NO IORG
Authors Posts by naci bedel

naci bedel

15011 POSTS 0 COMMENTS

ئه‌ڤرۆ نیۆز عه‌زیز هه‌ورامی:

بڕیاره‌ ئه‌مڕۆ شه‌مه‌ 1ی شوبات ئه‌نجوومه‌نی گشتی سه‌ركردایه‌تی یه‌كێتی نیشتیمانی كوردستان له‌ سلێمانی پاش چه‌ندین جار دوواخستن به‌سه‌رپه‌رشتی مسته‌فا چاوڕه‌ش كۆببێته‌وه‌.

ئه‌مڕۆ شه‌مه‌ 1ی شوبات، مسته‌فا چاوڕه‌ش وته‌بێژی یه‌كێتی نیشتیمانی كوردستان، به‌ئه‌ڤرۆ نیۆزی ڕاگه‌یاند، ئه‌مڕۆ كاتژمێر 2 بڕیاره‌ ئه‌نجوومه‌نی سه‌ركردایه‌تی یه‌كێتی كۆببێته‌وه‌ كۆبونه‌وه‌ ته‌نها گفتوگۆ له‌ سه‌ر پێڕه‌وی ناوخۆی حزب ده‌كات.

زیاتر وتی، له‌ كۆبونه‌وه‌ی ئه‌مڕۆی ئه‌نجوومه‌نی سه‌ركردایه‌تی باس له‌ هه‌ڵبژاردنی سه‌رۆكی یه‌كێتی ناكرێت و دووا ده‌خرێت بۆ كۆبونه‌وه‌كانی داهاتوو.

یه‌كێتی نیشتیمانی كوردستان به‌هۆی بوونی ململانێ زۆر له‌سه‌ر پۆستی سه‌رۆكی حزب تائێستا نه‌ی توانیوه‌ كه‌سێك ده‌ستنیشان بكه‌ن ببێته‌ كه‌سی یه‌كه‌می حیزبه‌كه‌ و دووای كۆچی مام جه‌لال ئه‌و حزبه‌ كه‌سی یه‌كه‌می نییه‌ و كۆنگره‌ش نه‌ی توانی كه‌سێك دیاری بكات بۆ سه‌رۆكی حزب.

ئه‌ڤرۆ نیوز:

رێڤه‌به‌رێ گشتی یێ چاڤدێری و گه‌شه‌پێدانا جڤاكی یا هه‌ولێرێ راگه‌هاند: سه‌رۆكێ حوكمه‌تا هه‌رێما كوردستانێ ته‌ڤایا پیدڤیێن مالا ئافره‌تێن هه‌ره‌شه‌لێكری دابینكرن.

یوسف چاوشین رێڤه‌به‌رێ گشتی یێ چاڤدێری و گه‌شه‌پێدانا جڤاكی ل هه‌ولێرێ راگه‌هاند: پشتی رۆژا 25 تشرینا دوێ یا سالا 2019 مه‌سرور بارزانی سه‌رۆكێ حوكمه‌تا هه‌رێما كوردستانێ د سه‌ره‌دانه‌كا مه‌یدانی دا بۆ مالا ئافره‌تێن هه‌ره‌شه‌لێكری ل هه‌ولێرێ، ژلایێ ئیدارا وێ ڤه‌ هنده‌ك داخازی پێشكێشكربوون، خوشبه‌ختانه‌ نه‌ بتنێ بۆ هه‌ولێرێ به‌لكو بۆ مالێن دی ژی یێن پارێزگه‌هێن دی دابینكرن.

ئه‌ڤرۆ نیوز:

پولیسێن ئه‌مریكا ل باژێرێ فینیكس ل ویلایه‌تا ئه‌ریزونا، عیراقیه‌ك ده‌سته‌سه‌ركر ب تومه‌تا سه‌ركردایه‌تیكرنا گرۆپه‌كا تیرۆریستی سه‌ر ب رێكخراوا قاعیده‌ڤه‌.

لگۆری ئاژانسێن نوچه‌گه‌هانیێ دیار دكه‌ن، ئه‌و كه‌سی هاتیه‌ ده‌سته‌سه‌ركرن، بناڤێ عه‌لی یوسف نوری كۆ ژیێ وی 42 ساله‌ و داخازكریه‌ بۆ هه‌مبه‌ر دادگه‌ها عیراقی ب تومه‌تا ده‌ست هه‌بوونا وی ل كوشتنا دو پولیسێن عیراقی.

لگۆری ئاژانسێن نوچه‌گه‌هانیێ، كه‌سی ناڤبری سه‌ركرده‌یه‌كێ گرۆپه‌كا تیرۆریستی سه‌ر ب رێكخراوا قاعیدێ بوو ل باژێرێ فه‌لوجه‌ و پلان بو هێرشكرنا سه‌ر هێزێن پولیسان دانابوو.

ئه‌ڤرۆ نیوز:

بریتانیا 1/2/2020 ب شێوه‌یه‌كێ فه‌رمی ژ ئێكه‌تیا ئه‌وروپا ده‌ركه‌ت.

بریتانیا ل سالا 1973 ب فه‌رمی ب بوو ئه‌نداما ئیكه‌تیا ئه‌ورۆپا،بریاره‌ ئه‌ڤرۆ دوریه‌كا ڤه‌گۆهاستنێ یا 11 هه‌یڤی ده‌ست پێ بكه‌ت، دوی ده‌مێ دیاریكری بریتانیا رێكه‌فتنه‌كا بازرگانی یا درێژخایه‌ن ل گه‌ل ئێكه‌یتا ئه‌ورۆپا بكه‌ت، تا ئه‌وی ده‌می گرێبه‌سته‌ك دناڤبه‌را بریتانیا و ئێكه‌تیا ئه‌وروپا وه‌ك خۆ دمینن.

ئه‌ڤرۆ نیوز:

بریكارێ سه‌رۆكێ فراكسیونا پارتا دیموكراتا گه‌لان هه‌ده‌په‌ راگه‌هاند: ئارمانجا سه‌ره‌كی یا كۆنگرێ پارتا مه‌ پێك ئینانا هه‌ڤپه‌یمانیه‌كا بهێزدبیت بۆ گوهورینا ده‌سه‌لاتێ ل توركیا.

سارۆهان ئولوچ برێكارێ فراكسیونا هه‌ده‌په‌ ل په‌رله‌مانێ توركیا راگه‌هاند: ده‌مێ ئه‌وێ چه‌ندێ هاتیه‌ كۆ ده‌سه‌لاتا توركیا بهێته‌ گوهارتن، چونكو ژێده‌رێ هه‌موو قه‌یرانانه‌ و رۆژ بۆ رۆژێ شیانێن خوه‌ ژ ده‌ست دده‌ت، هه‌ده‌په‌ ل قوناغه‌كا نویا پرۆسیسا سیاسی دایه‌ خۆ بۆ قوناغا پشتی نه‌مانا ده‌سه‌لاتا نوكه‌یا توركیا به‌رهه‌ڤ دكه‌ت.

ئولوچ راگه‌هاند ژی مێڤانێن بیانی و ناڤخویی دهێنه‌ داخازكر بۆ كۆنگره‌ییێ چارێ یێ هه‌ده‌په‌.

ئه‌ڤرۆ نیوز:

ئه‌مریكا بۆ به‌ره‌ڤانیكرن ژ هێزێن خو ل ده‌مێ بوردومانكرن و هێرشێن موشه‌كی، ب ژڤانا دانانا سیسته‌می پاتریوته‌ ل عیراقێ جیگیر بكه‌ت.

مارك میلی سوپا سالاری ئه‌مریكا راگه‌هاند: دڤێت ئه‌مریكا سیسته‌مێ دژه‌ فرینا پاتریوت ل عیراقێ جیگیر بكه‌ت، بو ئه‌وێ مه‌به‌ستێ ژی مه‌ پێدڤی ب رازیبوونا عیراقێ هه‌یه‌.

ئه‌ڤرۆ نیوز:

په‌یڤدارێ وه‌زاره‌تا ساخله‌میا هه‌رێما كوردستانێ راگه‌هاند: هه‌ر كۆمپانیه‌كا ده‌رمانان رێنماییان بجهـ نه‌كه‌ت دێ هێته‌گرتن، گرتنا كۆمپانیێ ژی كارتێكرنێ‌ سه‌ر كێمبون و گرانبوونا ده‌رمانان ل بازارێن هه‌رێما كوردستانێ ناكه‌ت.

د. محه‌مه‌د قادر په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند: ب ئه‌گه‌رێ پێگیر نه‌بوون ب رێنمایێن وه‌زاره‌تا ساخله‌میێ چه‌ند كۆمپانیه‌كێن بیاڤێ ده‌رمانان هاتنه‌ گرتن، چ كارتێكرنا خو ژی ل بازاری ناكه‌ن و جهـ گرتیێن وان ل بازاری هاتینه‌ دیتن.

په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ دیاركر د پیخه‌مه‌تا پاراستنا ساخله‌میا وه‌لاتیان به‌رده‌وام چاڤدێری و دووڤ چوون ئه‌نجام داینه‌، هه‌ر كۆمپانیه‌كا پیگیر نه‌بیت ب نووكرنا موله‌تێ و مه‌رج و رینمایێن وه‌زاره‌تێ، پێرابوونێن یاسایی ل هه‌مبه‌ر دهێنه‌ بكار ئینان.

214

ئەڤرۆ نیوز،عەلی حاجی:

پشتی ل ١/٨/٢٠١٩ گەنجه‌کێ زاخۆ بناڤی دژیێ ٢١ سالیێ دا بناڤێ ئەمیر عەبدولعەزیز بەرەڤ وەلاتێ تورکیا ڤە دچیت و ل رێکەڤتی ١/٩/٢٠١٩ ب مەرەما چوونێ بۆ وەلاتێن ئەوروپی د ئاڤا دناڤبەرا وەلاتێ تورکیا و یونان دا دخەندقیت.

موستەفا محەمەد کەسەکێ نێزیك ژ وی گەنجی بۆ ئەڤرۆ نیوز گۆت : ئەمیر عەبدولعەزیز ل رێکەڤتی ١/٨/٢٠١٩ قەستا وەلاتێ تورکیا کربوو دگەل چەند هەڤالەکان و ل دووف دا ل رێکەڤتی ١/٩/٢٠١٩ بریارێ ددەن بەرەڤ وەلاتێ یونانێ ڤە بچن ب رێیا ئاڤێ و پشتی هەولداین ب رێیا ئاڤێ دەربازی وەلاتێ یونان ببن، بەلێ د ناڤ ئاڤێ دا د خەندقن و ل گورەی وان پێزانینێن بەر دەستێ مە کەڤتین هێزەکا دەریایی یا تورکی تەرمێ ئەمیری پشتی حەفت رۆژان ژ خەندقینێ ل بەر لێڤێن ئاڤێ دیتینە و چو ناسنامەیەک ژی دگەل وی دا نەبوو و هەتا پارە و موبایلا وی ژی وەرمتی بوو و کار نەدکر ،پشتی وی دەمی تەرمێ ئەمیری دئیننە باژێرێ ئیستەنبولێ و پشتی بورینا دەمەکێ چ کەسێ پێزانین ل سەر نەبوون نەچار دبن تەرمێ ئەمیری ل وی باژێری ڤەشێرن.

گۆت : پشتی هەولان مە چو پێزانینەک پەیدا نەکری و ئەم نەچار بوین قەستا وەلاتێ تورکیا بکەین بۆ لێگەریانا تەرمێ ئەمیری و پشتی چەندین هەولان ل ڤان دو رۆژان مە شیا پێزانینان وەربگرین ل سەر ئەمیری کو وەسا دیار بوو کو ئەمیر خەندقی یە و نوکە تەرمێ وی ل باژێرێ ئیسته‌نبولێ یە و بریارە سوباهی رۆژا ئەینیێ ئەم تەرمێ وی ژ بن ئەردێ بیننە دەرێ و رەوانەی کوردستانێ بکەین،ل گورەی پێزانینان ژی وەسا هات بو دیار کرن کو قاچاخچیان دزانین ئەمیر خەندقی یە بەلێ چو پێزانین نەدانە مە.

91

ئەڤرۆ نیۆز عەزیز هەورامی:

فەرماندەی گشتی میحوەری ڕۆژئاوای کەرکوکی هێزی پێشمەرگەی کوردستان دەڵێ، پاشماوەکانی داعش بونەتە مەترسی لە سنوورەکانی کەرکوک.

نوری حمە عەلی فەرماندەی هێزەکانی پێشمەرگەی کوردستان لە میحوەری ڕۆژئاوای کەرکوک، بە ئەڤرۆ نیۆزی ڕاگەیاند، جوڵەی داعش لە سنووری گوند و ناحیەکانی کەرکوک زیادییان کردووە، خۆپێشاندان و پشێوییەکانی عێراق زیاتر ڕێخۆشکەرە تیرۆرستانی داعش خۆیان ڕێکبخەنەوە.

لە پاش ۱٦ـی ئۆکتۆبەری ۲۰۱۷ کشانەوەی هێزی پێشمەرگە لە ناوچەکانی دەرەوەی ئیدارەی هەرێمی کوردستان، داگیرکردنی لە لایەن سوپا و میلشیاکانی حەشدی شەعبی عێراق، بەهاوکاری دەستی ناخۆی کوردی دروستبوونی بەوشایی تەناهی پاشماوەکانی تیرۆرستانی داعش حەشارگەیان بنیات ناوەکاری تیرۆرستی دەکەن.

فەرماندەکەی هێزی پێشمەرگە دەڵێ، لە خوار قەزای دووبسەوە بۆ میحوەری شەش لەو ناوچانە چەکدارانی داعش بە فراوانی هەیە، بە ڕۆژدا عەگال دەکەنە سەریان و دشداشەوە دەگەڕێن و شەوانیش چەک هەڵدەگرن و کاری تیرۆرستی ئەنجام دەدەن.

زیاتر دەڵێ، هەمیشە وەک هێزی پێشمەرگە مەترسی داعش لەو ناوچانە و فراوان بونیان هۆشداریمان داوە، سەدان چەکدار دەبن بەڵام هیچ مەترسێکی لەسەر سنووری هەرێمی کوردستان نییە پشتێنەی ئەمنی بەهێزمان داناوە.

هەروەها ئاماژەی بۆ ئەوەشکرد، لە ململانێ و کێشەکانی عێراق گروپە تیرۆرستییەکان خۆیان ڕێکخستووە، ئێستەش لەو خۆپێشاندان و پشێویانەی شەقامی عێراقی گرتووەتەوە، کشانەوەی بەشێکی هێزەکانی عێراق بۆ ئەوپارێزگایانەی خۆپێشاندانی تێدایە، تیرۆرستانی داعش بە فرسەتی دەزانێت و هێزەکانی ڕێکدەخاتەوە.

لە سنووری کەرکوک و خانەقین چەکدارانی تیرۆرستی داعش هێرش دەکەنە سەر هاوڵاتیانی سڤیل و هێزە ئەمنییەکان، تائێستە هێزەکانی حەشدی شەعبی و سوپا و پۆلیسی فیدڕاڵی عێراق نەیان توانیوە سەیتەرە بە سەر پاشماوەکانی داعشدابکەن و ناوچەکە کۆنتڕۆڵبکەن.

176

ئەڤرۆ نیوز،عەلی حاجی :

ئەندامەکا پەرلەمانێ کوردستانێ د داخویانیەکێ دا بۆ ئەڤرۆ نیوز دیار کر پشتی ل حەفتیا بوری دیفچوونا بابەتێ کێشەیا گلێشی و بەرمایکان ل زاخۆ کری بریارا خەرچکرنا پێشینەیا کۆمپانیا هیزل هاتە دەرکرن.

زێدەتر گولیزار رەشید سندی گوت: پشتی دیفچوونا من یا بەردەوام ل دور کێشەیا درەنگ راکرنا گلێشی و بەرمایکان و نەدانا پێشینەیا کۆمپانیا هیزل هەر ژ دەست پێکرنا کاری ل زاخۆ و کو ل حەفتیا بوری ل دور ڤێ چەندێ من روونشتنەک دگەل ساسان عەونی وەزیرێ وەزارەتا شارەوانیان ئەنجام دایی بۆ چارەسەر کرنا ڤێ کێشەیێ، ئەڤرۆ ب رێیا وەزیرێ ناڤهاتی بۆ من دیار کر کو بریارا خەرچکرنا پارەیێ پێشینەیا کۆمپانیا هیزل ژلایێ وەزارەتا دارایی ڤە هاتیە دان و ئەڤ بریارە د دەمەکێ نێزیک دا دێ کەڤیتە د بوارێ جێبەجێ کرنێ دا.

ئەو چەندە ژی گوت: دێ بەردەوام دیفچوونا ڤێ کێشەیێ کەم ژبەر کو بهانەیا کۆمپانیا هیزل ژی ل سەر وێ چەندی بوو هەر ژ دەست پێکرنا کاری ل ١/٧/٢٠١٩ کۆمپانیێ چو پارەیەک بو وێ کۆمپانیێ خەرچ نەکربوو لەورا پێدڤی یە ئێدی کۆمپانی ب دروستی ب کارێ خوە رابیت و کێشەیا نەراکرنا گلێشی ل زاخۆ نەمینیت .

website security
WP Facebook Auto Publish Powered By : XYZScripts.com