ئه‌ڤرۆ نیوز:

رێڤه‌به‌رێ گشتی یێ بازرگانی ل وه‌زاره‌تا بازرگانی و پیشه‌سازیێ یا حكومه‌تا هه‌رێما كوردستانێ راگه‌هاند گرتنا خالێن توخیبی یێن هه‌رێما كوردستانێ ل گه‌ل ئیرانێ كۆ كارتێكرنێ ل سه‌ر كێمبوونێ و گرانبوونا بهایان ناكه‌ت،حكومه‌ت دێ خالێن توخیبی یێن هه‌رێما كوردستانێ ل گه‌ل توركیا و به‌غدا بۆ ئینانا كه‌ل وپه‌لان بكار ئینیت.

نه‌وزاد ئه‌دهه‌م رێڤه‌به‌رێ گشتی یێ بازرگانی ل وه‌زاره‌تا بازرگانیێ و پیشه‌سازیێ ل حكومه‌تا هه‌رێما كوردستانێ راگه‌هاند: هه‌رێمێ ل گه‌ل ئیرانێ سێ ده‌رگه‌هێن خالێن توخیبی هه‌نه‌ و كۆ نها هاتینه‌گرتن، چونكو ژیانا مرۆڤی گرنگتره‌ ژ كه‌ل و په‌لان، ئه‌و بریار ژی ژ جڤاتا وه‌زیران ده‌ركه‌تی یه‌ بۆ پاراستنا ژیانا مرۆڤی یه‌، بۆ تژیكرنا ئه‌وێ بوشاهیا دروست دبیت ژ گرتنا خالێن توخیبی یێن ئیرانێ، دشیێن خالێن دی یێن توخیبی بكار بینین كۆ نوكه‌ جهگرێن وان مفایی ژێ دبینین  ئه‌و ژی ب رێكا توركیا .

نه‌وزاد ئه‌دهه‌م رێڤه‌به‌رێ گشتی یێ بازرگانی ل وه‌زاره‌تا بازرگانیێ و پیشه‌سازیێ ل حكومه‌تا هه‌رێما كوردستانێ راگه‌هاند ژبلی گوهورینێن خالێن توخیبی یێن هه‌رێما كوردستانێ، پاشه‌كه‌وت هه‌یه‌ بشیێن تاكو ده‌ربازبوونا مه‌ترسیا ڤایرۆسێ كورونا گوهورینێن سه‌قایی، چاره‌سه‌ریا كێم بوونا خارنێ و رێگریێ ژ بلند بوونا بهایێ بازاری پێ بكه‌ین.

ئه‌ڤرۆ نیوز:

ئێسگه‌ها به‌رهه‌مئینانا كاره‌بێ یا بازیان، د مه‌راسیمه‌كێ دا 3 باوه‌رنامه‌یێن گرنگ ژلایێ رێكخراوا جیهانی بۆ ستانداركرنێ(ISO) پێ هاته‌ دان.

باوه‌رنامه‌یێن رێكخراوا (ISO) كۆ هاتیه‌ دان ب ئێسگه‌هێ به‌رهه‌مئینانا كاره‌با بازیان پێك هاتیه‌ ژ( رێڤه‌برنا جوری، رێڤه‌برنا ژینگه‌هێ، رێڤه‌برنا ساخله‌میی و سلامه‌تی) كۆ هه‌رسێ پیكڤه‌ دبیته (Integrated Management System)‌ دهێته‌ بناڤكرن و بۆ جارا ئێكێ یه‌ ئێسگه‌هه‌كا كاره‌بێ ل عیراقێ ئه‌ڤان سێ باوه‌رنامه‌یان پێكڤه‌ پێ بهێنه‌ دان.

سه‌عه‌د ته‌یب حه‌سه‌ن رێڤه‌به‌رێ بجهكارێ گرۆپێ كۆمپانیا قه‌یوان راگه‌هاند: ئه‌ڤ باوه‌رنامه‌یه‌ پشت راست دكه‌ت كۆ ئێسگه‌ها به‌رهه‌مئینانا كاره‌بێ یا بازیان، كو ب ستانداردێن جیهانی كار دكه‌ت و هه‌موو ئه‌و به‌رپرسیاریه‌ بجهكرینه‌ كۆ ریكخراوا(ISO)  داخاز كرینه‌.

 ناڤبری ئه‌و چه‌نده‌ ژی دازانین شِێوازێ به‌رهه‌مئینانا كاره‌بێ ل هه‌رێما كوردستانێ چوویه‌ د قوناغه‌كا دی دا، قوناغه‌كه‌ كۆ بتنێ به‌رپرسیاریا یاسایی یا حكومه‌تێ ل سه‌ر مه‌ نینه،‌ به‌لكو به‌رپرسیاریا نیشتمانی و جیهانی ژی ل سه‌ر ملێن مه‌یه‌ و دڤێت لگۆری ستانداردێن جیهانی كار بكه‌ین.

ئێسگه‌ها به‌رهه‌مئینانا كاره‌بێ یا بازیان ل سالا 2016 هاتیه‌ دامه‌زراندن و ب رێكا 4 توربیناڤه‌ 500 مێگاواتێن كاره‌بێ ژ گازا سروشتی بهێته‌ به‌رهه‌م ئینانان.

رێكخراوا(ISO) ل سالا 1947 هاتیه‌ دامه‌زراندن و رێكخراوه‌كا نێڤ ده‌وله‌تی یه‌ و باوه‌رنامه‌یا دده‌ته‌ ئه‌وان كۆمپانی و سازیێن ژ رویێ كوالیتی و ژینگه‌ه و خزمه‌تگوزاری ڤه‌ ئاسته‌كێ باش هه‌یی.

ئه‌ڤرۆ نیوز:

وه‌زاره‌تا كاره‌با حكومه‌تا هه‌ریما كوردستانێ راگه‌هاند: سه‌رۆكێ حكومه‌تێ ره‌زامه‌ندی دا ل سه‌ر دامه‌زراندنا سێ ئێسگه‌هێن به‌رهه‌م ئینانا ووزه‌یا كاره‌بێ ژ تیشكا رۆژێ ل پارێزگه‌هێن هه‌ولێر و سلێمانی و دهۆك كو شیانێن به‌رهه‌م ئینانا 25 مێگا واتێن كاره‌بێ ژ هه‌ر ئیسگه‌هه‌كی .

وه‌زاره‌تا كاره‌با هه‌رێما كوردستانێ د راگه‌هاندنه‌كێ دا كۆ بۆ ئه‌ڤرۆ نیوز هاتیه‌ هنارتن و راگه‌هاندیه‌ د به‌رده‌وامیا بزاڤێن بۆ زێده‌كرنا به‌رهه‌مئینانا كاره‌بێ و چاره‌كرنا ئاریشه‌یێن كاره‌بێ، مه‌سرور بارزانی سه‌رۆكێ حكومه‌تێ ره‌زامه‌ندی دا ب دامه‌زراندنا سێ ئێسگه‌هێن به‌رهه‌مئینانا كاره‌بێ ب تیشكا رۆژێ ل پارێزگه‌هێن هه‌ولێر و سلێمانی و دهۆك.

د ئه‌وێ راگه‌هاندنێ دا هاتیه‌ كۆ شیانێن هه‌ر ئیك ژ ئه‌وان ئیسگه‌هان 25 میگاواتێن كاره‌بێ یه‌، بریاره‌ بڤی شیوه‌یێ وه‌به‌رهێنان ژلایێ كه‌رتێ تایبه‌ت ڤه‌ بهێته‌ ئه‌نجام دان.

به‌رهه‌م ئینانا كاره‌بی ب تیشكا رۆژی ئێكه‌ ژ ئه‌وان پرۆژه‌یێن گرنگێن دوستێ ژینگه‌هێ و وه‌زاره‌تا كاره‌با حوكمه‌تا هه‌رێما كوردستانێ دیاركر پشته‌ڤانیا هه‌موو وه‌به‌رهێنه‌رێن دڤی بواری دا دكه‌ین.

وه‌زاره‌تا كاره‌بێ ئه‌و چه‌نده‌ ژی دیاركر كۆ نوكه‌ ده‌ست ب به‌رهه‌ڤكرنا ته‌نده‌ر و گرێبه‌ستان ب مه‌به‌ستا ئه‌نجامدانا پرۆژان كریه‌، كۆ بریاره‌ ب شیوه‌یێ وه‌به‌رهێنانێ ژلایێ كه‌رتێ تایبه‌ت ڤه‌ بهێته‌ ئه‌نجامدان و لگۆری رێكه‌تن و گرێبه‌ستێ ئه‌و رێژا كاره‌با ژێ دهێته‌ به‌رهه‌م ئینان ژێ بهێته‌كرین.