ئه‌ڤرۆ نیوز:
د.ئومێد سه‌باح سه‌رۆكێ دیوانا جڤاتا وه‌زیران راگه‌هاند: سه‌ر هه‌موو كارێن ل گه‌ل په‌رله‌مانی رێكه‌تین و 60 رۆژ پێدڤی نه بۆ ئه‌وێ چه‌ندێ 5په‌یره‌وان دابنین بۆ بجهكرنا یاسایێ، چونكو بجهكرنا ئه‌ڤێ یاسایێ پێدڤی ب په‌یره‌وه‌كی هه‌یه، كۆ 5 په‌یره‌وێن جودا و 60رۆژ دڤێن كۆ حوكمه‌ت ئه‌وی په‌یره‌وی بجه بكه‌ت، پشتی ئه‌و په‌یره‌و ژلایێ په‌رله‌مانی ڤه هاتینه دانان، ئه‌ڤی پرۆژه‌یی 14 سێكته‌ر و بیاڤێن جدا بخوڤه گرتینه، لورا هه‌تا نه‌كه‌فته دبیاڤێ بجهكرنێ نه‌شیێن ژماره‌یێن دروست بێژین كۆ داهات بۆ خزینه‌یا حوكمه‌تێ دزڤریت.
ئومێد سه‌باحی ئه‌و چه‌نده ژی دیاركر دوماهی دارشتنا په‌رله‌مانی ل سه‌ر موچه‌یێ خانه‌نشینێن پله بالا 15% ژ ته‌ڤایا مووچه‌ی و ده‌رماله‌یان دبیت، 1.5 بۆ هه‌ر ساله‌كا خزمه‌تێ دهێته هژمارتن،ل هه‌می بیاڤان نابیت 50% یا مووچه و ده‌رماله‌یان بیت، ئه‌ڤ پیڤه‌ره دێ شێت دادوه‌ریه‌كێ دروست كه‌ن دناڤبه‌را پله بالا و پله‌یێن ئاسایی.
ئه‌ڤرۆ، نیوز:
ئه‌حمه‌د سه‌فار بریارده‌رێ لژنا دارایی ل جڤاتا نوونه‌رێن عیراقێ ئه‌و نفیسارا لژنا ده‌ستپاكیێ بۆ وه‌زاره‌تا دارایی چ گرۆڤه‌كێ یاسایی نینه، نفیسار ژلایێ سه‌رۆكێ لژنا ده‌ستپایێ هاتیه هنارتن و جێگرێ وی ئیمزاكریه، بابه‌ت ژی سزادانا سیاسی یه چونكو كورد پشكداری كۆمبوونا جڤاتا نوونه‌رێن عیراقێ نه‌كریه، هێشتا یاسای بۆدجا 2020 نه‌هاتیه په‌سندكرن كار ب یاسایا بۆدجا 2019 دهێته‌كرن و ئه‌ڤ پێنگاڤێن هاتینه هاڤێتن پێنگاڤێن سیاسی نه.
محه‌مه‌د سه‌عید عه‌باس سه‌رۆكێ لژنا ده‌ستپایێ یا جڤاتا نوونه‌رێن عیراقێ ب نفیسارا ژماره (م/ن/16/25) ل رۆژا 15/1/2020 بۆ نفیسنگه‌ها وه‌زیرێ دارایی یێ عیراقێ هاتیه هنارتن و تێدا داخازا برینا شایسته‌یێن دارایی یێن هه‌رێما كوردستانێ كریه، ب ئه‌گه‌رێ پێگیرنه‌بوونا هه‌رێما كوردستانێ ب هنارتنا پترۆلێ و داهاتێن ناڤخویی بۆ حوكمه‌تا ناڤه‌ندێ.
دهۆك، له‌زگین جوقی:
رێڤه‌به‌رێ گشتی یی ساخله‌میا پارێزگه‌ها دهۆكێ دیاركركو سالا بۆرێ دا ل پارێزگه‌ها دهۆكێ 3474077 كه‌سان سه‌ره‌دانا ده‌زگه‌هێن ساخله‌میێ كرینه و 175640 نه‌خۆش یێن هاتینه نڤاندن ل نه‌خۆشخانه و سه‌نته‌رێن تایبه‌تمه‌ند و 52347 نشته‌گه‌ریێن هاتینه ئه‌نجامدان ل نه‌خۆشخانه و سه‌نته‌رێن تایبه‌تمه‌ند 19722 روونشتێن شووشتنا گولچیسكا هاتینه ئه‌نجامدان و 61 نشته‌گه‌ریێن چاندنا
كولچسكا هاتینه ئه‌نجامدان.
د. نزار عصمه‌ت، رێڤه‌به‌رێ گشتی یێ ساخله‌میا پارێزگه‌ها دهۆكێ دپرێس كونفرانسه‌كی دا دیاركر ئه‌گه‌رێن مرنا جه‌لتا مێشكی و دلی پێدڤیه خه‌لكێ مه به‌رده‌وام پشكنینا بكه‌ن تایبه‌ت ئه‌و كه‌سێن به‌رگیریا له‌شێ وان یا كێم بیت یان هنده‌ك نه‌خوشیێن شه‌كرێ و فشارا خوینێ و دومدرێژ هه‌بن وه‌ك كه‌سێن دانعه‌مر دا رێژا مرنێ بهێته كێم كرن.مخابنی ڤه جه‌لتا دلی وگۆت: كێماسیا نوشدار و په‌ره‌ستارا گه‌له‌ك د كه‌رتێ ساخله‌میا دهوكێ دا هه‌یه، گه‌له‌ك جارا ئه‌م گه‌هشتینه وی راده‌ی ره‌نگه بنگه‌هێن ساخله‌میێ بهێنه دائێخستن ژبه‌ر ڤێ ڤالاتیا كارمه‌ندێ ساخله‌میێ، له‌ورا گه‌له‌ك جارا مه داخاز كریه كۆلیژێن نوشداری و په‌ره‌ستاری ل زانكۆیا زاخۆ و پشكا په‌ره‌ستاری ل زانكۆیا ئه‌مریكی بهێته ڤه‌كرن دا ئه‌ڤ ڤالاتیه بهێته پر كرن، ئه‌ڤ پلانه پێدڤی ب چه‌ند سالایه و ژمارا ئاكنجیێن كۆمه‌لگه‌هێ ژی د زێده‌بوونێ دایه ئه‌ڤه دگه‌ل وێ چه‌ندێ چه‌ندین نوشدارا كارێن خوه بجه هێلایه ب ئه‌گه‌رێن جودا جودا، هه‌روه‌سا نه‌دادپه‌روه‌ریا دابه‌شكرنا نوشدارا ل هه‌رێما كوردستانێ ل سه‌ر ئاستێ پارێزگه‌هان ئه‌و ژی هه‌ر نوشدارێ ل زانكۆیا پارێزگه‌ها خوه ده‌ربچیت ل وێ پارێززگه‌هێ دهێنه دانان، له‌ورا ئه‌و قوتابیێن ل زانكویا پزشكی دهوكی دخویین نه خه‌لكێ پارێزگه‌ها دهوكێنه ئه‌و قوتابی نامینن له‌ورا سالانه ساخله‌میا دهوكێ پێدڤی ب زێده‌تر 200 نوشدارێ نیشته‌جێ نه.
سه‌باره‌ت تمام كرنا نه‌خوشخانه و بنگه‌هێن ساخله‌میێ ئه‌وێن هاتینه دروست كرن و كارێ وان مایه راوستایی گۆت: پلان هه‌یه هه‌می نه‌خوشخانه بهێنه ته‌مام كرن، ئه‌و ژی پێنج نه‌خوشخانه كار ل سه‌ر دهاته كرن ژوانا ژی سێ به‌لێنده‌را كارێ خوه بدوماهی ئینایه و دوو ژوانا پێدڤی پارانه دا كارێ نه‌خوشخانێ ته‌مام بكه‌ن، مه داخاز كرنه ژ وه‌زاره‌تا ساخله‌میا هه‌رێمێ و پارێزگه‌ها دهوكێ كو ئه‌ڤ نه‌خوشخانه بهێنه ته‌مام كرن بتایبه‌تی نه‌خوشخانا هه‌وارهاتنا مه‌زن دهۆكێ گه‌له‌ك پێدڤیه كارێ وێ ته‌مام بیت، هه‌روه‌سا نه‌خوشخانا په‌نجه‌شێرێ ژ گرنگترین نه‌خوشخانه‌یانه كارێ وێ ته‌مام بیت، نه‌خوشخانا شێلادزێ و به‌رده‌ره‌ش و ئامێدیێ و نه‌خوشخانا ژن و زارۆكبوونێ پێدڤیه بهێنه ته‌مام كرن، گه‌له‌ك ژڤانا سالا 2013 به‌رێ بنیاتی بۆ هاتیه دانان و 30% كار لسه‌ر هاتیه كرن. ئاشكه‌را كركو 2221 قه‌سته‌ریێن دلێ هاتینه ئه‌نجامدان و 245 نشته‌گه‌ریێن دل چ هاتنه كرن 4941610 پشكنین تاقیگه‌هێ هاتینه كرن و 143814 پشكنین تیشكی هاتینه گرتن و220889 سونار هاتینه گرتن 20514 میفراس هاتینه كرن و 12491 ره‌نین مه‌گناتیسی هاتینه ئه‌نجامدان و 38965 زارۆك ژ دایك بووینه و ژمارا كه‌سێن مریێن ژی 5029 كه‌س بووینه و ژمارا مرنا ئافره‌تا دماوی دوگیانێ دا زارۆكێن شه‌ش حه‌فتێن پشتی زارۆكبوونێ 7 حاله‌ت بووینه و رێژا مرنا ئافره‌تا دماوێ دوگیانێ دا زارۆكیێن شه‌ش حه‌فتێن پشتی زارۆكبوونێ بۆ هه‌ر سه‌د هزار زارۆكیێن زێندوو یێن نوو ژدایك دبن 17,9 بوویه ژمارا زارۆكیێن ساڤا كێمتر ژ ساله‌كێ یێن مرین 759 ورێژا زارۆكیێن ساڤا كێمتر ژ ساله‌كی بۆ هه‌ر هزار زارۆكێن زیندوو یێن تازه ژ دایك بن كێمتره 19 بووینه و 1049زارۆیێن كێمتر ژ پێنچ سالیی مرینه.
ناڤهاتی ئه‌وژی دیاركركو ئه‌گه‌رێن سه‌ره‌كیی یێن مرنێ ل ده‌زگه‌هیێن ساخله‌میێ ڤه‌دگه‌رن بۆ نه‌خۆشێێن دلی وبوریێن خوێنی دگه‌هته 1173 رێژا 31% یه و جه‌لتا مێشكی 484 كه‌س بووینه دبیته رێژا 13% وپه‌نچه‌شێری ژی 426كه‌س بووینه دبیته رێژا 11% و نه‌خۆشین هه‌وه‌دان ژی 364 كه‌س بووینه دبیته رێژا 9% و نه‌خۆشین گرێدایی فرنیكا و زارۆیێن نوو ژ دایك بووین 283 كه‌س بووینه دبیته رێژا 7% و نه‌خۆشین گرێدایی كلیه و میزه‌روا 203 كه‌س بووینه دبیته رێژا 5% و روودانیێن هاتن وچوونێ ژی بیته رێژا 3% . ئاشكه‌را كركو ئامارێن ئاواره ل ده‌زگه‌هیێن ساخله‌میێ ل ده‌رڤه‌ی كه‌مپان كو 287287 ئاواره سه‌ره‌دانا ده‌زگه‌هیێن ساخله‌میی كریه 15055 هاتینه نڤاندن ل نه‌خۆشخانه وسه‌نته‌رێن تایبه‌تمه‌ند 7188 زارۆك ژدایكبووینه و 2817 نشته‌گه‌ری هاتینه كرن بۆ ئاواره و چ حاله‌تیێن فالنجا زارۆكا وكولیرا و مه‌لاریا و تایا خوین به‌ربوونی نه‌هاتینه توماركرن دو حاله‌تیێن نه‌خۆشیا سوركا هه‌بووینه و حاله‌ته‌كێ نه‌خۆشیا سوركا ئه‌لمانیی. گۆتژی 1633 جه هاتینه سزادان ودادگه‌ه كرن وهوشداری پێ هاتیه دان 220434 كغم یێن كه‌ره‌ستێن هشك هاتینه ژناڤبرن و 1177118 لیترێن كه‌ره‌ستێن شله‌مه‌نی هاتینه ژناڤبرن 1292 حاله‌تیێن نوو یێن په‌نچه‌شێری هاتینه تۆماركرن و 7851 فه‌رمانبه‌رێن هه‌میشه‌یی هه‌نه و 961 نۆشدار كو كێماسیا نۆشداران ل دهۆكێ هه‌یه ئه‌وژی 2130 نۆشدار دكێمن و رێژا نۆشداران بۆ هه‌ر ده‌ه هزار كه‌سان چار نۆشدار ئارمانج 14 نۆشدار بۆ هه‌ر 10000 كه‌سان و 4136 په‌رستار ومه‌مانی دكیمن.
ئه‌ڤرۆ نیوز:
سه‌رۆك كۆمارێ ئیرانێ راگه‌هاند روودانا ئێخستنا باله‌فرا ئوكرانیا نابیت دووباره بیت، پێدڤیه پێداچون بۆ یاسایێن سیسته‌مێ به‌ره‌ڤانیا وه‌لاتێ داخۆدا بكه‌ین.
حه‌سه‌ن روحانی سه‌رۆك كۆمارێ ئیرانێ ئه‌و چه‌نده ژی راگه‌هاند: ئه‌وێن باله‌فرا ئوكرانیا ئێخستنینه خوارێ هه‌ر ئه‌ون یێن ئاسایشا وه‌لاتی مسوگه‌ر كرین، به‌لێ دڤێت به‌رپرسێن وێ روودانێ بهێنه‌دادگه‌هكرن، ئیران دێ به‌رسڤا كۆشتنا قاسم سلێمانی فه‌رمانده‌یێ به‌رێ یێ سوپایێ پاسدارێن ئیرانێ ده‌ت ژی ب ده‌رئێخستنا ئه‌مریكا ل ده‌ڤه‌رێ گرنگ نینه ئه‌و كار چه‌ند ده‌می ڤه‌كێشیت و هێرشا مه بۆ سه‌ر بنگه‌هێ عه‌ین ئه‌سه‌د یێن هێزێن ئه‌مریكا ل عیراقێ رامانا وێ ئه‌و نینه خلاس و ده‌ستا دابهێلین ژ تولڤه‌كرنێ، به‌لكو دێ به‌رده‌وام بین بۆ تولڤه‌كرنێ ژ ئه‌مریكا.
سه‌رۆك كۆمارێ ئیرانێ ئه‌و چه‌نده ژی گۆت: ئه‌مریكا تاوانباره ژ تێكدانا ئاسایشا ده‌ڤه‌رێ و ده‌ستێوه‌ردانا كارۆبارێن لبنان و عیراقێ و لیبیا و سوریا و ب تالانبرنا پترۆلا وان وه‌لاتان، ئه‌و كار ل به‌رژه‌وه‌ندا چ لایه‌نه‌كی دی نابیت ژی زیان بۆ به‌رژه‌وه‌ندیێن ئاسیا و ئه‌ورۆپا ئه‌مریكا ژی هه‌نه.
سه‌ر رێكه‌تنا ئه‌تومی، سه‌رۆك كۆمارێ ئیرانێ ره‌خنه ل داخازیا بوریس جونسن سه‌رۆك وه‌زیرێ بریتانیا گرت گۆت:ب هه‌لوه‌شاندنا رێكه‌تنا ئه‌تومی و گوهورینا وێ بۆ رێكه‌تنا ترمپ ئه‌و داخازیا وی زۆرا سه‌یره چونكو هه‌رتم ئه‌مریكا ژ رێكه‌تنا خو ڤه دكێشیت.
عیراق سیسته‌مێ (S-400) بكریت دی سزا ب سه‌ر هێنه سه‌پاندن
ئه‌ڤرۆ نیوز:
جێگرێ هاریكارێ وزیرێ ده‌رڤه‌یێ ئه‌مریكا بۆ كارۆبارێن رۆژهه‌لاتا ناڤین راگه‌هاند: ئه‌مریكا سزایێن توند ل سه‌ر عیراقێ دێ سه‌پینیت هكه سیسته‌مێ موشه‌كێ ئاسمانیێ یێ (S-400) بكریت.
جودی هود جێگرێ هاریكارێ وه‌زیرێ ده‌رڤه‌یێ ئه‌مریكا بۆ كارۆبارێن رۆهه‌لاتا ناڤین راگه‌هاند: هه‌كه موشه‌كێن ئاسمانی یێن روسی ژلایێ عیراقێ بهێنه كرین، ئه‌ریكا سزایان ب سه‌ر عیراقێ سه‌پینیت، د وی چارچوڤه‌یی دا شیره‌ت ل كۆمپانیێ كریه ئه‌وان جورێن چه‌كان نه‌فرۆشنه عیراقێ.
سه‌عید جه‌واد بالیوزێ عیراقێ ل تارانێ راگه‌هاند بوو، عیراق ل دانوستاندنا دایه ل گه‌ل روسیا بۆ ئه‌وێ چه‌ندێ سیسته‌مێ به‌ره‌ڤانیا موشه‌كێن ئاسمانی ژ جورێ 300 و S400 بكریت.
ئه‌ڤرۆ نیوز:
بریاره ئه‌ڤرۆ وه‌زیرێ ده‌رڤه‌یێ قه‌ته‌رێ سه‌ره‌دانا عیراقێ و هه‌ولێرێ بكه‌ت.
محه‌مه‌د عه‌لی وه‌زیرێ ده‌رڤه‌یێ عیراقێ راگه‌هاند ئه‌ڤرۆ پێنج شه‌مبی 15/1/2020 محه‌مه‌د عه‌بدلره‌حمان جێگرێ سه‌رۆك وه‌زیران وو هه‌ڤده‌م وه‌زیرێ ده‌رڤه‌یێ قه‌ته‌ره ژی سه‌ره‌دانا به‌غدا دكه‌ت.
ئارمانج ژ ڤێ سه‌ره‌دانا وه‌زیرێ ده‌رڤه‌یێ قه‌ته‌رێ شرۆڤه‌یا پرس و ئالوزیێن ده‌ڤه‌رێ سه‌ر هلداین بۆ ئارامكرنا روشێ دهێت.
د چارچوڤه‌یێ وێ سه‌ره‌دانا خودا ژی وه‌زیرێ ده‌رڤه‌یێ قه‌ته‌رێ سه‌ره‌دانا هه‌رێما كوردستانێ ژی بكه‌ت چه‌ندین دیدار و دانسوتاندنان بكه‌ن.
ئه‌ڤرۆ نیوز:
سه‌رۆكا په‌رله‌مانێ كوردستانێ بۆ جڤینا سوبه‌هی رۆژا پێنجشه‌مبێ داخازیا ته‌ڤایا ئه‌ندامان دكه‌ن بۆ به‌رهه‌ڤبوونێ.
رێواز فایه‌ق سه‌رۆكا په‌رله‌مانێ كوردستانێ دخازنامه‌یه‌ك به‌لاڤكر و تێدا هاتیه كو داخازێ ژ هه‌موو ئه‌ندامێن په‌رله‌مانێ دكه‌ت بۆ به‌رهه‌ڤبوونێ د ریشنتنا ژماره 15 ئاسایی سالا ئێكێ، ل خۆلا هه‌لبژارتنا پێنجێ یا په‌رله‌مانی ده‌مژمێر 11 سپێده‌هیا پێنجشه‌مبی 16/1/2020 .
ئه‌ڤرۆ نیوز:
سه‌رۆك كۆمارێ توركیا گه‌فا ئه‌نجامدانا كریارێن سه‌ربازی ل به‌شار ئه‌سه‌دی كر راگه‌هاند: 400 هه‌زار ئاواره‌یێن ئیدلبێ پێدڤیه ڤه‌گه‌رنه سه‌ر جهێن خۆ، هه‌كه پێدڤی بكه‌ت بزاڤێن رژێمێ بۆ شكاندنا ئاگر به‌ستێ راوه‌ستینین، لیبیا پارچه‌یه‌كا گرنگا ئیمپراتوریه‌تا عوسمانی بوویه.
ره‌جه‌ب ته‌یب ئه‌ردوغان سه‌رۆك كۆمارێ توركیا راگه‌هاند: دڤێت هه‌می بزانن ترانا ناكه‌ین، ئه‌ڤا دبێژین دێ ئه‌نجام بده‌ین، پشتا خۆ مه نه‌دایه سوریا وه‌ناكه‌ین ژی، به‌لكۆ هه‌ڤكاریێن نه‌ته‌وه‌یێن ئیكگرتی ره‌وانه‌ی ده‌ڤه‌رێن سوریا دكه‌ین.
ره‌جه‌ب ته‌یب ئه‌ردوغان سه‌رۆك كۆمارێ ل سه‌ر حوكمه‌تا سوریا دازانین چ حوكمه‌ت نینن ل سوریا دانوستاندنێ ل گه‌ل بكه‌ین، چ په‌یوه‌ندی ژی ل گه‌ل رژێما سوریا دا مه نین، چونكو رژێمه‌كا خوین رژ و خه‌لكێ خۆ كوشتیه.
ره‌جه‌ب ته‌یب ئه‌ردوغان سه‌رۆك كۆمارێ ل سه‌ر لیبیا و ئالوزیێن وی وه‌لاتی دیاركر خه‌لیفه خه‌فته‌ر دڤیا ته‌مامیا لیبیا كۆنترول بكه‌ت و چه‌ند وه‌لاته‌كێن عه‌ره‌بی پشته‌ڤانیا وان دكر، ئه‌م ژی رێكێ ناده‌ین عوسمانی یێن ل لیبیا كۆمه‌لكوژ بكرن.
ئه‌ڤرۆ نیوز،عه‌لی حاجی :
رێڤه‌به‌رێ كار و راهێنانێن پیشه‌یی ل زاخۆ د داخویانیه‌كێ دا بۆ ئه‌ڤرۆ نیوز دیار كر دماویه‌كێ نێزیكدا دێ پشكا ده‌سته‌به‌ركرنا مافێ كرێكاری ل رێڤه‌به‌ریا وان هێته ڤه‌كرن و ئێدی پێدڤی ناكه‌ت كرێكار بۆ ناڤ توماركرنێ قه‌ستا باژێرێ دهۆكێ بكه‌ت.
زێده‌ترجۆتیار خدر گۆت : ل سالا بوری دارێڤه‌به‌ریامه 70 موله‌تێن كاركرنێ داینه وه‌لاتیان ب تایبه‌تی ل كه‌رتێ پیشه‌سازی دا و هه‌ردیسان 130 كه‌سان پشكداری د خۆلێن وان یێ پیشه‌یی دا كرینه و 220 هه‌لێن كاری بۆ گه‌نجان هاتینه دابین كرن د كه‌رتێ تایبه‌تدا و ناڤێ 10 هزار كه‌سێن بێكار ل ده‌ڤ وان هاتینه تومار كرن و ب رێیا لژنه‌یێن تایبه‌تمه‌ند به‌رده‌وامین بۆ ڤه‌دیتنا كاری بۆ كه‌سان و ئه‌ڤ ساله رێژه‌یاڤه‌كرنا خولان كێمتر بوینه ژ شالا بوری ژبه‌ركو پرانیا رێكخراوان به‌رێ خوداینه ده‌ڤه‌را موسل و ده‌ڤه‌رێن دی یێن عێراقێ .
گۆت ژی : د ده‌مه‌كێ نێزیكدادێ پشكا ده‌سته‌به‌ر كرنا مافێ كرێكاران ل رێڤه‌به‌ریا مه هێته‌ڤه‌كرن و ئێدی پێدڤی ناكه‌ت كرێكار بۆ ناڤ توماركرنێ قوستا دهۆكێ بكه‌ت و بۆ ڤێ چه‌ندێ ژی مه چه‌ند فه‌رمانبه‌ره‌ك ته‌رخان كرینه بۆ ب رێڤه‌برنا ڤێ پشكا گرنگ ژبه‌ركو هه‌كه كرێكار هاته‌تومار كرن دێ شێن مافێ وی وه‌ربگرین هه‌كه خانه‌نشینبوو یان ژی په‌ككه‌ڤتی بوو د كاری دا .
نيشاندان