ئه‌ڤرۆ نیۆز، عه‌زیز هه‌ورامی:

له‌ پاش 16ی ئۆكتۆبه‌ری سالی 2017 ئیداره‌یه‌كی سه‌پێندراوی گه‌نده‌ڵ حكوومڕانی كه‌ركوك ده‌كات و داهاته‌كه‌ی به‌ فیڕۆ ده‌درێت و هیچ خزمه‌ت گوزارێك بۆ هاوڵاتیان جێبه‌جێ ناكرێت، ئه‌ندامێكی پێشوی ئه‌نجوومه‌نی پارێزگاكه‌ ده‌ڵێ، ئیداره‌یه‌كی گه‌نده‌ڵ حكوومڕانی كه‌ركوك ده‌كات.

جه‌وان زه‌نگه‌نه‌ ئه‌ندامی پێشووی ئه‌نجوومه‌نی پارێزگای كه‌ركوك، به‌ ئه‌ڤرۆ نیۆزی ڕاگه‌یاند:” كه‌ڵه‌كه‌ بوونی زبڵو خاشاك له‌ كۆڵان و شه‌قامه‌كانی كه‌ركوك ئه‌و گرفته‌یه‌ به‌بێ چاره‌سه‌ری ماوه‌ته‌وه‌، هه‌رچه‌نده‌ پارێزگاری سه‌پێندراوی كه‌ركوك باس له‌وه‌ده‌كات كاره‌كانیان به‌رده‌وامه‌ به‌ڵام ده‌بینین ڕه‌وشی كۆڵان و شه‌قامه‌كان زبڵ و خاشاك كه‌ڵه‌كه‌بووه‌”.

هه‌روه‌ها ده‌ڵێ:” نه‌تواندراوه‌ ئه‌و كۆمپانیایانه‌ی كه‌ گرێ به‌ستیان له‌گه‌ڵ ده‌كرێت بۆ كۆكردنه‌وه‌ی زبڵ و خاشاكی ماڵان په‌یوه‌ست بكرێت به‌كاره‌كانیان له‌ به‌ر گه‌نده‌ڵی زۆر له‌ گرێبه‌سته‌كان، ئه‌و گرێ به‌ستانه‌ی ده‌كرێت هه‌ڵه‌ی تێداییه‌ مه‌رجی قورس داناندرێت بۆ كۆپانیاكان له‌ به‌ر ئه‌وه‌ی ڕێكه‌وتن ده‌كرێت و ده‌ستاوده‌ست ده‌كرێت پێ، ئیدی كۆمپانیاكان به‌ مه‌زاجی خۆیان كار ده‌كه‌ن، ئه‌وه‌ش بوه‌ته‌ هۆی كۆبونه‌وه‌ی زبڵ و خاشاك له‌ شاره‌كه‌دا.

زه‌نگه‌نه‌ زانیاری زیاتر ده‌دات:” پاش ڕوداوه‌كانی 16ی ئۆكتۆبه‌ر هاوڵاتیان خۆیان به‌ ئۆتۆمبێلی خۆیان خۆڵ و خاشاكه‌كانیان فڕێ ده‌دا، به‌ڵام به‌هۆی قه‌ده‌غه‌ی هاتوچۆ ئێستا به‌هۆی ڤایرۆسی كۆرۆنا ،هاوڵاتیان ناچار زبڵه‌كانیان له‌ به‌رده‌م ماڵه‌كان فڕێ ده‌ده‌ن، بێ زاربوون به‌هۆی بۆن و به‌رامه‌ی”.

ئاماژه‌ی به‌وه‌شكرد، زبڵ و خاشاك له‌گه‌ڵ ئه‌وه‌ی هاوكاری زیاتر ده‌بێت بۆ بڵاوبونه‌وه‌ و ته‌شه‌نه‌كردنی زیاتری په‌تای كۆرۆنا ئه‌وه‌، له‌گه‌ڵ زیاتر گه‌رمكردنی جه‌وی شاره‌كه‌ نه‌خۆشی له‌و زبڵ و خاشاكه‌ بڵاو ده‌بێته‌وه‌، چونكه‌ وه‌ستانه‌وه‌ی ئاو وه‌ كه‌ڵه‌كه‌ بونی زبڵ ده‌بێته‌ هۆی بڵاو بونه‌وه‌ی نه‌خۆشی بۆن و به‌رامه‌یه‌كی ناخۆشی لێوه‌ په‌یداده‌بێت مه‌ترسییه‌ بۆ ته‌ندروستی هاوڵاتیان “.

هاوڵاتیان پێش ڕوداوه‌كانی 16ی ئۆكتۆبه‌ر كاتێك كه‌موكوڕێك له‌شار ده‌بوو گردبونه‌وه‌یان ده‌كرد و ناڕه‌زاییان ده‌رده‌بڕی ئازادی هه‌بوو به‌ڵام ئێستا به‌هۆی ئه‌وئازادییه‌ نه‌ماوه‌ هه‌ر پێشێلكارێك ده‌كرێت و مافی هاوڵاتیان پێشێل ده‌كرێت ناتوانن بێنه‌ سه‌رشه‌قام و بێده‌نگی هه‌ڵده‌بژێرن.

له‌ ئیداره‌ی كه‌ركوك گه‌نده‌ڵێكی فراوان هه‌یه‌ له‌ پارێزگاره‌وه‌ بۆ فه‌رمان به‌رێكی ئاسای دیوان هه‌رچه‌نده‌ گه‌نده‌ڵیان له‌سه‌ر ساخ ده‌بێته‌وه‌، به‌ڵام به‌پاره‌یه‌كی زۆر خۆیان ڕزگار ده‌كه‌ن و له‌سه‌ر گه‌نده‌ڵییه‌كان ده‌ستگیرناكرێن، جوان زه‌نگه‌نه‌ وای گوت”