ئه‌ڤرۆ نیوز:
ستێرا سویسرى و جیهانى یا ته‌نسا ئه‌ردى روگیر فیدریر كوژمێ زێده‌تر ژ ئێك ملیۆن دۆلار به‌خشین وه‌كوهاریكارى بۆ خێزانێن تووشبوویێن ڤایرۆسێ كورونایێ و چاره‌سه‌ریا ئه‌وان.
فیدریر د ئه‌كاونتێ خوه یێ تایبه‌ت یێ توویته‌رێ دا دیاركر نوكه ئه‌و د ده‌مه‌كێ زه‌حمه‌ت دا د بوریت له‌ورا ل سه‌ر هه‌موویان پێدڤى یه یا د شیان دا بكه‌ن بۆ هاریكاریا خێزانێن تووشبوویێن ڤایروسێ كورونایێ .
ئه‌ڤرۆ نیوز:
وه‌زاره‌تا ساخله‌میا هه‌رێما كوردستانێ د راگه‌هاندنه‌كێ دا به‌لاڤكریه ل ده‌مێ 48 ده‌مژمێرێن بوری 18 حاله‌تێن نوو هاتنه توماركرن بڤێ چه‌ندێ ژی ته‌ڤایا توشبوویێن هه‌رێمێ گه‌هشته 103 كه‌سان.
ئه‌ڤه ژی ده‌قێ راگه‌هاندنا وه‌زاره‌تا ساخهله‌میێ یه:-
ژماره 28
سه‌باره‌ت نه‌خوشیێن ڤایرۆسێ كورونا نوو كوڤید 19 ل هه‌رێما كوردستانێ، تیه‌مه‌كا ساخله‌میێ بۆ ڤه‌دیتن و پشكنینا گۆمانلێكری و هه‌لگرێن ئه‌ڤی ڤایرۆسی رۆژانه به‌رده‌وامن ل سه‌ر كاری بڤێ چه‌ندێ ژی :-
ا پارێزگه‌ها هه‌ولێرێ 11 نه‌خوشێن پوزه‌تیڤ هه‌بوون 4 چار ئافره‌ت و 5 زه‌لام و 2 زارۆك.
پاریزگه‌ها سلێمانێ 7 پوزه‌تیڤ كو 3 ئافره‌ت و 2 زه‌لام و 2 زارۆك.
زێدابه‌ری ده‌ست خوشیێ ل تیمێن وه‌زاره‌تا ناڤخۆ و تیمێن نوژداری كۆ ل كاركرنێ دانه و هیڤیدارین وه‌لاتی ب چ شیوه‌یه‌كی نه‌هێنه ده‌رڤه و ل مالێن خۆدا ب مینن و پیگیری رێنمایێن ساخله‌میێ و نێزیك بوون و تێكه‌لێ نه‌كه‌ن و ل ده‌مێ پیدڤی بوونێ دا ژی په‌یوه‌ندیێ بكه‌ن ب هێلا گه‌رم ژماره 122
وه‌زاره‌تا ساخله‌میێ
حكومه‌تا هه‌رێما كوردستانێ
26 ئادارا 2020
ئه‌ڤرۆ نیوز:
ئه‌ڤرۆ 30 توشبوویێن نوو ب ڤایرۆسێ كورونایێ ل عیراقی هاتنه توماركرن و دو ژ توشبوویێن ڤایرۆسی كورونایێ مرینه.
وه‌زاره‌تا ساخله‌مێ و ژینگه‌ها عیراقێ راگه‌هاند: ئه‌ڤرۆ دو توشبوویێن ب ڤایرۆسێ كورونایێ مرینه و هه‌ر ئێك ژ وان ل باژێرێ بابل و كه‌ركوكێ بوون.
وه‌زاره‌تا ساخله‌میێ ئه‌و چه‌نده ژی دیاركر شه‌ش ژ توشبوویێن نوو ل ده‌ڤه‌را ره‌سافه‌یا به‌غدا بوو، سێ یێن دی ژی ل باژێر نوژداری یێ به‌غدا بوون سێ كه‌سێن دی ژی هه‌ر ئێك ل باژێرێ به‌سره و كه‌ركوكێ و دیوانیی بوون، چارێن دی ل باژێرێ كه‌ربه‌لا و چار ژی ل نه‌جه‌ف و ئێك ل هه‌ولێری و دو ژی ل موسه‌نایێ توشبوون، شه‌ش توشبووێن نوو ل سلێمانێ هاتینه توماركرن.
جهێ گۆتنێ یه هه‌ر ئه‌ڤرۆ 14 كه‌س ئه‌وێ توشبوویێن ڤایرۆسێ كورونایێ ب بوون ل عیراقێ ساخ بووینه.
ئه‌ڤرۆ نیوز:
ئه‌‌نجیلو بوریلی سه‌رۆكێ لژنا به‌رهنگاربوونا ڤايرۆسێ كورونايێ ل ئيتاليا راگه‌هاند: ژماره‌یا حاله‌تێن توشبوون ب ڤایرۆسێ كورونایێ ل وه‌لاتی گه‌هشتیه 54 هزار و 30 كه‌سان، ل گه‌ل ئه‌وێن مرین و ساخ بووین ژماره‌یا وان گه‌هشته 69 هزار و 176 كه‌سان.
سه‌رۆكێ لژنا به‌رهنگاربوونا ڤايرۆسێ كورونايێ ل ئيتاليا ئه‌و چه‌نده ژی راگه‌هاند: به‌ریا نها حه‌فت هزار و 432 كه‌س ساخ بووینه و دهی ژی 894 كه‌سێن دی، ته‌ڤایا هه‌مویان هه‌شت هزار و 326 كه‌س ژ ڤایرۆسی ساخ بووینه.
ناڤبری ئه‌و چه‌نده ژی دازانین ته‌ڤایا ئه‌و كه‌سین مرین ب ئه‌گه‌رێ ڤایرۆسێ كورونایێ گه‌هشتیه شه‌ش هزار و 820 كه‌سان.
ئه‌ڤرۆ نیوز:
وه‌زیرێ به‌ره‌ڤانیا ئه‌مریكا راگه‌هاند: ئه‌و قه‌یرانا ب ئه‌گه‌رێ ڤایرۆسێ كورونایێ كوڤید 19 ل جیهانێ درست بووی، دبیت ب بیته ئه‌گه‌رێ سه‌رهلدانا ئالوزیێن سیاسی ل هنده‌ك وه‌لاتان دا.
مارك ئیسپه‌ر وه‌زیری به‌ره‌ڤانیا ئه‌مریكا راگه‌هاند ئه‌و قه‌یرانا كورونایێ دروستكری، دێ بیته ئه‌گه‌رێ ژناڤچوونا سه‌قامگێریێ ل هنده‌ك وه‌لاتان هه‌تا ئاسته‌كی كۆ دوور نینه گه‌ف ل ئه‌مریكا ژی بهێته‌كرن، له‌ورا دڤێت هشیار بین.
وه‌زیرێ به‌ره‌ڤانیا ئه‌مریكا ئه‌و چه‌نده ژی دیاركر وه‌لاتێ وی هه‌موو هه‌وله‌كێ دده‌ت بۆ هه‌ڤكاریكرنا هه‌ڤپه‌یمانێن خۆ، پێشبینیا به‌رده‌وامبوونا قه‌یرانا ڤایرۆسێ كورونایێ تا هه‌یڤا ته‌موزا بهێت دكه‌ین.
ئەڤرۆ نیۆز، قائید میرۆ :
خانزاد مام وسو، سەرۆکا لیژنا ساخلەمی ل جڤاتا پارێزگەھا ھەولێرێ بۆ ئەڤرۆ نیۆز دیارکر” ب ھویری چاڤدێریا رەوشا نوکەیا ھەولێرێ دھێتەکرن و رێو جھێن پێدڤی ژلایێ وەزارەتێن نافخۆ ساخلەمی ھاتینە بجە ئینان، ئەوژی بۆ پاراستنا وەلاتیان و کێمکرنا زیانێن ڤایرۆسا کۆرۆنایێ، بەلێ ئەم دخوازین ھێشتا رێو جھێن خۆپاراستنێ بھێنە توندکرن و رێک نەھێتەدان چو کەسەک ببیتە ئەگەرێ بەلافکرنا ڤایرۆسا کۆرۆنا.
سەرۆکا لیژنا ساخلەمی ل پارێزگەھا ھەولێرێ دبێژیت” ئەو دەڤەر و تاخێن ب ئەگەرێ کۆرۆنایێ دھێنە کەرنتین کرن ھەموو خزمەتگوزاری بۆ ھاتینە بەرھەڤکرن، ب تایبەتی خزمەتێن ساخلەمی و کەلو پەلێن رۆژانە بۆ دھێنە دابین کرن.
خانزاد مام وسو ئاشکراکر” ئەم دخوازین بۆ بجە ئینانا بڕیارێن قەدەغەیا ھاتن وچوونێ ھێزێن پێشمەرگەیژی بکەڤن ناڤا باژێڕی، چونکە پێدڤیە ل ناڤا کولان و تاخێن باژێڕی وەلاتی بھێنە نەچارکرن ل مال بمینن و ھاتن وچوونا پەیادەژی نەمینیت، بەلێ بەری ھێزێن پێشمەرگەی بھێنە بکارئینان بۆ ھاریکاریا ھێزێن ئەمنی ژیانا ھێزێن پێشمەرگەیژی بەرچاف بھێـتە وەرگرتن.
ئەڤرۆ نیوز،عەلی حاجی :
رێڤەبەرێ ئاڤا زاخۆ د داخویانیەکێ دا بۆ ئەڤرۆ نیوز دیار کر خەلکەکێ زێدەگاڤی ل سەر بوریێن سەرەکیێن ئاڤێ ل زاخۆ کرینە و بوویە ئەگەر ئاڤ ب دروستی نەگەهیتە هندەک مالان و نەبوونا یاسایا ئاڤێ مە نەشیایە چ کەسان سزا بدەین.
زێدەتر هاشم ئیبراهیم گۆت : ل تاخەکێ باژێرێ زاخۆ حەفت مالان زێدەگاڤی ل سەر بوریا گەهاندنا ئاڤێ بۆ هندەک تاخان یا شەش ئێنجی کری یە و ب بوو ئەگەرێ وێ چەندێ چەندین مالێن وان تاخان ژ ئاڤێ بێ بەهر ببن و بەردەوام ژی گازندەیا نەبوونا ئاڤێ دکرن و پشتی دروست بوونا لەهیان ژی ئەو خەتێ وان مالان ب نەیاسایی کێشایی ئەو ژی شکەست ببوون و ببوو ئەگەر ئەو ئاڤە هەمی ب هەروەی بچیت و وەلاتی بێ بەهر بن ژ ئاڤێ،نەبوونا یاسایەکا تایبەت ل کوردستانێ بوویە رێگر ئەم وان کەسان سزا بدەین یێ ئەڤ کارە ب نەیاسایی کرین و هەکە یاسایەکا تایبەت هەبایە دا شێن وان کەسان سزا بدەین.
و گۆت ژی : زێدەباری وێ چەندێ ژی سەرەرای کێم بوونا ئاڤێ هندەک کەس فێربوینە د ڤی دەمی دا بەر دەریێن خوە دشون و ئاڤەکا زێدە هەدەر ددەن و دبیتە ئەگەر ژی ئاڤ کێمتر بگەهیتە هندەک هاولاتیێن دیتر و هیڤیدارین خەلکەک زێدەتر هەڤکار بیت دگەل مە دا.
نیوز،عەلی حاجی :
بەرپرسێ پشکا هاتن و چوونا ناڤ باژێری ل زاخۆ د داخویانیەکێ دا بۆ ئەڤرۆ نیوز دیار کر ب مەرەما زێدەتر کۆنترول کرنا هاتن وچونا دناڤ سەنتەرێ باژێری دا هندەک رێکێن نەسەرەکی دناڤ باژێرێ زاخۆ دا هاتینە گرتن و ئێدی هاتن وچوون دناڤ وان رێکان دا نامینیت.
زێدەتر رائید محەمەد سلێمان گۆت : پشتی قەدەغەیا هاتن و چوونێ هاتیە راگەهاندن ل سەرانسەری کوردستانێ و ل باژێرێ زاخۆ ب رێڤەبەریا هاتن و چوونا زاخۆ هەماهەنگی دگەل دەزگایێن ئەمنی چەندین رێکێن نەسەرەکی ب کلبستونا قەپات کرینە و هەر دیسان چەندین رێکێن لاوەکی ل دەوروبەرێن جادەیێن سەرەکی دا کۆ زێدەتر بشێن قەدەغەیا هاتن و چوونێ کۆنترول بکەین و گەلەک شوفێران ئەو رێکە ب کار دئینان ب مەرەما دەرکەڤتنێ ژ مالێن خوە لەورا ب بڤی رەنگی دێ زێدەتر شێن کۆنترولا قەدەغەیا هاتن و چوونێ بکەین.
و گۆت ژی : نوکە چار ترۆمبێل هاتینە بەرهەڤ کرن ژلایێ رێڤەبەریا هاتن و چوونا زاخۆ ڤە کو بەردەوام دناڤ تاخێن زاخۆ دا هاتن وچوونێ دکەن و رێنمایێن خوە پاراستنی ب ریێا دەنگێ وان ترومبێلان دەنە خەلکی دا کو ئەو ژی بشێن زێدەتر خوە پارێزن ژ ڤایروسێ کورونایێ.
ئه‌ڤرۆ نیوز:
پشتی دو هه‌فتیێن بهێت دێ قه‌ده‌غه‌یا هاتنوچونێ ل باژێرێ ئوهان ئه‌و جهێ كۆ ڤایرۆسێ كورونایێ لێ سه‌رهلدایی ب دوماهی هێت و هاتنوچون ل گه‌ل باژێرێن دی ده‌ست پێ كه‌ته‌ڤه.
ئه‌و پێنگاڤا حكومه‌تا چینێ دای پشتی دو هه‌یڤان ژ گرتنا ته‌ڤایا رێكێن بۆ چونا ئه‌ڤی باژێرێ 11 ملیۆن كه‌سی كۆ ب ئه‌گه‌رێ كورونایێ زێده‌تری سێ هزار كه‌سان تێدا مرن گرتین.
ل 23 كانوونا دوی یا ئیسال چینێ رێ و ئاوایێن توند ل پارێزگه‌ها هوبی بكار ئینان كۆ باژێرێ ئوهان داخست، ل ته‌ڤایا باژێری لڤین و هاتنوچونا 60 ملیۆن كه‌سان توخیبداركر.
پشتی كێم بوونا توشبوویان ب كورونایێ، ل 10 ئادارێ چی جینگ پینگ سه‌رۆكێ چینێ سه‌ره‌دانا باژێرێ ئوهانێ كر.
ل چینێ 81 هزار و 171 كه‌س تووشی كورونایێ بوون و 3 هزار و 277 كه‌س ژی مرن و تاكو نها 73 هزار و 159كه‌س ساخ بووینه.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ سوپاسیا وه‌لاتێ چینێ كر و ئاماژه ب وێ چه‌ندێ دا كۆ دێ مفایی ژ سه‌ربوورا وه‌لاتێ چینێ ل سه‌ر كورنایێ وه‌رگرین.
د كۆنگره‌یه‌كێ رۆژنامه‌ڤانی دا ل گه‌ل قونسلێ گشتی ێ چینێ ل هه‌رێما كوردستانێ، د.سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راگه‌هاند: سه‌ربوورا چینێ بۆ مه گرنگه چونكو وان د به‌رهنگاربوونا ڤایرۆسێ كورونایێ داشیان سه‌ركه‌فتنێ ده‌ستڤه بینن.
وه‌زیرێ ساخله‌میا حكومه‌تا هه‌رێما كوردستانێ ئه‌و چه‌نده‌ی راگه‌هاند كۆ سوپاسیا حكومه‌تا چینێ دكه‌ین بۆ ئه‌وان هه‌ڤكاریێن پێشكێشی هه‌رێمێ كرین و بریاره ل رۆژا 7/4/2020 تیمه‌كا بسپورێن وه‌لاتێ چینێ ژی بگه‌هته هه‌رێما كوردستانێ و رێنمایێن نوو بده‌نه مه بۆ زێده‌تر به‌رهنگاربوونا ڤایرۆسێ كورونایێ، ئه‌ڤه جارا دوێ یه چین هاریكاریا حكومه‌تا هه‌رێما كوردستانێ دكه‌ت و د وی چارچوڤه‌یی دا زێده‌تری 1000 ئامێرێن پشكنینا ڤایرۆسی پێشكێشی هه‌رێمێ كرینه.
هه‌ر دوی كۆنگرێ رۆژنامه‌ڤانی دا نی روچی قونسلێ چینێ ل هه‌رێما كوردستانێ راگه‌هاند: ل چه‌ند رۆژێن بهێت دا هاریكاریێن حكومه‌تا چینێ دێ گه‌هنه هه‌رێمێ و خه‌لكێ كوردستانێ هه‌رێمێ پشت راست دكه‌ین كۆ هین بتنێ نینن و حكومه‌تا چینێ ل پشتاوه‌یه و ل گه‌ل هه‌وه دبیت، دێ به‌رده‌وام بین ژی د هه‌ڤكاریكرنا هه‌رێمێ بۆ به‌رهنگاربوونا ڤایرۆسێ كورونایێ.
نيشاندان