ئه‌ڤرۆ نیوز:
رێڤه‌به‌راتیا گشتی یا سه‌قا ناسی و بیڤه‌له‌رزان یا هه‌رێما كوردستانێ رێژه‌یا باران بارینێ ل 24 ده‌مژمێرێن بوری دا ل باژێرێن هه‌رێمێ به‌لاڤكر.
رێڤه‌به‌راتیا گشتی یا سه‌قاناسیێ و بیڤه‌له‌رزان یا هه‌رێما كوردستانێ د راگه‌هاندنه‌كێ دا دیاركر ل 24 ده‌مژمێرێن بوری دا دڤی خشته‌یێ دا هاتیه‌دیاركرن.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا دیاركر سێ توشبوویێن ڤایرۆسێ كورونایێ كوڤید 19 ل باژێرێ دهۆكێ هاتینه توماركرن.
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تێدا هاتیه كۆ ل به‌رده‌وامیا پشكنین و لێگه‌ریان دووڤچوونا گۆمانلێكریان، سێ توشبوویێن ڤایرۆسێ كورونا كۆڤید 19 ل باژێرێ دهۆكێ هاتنه ده‌ست نیشانكرن، كۆ خێزانه‌ك، ده‌یك و باب كۆ ژیێ وان 31 سالن و ل گه‌ل زارۆكا وان یا ژی 10 سالی ژ وه‌لاتێ بریتانیا ڤه‌گه‌ریا بوون و ل كه‌ره‌نتینه‌كرنێدا بوون.
ئەڤرۆ نیۆز، قائید میرۆ:
ژبەر نەبوونا چ رێکەفتنان بۆ پێک ئینانا کابینا نوویا حوکمەتا عێراقێ پێشبینی دھێتەکرن ڤێجارێ کۆمبوونا پەرلەمانی بۆ دانا باوەریێ ب کابینا حوکمەتێ سەرنەگریت چاڤه‌رێن رەوشا عێراقێ و ھەلبژارتنا بەروەخت ب چارەسەر دزانین بۆ رەوشا عێراقێ پەرلەمانتارەک ژی دبێژیت، چەندین ئاستەنگ ھەنە ل پێشیا ھەلبژارتنان.
خالیدە خەلیل، پەرلەمانتارا فڕاکسیۆنا پارتی ل پەرلەمانێ عێراقێ بۆ ئەڤرۆ نیۆز دیارکر” ھێشتا پارتی چ بڕیارێن فەرمی لدۆر رێڤەچوونا ھەلبژارتنێن بەروەخت ل عێراقێ نەدایە، بەلێ ھەكه کار بگەھیتە ڤێ چەندێ ھەلبژارتنێن بەروەخت ل عێراقێ بھێنە رێڤەبرن و رێکەفتنا ھەموو لایەنێن سیاسی لسەر ھەبیت ئەڤە ئەمژی دێ پشکداربین.
ئەڤێ پەرلەمانتارا پارتی گۆت” ئاستەنگێن مەزن ل پێشیا ھەلبژارتنان ھەیە، ژوان ژی تەمام نەبوونا قانوونا ھەلبژارتنان و نەبوونا چو رێکەفتنان دناڤبەرا کۆتلەیێن پەرلەمانی دا، ھەروەسا رێڤەچوونا ھەلبژارتنان پێدڤی ب پارەیەکێ زۆر ھەیە و رەنگە دڤێ قۆناغێ د شیانێن حوکمەتا عێراقێ دا نەبیت ئەڤی پارەی بمەزێخیت.
خالیدە خەلیل ئاماژەکر” ئەڤسالە بڕیارە سەرژمێریا گشتی ژی بھێتە ئەنجامدان و ئەگەر رەوش یا ھوسابیت زەحمەتە دەلیڤە ھەبیت بۆ ئەنجامدانا ھەلبژارتنێن بەروەخت بڕێڤە بچن.
ئه‌ڤرۆ نیوز، له‌زگین جوقی
قایمقامێ قه‌زا شنگال دیاركركو هه‌ولدان هاتنه كرن سێ قوتابخانه‌یێن قه‌زا شنگال ببنه نه‌خۆشخانه‌یێن 60 ته‌ختێ بۆ به‌رهه‌نگاریا ڤایرۆسێ كورونایێ، لێ رازیبوون لسه‌ر نه‌هاتیه كرن.
مه‌حما خه‌لیل، قایمقامێ قه‌زا شنگال ئاشكه‌را كركو راسته هه‌تا نوكه چ حاله‌تێن نه‌خۆشیا كورونا ل شنگال نه‌هاتینه ده‌ستنێشانكرن وهه‌تا ئه‌ڤرۆكه شنگال یا ڤالایه ژ ڤێ نه‌خۆشیێ، لێ به‌رێ نه‌خۆشی په‌یدابیت مه هه‌ولدان كرن ب فه‌رمێ مه داخواز كر سێ قوتابخانه‌یێن قه‌زا شنگال ئه‌وژی ئێك ل شنگال وئیك ل سنوونی و ئێك ژی ل قه‌یره‌وان بهێنه ده‌ستنیشانكرن هه‌ر سێ قوتابخانه ببنه نه‌خۆشخانه بۆ به‌رهه‌نگاریا كورونا لێ هه‌ڤكاریا مه نه‌هاته كرن و رازیبوون ل سه‌ر داخوازیا مه ژلایێ مووسل ڤه نه‌هاته كرن .
زێده‌تر گۆت ره‌وشا ئاواران ژی ل ناڤ كه‌مپان یا كۆنترول كریه وچ حاله‌ت ل كه‌مپان ژی نه‌هاتینه ده‌ست نیشانكرن ئه‌وژی ب هه‌ماهه‌نگیی و پشته‌ڤانیا حكومه‌تا هه‌رێما كوردستانێ هه‌موو رێنمایێن حكومه‌تا هه‌رێمێ ل كه‌مپان هاتینه بجه ئێنان هه‌تا نوكه ره‌وش دبن كۆنترول دایه.
مه‌حما خه‌لیل ته‌كه‌ز كركو بۆ دروستكرنا سێ نه‌خۆشخانه‌یان ل شنگال مه پێدڤی كوژمێ 100 ملیۆن دیناران هه‌بوو لێ هه‌ڤكاریا مه نه‌هاتیه كرن وئێدارا مووسل نه‌شیا ڤێ كوژمێ پاره‌یی بۆ شنگال دابین بكه‌ت داكو نه‌خۆشخانه‌یێن 60 ته‌ختێ ل قه‌زا و ناحێن شنگال بهێنه دروستكرن بۆ به‌رهه‌نگاریا ڤایرۆسی كۆرۆنا.
ئه‌ڤرۆ نیوز:
وه‌زاره‌تا ساخله‌میا حكوه‌تا هه‌رێما كوردستانێ د راگه‌هاندنه‌كێ دا دیاركر پێنج توشبوویێن دی ب ڤایرۆسێ كورونایێ كۆڤید 19 ل هه‌ولێریێ هاتینه توماركرن.
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تیدا هاتیه ل به‌رده‌وامیا پشكنین و لێگه‌ریان و دوووڤچوونا گۆمانلێكریان، پێنج توشبووێن ب ڤایرۆسێ كورونایێ كوڤید 19 ل باژێرێ هه‌ولێرێ هاتنه ده‌ست نیشانكرن، كۆ زه‌لامه‌ك و سێ ئافره‌ت و زارۆكه‌كن.
ئێك ژ توشبویان ئاكنجیێ كانی گه‌لی یه و هه‌ر چار توشبوویێن دی ئاكنجیێن تاخی 94 باداوه‌نه، هه‌موو ژ ئه‌گه‌رێ تێكه‌لیكرنێ توشبووینه ژ تازیێن تاخێ كارێزان ل باژێرێ هه‌ولێرێ.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ هوشداریێ دده‌ت و رادگه‌هینیت هه‌رێما كوردستانێ ل هه‌مبه‌ر كاره‌ساته‌كا مرۆڤی دایه.
د. سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ ل ژماره‌یا تایبه‌ت یا خۆ ل فیبسوكی به‌لاڤكریه هه‌رێما كوردستانێ ل هه‌مبه‌ر مه‌ترسیه‌كا مه‌زن و كاره‌ساته‌كا مرۆڤی دایه.
ئه‌ڤ راگه‌هاندنا وه‌زیرێ ساخله‌میێ پشتی ئه‌وێ چه‌ندێ هات كۆ پشتی وه‌زاره‌تا ساخله‌میێ 41 حاله‌تێن توشبوونێ ب ڤایرۆسێ كورونایی ل هه‌ولێرێ راگه‌هاندین و ژاره‌یا توشبوویێن ڤایرۆسێ كورونایێ ل هه‌رێما كوردستانێ گه‌هشته 277 كه‌سان و سێ كه‌س ژی ب ئه‌گه‌ری ڤایرۆسێ كوروناێ مرینه.
ئه‌ڤرۆ نیوز:
په‌رله‌مانتاره‌كێ عیراقێ دیاركر ئارمانجا ڤه‌كێشانا هێزێن ئه‌مریكا ژ چه‌ند بنگه‌هه‌كێن سه‌ربازی، به‌رهه‌ڤكارینه بۆ هێرشكرن و كوشتنا ژماره‌یه‌كا سه‌ركرده‌یان.
كه‌ریم محه‌مه‌داوی ئه‌ندامێ لژنا ئاسایش و به‌ره‌ڤانییێ ل جڤاتا نوونه‌رێن عیراقێ راگه‌هاند: ڤه‌كێشانا هیزێن ئه‌مریكا ژ هنده‌ك بنگه‌هان رێ و ئاوا بۆ بجهكرنا بریارا په‌رله‌مانی بۆ ڤه‌كێشانا هێزێن بیانی ژ عیراقێ، به‌لكۆ ئه‌و پێنگاڤ پشكه‌كه ژ پلانه‌كا خورسكیا هێزێن ئه‌مریكایه ل عیراقێ.
ئه‌ندامێ لژنا ئاسایش و به‌ره‌ڤانیێ ل جڤاتا نوونه‌رێن عیراقێ دیاركر كۆ ئارمانج ژ رێكخستنا هێزێن ئه‌مریكا ل عیراقێ ڤه‌شارتیه و ئه‌ڤێ چه‌ندێ په‌یوه‌ندێ ب وێ چه‌ندێ ڤه هه‌یه كۆ ئه‌و هێز بچنه بنگه‌هێن ئارام كۆ ب تایبه‌تی پشتی كۆ سیسته‌مێ موشه‌كیا به‌ره‌ڤانیا پاتریوت تێدا هاتیه بجهكرن.
ئه‌ندامێ لژنا ئاسایش و به‌ره‌ڤانییێ ل جڤاتا نوونه‌رێن عیراقێ ئه‌و چه‌نده ژی دا زانین ئه‌مریكا بزاڤێ دكه‌ت هێرشه‌كا دژوار بكه‌ته سه‌ر هنده‌ك بنگه‌هێن سه‌ربازی هنده‌ك سه‌ركرده‌یان بكوژن، وه‌ك ئاماژه‌یه‌ك بۆ سه‌ركرده‌یێن حشدا شه‌عبی.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر كۆ ل هه‌ولێری 41 كه‌سێن دی توشیی ڤایرۆسێ كورونایێ بوون.
ئه‌ڤرۆ 6/4/2020 وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنێ دا به‌لاڤكر د به‌رده‌وامیا پشكنین و لیگه‌ریان و دووڤچوونا توشبوویان، 41 توشبوویێن ڤایرۆسێ كورونایێ كۆڤید 19 ل باژێرێ هه‌ولێر هاتنه ده‌ست نیشانكرن.
وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده‌ژی د راگه‌هاندنێ دا دیاركر كۆ 17 ئافره‌ت و 15 زه‌لام و 9 زارۆكن، دو ژ وان ل قه‌زا سوران و سێ ل ناحیا سیده‌كان و ئێك ل گۆندێ هه‌له‌جه‌یا بچیك و ئه‌ڤێن دی ژی دناڤ باژێرێ هه‌ولێرێ نه ل تاخێن كانی گه‌لی و ئالتون سیتی و شیخ ئه‌حمه‌د و كارێزان و زانكۆ و چنار و مامۆستایا 121ێ گۆلان و ژیان و زیلان سیتی، كۆ پرانیا توشبوویان ب ئه‌گه‌رێ تێكه‌لی و په‌یوه‌ندیێ ب هه‌ردو تازیێن كۆ تاخێ كاریزان و دوو ژی به‌ری نوكه ب ئه‌گه‌رێ گه‌شتكرنێ بوویه.
ئه‌ڤرۆ نیوز:
سه‌رۆكێ هه‌رێما كوردستانێ د په‌یامه‌كێ دا سوپاسیا وه‌لاتیان و هێزێن ئه‌مین و كارمه‌ندێن ساخله‌میێ و راگه‌هاندنكاران كر گۆت شانازیێ ژی ب وه دكه‌ین.
نێچیرڤان بارزانی سه‌رۆكێ هه‌رێما كوردستانێ د په‌یامه‌كێ دا به‌لاڤكر و تێدا هاتیه، سوپاسیا وه‌لاتی و ئاكنجیێن هه‌رێما كوردستانێ دكه‌م بۆ مانا وان ل مالێن خودا پێگیربوونا وان ب رێنماییانڤه.
سه‌رۆكێ هه‌رێما كوردستانێ سوپاسیه‌كا تایبه‌ت بۆ كارمه‌ندێن ساخله‌میێ و پێشمه‌رگه و كارمه‌ندێن باله‌فرخانه‌ین و ده‌رگه‌هێن توخیبی و ده‌زگه‌هێن ئه‌مین و راگه‌هاند و ته‌ڤایا ئه‌وان قاره‌مانێن بۆ پاراستنا كوردستانێ ژ ڤایرۆسێ كورونا دكه‌م.
ئەڤرۆ نیۆز، قائید میرۆ:
وەزیرێ بازرگانی و پیشەسازیا حوکمەتا ھەرێما کوردستانێ ئاشکراکر، حوکمەتێ پلان ھەیە بۆ بەلافکرنا ھاریکاریان بسەر خەلکێ ھەژار و بڕیارە نێزیک گورەی سیستەمەکێ دیاری کری دەست ب گەھاندنا ھاریکاریان بھێتەکرن.
کەمال موسلم، وەزیرێ بازرگانی بۆ ئەڤرۆ نیۆز دیارکر” پشتی قەدەغەیا ھاتن وچوونێ خەلکەکێ زۆر ژێدەرێ پەیداکرنا نانێ رۆژێ ژدەستدایە و پێدڤی ب ھاریکاریان ھەیە، لەوڕا حوکمەتا ھەرێما کوردستانێ لبەرە و پلان ھەیە بۆ بەلافکرنا ھاریکاریان بسەر خەلکێ ھەژار و دەست کورتێ ھەرێما کوردستانێ.
وەزیرێ بازرگانی و پیشەسازی گۆتژی” ب ھەڤکاری دگەل وەزارەتا کارۆبارێن کۆمەڵایەتی و موختارێن کوردستانێ دێ خەلکێ ھەژار ھێتە دیارکرن بۆ گەھاندنا ھاریکاریان و ئەم باوەرین دێ ھژمارەکا زۆرا وەلاتیێن پێدڤی مفاداربن. کەمال موسلم ئاماژەکر” ئەف ھاریکاری پێک ھاتینە ژ ئەرزاقێ ھشک یێ رۆژانە و ھەتا نوکە حوکمەتێ ئەرزاقەکێ زۆر کڕیە بۆ بەلافکرنێ.
نيشاندان