ئه‌ڤرۆ نیوز:
ئه‌ڤرۆ ل سلێمانێ توشبوویه‌كێ دی یی كورونایێ گیانێ خو ژ ده‌ست دا.
توشبوویه‌كێ دی یێ كورونایێ گیانێ خو ژ ده‌ست دا
نووترين نووچه
- سەرۆك بارزانی وقونسلێ ئوردنێ دۆستاتییا د ناڤبەرا كوردستانێ و ئوردنێ دا گەنگەشەكر
- تێكگەهشتنا هەڤپشك یا هەموو ئالیان تاكە رێكە بۆ ئارامیا رۆژهەلاتا ناڤین
- سەرۆكێ هەرێما كوردستانێ سەرەخوەشیێ ل عەبدوللا حەسەن زادە دكەت
- دەستهەلاتدارێن بەغدا یاریان ب قووت و هەستێ خەلكێ كوردستانێ دكەن
- سەرۆكێ نوونەراتییا حوكمەتا هەرێمێ ل بەغدا سەرەدانا بالیۆزخانەیا رووسیا كر
- سیاسەتا هەرێمێ ل شەڕێ دەڤەرێ یا رێزلێگرتی بوو
- پێشوازی ل قونسلێن ئوردنێ و هندستانێ ل هەولێرێ كر
- دیپلۆماسییا كوردستانێ ئەم ژ چریسكێن شەڕێ ئیرانێ و ئیسرائیلێ پاراستین
- بڕیارا راگرتنا مووچەیێن هەرێما كوردستانێ هەلوەشینە
- ئیراق هێزەكا مەزن ل دەوروبەرێن بنگەهێ (عەینولئەسد) یێ لەشكرێ ئەمریكی بەلاڤ دكەت
naci bedel
26 توشبوویێن دی ل پاریزگه‌ها هه‌ولێرێ هاتنه توماركرن
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانی د راگه‌هاندنه‌كێ دا به‌لاڤكریه، د به‌رده‌وامیا پشكنین و لێگه‌ریان و دووڤچوونا گۆمانلێكریان، 26 توشبوویێن دی ب ڤایرۆسێ كورونایێ كوڤید 19 ل پارێزگه‌ها هه‌ولێری هاتنه ده‌ست نیشانكرن، 25 توشبوو زه‌لامن و ئێك ژی زارۆكه، به‌ركه‌تیێن توشبوویێن به‌ری نوكه بووینه.
د راگه‌هاندنا وه‌زاره‌تا ساخله‌میا حكوه‌تا هه‌ریما كوردستانێ دا هاتیه كۆ هه‌موو توشبوو ئاكنجیێن قه‌زا كویێ نه ل تاخێن چوارچرا و فیدرالی و كه‌كون و بایز ئاغا و راپه‌رین و ئازادی و دلدارن.
ل به‌غدا پێشانگه‌ها نێڤ ده‌وله‌تی بۆ توشبوویێن كورونایێ دهێته ڤه‌كرن
ئه‌ڤرۆ نیوز:
وه‌زاره‌تا ساخله‌میا عیراقێ هولێن پێشانگه‌ها نێڤ ده‌وله‌تی یا به‌غدا بۆ توشبوویێن ڤایرۆسێ كورونایێ به‌رهه‌ڤ دكه‌ت.
ئه‌ڤرۆ 10/6/2020، د.جاسب حیجامی رێڤه‌به‌رێ فه‌رمانگه‌ها ساخله‌میا كه‌رخ ل به‌غدا راگه‌هاند فه‌رمانگه‌ها وی پلانه‌كا گشتگیر بۆ كونترولكرنا زۆریا ژماره‌یا توشبوویێن ڤایرۆسێ كورونا دانایه.
جاسب حیجامی ئه‌و چه‌نده ژی راگه‌هاند ده‌ست ب به‌رهه‌ڤكرن و دانانا 300 ته‌ختان ل هولێن پێشانگه‌ها نێڤ ده‌وله‌تی یا به‌غدا كرینه، بۆ ل خوگرتنا توشبوویێن كورونایێ.
رێڤه‌به‌رێ فه‌رمانگه‌ها ساخله‌میا كه‌رخ ئه‌و چه‌نده ژی دازانین هه‌كه ل رۆژێن بهێت ژماره‌یا توشبوویێن كورونایێ ل به‌غدا زۆر بوو نه‌خوشخانه‌یان جه بۆ وه‌رگرتنا نه‌خوشیێن زێده‌تر نامینیت.
عیراق دێ خویكا داهاتی ژ موچه‌خوران وه‌رگریت
ئه‌ڤرۆ نیوز:
حكومه‌تا عیراقێ ده‌ست ب وه‌رگرتنا خویكا داهاتی ژ موچه‌خورێن وه‌لاتی دكه‌ت.
مه‌زهه‌ر محه‌مه‌د سالح راوێژكارێ دارایی یێ سه‌رۆك وه‌زیرێ عیراقێ راگه‌هاند یاسایا خویكا داهاتی دئه‌ڤێ هه‌یڤی كۆ هه‌یڤا 6 یا سالا 2020 ل سه‌ر موچه‌خوران هێته بجهكرن، ئه‌و خویك ل سه‌ر ته‌ڤایا ئه‌وی پاره‌یێ دهێته وه‌رگرتن كۆ موچه‌خور وه‌ردگریت نه‌ك بتنی موچه‌یێ بنه‌ره‌تی.
راوێژكارێ دارایی یێ سه‌رۆك وه‌زیرێ عیراقێ ئه‌و چه‌نده ژی راگه‌هاند: 10% بۆ 15% یا موچه‌یێ موچه‌خوران وه‌ك خویكا داهاتی بۆ خه‌زینه‌یا ده‌وله‌تێ ڤه‌دگه‌ریت.
مه‌زهه‌ر محه‌مه‌د سالح ئه‌و چه‌نده ژی دا زانین ئه‌و پێشنیارێن دی بۆ كێمكرنا موچه‌یی یان پاشه‌كه‌وتی هاته هه‌لوه‌شاندن و بریار هاته دان ل شوونا كێمكرنێ یان پاشه‌كه‌وتكرنێ، خویكا داهاتی ژ ئه‌وان موچه‌خورێن موچه‌یی وان ژ 500 هزار دیناران زێده‌تره وه‌ر بگرن.
قه‌زا چومان ب ته‌ڤایی دهێته پشكنینكرن
ئه‌ڤرۆ نیوز:
رێڤه‌به‌رێ ساخله‌میا هه‌ولێرێ: قه‌زا چومان و ناحیا حاجی عومران هاتینه گرتن و رێكارێن ساخله‌میا پشكنینا ڤایرۆسێ كورنایێ تێدا دهێته ئه‌نجام دان.
د.دلوڤان محه‌مه‌د رێڤه‌به‌رێ گشتی یێ ساخله‌میا هه‌ولێرێ راگه‌هاند پشتی دهی 20 توشبوویێن ڤایرۆسێ كورونایێ ل قه‌زا چومان هاتینه توماركرن، ئه‌ڤرۆ تیمێن مه گه‌هشتینه ئه‌وێ قه‌زایێ و چه‌ند تیمه‌كێن پشكنینێ ب چری سه‌ره‌دانا هه‌موو جهان كه‌ن، قه‌زا دێ ب گرتی و هاتنوچونا بۆ ده‌رڤه‌ی قه‌زایێ هاتیه راوه‌ستاندن هه‌تا ئه‌و پشكنین ب دوماهی بهێن، زێده‌باری ئه‌وان رێكارێن خوپارێزیێ لڤینێن بازرگانێ ل خالا توخیبیا حاجی عومران دێ به‌رده‌وام بن ب ئه‌وان كارێن خوپارێزیێ.
رێڤه‌به‌رێ گشتی یێ ساخله‌میا هه‌ولێرێ ئه‌و چه‌نده ژی راگه‌هاند ژ ئه‌وی ده‌مێ هێسانكاری بۆ هاتنوچونێ هاتینه كرن و خه‌لك دشێن هاتنوچونێ بكه‌ن، به‌ركه‌تیێن زۆر هه‌نه ل ئێك جهـ، ل چومانێ و حاجی عومران ئه‌وێن هاتینه توماركرن، هه‌ر ل وێرێ ژی رێكارێن چاره‌سه‌ریێ بۆ ئه‌وان دهێنه دابینكرن دبیت ل ئه‌وێ قه‌زایێ زێده‌تر به‌ركه‌تی و توشبوو هه‌بن، دڤێت دیڤ بگه‌رین بۆ چاره‌سه‌ركرنێ.
رێڤه‌به‌رێ گشتی یێ ساخله‌میا هه‌ولێرێ ئه‌و چه‌نده ژی دازانین زۆر بوونا توشبوویان ل هه‌ولێری ب ڤایرۆسێ كورونایێ نه‌پێگیربوونا وه‌لاتیانه ب رێنمایێن ساخله‌میێ و لبه‌رچاڤ نه‌گرتنا رێكارێن خۆپارێزیا ساخله‌میێ.
كولی زیان ب به‌رهه‌مێ جۆتیارێن ئه‌ترۆش گه‌هاندیه
ئه‌ڤرۆ نیوز،بارزان مزووری:
ل سنورێ ناحیا ئه‌ترۆش جوره‌كێ”كولی” زیانێن مه‌زن گه‌هاندینه جۆتیارێن ده‌ڤه‌رێ به‌رهه‌مێ وان یێ ئه‌ڤ سال یێ گوندۆر و تروزیا ب ئێكجاری ژناڤبریه.
سلێمان ئه‌مین،ئێك ژ جۆتیارێن گوندێ مێرسیدا سه‌ر ب ناحیا ئه‌ترۆش بۆ ئه‌ڤرۆ نیوز گۆت:ئه‌ڤه بۆ ئێكه‌م ساله ئه‌ڤ جورێ كولی دهێته دیتن ل ده‌ڤه‌رێ ره‌نگێ وی یێ “ره‌شه”هه‌ر جهه‌كێ لێ داده‌ت ژ وی جهی ناچن هه‌تا ئه‌و جهه‌ك بهێته ناڤبرن ئه‌ڤ كولیه ل دوماهیا هه‌یڤا ره‌مه‌زانێ ده‌ركه‌فتیه ئه‌و به‌رهه‌مێ ئه‌ڤ سال یێ گوندۆر و ترۆزیا سه‌دان دونه‌م یێن ناڤبرین.
ناڤهاتی خویاكر دوو جاران ب ئامیرێن ره‌شاندنێ ره‌شاندیه به‌لێ یا بێ مفا بوویه رۆژ ب رۆژێ رێژا وان زێده‌تر لێ دهێت ئه‌و به‌رهه‌مێ هاتیه چاندن ل سه‌ر عه‌ردی را بریه،ژبلی به‌رهه‌مێ جۆتیاران به‌لگێن چلی و داروباری تێكداینه ئه‌گه‌ر بڤی شێوه‌ی بیت ئه‌ڤ سال جۆتیار دێ توشی زه‌ره‌رێن مه‌زن بن.
عومه‌ر حسێن،به‌رپرسێ هوبا چاندنێ ل ئه‌ترۆش بۆ ئه‌ڤرۆ نیوز گۆت:ئه‌و جۆتیارێن مه به‌ری نها ده‌رمانێ كوشتنا سنكی دایه وان ئه‌و دشێن وی ده‌رمانی بكاربینن بۆ كوشتنا ڤی جورێ كولی ژبه‌ركۆ كولیه‌ك مه‌ترسیه بۆ ده‌ڤه‌رێ، تیمێن مه یێن چاندنێ دێ سه‌ره‌دانا وان جهه‌ن كه‌ن یێن كولی زیان پێ گه‌هاندی .
ژ ئەگەرەکێ نەدیار ئاگر بەردبیتە گەنمی ل خالشێ
ئەڤرۆ نیوز،عەلی حاجی :
بەرپرسێ راگەهاندنا بەرەڤانیا باژێرێ ل دهوکێ بۆ ئەڤرۆ نیوز دیار کر ل دەمژمێر ١٠:٥ێ خولەکێ سپێدێ ژ ئەگەرەکێ نەدیار ئاگر بەر دبیتە گەنمێ بەرهەمێ جۆتیارێن گۆندێ خالشێ و تیمێن مە شیان رێژەیەکا زۆر یا گەنمی ژ سوتنێ پارێزن.
زێدەتر مقەدەم بێوار عەبدولعەزیز گۆت: د وێ روودانا ئاگر بەربونێ دا کو ژبەریا تیمێن مەیێن ئاگر ڤەمراندنێ ل بەرەڤانیا باژێری ل زاخۆ بگەهنە جهێ روودانێ چەندەک ژ گەنمی سوت بوو بەلێ پشتی تیمێن مە گەهشتنە جهێ روودانێ هەر زوو شیان کونترولا وی ئاگری بکەن و رێژەیەکا زقر ژ گەنمێ بەرهەمێ جوتیارێن گوندێ خالشێ ژ سوتنێ پارێزن و هەتا نوکە ئەگەرێن وی ئاگر بەربونێ نەهاتینە زانین بەلێ سالانە ل وی گوندی رێژەیەکا زوە یا ئاگر بەربونێ دروست دبن ژ ئەگەري هەبونا پێش پەلەخەکێ زور ل وی گوندی لەورا تیمێن مە هەمی دەمان د ڤان مەهان دا بەرهەڤن بۆ هەر روودانەکا ئاگر بەربونێ .
ده‌رمانێن چاندنێ ب سه‌ر جۆتیارێن دێره‌لۆك دا دهێنه پارڤه‌كرن
ئه‌ڤرۆ نیوز، مه‌حمود نهێلى:
به‌رپرسێ هوبا چاندنا دێره‌لۆك بۆ ئه‌ڤرۆ نیوز دیاركر، ژبۆ پتر هاریكاریا جۆتیاران و پێشڤه‌برنا كه‌رتێ چاندنێ ل ده‌ڤه‌رێ ئه‌وان ده‌ست ب دابه‌شكرنا ده‌رمانێن چاندنێ كریه ل سنورێ ناحیا دێره‌لۆك و شێلادزێ.
ئه‌ندازیار عسمه‌ت ئیبراهیم به‌رپرسێ هوبا چاندنا دێره‌لۆك ئاشكرا ژى كر، كو ئه‌ڤ ده‌رمانه یێ دژى كرم و كێزانه و ب نیڤ بها ب سه‌ر جۆتیاران دا دهێته دابه‌شكرن و گۆت : ژى هه‌ر جوتیاره‌ك ل دیڤ روبه‌رێ ئه‌ردى و هه‌بوونا داروبارى دشێت ڤى ده‌رمانى ده‌رمانى وه‌گریت .
ته‌كز ژى كر، كه مه‌به‌ست ژ ڤان جوره هاریكاریان بو جوتیارى هاندنا وانایه بۆ پێشڤه‌برنا كه‌رتى چاندنێ ل ده‌ڤه‌رێ.
چه‌مچه‌مال: 10 كه‌سێن دی توشی ڤایرۆسێ كورونایێ بوون
ئه‌ڤرۆ نیوز:
رێڤه‌به‌رێ ساخله‌میا چه‌مچه‌مال د راگه‌هاندنه‌كێ دا به‌لاڤكریه ل قه‌زا چه‌مچه‌مال ل توخیبێ پارێزگه‌ها سلیمانیێ 10 كه‌سێن دی توشی ڤایرۆسێ كورونایێ بوون.
ئه‌ڤرۆ 9/6/2020 ساخله‌میا چه‌مچه‌مال د راگه‌هاندنه‌كێ دا كو د.فه‌رهاد محه‌مه‌د مسته‌فا رێڤه‌به‌رێ ساخله‌میا چه‌مچه‌مال دیاركریه د به‌رده‌وامیا پشكنین و لێگه‌ریانێ ل دووڤ گۆمانلێكریێن ڤایرۆسێ كورونایێ ل توخیبێ قه‌زا چه‌مچه‌مال 10 توشبوویێن كورونایێ هاته ده‌ست نیشانكرن.
د.فه‌رهاد محه‌مه‌د مسته‌فا رێڤه‌به‌رێ ساخله‌میا چه‌مچه‌مال ئه‌و چه‌نده ژی دیاركریه پێنج توشبوو زه‌لامن و دو ئافره‌ت و كچه‌كا گه‌نج و دو زارۆك بوون، ته‌ڤایا وان ئاكنجیێن ناڤ چه‌مچه‌مالن و حه‌فت توشبوو به‌ركه‌تیێن توشبوویێن به‌ری نوكه بوون.
رێكخراوا ساخله‌میا جیهانێ:ب گشتی ره‌وشه‌كا به‌ره‌ڤ خرابوونێ ڤه دچیت
ئه‌ڤرۆ نیوز:
رێكخراوا ساخله‌میا جیهانێ هوشداریا ئه‌وێ چه‌ندێ دا ژ ره‌وشا جیهانێ ب گشتی هه‌مبه‌ر ڤایرۆٍسێ كورونایێ و ئه‌ڤ چه‌نده دێ به‌ره‌ڤ خراپتر چیت ب تایبه‌ت ل هه‌ردو كیشوه‌رێن ئه‌مریكا باكور و باشوور.
تیدروس ئه‌دهانوم ریڤه‌به‌رێ گشتی یێ رێكخراوا ساخله‌میا جیهانێ راگه‌هاند: هه‌ر چه‌نده ره‌وشا ئه‌ورۆپا ژ روویێ ڤایرۆسێ كورونایێ به‌ره‌ڤ باشبوونێ ڤه دچیت، به‌لی گشتی هه‌موو جیهان ب گشتی به‌ره‌ڤ ره‌وشه‌كا خرابڤه دچیت، تایبه‌ت ره‌وشا هه‌ردو كیشوه‌رێن ئه‌مریكا باكور و باشوور كۆ نوكه بوونه جهی به‌لاڤبوونا ڤایرۆسی، د 24 ده‌ژمێرێن بوری دا ل هه‌ردو كیشوه‌رێن ئه‌مریكا زۆرترین ژماره‌یا توشبوویان د رۆژی دا هاتیه توماركرن.
رێكخراوا ساخله‌میا جیهانی هوشداریا ئه‌وێ چه‌ندێ دده‌ت كۆ خونیشاندانین ل ئه‌مریكا برێڤه دچن رێنمایێن ساخله‌میێ بكار بینن هه‌كه دێ ژماره‌یا توشبوونێ زێده بیت .
نيشاندان
WP Facebook Auto Publish Powered By : XYZScripts.com