ئه‌ڤرۆ نیوز، له‌زگین جوقی:

قائیمقامێ‌ قه‌زا شنگال دیاركركو ل ته‌له‌عفه‌ر گۆره‌كێ‌ ب كۆم یێ خه‌لكێ‌ مه‌ هاتیه‌ دیتن وپێشبینی‌ دهێته‌ كرن چه‌ندێن گۆرێن دی یێن ب كۆم یێن خه‌لكێ‌ مه‌ ل ته‌له‌عفه‌ر و كسر الحراب هه‌بن.

مه‌حما خه‌لیل، قائیمقامێ‌ قه‌زا شنگال دیاركركو روفاتیێن خه‌لكێ‌ شنگال هیشتا دناڤ گۆرێن ب كۆمدانه ‌و  نه‌هاتینه‌ ڤه‌كرن وبه‌رده‌وام گۆرێن ب كۆم یێن خه‌لكێ‌ مه‌ دهێنه‌ دیتن ئه‌م پێشبینیێ دكه‌ین هیشتا گۆرێن ب كۆم یێن وه‌لاتیێن ئێزدی ل ته‌له‌عفه‌ر و كسر الحراب بهێنه‌ دیتن چونكو ل ڤان ده‌ڤه‌ران گه‌له‌ك زۆرداری ل خه‌لك هاتیه‌ كرن ژ جینوسایدا شنگال هه‌تا نوكه‌ ژی وه‌كو پێدڤی كار ل سه‌ر گۆرێن بكۆم نه‌هاتیه‌ كرن ئه‌م هیڤدارین هه‌موو گۆرێن بكۆم بهێنه‌ ڤه‌كرن وروفات بۆ كه‌س و كارێن وان بهێنه‌ زڤراندن.

خۆیا ژی كركو نها ل ته‌له‌عفه‌ر دناڤ بیره‌كا ئاڤێدا گۆره‌كێ‌ ب كۆم هاتیه‌ دیتن لێ‌ هیشتا دیارنینه‌ چه‌ند روفات تێدا هه‌نه‌ ئه‌م د وێ‌ باوه‌ریێ‌ داینه‌ پتر گۆرێن بكۆم یێن خه‌لكێ‌ مه‌نه‌، چونكو ل ته‌له‌عفه‌ر و كسر المحراب گه‌له‌ك زۆرداری‌ ل خه‌لكێ‌ ره‌ڤاندی یێن شنگال هاتیه‌ كرن.

ئه‌ڤرۆ نیوز:

بریاره‌ ئه‌ڤرۆ شانده‌كێ بلندێ وه‌زاره‌تا پێشمه‌رگه‌ی سه‌ره‌دانا‌ به‌غدا بكه‌ت و ل گه‌ل به‌رپرسێن وه‌زاره‌تا به‌ره‌ڤانیا عیراقێ كۆم بیت.

وه‌زاره‌تا پێشمه‌رگه‌ی به‌لاڤكریه‌، بریاره‌ ئه‌ڤرۆ 24/2/2020شانده‌كێ بلندێ وه‌زاره‌تا پێشمه‌رگه‌ی ب سه‌رۆكاتیا شوره‌ش ئیسماعیل وه‌زیرێ پێشمه‌رگه‌یێ حكومه‌تا هه‌رێما كوردستانێ سه‌ره‌دانا به‌غدا بكه‌ت و ل گه‌ل وه‌زیرێ به‌ره‌ڤانیا حكومه‌تا فیدرال و به‌رپرسێن بلندێ ئه‌وێ وه‌زاره‌تێ كۆم بیت.

ئەڤرۆ نیوز،دهۆك، له‌زگین

رێڤه‌به‌رى گشتى یێ ساخله‌میا پارێزگه‌ها دهۆكێ دیاركركو نه‌خۆشخانه‌ یێن مه‌ ژى دبه‌رهه‌ڤن بۆ خزمه‌تكرنا وه‌لاتیان و چ حاله‌ته‌ك ل دهۆكێ په‌یدانه‌بوویه‌، لێ په‌یدابوونا ڤایرۆسى ل ئیران بوویه‌ ئه‌گه‌ر خه‌لكێ مه‌ بترسن ئه‌ز د وێ باوه‌ریێ دامه‌ وخه‌لكێ خوه‌ پشت راست دكه‌ین هه‌موو ئاماده‌كارى هاتینه‌ كرن و باشتره‌ خه‌لك رێنمایان بجه بینن بۆ خوه‌ پاراستنى
د. نزار عسمه‌ت، رێڤه‌به‌رى گشتى یێ ساخله‌میا پارێزگه‌ها دهۆكێ دیاركركو ئه‌ڤرۆ 23/2/2020 ساخله‌میا دهۆكێ كۆمبوونه‌ك به‌رفره‌ه دگه‌ل هه‌موو سازیێن ته‌ندروستى ل دهۆكێ ئه‌نجامدا بۆ به‌رهه‌نگاریا نه‌خۆشیا كۆرونا.
دكۆمبوونێ دا ئه‌و رێنما و بریارێن هاتینه‌ دان هه‌موو دێ كه‌فنه‌ وارى بجه ئێنانێ دا بۆ به‌رهه‌نگاریا ڤایرۆسێ كۆرونا لێ چ حاله‌ته‌كێ ڤێ نه‌خۆشیێ ل پارێزگه‌ها دهۆكێ نه‌هاتیه‌ تۆماركرن ئه‌م هیڤدارن خه‌لك ژى دگه‌ل مه‌دا هه‌ڤكاربن خوه‌ بپارێزن ئه‌و خه‌لكى قه‌ستا وه‌لاتێن بیانى كرین بتایبه‌تى ژى ئه‌و وه‌لاتیێن ڤایرۆس تێدا په‌یدابووی، ئه‌م پیرابوونا دگه‌ل وان وه‌ربدگرین دگه‌ل مه‌دا هه‌ڤكار بن وپتر هه‌ماهه‌نگیى هه‌بیت داكو خه‌لكێ خوه‌ ژ ڤێ نه‌خۆشى بپارێزن.
ئاشكه‌را كركو هه‌ر ده‌زگه‌هه‌كێ پرۆپاكنده‌كا نه‌دروست به‌لاڤ بكه‌ت دێ پیرابوون دگه‌لدا هێنه‌ وه‌رگرتن ئه‌م دخوازێ ژ هه‌موو سازیێن راگه‌هاندنێ دکەین، دگه‌ل مه‌ دا هه‌ڤكاربن بۆ هوشیاركرنا وه‌لاتیان و چه‌وانیا بكارئینانا رێنما و بریارێن خوه‌ پاراستنى.

ئەڤرۆ نیۆز، قائید میرۆ:

ھەر وەلاتیەکێ ھەرێما کوردستانێ بەری نوکە سەرەدانا ئیرانێ کربیت و بخوازیت ڤەگەڕیت دێ کەڤیتە بن چاڤدێریا نۆشداران بۆدەمێ دو حەفتیان بەرپرسەکێ حوکمەتا ھەرێمێ ژی دبێژیت، خەلکێ ڤەدگەڕیت دناڤا ئوتێلاندا ھاتینە کۆمکرن و بەردەوام پشکنین بۆ تێنەکرن.

کرمانج عزەت، قایمقامێ قەزا سۆران بۆ ئەڤرۆ نیۆز دیارکر”پشتی بەلافبوونا ڤایرۆسا کۆرۆنا ل ئیرانێ ھاتن و چوون دناڤبەرا ھەرێما کوردستانێ و کۆمارا ئیسلامیا ئیرانێ ھاتیە راگرتن و ب چ شێوەیەکی رێک ناھێتەدان خەلک ژ ئیرانێ بھێتە کوردستانێ و بەرۆڤاژی خەلکێ مەژی نابیت بچیتە ئیرانێ، لەوڕا دەرگەھێ کۆمەلگەھا نێڤدەوله‌تی یێ حاجی ئومەران ھاتیەگرتن.

قایمقامێ سۆران ئاشکراکر” تنێ وەلاتیێن ھەرێما کوردستانێ یێن بەری نوکە چووینە ئیرانێ دشێن ڤەگەڕان بۆ ناڤا ھەرێما کوردستانێ ئەو ب مەرجەکی پێدڤیە بۆ دەمێ چواردە رۆژان بن چاڤدێریا نۆشداران بن.

کرمانج عزەت گۆتژی” زێدەتری ٤٠٠ وەلاتیێن ھەرێمێ لڕۆژێن بۆری ل ئیرانێ ڤەگەڕیاینە و ھەموو دناڤا ئۆتێلاندا ھاتینە کۆمکرن و رێک ناھێتەدان بچنە ناڤا خەلکی ھەتا پشتڕاست دبین کو ھەلگرێ کۆرۆنایێ نینە، ئەڤەژی وەک پێنگا ئێکێ بۆ خوە پاراستنێ ل ڤایرۆسا کۆرۆنا.