ئه‌ڤرۆ نیوز:
حكومه‌تا چینێ بریار دا رێ ب هاتن و چوونا گه‌شتكرنێن ئاسمانی بهێته دان، پشتی ده‌مه‌ك كورت ئه‌مریكا رێ ل فرۆكه‌ییتن چینێ گرت ژبۆ گه‌شتكرنێ بچنه ئه‌مریكا.
ئیداره‌یا فرۆكه‌ڤانیا سڤیل ل چینێ راگه‌هاند فرۆكه‌یێن بیانی دشێن و ده‌ستویرداینه كۆ ژنها پێدا هێسانكاری بۆ دهێنه‌كرن سه‌ره‌دانا چینێ بكه‌ن.
سەرۆك کۆمارێ ئه‌مریکا دۆنالد تره‌مپ بریارا قەدەغە کرنا فرۆكه‌یێن چینێ ژ ١٦ێ حزیرانێ بۆ ئه‌مریكا، فشارێ ل پەکینێ دکەت دا کو رێ بدەنه كۆمپانیێن ئه‌مریکی ژی کو گەشتێن خۆ بۆ چینێ بكه‌ن.
ئه‌ڤرۆ نیوز:
حكومه‌تا ئیماراتێ ژبوی ڤه‌ژاندنا بیاڤێ كه‌رتێ گه‌شتیاری و فرۆكه‌ڤانیێ كو ئیدێ گه‌شت ل باله‌فرخانه‌یێن ئیماراتێ ده‌ست ب كار بن.
حكومه‌تا ئیماراتێ پشتی بورینا چه‌ندین رۆژێن راوه‌ستاندنا بیاڤێ فرۆكه ڤانیێ و گه‌شتكرنێ بریار دا ده‌ست بكار بن ڤه‌ژاندنه‌كا نوو دبیت بۆ بیاڤێ كه‌رتێ گه‌شتیاریێ.
هه‌روه‌سا حكومه‌تا ئیماراتێ راگه‌هاند پشتی ژ هه‌یڤا ئادارێ ڤه گه‌شت هاتبونه راوه‌ستاندن دێ ژنها پێدا ده‌ست بكار بن.
ئه‌ڤرۆ نیوز:
ره‌زا ئه‌ردكانیان وه‌زیری ووزه‌یا ئیرانێ راگه‌هاند ژبوی رێكه‌تنه‌كا نوو دبیاڤێ ووزه‌یا كاره‌بێ دێ ل گه‌ل عیراقێ ئیمزا كه‌ین، كۆ ل سالا بهێت كاره‌ب ژ ئیرانێ بهێت بۆ عیراقێ.
پێدڤیا عیراقێ ب ووزه‌یا كاره‌بێ و نه شیانێن دابینكرنا كاره‌بێ ژ ناڤخوی له‌ورا عیراق سالانه رێكه‌تنه‌كێ ل گه‌ل ئیرانێ دكه‌ت بۆ كرینا كاره‌بێ بۆ دابینكرنا كاره‌بێ بۆ وه‌لاتیان، زێده‌باری سزایێن ئه‌مریكا ل سه‌ر ئیرانێ و چه‌ندین جاران عیراق ئاگه‌هدار كریه ژ ڤه‌دیتنا ده‌رگه‌هێن دی یێن دابینكرنا ووزه‌یا كاره‌بێ بۆ عیراقێ.
دناڤبه‌را عیراقێ ئیرانێ دا چه‌ندین ریكه‌تن هه‌نه د بیخه‌مه‌تا به‌ره‌ڤ پێشڤه‌چوون و مفا وه‌رگرتن ژ شیانێن هه‌رو ئالیان بۆ به‌رژه‌وه‌ندا گشتی .
ئه‌ڤرۆنیوز:
ساخله‌میا سلێمانیێ راگه‌هاند توشبوویه‌كێ دی یێ ڤایرۆسێ كورونایێ كۆ ئاكنجیێ ناڤ باژێرێ سلیمانیێ یه گیانێ خو ژ ده‌ست دا.
د. سه‌باح هه‌ورامی رێڤه‌به‌رێ ساخله‌میا سلێمانیێ راگه‌هاند: توشبووه‌كێ دی یێ ڤایرۆسێ كورونایێ ل سلێمانێ گیانێ خو ژ ده‌ست دا كۆ ژیێ وی 53 سال بوو و ئاكنجیێ ناڤ باژێرێ سلیمانیێ یه.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه كۆ ل 24 ده‌مژمێرێن بوری دا 104 توشبوویێن كورونایێ ل هه‌رێما كوردستانێ هاتینه ده‌ست نیشانكرن.
د راگه‌هاندنا وه‌زاره‌تا ساخله‌میێ دا سه‌باره‌ت ب نه‌خوشیا ڤایرۆسی كورونا نوو كوڤید 19 ل هه‌رێما كوردستانێ رێكار به‌رده‌وامن، تاكۆ ئه‌ڤرۆ 12297 وه‌لاتی ئه‌وێن ژ ده‌رڤه‌ی وه‌لاتی ڤه‌گه‌ریاین یان ئه‌وێن تێكه‌لیا كه‌سێن نه‌خوشكری، هاتینه كه‌ره‌نتینه‌كرن، نوكه بتنێ 938 وه‌لاتی ل 33 جهێن جودا كه‌ره‌نتینه‌كرنێ دا ماینه، 181 ل هه‌ولێرێ و 61 كه‌س ل سلێمانێ و 696 كه‌س ل دهۆكێ، 11359 وه‌لاتی ژ كه‌ره‌نتینه‌كرنێ ده‌ركه‌تینه و ڤه‌گه‌ریاناڤ خێزانێن خۆ، پشتی ته‌مامكرنا 14 رۆژان ئه‌نجامێن پشكنینێن تاقیگه‌هێ بۆ هاتینه كرن و پشت راست بوینه ژی كۆ هه‌لگرێن ڤایرۆسی نین.
د راگه‌هاندنا وه‌زاره‌تا ساخله‌میێ دا هاتیه كۆ ل 24 ده‌مژمێرین بوری 1496 پشكنین هاتینه كرن، ل ته‌ڤایا هه‌رێما كوردستانێ، 608 هه‌ولێری و 534 ل سلێمانێ و 342 ل دهۆكێ، ئێك ل هه‌له‌بجه و 6 ل گه‌رمیان و ئێك ل راپه‌رین و 4 ل سوران.
د راگه‌هاندنا وه‌زاره‌تا ساخله‌میێ دا هاتیه كۆ ده‌رئه‌نجامێن توشبوویێن ڤایرۆسێ كورونایێ بڤی شیوه‌ی بوون، ل هه‌ولێرێ 6 توشبوویی، ل سلێمانی 46 توشبووی و ئیداره‌یا گه‌رمیان 6 توشبوو و ئیدارا راپه‌رین ئێك و ل پارێزگه‌ها دهۆك 52 توشبوون.
د راگه‌هاندنا ساخله‌میێ دا هاتیه كۆ ته‌ڤایا توشبوویێن ڤایرۆسێ كورونایی كوڤید 19 ل هه‌رێما كوردستانێ 849 توشبوونه، ژ وان 14 كه‌س مرینه و 434 ساخ بووینه، نوكه 401 نه‌خوش ل بن چاڤدێریێ دانه.
ئه‌ڤرۆ نیۆز، عه‌زیز هه‌ورامی:
خاوه‌ن پشكه‌كانی چاڤی لاند ئه‌مڕۆ له باخی گشتی سلێمانی كۆده‌بنه‌وه بڕیار له باره‌ی ئه‌نجامدانی خۆپێشاندانی فراوان ده‌كه‌ن، له ڕۆژانی ئاینده و مه‌ترسیی هه‌یه شاسوار چاڤی لاند له بری قه‌رزه‌كانی بیدات به حكوومه‌ت.
حكوومه‌تی هه‌رێمی كوردستان وه‌زیری دارایی ڕاسپاردووه ده‌ستبكات به وه‌رگرتنه‌وه‌ی قه‌رزه‌كانی له سه‌رمایه‌داران و شاسوار عه‌بدولواحید به‌و زیاده‌ی چووه‌ته سه‌ر قه‌رزه‌كه‌ی سه‌ری نیزیكه‌ی 100 مالیار دیناری حكوومه‌ت قه‌رزاره.
دانا محه‌ممه‌د پارێزه‌ری ڕاوێژكار و پارێزه‌ری خاوه‌ن پشكه‌كانی چاڤیلاند به ئه‌ڤرۆ نیۆزی ڕای گه‌یاند، ئه‌مڕۆ 3/6/2020 له باخی گشتی سلێمانی خاوه‌ن پشكه‌كانی چاڤی لاند كۆده‌بنه‌وه و قسه له‌سه‌ر ئه‌نجامدانی خۆپێشاندانێكی گه‌وره‌ده‌كه‌ین و دژ به‌هه‌نگاوه‌كانی شاسوارعه‌بدولواحید كه ده‌یه‌وێت چاڤی لاند له بری قه‌رزه‌كانی بداته به‌حكوومه‌ت و پشكی 10 هه‌زار هاوڵاتی بخوات.
هه‌روه‌ها گوتی:” له خۆپێشاندانه‌كه‌مان داوای ده‌ستگیركردنی شاسوار عه‌بدولواحید ده‌كه‌ین و داوا ده‌كه‌ین شاسوار ده‌سه‌ڵاتی نه‌بێت چاڤی لاند له‌بری قه‌رزه‌كانی بدات به‌حكوومه‌ت ،ده‌بێت موڵكه‌كانی تری لێ وه‌ربگیردرێت.
ئاماژه‌ی به‌وه‌شكرد:” داوا له حكوومه‌ت و په‌رله‌مان و پارێزگاری سلێمانی ده‌كه‌ین مافه‌كانمان له شاسوار عه‌بدولواحید بۆ وه‌ربگرێته‌وه، چونكه چه‌ندین ساڵه مافی 10 هه‌زار هاوڵاتی خواردووه گاڵته به ئه‌قڵی ئه‌و خه‌ڵكه ده‌كات و ئاماده‌نییه هیچ بڕه پاره‌یه‌كی قاجانزیان پێ بدات و ئێستاش پلانی هه‌یه به‌یه‌كجاره‌كی له ژێرناوی دانه‌وه‌ی له بری قه‌رز به‌ته‌واوه‌تی پاره‌كانمان بخوات.
هه‌روه‌ها ئاماژه‌ی به‌وه‌كرد:” ئێمه ساڵانه له دادگا سكاڵا دژی شاسوار عه‌بدولواحید تۆمارده‌كه‌ین داوای مافه‌كانمان ده‌كه‌ینه‌وه به‌ڵام دادگا هیچ ڕێكارێكی یاسایی ناگرێته‌به‌ر دژی.
ئه‌ڤرۆ نیوز:
وه‌زاره‌تا په‌روه‌رده‌یا حكومه‌نا هه‌رێما كوردستانێ، بریاره‌كا نو ده‌ربارێ چه‌وانیا قه‌ره‌بووكرنا قوتابیان بۆ ئه‌وان بابه‌تێن كۆ ب ئه‌گه‌رێ خۆپارێزێ ژ كورونایێ ل ناڤه‌ندێن خاندنێ نه‌هاتیه گۆتن كۆ مفایی ژێ وه‌ربگرن، ئه‌و بابه‌ت هاتنه ده‌رخستن.
وه‌واره‌تا په‌روه‌رده‌یا حكومه‌تا هه‌رێما كوردستانێ ب نفیساره‌ك ده‌رخستیه و ئیمزایا ئالان حه‌مه سه‌عید وه‌زیرێ په‌روه‌رده‌یێ ل سه‌ر و تێدا هاتیه كۆ ل كۆمبوونا جڤاتا وه‌زاره‌تا په‌روه‌رده‌یێ رۆژا 30/5/2020 ب مه‌به‌ستا پاراستنا كوالیتیا خاندنێ و فێربوونا قوتابیان ژ پروسه‌یا خاندنا سالا 2019-2020 و چه‌وانیا قه‌ره‌بووكرنا قوتابیان بۆ ئه‌وان بابه‌تێن كۆ ب ئه‌گه‌رێ خۆپارێزێ ژ كورونایێ ل ناڤه‌ندێن خاندنێ نه‌هاتیه گۆتن، جڤاتا وه‌زاره‌تا په‌روه‌رده‌یێ بریار دا:
ل ده‌ستپیكا سالا نوو یا خاندنا 2020-2021 قه‌ره‌بوویا قوتابێن بنه‌رتی و ئاماده‌یی و په‌یمانگه‌هان بهێته‌كرن.
ئەڤرۆ نیوز:
وەزارەتا ساخلەمیا هەرێمێ راگەهاند: ١٩ حالەتێن نوو یێن توشبوون ب ڤایرۆسێ کۆرۆنا یێ ل باژێرێ دهۆکێ هاتنە تۆمار کرن.
وەزارەتا ساخلەمیا ھەرێمێ راگەھاند ژی: د بەردەوامیا پشکنین و لێگەریانێ لدووڤ گۆمانلێکریان و توشبوویان ، ۱۹ توشبوویێن دی یێن ڤایرۆسێ کۆرۆنا یێ ل پارێزگەھا دھۆکێ ھاتنە دەست نیشانکرن، کو ھەشت زەلام و ھەشت ژن و سێ زارۆکن. گۆتیە ژی: هەموو توشبوویی خۆجهێن پارێزگەھا دھۆکێ نە و ھەموو بەرکەفتیێن توشبوویێن بەرێنە، هەموویان پشکداری د نانخوارنا دەواتەکێ دا کریە و توشبووینە.
ئه‌ڤرۆ نیوز:
په‌یڤدارێ حكومه‌تا هه‌رێما كوردستانێ راگه‌هاند د پێخه‌مه‌تا پاراستنا ساخله‌میا وه‌لاتیان، ل سازیێن حكومه‌تا هه‌رێما كوردستانێ كۆ پێگیرین ب به‌رده‌وامیا كارپێكرنێ ب كێمترین فه‌رمانبه‌ر تا رۆژا 6/6/2020،
د.جۆتیار عادل په‌یڤدارێ حكومه‌تا هه‌رێما كوردستانێ ئه‌و چه‌نده ژی راگه‌هاند: هه‌تا 6/6/2020 ئه‌ڤ رێكارێن دی یێن كۆ پشت به‌ستن ب هه‌لسه‌نگاندنا رینمایێن وه‌زاره‌تا ساخله‌میێ بۆ به‌رهنگاربوونا ڤایرۆسێ كورونای بخوڤه دگریت.
ئه‌ڤرۆ نیوز:
وه‌زاره‌تا چاندنێ و ژێده‌رێن ئاڤێ یا حكومه‌تا هه‌رێما كوردستانێ د راگه‌هانه‌كێ دا به‌لاڤكریه پشتی راگه‌هاندنا قه‌ده‌غه‌یا هاتنوچونێ، بوویه ئه‌گه‌رێ دروستبوونا گرفتا هاتنوچونا جۆتیاران بۆ سه‌ر ملك و پرۆژه‌یێن وان.
د راگه‌هاندنا وه‌زاره‌تا چاندنێ و ژێده‌رێن ئاڤێ یا حكومه‌تا هه‌رێما كوردستانێ دا هاتیه كۆ راپۆرته‌ك پێشكێشی جڤاتا وه‌زیران كریه بۆ هێسانكاریێن هاتنوچونێ بهێنه كرن داكۆ زیان ل به‌رهه‌مێ ناڤخۆ نه‌كه‌ڤیت.
ئه‌ڤه ژی ده‌قێ راگه‌هاندنا وه‌زاره‌تا چاندنێ و ژێده‌رێن ئاڤێ یا حكومه‌تا هه‌رێما كوردستانێ:
جۆتیار و خودانێن كه‌رتێ چاندنێ
پشتی راگه‌هاندنا قه‌ده‌غه‌یا هاتنوچونێ وه‌ك رێكارێن خۆپارێزیێ ژ ڤایرۆسێ كورونایێ كوڤید 19، ئاریشه یا هاتنوچونێ دروست بوو بۆ سه‌ر عه‌رد و ملك و پرۆژه‌ییان، ب ئه‌گه‌رێ ئه‌وێ چه‌ندێ نوكه وه‌رزێ درینێ و پێگه‌هشتنا به‌رهه‌مێ ناڤخوی یه ئه‌ڤ قه‌ده‌غه‌یه كارتێكرنه‌كا راسته‌خو ل سه‌ر به‌رهه‌می كریه .
به‌رێزان وه‌ك وه‌زاره‌تا چاندنێ راپۆرته‌ك پێشكێشی جڤاتا وه‌زیران كریه بۆ ئه‌وێ چه‌ندێ هیسانكاریێن هاتنوچونێ بهێنه‌كرن بۆ ئه‌وێ چه‌ندێ زیان ب به‌ر به‌رهه‌مێ ناڤخو نه‌كه‌ڤیت.
ل گه‌ل لایه‌نێن په‌یوه‌ندیدار مژیلی چاره‌كرنا ئاریشه‌یا هاتنوچونا جۆتیاران و خودان كارێن پرۆژێن چاندنێ نه، پاشی ژ ده‌رئه‌نجامێ چاره‌سه‌ریا ئاریشه‌یێ دێ هه‌وه ئاگه‌هدار كه‌ین.
وه‌زاره‌تا چاندنی و ژێده‌رێن ئاڤێ یا حكومه‌تا هه‌رێما كوردستانێ
2/6/2020
نيشاندان