سه‌ره‌كى Authors Posts by naci bedel

naci bedel

15011 POSTS 0 COMMENTS

دونالد تره‌مپ پلانا ئاسایبوونا ژیانێ ل ئه‌مریكا راگه‌هاند

16/05/2020 11:22

ئه‌ڤرۆ نیوز:

سه‌رۆكێ ئه‌مریكا راگه‌هاند دشیاندایه‌ تا دوماهیا ئیسال ڤاكسینا تایبه‌ت ب ڤایرۆسێ كورونایێ بهێته‌ دیتن.

دونالد تره‌مپ سه‌رۆكێ ئه‌مریكا د كۆنفرانسه‌كێ رۆژنامه‌ڤانی دا راگه‌هاند گه‌هشتینه‌ شیانێن ئه‌نجامدانا پشكنینا رۆژانه‌ بۆ 350 هزار كه‌سان، نوكه‌ ته‌ڤایا ویلایه‌تێن وه‌لاتی پلانا ئاسایبوونا ژیانێ تیدا هاتیه‌ راگه‌هاندن.

سه‌رۆكێ ئه‌مریكا ئه‌و چه‌نده‌ ژی راگه‌هاند پێنگاڤه‌كا دی یا گرنگ ئه‌وه‌ كۆ به‌ره‌ڤ ئاسایبوونا ره‌وشێ یه‌ و دیتنا چاره‌سه‌ریه‌كا كارتێكه‌ر و پێشڤه‌برنا ڤاكسینان كۆ د وێ باوه‌ریێ دامه‌ ل دوماهیا ئیسال دێ ل به‌رده‌ست بیت.

دونالد تره‌م ئه‌و چه‌نده‌ ژی دازانین كۆ ل ده‌ستپێكا سه‌رهلدانا ڤایرۆسێ كورونایی ل 11 كانوونا دوی ده‌ست ب كاركرنا چه‌ند ڤاكسینێن جودا هاته‌كرن و حكومه‌تێ ئه‌ڤا دشیانێن وێ دا بوو بۆ هه‌ڤكاریكرنا ئه‌ڤان كاران كر، ل گه‌ل وه‌لاتێن ئه‌وروپا كار ل سه‌ر ئه‌ڤێ چه‌ندێ دكه‌ین و بێ خومه‌زنكرنه‌كێ، گه‌له‌ك جارا ل گه‌ل ئه‌وان ژی یین هه‌ڤپه‌یمان ژی نینن لگه‌ل مه‌ كار دكه‌ین كۆ ب شیێن ڤاكسینه‌كێ دروست بكه‌ین، ئه‌ڤه‌ یه‌ كارێ باش.

توركیا دێ ده‌ست ب دانا ڤیزێ بۆ وه‌لاتیین عیراقێ كه‌ت

16/05/2020 10:55

127

ئه‌ڤرۆ نیوز:

بالیوزخانه‌یا توركیا ل به‌غدا رێنمایێن نوو ده‌ربارێ دانا ڤێزێ ب وه‌لاتیێن عیراقی و هه‌رێما كوردستانی به‌لاڤ كرن.

رۆژا هه‌ینیێ 15/5/2020 بالیوزخانه‌یا توركیا ل به‌غدا د به‌یاننامه‌یه‌كێ دا راگه‌هاند رۆژا 17/5/2020 ده‌ست ب دانا ڤیزێ كه‌ن.

وه‌لاتیێن عیراقی و كوردستانێ ل بالیوزخانه‌یێ یان قونسلخانه‌یان و كۆمپانیا دشێن داخازا ڤیزێ بكه‌ن لبه‌رچاڤكرنا رێنمایان ڤیزێ وه‌ربگرن.

هه‌ر وه‌سا د به‌یاننامه‌یا بالیوزخانه‌یا توركیا دا هاتیه‌ پێدڤیه‌ ئه‌و كه‌سێن داخازا ڤیزێ دكه‌ن 50 دۆلاران بده‌ن، ئه‌و كه‌سێ ڤیزێ ژی وه‌ر دگریت دڤیت چاڤه‌رێ بكه‌ت تا ئه‌وی ده‌می توخیبێ دناڤبه‌را توركیا و عیراقێ بهێته‌ڤه‌كرن كۆ ب ئه‌‌گه‌رێ ڤایرۆسێ كورونایێ هاتیه‌ گرتن.

سه‌رۆك بارزانی پیرۆزباهیێ ل مامۆستایێن كوردستانێ دكه‌ت

15/05/2020 12:19

1124

ئه‌ڤرۆ نیوز:

د پێنجی و هه‌شت سالیا دامه‌زراندنا ئێكه‌تیا مامۆستایێن كوردستانێ دا، سه‌رۆك بارزانی په‌یامه‌كا پیرۆزباهیێ به‌لاڤكر و تێدا هاتیه‌ كۆ ل رۆژێن گرانێن مله‌تێ مه‌ تیدا ده‌ربازبووی مامۆستا پێشه‌نگێ خوراگریێ بوون.

د وێ په‌یامێ دا هاتیه‌ كۆ سه‌رۆك بارزانی ب هه‌لكه‌فتا سال رۆژا ئێكه‌تیا مامۆستایێن كوردستانێ به‌لاڤكریه‌، دیرۆكا شوره‌شا رزگاریخوازیا كورد، رۆلێ نیشتمانپه‌روه‌ریا مامۆستایێن كوردستانێ چ جارا ناهێته‌ ژبیركرن، ئه‌و مل بملێ پیشه‌یێ پیرۆزێ خۆ چه‌كێ به‌رگریكرنی ژ ئاخ و وه‌لاتی هه‌لگرت بوو دڤێ پیخه‌مه‌تێ دا ژی چه‌ندین شه‌هید پێشكێشی كوردستانێ كرن.

ئه‌ڤه‌ ژی ده‌قێ په‌یاما سه‌رۆك بارزانی یه‌:

بناڤی خودێ مه‌زن و دلوڤان

به‌رێزان سكرتێر و ئه‌ندامێن سكرتاریه‌تا ئێكه‌تیا مامۆستایێن كوردستانێ.

ب هه‌لكه‌فتا پێنجی و هه‌شت سالیا دامه‌زراندنا ئێكه‌تیا مامۆستایێن كوردستانێ، پیرۆزباهیێ خۆ ئاراسته‌یی وه‌ و ته‌ڤایا مامۆستایێن خوشتڤی یێن كوردستانی دكه‌م و هیڤیا سه‌ركه‌فتن بۆ وه‌ دخوازم.

د دیرۆكا شوره‌شا رزگاریخوازیا گه‌لی كورد، رۆلێ نیشتمانپه‌روه‌ریا مامۆستایێن كوۆدستانێ چ جاران ناهێته‌ ژ بیركرن.

ل گه‌ل ئه‌رك و پیشه‌یێ پیرۆزێ خودا چه‌كێ به‌رگریكرن ژ ئاخ و وه‌لاتی هه‌لگرت بوون د پێخه‌مه‌تا ئه‌ڤێ چه‌ندێ ژی دا بده‌هان شه‌هیدێن نه‌مر پێشكێشی كوردستانێ كرینه‌.

ل رۆژێن گرانێن مله‌تێ مه‌ تێدا ده‌رباز بووی مامۆستایان هه‌رتم پێشه‌نگێ خوراگیری بوون و نه‌هێلان پرۆسه‌یا خاندنێ و زانستی ل كوردستانێ بهێته‌ راوه‌ستاندن و زێده‌باری هه‌بوونا قه‌یران و ئاریشه‌یێن مه‌زنێن مامۆستایان میناكه‌كا بلندا پالدان و پێگه‌هاندن و به‌رده‌وامبوونا فیڕبوون و زانستی بوو.

دڤێ رۆژا پیرۆز دا جاره‌كا دی سوپاسیا ماندیبوون و هه‌و‌ل و بزاڤێن به‌رده‌وامێن مامۆتسایێن كوردستانێ دكه‌م، هیڤیا پێشڤه‌چوون و به‌رده‌وامیێ بۆ ئیكه‌تیا مامۆستایێن كوردستانێ و هه‌موو مامۆستایێ خوشتڤی یێن كوردستانێ دخوازم.

مه‌سعود بارزانی

15/5/2020

عیراق دێ موچه‌ی ب ئه‌لكترونی پارڤه‌كه‌ت

15/05/2020 11:52

3555

ئه‌ڤرۆ نیوز:

به‌نكا رافیده‌ین داخاز ژ هنده‌ك فه‌رمانگه‌هێن ده‌وله‌تێ كریه‌ كۆ له‌ز بهێته‌كرن بۆ ئیخستنه‌كاری یا ماسته‌ر كاردێ بۆ وه‌رگرتنا موچه‌یێ فه‌رمانبه‌ران بۆ هه‌یفا ئایارێ كۆ ب شیوازه‌كێ ئه‌لكترۆنی دێ هێته‌ پارڤه‌كرن.

لگۆری یه‌یاننامه‌یا كۆ ژلایێ راگه‌هاندنا به‌نكا رافیده‌ین ڤه‌ هاتیه‌ به‌لاڤكرن به‌نكا رافیده‌ین داخازێ ژ هنده‌ك رێڤه‌به‌رێن ژمیریاری و فه‌رمانه‌گه‌هان دكه‌ت، ماسته‌ركاردێ بۆ فه‌رمانبه‌ران بێخنه‌ كاری كۆ ژلایێ به‌نكێ ڤه‌ هاتینه‌ راده‌ستكرن تاكۆ موچه‌یێ ئه‌ڤێ هه‌یڤێ برێیا ئه‌لكترونی وه‌ربگرن.

هه‌ر د به‌یاننامه‌یی دا هاتیه‌ پێدڤیه‌ رێڤه‌به‌راتیێن هنده‌ك فه‌رمانگه‌هان ل گه‌ل ئیدارا گشتی یا به‌نكێ باخڤن و ده‌ست ب ته‌مامكرنا هه‌موو رێكارێن تایبه‌ت ب ئێخستنه‌كاری یا ماسته‌ركاردێ بكه‌ن، تایبه‌ت دڤێ ره‌وشێ دا كۆ وه‌لات تێدا ده‌رباز دبیت، ب ئه‌گه‌رێ به‌لاڤ بوونا ڤایرۆسێ كورونایی كو پێدڤیه‌ ده‌ستا ژ پاره‌یێ كاش و راده‌ستكرنا ده‌ستی به‌رده‌ین و پشت به‌ستنێ ب سیسته‌مێ ئه‌لكتروی بكه‌ین بۆ مه‌زاختنا مووچه‌ی.

كازمی كارێن ده‌ستپێكی یێن حكومه‌تێ دیار دكه‌ت

14/05/2020 11:55

1124

ئه‌ڤرۆ نیوز:

سه‌رۆك وه‌زیرێ عیراقێ كارێن ده‌ستپێكی یێن حكومه‌تا خو دیار دكه‌ت.

ئه‌ڤرۆ محه‌مه‌د حسێن به‌حرلعلوم هنارتیی عیراقی ل نه‌ته‌وه‌یێن ئێكگرتی په‌یاما مسته‌فا كازمی سه‌رۆك وه‌زیرێ عیراقێ ل جڤینا جڤاتا ئاسایشا نێڤ ده‌وله‌تی خاند.

مسته‌فا كازمی د په‌یامه‌كێ دا راگه‌هاند حكومه‌تا عیراقێ رژده‌ ل سه‌ر پارڤه‌كرنا موچه‌ی و قه‌ره‌بووكرنا كه‌س و كارێن شه‌هیدان و بیندارین خوپیشاندانان.

ل سه‌ر كارێن ده‌ستپێكی یێن حكومه‌تێ ئه‌و چه‌نده‌ ژی كازمی راگه‌هاندیه‌ كارێ ده‌ستپێكی یێن حكومه‌تا عیراقێ هه‌موو بزاڤ هێنه‌كرن بۆ به‌رهنگاربوونا كورونا و دارشتنا ره‌شنڤسا بودجا گشتی یا عیراقێ بۆ ریب ری بوونا قه‌یرانا دارای.

هه‌ڵه‌بجه‌: داهاتی ساڵانه‌ی ده‌روازه‌ بازرگانیه‌كانی 60 ملیار دیناره‌ سلێمانی ده‌ی بات

14/05/2020 11:37

ئه‌ڤرۆ نیۆز، عه‌زیز هه‌ورامی:

هه‌ردوو ده‌روازه‌ی بازرگانی شۆشمێ ته‌وێڵه‌ و پشته‌ له‌ سنووری پارێزگای هه‌ڵه‌بجه‌ن به‌ڵام له‌ به‌ڕێوه‌به‌رایه‌تی گومرگی سلێمانییه‌وه‌ سه‌رپه‌رشتی ده‌كرێن، حكوومه‌تی خۆجه‌ی هه‌ڵه‌بجه‌ش یاداشتیان بۆ حكوومه‌ت به‌رزكردووه‌ته‌وه‌ هه‌ردوو ده‌روازه‌ بازرگانیه‌كه‌ بخرێته‌وه‌ سه‌ر پارێزگای هه‌ڵه‌بجه‌.

ئازاد تۆفیق پارێزگاری هه‌ڵه‌بجه‌، به‌ ئه‌ڤرۆ نیۆزی ڕاگه‌یاند:” نزیكه‌ی ده‌مانگه‌ فه‌رمانی كردنه‌وه‌ی به‌ڕێوه‌به‌رایه‌تی گومرگی هه‌ڵه‌بجه‌ ده‌رچووه‌، به‌ڵام هیچ كارمه‌ندێمی بۆ دانه‌مه‌زرێنداراوه‌ له‌ ئێسته‌دا كه‌س دانامه‌زرێندرێت.

ئازاد تۆفیق زیاتر ده‌ڵێ: یاداشتمان بۆ حكوومه‌تی هه‌رێمی كوردستان به‌رزكردووه‌ته‌وه‌ فه‌رمان به‌ر بۆ به‌ڕێوه‌به‌رایه‌تی گومرگی هه‌ڵه‌بجه‌ دابمه‌زرێنێت و هه‌ردوو ده‌روازه‌ی بازرگانی شۆشمێ ته‌وێڵه‌ بخرێته‌وه‌ سه‌ر هه‌ڵه‌بجه‌، بینای فه‌رمانگه‌ی گومرك ته‌واو بووه‌.

تۆفیق ده‌ڵێ: تاوه‌كو ئێستاش له‌ سلێمانییه‌وه‌ سه‌رپه‌رشتی گومرگی هه‌ردوو ده‌روازه‌ بازرگانییه‌كه‌ ده‌كرێت، ئه‌و دوو ده‌روازه‌یه‌ بخرێتنه‌وه‌ سه‌ر هه‌ڵه‌بجه‌ له‌ ڕوی ئابووری و ئاوه‌دانكردنه‌وه‌ زۆر گرنگه‌ و هه‌وڵه‌كانمان به‌رده‌وام ده‌بێت.

ساڵانه‌ داهاتی هه‌ردوو ده‌روازه‌ی بازرگانی شۆشمێ – ته‌وێڵه‌ و پشته‌ له‌ سنووری پارێزگای هه‌ڵه‌بجه‌ 60 ملیار دیناره‌ ،داهاته‌كه‌ی بۆ پارێزگای سلێمانی ده‌گه‌ڕێته‌وه‌.

ڤه‌ژاندنا بازاری بهایێ پترۆلێ بلند دبیت

14/05/2020 10:47

1516

ئه‌ڤرۆ نیوز:

ب ئه‌گه‌رێ كێمبوونا چاڤه‌رێ نه‌كریا ئاستێ پترۆلا عومباركری دناڤ كوگه‌هێن پترۆلی یێن ئه‌مریكا بهایێ وێ بلند بوو، به‌لێ ب ئه‌گه‌رێ سه‌رهلدانا پێلا دوێ یا ڤایرۆسی كورونا، بلند بوونا بهایێ پترۆلێ ل توخیبه‌كێ دیاریكری مایه‌.

لگۆری ئاژانسا رویته‌رز، بهایێ پترۆلا برێنت بهایێ 6 سه‌نتان زێده‌بوو، كۆ دبیته‌ 0.2% بهایێ وێ، دوماهی كرین و فرۆتن ب بهایێ 29.25 دۆلاران پێ هاتیه‌كرن، بهایێ پترۆلا ته‌كساس ب 18 سه‌نتان بلند بو كۆ 0.7% بهایێ وێ 24.47 دۆلاران كرین و فرۆتن پێ هاتیه‌كرن.

ل دۆ هه‌فتیێن بوری پرانیا وه‌لاتێن جیهانێ رێكارێن به‌رهنگاربوونا ڤایرۆسێ كورونایێ ل وه‌لاتان كێمكرینه‌، ئه‌ڤ چه‌نده‌ ژی كارتێكرن ل سه‌ر ڤه‌ژاندنا بازارێ ئابووری یێ جیهانی و بلند بوونا بهایی پترۆلێ كر بوو.

هه‌ڤده‌م ل گه‌ل ده‌ستپێكرنا چالاكیێن ئابووری و جڤاكی ل پرانیا وه‌لاتێن جیهانێ، ئه‌گه‌رێ بلاڤبوونا پێلا دویێ یا ڤایرۆسێ كورونایێ ل چه‌ند وه‌لاته‌كێن وه‌ك چینی و كوریا باشور سه‌رهلدایه‌، ئه‌ڤێ ژی وه‌كریه‌ هیڤیا وه‌به‌رهێنه‌رێن پترۆلی ب ڤه‌ژاندنا بازارێ پترۆلێ كێم بیت.

شه‌ڤا بووری رێڤه‌به‌راتیا ووزه‌یا ئه‌مریكا به‌لاڤكریه‌، ئاستێ پترۆلا عومباركری یا ئه‌مریكا ب قه‌باره‌یێ 745 هزار به‌رمیلان كێمكریه‌، ئه‌ڤه‌ ژی تا ئاسته‌كی كارتێكرنا خو ل سه‌ر بلند بوونا بهایێ پترۆلێ هه‌یه‌.

200 پشكێن ئاهێن خۆارنێ‌ ل سه‌ر تیمێن 122 هاتنه‌ به‌لاڤكرن

13/05/2020 14:43

ئه‌ڤرۆ نیوز، له‌زگین جوقی:

رێڤه‌به‌رێ‌ سه‌نته‌رێ‌ هه‌وا هاتنا بله‌ز 122 ل پارێزگه‌ها دهۆكێ‌ دیاركركو 200 پشكێن ئاهێن خۆارنێ‌ وه‌كو خه‌لات بۆ تیمێن 122 هاتنه‌ دابینكرن وئه‌ڤرۆكه‌ ل سه‌ر هه‌موو تیمێن 122 ێ‌ ئه‌ڤ دیاریا هاتنه‌ به‌لاڤكرن.

هه‌یسم عه‌بدی سلێمان، رێڤه‌به‌رێ‌ سه‌نته‌رێ‌ هه‌وا هاتنا بله‌ز 122 ل پارێزگه‌ها دهۆكێ‌ دیاركركو ئه‌ڤرۆكه‌ تیمێن هاوار هاتنا بله‌ز هاتنه‌ خه‌لاتكرن ژلایێ‌ رێڤه‌به‌ر یا به‌رسڤدانا قه‌یرانا ل پارێزگه‌ها دهۆكێ‌ و كۆمه‌لا زه‌لال لایڤ یا خێرخوازی ژبه‌ر رولێ‌ تیمێن هاوار هاتنا بله‌ز دڤێ‌ ره‌وشی دا و كاركرنا وان بێ‌ راوه‌ستیان بۆ خزمه‌تكرنا وه‌لاتیان بتایبه‌تی ژی هه‌ر ژ رۆژا ده‌ستپیكا په‌ێدابوونا ڤایرۆسی كورۆنا ب شه‌ڤ ورۆژ كاركرن بۆ به‌رهه‌نگاریا ڤێ‌ نه‌خۆشی له‌ورا ژی 200 پشكێن ئاهێن خۆارنێ‌ بۆ كارمه‌ندان هاتینه‌ دابینكرن ئه‌ڤه‌ خه‌لاتا ژی بۆ جه‌ژنا ره‌مه‌زانێ‌ هاتیه‌ دان ب ستافێ‌ 122ێ‌ یێ‌ هاوار هاتنا بله‌ز پارێزگه‌ها دهۆكێ‌.

وه‌زیرێ بارزگانیێ: ل چه‌ند رۆژێن بهێت دێ هاریكاری ب سه‌ر هه‌ژاران دا هێنه‌ پارڤه‌كرن

13/05/2020 14:01

138

ئه‌ڤرۆ نیوز:

وه‌زیرێ بازرگانی و پیشه‌سازیا هه‌رێما كوردستانێ راگه‌هاند 200 هزار هاریكاریێن خوارنێ یێن به‌رهه‌ڤكرین ل چه‌ند رۆژێن بهێت دێ ده‌ست ب پارڤه‌كرنا وان هێته‌ كرن.

كه‌مال موسلم وه‌زیرێ بازرگانی و پیشه‌سازیا هه‌رێما كوردستانێ د كۆنگره‌یه‌كێ رۆژنامه‌ڤانی دا راگه‌هاند: پشتی به‌لاڤ بوونا كورونایی حاله‌ته‌كێ نه‌ئاسایی روو ل هه‌موو جیهانێ كر، ژ وان ژی هه‌رێما كوردستانێ ب ئه‌گه‌رێ ئه‌وی ڤایرۆسی پرانیا سێكته‌رێن ژیانێ تایبه‌ت كارخانه‌ و كارگه‌هـ هاتنه‌ راوه‌ستاندن، هاتنوچون ناڤبه‌را وه‌لاتان و ناڤخویا وه‌لاتان هاتنه‌ راوه‌ستاندن ب بوو مه‌ترسیه‌ك ل گه‌ل ئاریشا ساخله‌میێ ئاریشا خارنێ ژی دروست بیت.

وه‌زیرێ بازرگانی و پیشه‌سازیا هه‌رێما كوردستانێ ئه‌و چه‌نده‌ژی دیاركر ل هه‌رێما كوردستانێ ژبوی ژڤێ قه‌یرانێ رزگار بین ب كێمترین زیان، ل گه‌ل كێماسی و ئاریشه‌یێن دابینكرنا خوارنێ ئێك بۆ ژ بابه‌تێن سه‌ره‌كی یێن حكومه‌تێ، چونكو مه‌ترسیا ئه‌وێ چه‌ندێ هه‌بوو قه‌یرانا خارنێ روو بده‌ت، حكومه‌تێ بوردێ برێڤه‌به‌رنا سه‌رپه‌رشتیكرنا خارنێ پێك ئینانا ئه‌ندامه‌تیا وه‌زاره‌تێن بازرگانی و ناڤخو و چاندن و دارایی و پلان و هه‌موو جێگرێن پارێزگاران و ژوورێن بازرگانی و ئیداری یێن سه‌ربه‌خو.

كه‌مال موسلم وه‌زیرێ بازرگانی و پیشه‌سازیا هه‌رێما كوردستانێ د كۆنگره‌یه‌كێ رۆژنامه‌ڤانی دا ئه‌و چه‌نده‌ ژی دازانین ئه‌و خارن بۆ خه‌لكێ هه‌ژار و كێم ده‌رامه‌ت هاتیه‌ دابینكرن كۆ پێكهاتیه‌ ژ 10 هزار ته‌نێن ئاری و چار ملیۆن لتر زه‌یت و هزار ته‌نێن نیسكان و 420 هزار قودیكێن ته‌ماتێ و ژبوی ب سه‌ر خه‌لكێ هه‌ژار دا بهێته‌ دابه‌شكرن.

وه‌زیرێ بازرگانیی و پیشه‌سازیا حكومه‌تا هه‌رێما كوردستانێ ئه‌و چه‌نده‌ ژی دیاركر كۆ 70 هزار بۆ هه‌ولێری و 50 هزار بۆ سلیمانیی و 50 هزار بۆ دهۆكی و 8 هزار بۆ هه‌له‌بجه‌ و 10 هزار بۆ گه‌رمیان و 12 هزار بو راپه‌رین بن.

وه‌زیرێ بازرگانی و پیشه‌سازیا هه‌رێم: زێده‌تری نه‌ه ملیۆن و 747 هزار دۆلار بۆ كرینا كه‌ل و په‌لان هاتینه‌ مه‌زاختن، بهایێ 331 ملیۆن و 339 هزار دیناران بۆ ڤه‌گۆهاستنێ هاتینه‌ مه‌زاختن، ل چه‌ند رۆژێن بهێت ژلایێ پارێزگه‌هانڤه‌ لگۆری پیڤه‌رێ هاتیه‌ دانان دگه‌هته‌ ده‌ستێ پاریزگه‌ه و ئیداره‌یێن سه‌ربه‌خو بۆ پارڤه‌كرنێ.

عیراق بۆ دابینكرنا موچا دێ ده‌ست ب وه‌رگرتنا قه‌ران دكه‌ت

13/05/2020 12:21

509

ئه‌ڤرۆ نیوز:

حكومه‌تا عیراقێ ب ژڤانه‌ د پێخه‌مه‌تا دابینكرنا موچه‌ و بودجێ پرۆژه‌یه‌كێ قه‌رێن ناڤخو و ده‌ره‌كی دایه‌ جڤاتا نوونه‌ران ژبو په‌سندكرنێ.

موزهیر محه‌مه‌د راوێژكارێ دارایی یێ سه‌رۆك وه‌زیرێ عیراقێ راگه‌هاند حكومه‌تێ پرۆژه‌ یاسایه‌ك پێشكێشی جڤاتا نوونه‌رێن عیراقێ كریه‌ ژبوی حكومه‌تێ سه‌ر پشك بكه‌ن ژ وه‌رگرتنا قه‌رێن ناڤخو و ده‌ره‌كی.

ناڤبری ئه‌و چه‌نده‌ ژی دیاركر ب ئه‌گه‌رێ نه‌بوونا یاسایا بودجا 2020 حكومه‌ت نه‌شێت قه‌ران بكه‌ت، قه‌رێن ناڤخویی بۆ دابینكرنا پێدڤیێن حكومه‌تێ یه‌ دناڤا وان دا ژی موچه‌یه‌ ب قه‌رێن ده‌ره‌كی ژی پرۆژه‌یێن وه‌به‌رهێنانێ بێ دهێته‌ ته‌مامكرن .

نيشاندان 1...1,000 1,3721,3731,374...1,502 زێده‌تر

لاپه‌ر 1,373 ژ 1,502