایێ مرین ل 24 ده‌مژمێرێن بوری دا 24 كه‌سن، 5 ل هه‌ولێرێ و 10 ل سلیمانێ و 1 گه‌رمیان و 8 ل دهۆكێ.
ئه‌ڤرۆ نیوز:
وه‌زاه‌تا ناڤخویا حوكمه‌تا هه‌رێما كوردستانێ مه‌رجێن ئینانا ترۆمبێلان دیار دكه‌ت.
لگۆری نڤیساره‌كا وه‌زاره‌تا ناڤخۆیا حوكمه‌تا هه‌رێما كوردستانێ تێدا هاتیه، ترۆمبێل دڤێت ب كێماتی دو ئێرباكێن شوفێری و ته‌نشت شوفێری و سیسته‌مێ ABS هه‌بن و دڤێت ژ 100 كیلۆمه‌تران زێده‌تر نه چوو بیت و ده‌مێ دگه‌هته خالێن توخیبی یێن هه‌رێمێ.
لگۆری ئه‌وێ نڤیسارێ كو تێدا هاتیه دیاركرن، دڤێت باوه‌رنامه‌یا COC ل گه‌ل بیت، دبیت ل خالێن توخیبی ژلایێ كۆمپانیێن كوالیتی و باوه‌رنامه‌یا COC پێ هێته دان، هه‌روه‌سا ترۆمبێلا ژ جورێ پاس ژ 14 نه‌فه‌ری به‌ره‌ڤ سه‌ری بیت و مه‌رج نینه ئێرباك هه‌بن.
هه‌ر لگۆری نڤیسارا وه‌زاره‌تا ناڤخو، ترۆمبێلا كلاسیك دڤێت ب كێماتی 40 سال ده‌رباس بن ب سه‌ر درۆستكرنا وێ و پاشی توماركرنا وێ چ كرین و فرۆتن پێڤه ناهێنه‌كرن، ئینانا ترۆمبێلێن كه‌ڤن د ده‌سه‌لاتا وه‌زیرێ ناڤخو و وه‌زاره‌تا دارایی دایه كار ب چ نڤیساره‌كێ ناهێته‌كرن هه‌كه ئیمزایا وه‌زیرێ ناڤخو ل سه‌ر نه‌بیت.
ئه‌ڤرۆ نیوز:
هێزێن عیراقێ ده‌ست ب ئوپراسیونه‌كا سه‌ربازی ل دژی چه‌كدارێن رێكخراوا تیرۆریستی یا داعشێ ل باكورێ به‌غدا كر.
شانه‌یا راگه‌هاندنا ئه‌منی د به‌یاننامه‌یه‌كێ دا راگه‌هاند ئوپراسیونه‌ك سپێده‌هیا ئه‌ڤرۆ ل دولا سه‌رسار ل توخیبێ پارێزگه‌ها سه‌لاحه‌دین ل باكورێ به‌غدا ده‌ستپێكر.
دئه‌وێ ئوپراسیونێ دا ژبلی فه‌رمانده‌یێ ئوپراسیونێن سه‌لاحه‌دین و رۆژئاڤایێ نه‌ینه‌وا و جه‌زیره‌یا سوپای عیراقێ و پولیسێن سه‌لاحه‌دین پشكداریێ تێدا دكه‌ن.
هه‌ر د ئه‌وێ راگه‌هاندنێ دا هاتیه ئوپراسیون بۆ كوشتن و گرتن و ژناڤبرنا چه‌كدارێن داعشێ یه ل ده‌ڤه‌رێ.
نيشاندان