ئه‌ڤرۆ نیوز:

ریڤه‌به‌ریا گشتی یا سه‌قا ناسی و پیڤه‌له‌رزان یا هه‌رێما كوردستانێ پێشبینیێن سه‌قایی به‌لاڤكرن.

ئه‌ڤرۆ رۆژا سێ شه‌مبێ 11/2/2020 رێڤه‌به‌ریا گشتی یا سه‌قا ناسی و پیڤه‌له‌رزان یا هه‌رێما كوردستانێ سه‌قایێ 48 ده‌مژمێرێن بهێت بلاڤكر و تێدا ئاماژه‌ ب وێ چه‌ندێ هاتیه‌ دان كۆ ل ته‌ڤایا پارێزگه‌هێن هه‌رێمێ ساهیی دبیت ل هنده‌ك ده‌ڤه‌رێن سلێمانیێ و دهۆكێ عه‌ور دبیت.

سه‌قا ناسیا هه‌رێما كوردستانێ دازانین سوبه‌هی رۆژا چارشه‌مبی 12/2/2020 ل هه‌ولێر و سلێمانی و دهۆكێ ساهی و عه‌ور دبیت.

ئه‌ڤرۆ نیوز، ناجی به‌ده‌ل:

ئه‌ڤرۆ دو شه‌مب 10/2/2020 پێنجی سال بورین ژ دامه‌زراندنێ وهه‌لكه‌فتا یوبیلا زێرین یا ئێكه‌تیا نڤیسه‌رێن كورده‌، رۆله‌ك مه‌زن گێرایه‌ د پێشڤه‌برن و خزمه‌تكرنا زمان و دیرۆك و وێژه‌یا كوردی.

محه‌مه‌د عه‌بدولا جێگرێ سه‌رۆكێ ئێكه‌یتا نڤیسه‌رێن كورد دهۆك بۆ ئه‌ڤرۆ نیوز دیاركر رۆژا 10/2/1970 ئێكه‌تیا نڤیسه‌رێن كورد ل به‌غدا هاته‌ راگه‌هاند و ژ وێ رۆژێ هه‌تا نها به‌رده‌وامه‌ دبیاڤێ نڤیسین و زمان و ئه‌ده‌ب و وێژه‌یا كوردی دا، ئیكه‌م كه‌سێ بوویه‌ سه‌رۆكێ ئێكه‌تیا نڤیسه‌رێن كورد ژی هه‌ژار موكریانی بوو كۆ رۆله‌كێ بهێز هه‌بوو بۆ پێشڤه‌برنا ئێكه‌تیا نڤیسه‌رێن كورد.

محه‌مه‌د عه‌بدولا جێگرێ سه‌رۆكێ ئێكه‌یتا نڤیسه‌رێن كورد دهۆك گۆت: هه‌ر ل سالا 1971 تایێ دهۆكێ یێ ئێكه‌تیا نڤیسه‌رێن كورد هاته‌ دامه‌زراندن، كۆ كه‌سێ ئێكێ یێ بوویه‌ سه‌رۆكێ نڤیسه‌رێن كورد دهۆكێ، شێخ مه‌مدوح بریفكانی بوو ئه‌و بخۆ كه‌سه‌كێ شاره‌زا بوو دبیاڤێ وێژه‌یا كۆردی.

جێگرێ سه‌رۆكێ ئێكه‌یتا نڤیسه‌رێن كورد دهۆك گۆت ژی ئێكه‌تیا نڤیسه‌رێن كورد یا گشتی ل هه‌ولێرێ هه‌لكه‌فته‌كا مه‌زن ل سه‌ر ئاستێ هه‌می تایێن خوڤه‌ كریه‌ و ئه‌م ژی وه‌ك تایێ دهۆكێ تێدا پشكدارین و دڤێ چالاكیێ دا چه‌ندین لایه‌ن و به‌رپرسێن مه‌زنێن حوكمی تێدا پشكدارن و  ب هه‌ماهه‌نگی و هه‌ڤكاریا وه‌زاره‌تا ره‌وشه‌نبیری، چالاكی ل هه‌ولێرێ دئێته‌ رێك خستن.

محه‌مه‌د عه‌بدولا دازانین ب ژڤان بووین چالاكیا بیرهاتنێ ل دهۆكێ بكه‌ین لێ نڤیسه‌رێن كورد یا گشتی ده‌ست پێكر و ئه‌م ژی تێدا پشكدارین له‌ورا مه‌ ل دهۆكێ چ چالاكی ئه‌نجام نه‌دان.

ئه‌ڤرۆ نیوز:

ئه‌ڤرۆ دو شه‌مب 10/2/2020 مه‌سرور بارزانی سه‌رۆكێ حوكمه‌تا هه‌رێما كوردستانێ ب هه‌لكه‌فتا یوبیلا زێرین یا ئێكه‌تیا نڤیسه‌رێن كورد، په‌یامه‌كا پیرۆزباهیێ ئاراسته‌یێ ئێكه‌تیا نڤیسه‌رین كورد كر و تێدا هاتیه‌ سه‌رۆك و ئه‌ندامێن ئێكه‌تیا نڤیسه‌رێن كورد ب هه‌لكه‌فتا یوبیلا زێرین یا ئێكه‌تیا نڤیسه‌رێن كورد گه‌رمترین پیرۆزباهیێ پێشكێشی وه‌هه‌ دكه‌م  هیڤیا سه‌ركه‌فتنێ بۆ هه‌وه‌ دخوازم.

ئه‌ڤه‌ ژی ده‌قێ په‌یاما مه‌سرور بازرانی سه‌رۆكێ حوكمه‌تا هه‌رێما كوردستانێ ب هه‌لكه‌فتا یوبیلا زێرین یا ئێكه‌تیا نڤیسه‌رێن كورد:

به‌رێز و سه‌رۆك ئه‌ندامێن ئێكه‌یتا نڤیسه‌رێن كورد

ب هه‌لكه‌فتا یوبیلا زێرین یا ئێكه‌تیا نڤیسه‌رێن كورد گه‌رمترین پیرۆزباهیێ پێشكێشی وه‌ دكه‌م، هیڤیا سه‌ركه‌فتن و به‌رده‌وامیێ بۆ هه‌وه‌ دخوازم، بێگۆمان رێكخراوا وه‌ رۆله‌كێ دیار و كاریگه‌ر ل بزاڤا ئه‌ده‌بی و ره‌وشه‌نبیری یا گه‌لی كوردستانێ هه‌بوویه‌، ب تایبه‌تی ل پاراستن و گه‌شه‌پێدانا زمانێ كوردی.

هه‌روه‌سا رۆلێ ئێكه‌تیا نڤیسه‌رێن كورد داكۆكیكرن ل مافێن دیموكراتی و نه‌ته‌وه‌یا گه‌لی كوردستانی ناهێته‌ ژبیركرن كۆ به‌رهه‌مێن ب نه‌رخێن وێ، حزمه‌ته‌كا مه‌زنا بزاڤا رۆناكبیریا نه‌ته‌وه‌یا مه‌ داكریه‌.

ئومێدا پێشكه‌فتنێ بۆ هه‌وه‌ دخوازم و هیڤی دارم ژ كاروانێ پری په‌خشان د پیخه‌مه‌تا خزمه‌تكرنا زمان و ئه‌ده‌بی كوردی دا به‌رده‌وام بن.

مه‌سرۆر بارزانی

سه‌رۆكێ حوكمه‌تا هه‌ریما كوردستانێ

10/2/2020

ئه‌ڤرۆ نیوز:

هه‌رێما كوردستانێ ل چاڤ عیراقێ زۆرترین كۆمپانیێن بیانی تێدا كار دكه‌ن، كو هه‌می بیاڤ بخوڤه‌گرتینه‌ ئه‌وان كۆمپانیێن ل كوردستانێ د كاری دا به‌رده‌وامن.

فه‌تحی محه‌مه‌د په‌یڤدارێ وه‌زاره‌تا بازرگانی پیشه‌سازیا حوكمه‌تا هه‌رێما كوردستانێ راگه‌هاند: ل سالا 2019 ل چاڤ سالا 2018 توماركرنا كۆمپانیێن بیانی ل هه‌رێمێ زێده‌ ب بوو و ب شێوه‌یه‌كی ل سالا 2018 بتنێ 34 كۆمپانی یێن بیانی هاتینه‌ توماركرن، ل سالا 2019 بلند بوو بۆ 60 كۆمپانیان، نوكه‌ ب گشتی كۆمپانی یێن هه‌ریمێ تووماركری  سی هزار و 102 لقێن وان ل هه‌موو كوردستانێ هه‌نه‌، كۆ هه‌رێما كوردستانێ ل ده‌ڤه‌ره‌كا ئالوزدایه‌ لێ ته‌ناهی سه‌د ل سه‌د جیگیره‌ و چ ئاریشه‌ بۆ بیانیان دروست نه‌ بووینه‌.

ئاراس شێخ ره‌ئوف رێڤه‌به‌رێ تومارا كۆمپانیێن هه‌رێما كوردستانێ راگه‌هاند: ئه‌و ره‌وشا ل عیراقێ دروست بووی چ كارتێكرن ل سه‌ر كارێ كۆمپانیێن بیانی ل هه‌رێمێ نه‌كریه‌ بگره‌ هژماره‌كا زۆرترا  لقێن كۆمپانیین بیانی ژ عیراقێ هاتینه‌ ڤه‌گۆهاستن بۆ هه‌رێمێ چونكو ژینگه‌هه‌كا ئارامه‌ بۆ بیانیان.

رێڤه‌به‌رێ تومارا كۆمپانیێن هه‌رێما كوردستانێ ئه‌و چه‌نده‌ ژی دازانین به‌رۆڤاژی عیراقێ كۆ چه‌ند هه‌یڤه‌كه‌ ره‌وشا وێ تێك چوویه،‌ ژماره‌كا كۆمپانیێن بیانی ب ئه‌گه‌رێ مه‌ترسی ل سه‌ر وان و كارێن وان لقێن خۆ یان كارێن خۆ ڤه‌گۆهاستینه‌ هه‌رێما كوردستانێ و به‌رده‌وامن ل سه‌ر كارێن خۆ.