نووترين نووچه
- سەرۆك بارزانی پیرۆزباهییا هاتنا سەرێ سالا مشەختی دكەت
- نێچیرڤان بارزانی و بالیۆزێ بریتانیا دوپاتیێ ل چارەسەركرنا كێشەیێن هەولێرێ- بەغدایێ دكەن
- سەرۆكێ هەرێمێ و قونسلێ هۆلەندا پێشهاتێن دەڤەرێ گەنگەشەكرن
- دو مەهە مووچەیێ فەرمانبەران ب نەقانوونی نەهاتییە هنارتن
- سەرۆك بارزانی وقونسلێ ئوردنێ دۆستاتییا د ناڤبەرا كوردستانێ و ئوردنێ دا گەنگەشەكر
- تێكگەهشتنا هەڤپشك یا هەموو ئالیان تاكە رێكە بۆ ئارامیا رۆژهەلاتا ناڤین
- سەرۆكێ هەرێما كوردستانێ سەرەخوەشیێ ل عەبدوللا حەسەن زادە دكەت
- دەستهەلاتدارێن بەغدا یاریان ب قووت و هەستێ خەلكێ كوردستانێ دكەن
- سەرۆكێ نوونەراتییا حوكمەتا هەرێمێ ل بەغدا سەرەدانا بالیۆزخانەیا رووسیا كر
- سیاسەتا هەرێمێ ل شەڕێ دەڤەرێ یا رێزلێگرتی بوو
naci bedel
په‌رله‌مان دێ خاندنا دوێ بۆ یاسایا چاكسازیێ كه‌ت
ئه‌ڤرۆ نیوز:
هیڤیدار ئه‌حمه‌د جێگرێ سه‌رۆكێ لژنا دارایی ل په‌رله‌مانێ كوردستانێ دیاركر هه‌ر دو لژنه‌یێن دارایی و یاسایی ییێن په‌رله‌مانێ كوردستانێ ل سه‌ر پرۆژه‌ێ یاسایا چاكسازیێ كۆمبوون راپۆرتا دوماهیێ یا پرۆژه‌ی دێ ده‌نه سه‌رۆكا په‌رله‌مانێ ژبوی په‌سندكرنێ.
جێگرێ سه‌رۆكێ لژنا دارایی ل په‌رله‌مانێ كوردستانێ دیاركر ژی لگۆری پرۆژه‌یێ یاسایێ كۆ كێمترین مووچه 300 هزار دینارن و هه‌ر فه‌رمانبه‌ره‌كێ 15 سال خزمه‌ت هه‌ی و ته‌مه‌نێ وی بگه‌هته 45 سالیێ دشێت خو خانه‌نشین بكه‌ت و هه‌كه نه دێ ل ته‌مه‌نێ 64 سالیێ دا حوكمه‌ت دێ خانه‌نشین كه‌ت.
په‌رله‌مانێ كوردستانێ د نفیساره‌كێ دا راگه‌هاندیه بۆ كۆمبوونا رۆژا شه‌مبیا بهێت بانگهێشتا په‌رله‌مانی دكه‌ت، كو تێدا هاتیه پشت به‌ستن ب حوكمێ برگه‌یا سێ ژ ماده‌یا 18 یا په‌یره‌وێ ناڤخۆ یێ په‌رله‌مانێ كوردستانێ، بریار دایه كۆ بانگهێشتا ته‌ڤایا ئه‌ندامێن په‌رله‌مانی دكه‌ین كۆ بۆ رینشتنا ژماره 13 یا ئاسایی یا سالا ئێكێ ل خۆلا هه‌لبژارتنا پێنجێ یا په‌رله‌مانێ كوردستانێ ل ده‌مژمێر 11:00 رۆژا ئێك شه‌مبی 12/1/2020 هیڤی خازین ل ده‌مێ دیاریكری به‌رهه‌ڤ بن.
ل سالا بوری هه‌شت كرێكاران گیانێ خوه ژ ده‌ستدایه و شه‌ش ژى برینداربووینه
ئه‌ڤرۆ نیوز، نه‌وزاد هلۆرى:
ئێكه‌تیا سه‌ندیكا كرێكارێن كوردستانێ ل دهۆكێ د كونگره‌یه‌كێ رۆژنامه‌ڤانى دا، ئامارا سالا بورى یا روودان و پێشهاتێن كرێكاران راگه‌هاندن، ب گوره‌ى ئامارا وان سالا بورى هه‌شت كرێكاران گیانێ خوه ژ ده‌ستدایه و شه‌ش ژى برینداربوون.
عیسا نسرى، سه‌رۆكێ ئێكه‌تیا سه‌ندیكا كرێكارێن كوردستانێ ل دهۆكێ گۆت: سالا بورى ل سنوورێ پارێزگه‌ها دهۆكێ هه‌شت كرێكاران گیانێ خوه ژ ده‌ستدایه، ئێك ژ وان بیانى بویه، دیسان شه‌ش كرێكار ژى برینداربوینه، دیسان ئێك ژ وان كرێكاران بیانى بوویه، ئه‌وێن دى هه‌موو خه‌لكێ هه‌رێما كوردستان و پارێزگه‌ها دهۆكێ نه.
زێده‌تر گۆت: ل سنوورێ پارێزگه‌ها دهۆكێ 17 هزار و 939 كرێكارێن توماركرى هه‌نه، ژ وانان 453 ئافره‌ت و 89 ژى بیانى نه، ئه‌وێن دن ژى هه‌موو ژ ئه‌گه‌زێ نێرن و خه‌لكێ هه‌رێما كوردستان و پارێزگه‌ها دهۆكێ نه.
ب گوره‌ى ئاخفتنێن نسرى، كرێكارێن نافخوه و بیانى بۆ سالا 2019ێ هه‌مبه‌رى سالا بورى كێمبویه و گۆت ژى: سالا بورى تنێ دو كرێكار هاتینه خانه‌نشینكرن، دیسان سالا بورى 477 پرۆژه هاتینه دابینكرن و سێ هزار و 287 كرێكار ژى هاتینه دابینكرن، دیسان 80 ئاریشه‌ێن جودا ل سه‌ندیكایێ هاتینه توماركرن و ژ وانان 71 هاتینه چاره‌سه‌ركرن.
رێزبه‌ندیا زانكۆیێن هه‌رێما كوردستانێ هاته دیاركرن
ئه‌ڤرۆ نیوز:
وه‌زیرێ وه‌زاره‌تا خاندنا بلند و ڤه‌كۆلینێن زانستی یا حوكمه‌تا هه‌رێما كوردستانی دیاركر رێزبه‌ندیێ پشت به‌ستن ل سه‌ر ڤه‌كۆلینێن زانستی و ستافێ ئه‌كادیمی و په‌یوه‌ندیێن زانكۆیان ل گه‌ل جڤاكێ و چالاكیێن كه‌لتوری و نێڤ ده‌وله‌تی و گه‌هشتن ب ژێده‌رێن زانستی كریه، پشكا زۆر یا خالبه‌ندیێ به‌ر ڤه‌كۆلینێن زانستی كه‌تیه ب تایبه‌ت ئه‌وێن ل گۆڤارێن زانستی دا هاتینه به‌لاڤكرن.
ئارام محه‌مه‌د قادر وه‌زیرێ خاندنا بلند و ڤه‌كۆلینێن زانستی یا حوكمه‌تا هه‌رێما كوردستانێ دیاركر ل پێنج سالێن بوری هاتینه دیاریكرنا رێزبه‌ندیا نیشتمانی یا زانكۆیێن هه‌رێما كوردستانێ وه‌رچه‌رخانه‌ك ل ئاستێ زانكریان هاتیه‌كرن، زانكۆیێن كوردستان ل رێزبه‌ندێن نیڤ ده‌وله‌تی یێن زانكۆیان گوهورین ب سه‌ردا هاتیه و پشكه‌ك ژ زانكۆیێن هه‌رێما كوردستانی رێزبه‌ندا چارهزارێ دا بوون ل ده‌مه‌كی دا به‌ریا نها ل رێزبه‌ندیا شازده هزاری و پازده هزاری دابوون ل سه‌ر ئاستێ جیهانێ.
راگه‌هاندنا رێزبه‌ندیا نیشتمانی یا زانكۆیێن كوردستانێ بۆ سالا چارێ بریڤه دچن.
رێزبه‌ندیا زانكۆیێن حوكمی بڤێ شێوه‌یی:
گرۆپێ بی:
- زانكۆیا سه‌لاحه‌دین.
- زانكۆیا سۆران.
- زانكۆیا سلیمانی.
- زانكۆیا كوردستان هه‌ولێر.
- زانكۆیا دهۆك.
- زانكۆیا كویه.
- زانكۆیا هه‌ولێر یا نوژداری.
گرۆپێ سی:
- - زانكۆیا پولیته‌كنیكی یا سلیمانیێ.
- - زانكۆیا چه‌رمۆ.
- - زانكۆیا پولیته‌كنیكی یا هه‌ولێرێ.
- - زانكۆیا راپه‌رین.
- - زانكۆیا پولیته‌كنیكی یا دهۆك.
- - زانكۆیا گه‌رمیان.
- - زانكۆیا زاخۆ.
گرۆپێ دی:
- زانكۆیا هه‌له‌بجه.
زانكۆیێن تایبه‌ت:
گرۆپێ بی:
- زانكۆیا ئه‌مریكی ل سلێمانیێ.
- زانكۆیا تیشك یا نێڤ ده‌وله‌تی .
- زانكۆیا جیهان یا هه‌ولێرێ.
- زانكۆیا گه‌شه‌پێدانا مرۆڤی.
- زانكۆیا كۆمار بۆ زانست و ته‌كنولوژی.
- زانكۆیا نه‌ورۆز.
گرۆپێ سی:
- زانكۆیا جیهان ل سلێمانیێ.
- زانكۆیا جیهان ل دهۆكێ.
- زانكۆیا لبنانی فه‌ره‌نسی.
- زانكۆیا نولیج.
گرۆپێ دی:
- زانكۆیا كاسولیك.
- زانكۆیا ئه‌ربیلی نێڤ ده‌وله‌تی.
- زانكۆیا به‌یان.
گەنجەک هەژمارەکا تەختێن قوتابحانەکێ ل سەر داهاتێ خۆ دروست دکەت
ئەڤرۆ نیوز، مەحمود نهێلی:
گەنجەک بناڤێ کازم بەرچی هەژمارەکا تەختێن قوتابخانەیا سەردەشتێ ل ناحیا دێرەلۆک دروست و هندەکان ژی نووژەن دکەت ودبێژیت من ل سەر داهاتێ خوەیێ فەرمانبەریێ دروست کرینە.
کازم بەرچی ئەو گەنجێ رابووی ب نووژەنکرن و دروستکرنا هەژمارەکا تەختێن قوتابخانەیا سەردەشتێ بو ئەڤرۆ نیوز دیار کر، پشتی وی زانی کو ڤێ قوتابخانەیێ ئاریشەیا نەبوونا تەختێن رونشتنێ هەیە وی فەردیت ڤی کارێ خێرێ بکەت و گۆت : ئەز رابوویمە ب نووژەنکرن و چێکرنا هەژمارەکا تەختێن ڤێ قوتابخانێ بو وێ یەکێ ئاریشەیا نەبوونا تەختان ل ڤێ قوتابخانیێ بهێتە چارەسەرکرن.
ناڤهاتی دیار ژی کر، ئەو فەرمانبەرە ل فەرمانگەها سەخبێریا کارەبا دێرەلۆکێ و مووچێ وی گەلەک یێ کێمە و دوو زارۆیێن خودان پێدڤیێن تایبەت ژی هەنە ، لێ د سەر هندێ را ئەڤ کارە ئەنجامدایە، و ئاشکرا کر یێ بەرهەڤە بوئەنجامدانا هەر کارەکێ د بەرژەوەندا گشتی دا بیت. ژلایێ خوە ڤە کارگێریا قوتابخانا سەردەشتێ سوپاسی و دەست خوەشی ل ڤی گەنجی کرن و هیڤی ژی خواستن کو کەسانێن مینا وی دناڤ جڤاکی دا د زۆر بن.
ئوسترالیا هێزێن خۆ ژ عیراقێ ناڤه‌كێشیت
ئه‌ڤرۆ نیوز:
حوكمه‌تا ئوسترالیا بریار دا دێ به‌ردوام هێزێن وان ل ئه‌ركێن خودا بن ل عیراقێ و وان هیزان ناڤه‌كێشین.
سكوت موریسون سه‌رۆك وه‌زیرێ ئوسترالیا راگه‌هاند: لژنا ئه‌منی یا سه‌ر ب جڤاتا وه‌زیران كۆمبوو و شرۆڤه‌یا ره‌وش و پێشهاتێن رۆژهه‌لاتا ناڤین كر.
سكوت موریسون سه‌رۆك وه‌زیرێ ئوسترالیا راگه‌هاند هێزێن ئوسترالی كۆ ژ 300 راوێژكارێن سه‌ربازی نه پێگیرن ب ئه‌ركێن خۆ د چارچوڤه‌یێ هه‌ڤپه‌یمانیا نیڤ ده‌وله‌تی دژی رێكخراوا تیرۆریستی یا داعشێ هێزین خو ل عیراقێ ناڤه‌كێشیت.
ژاپۆنێ بالیوزخانه ل به‌غدا گرت و قونسلخانه‌یا هه‌ولێرێ دكاری دا به‌رده‌وامه
ئوپێك: به‌رهه‌م ئینانا پترۆلێ ل عیراقێ به‌رده‌وامه
ئه‌ڤرۆ نیوز:
سكرتێرێ گشتی یێ رێكخراوا وه‌لاتێن هنارتنا پترۆلێ ئوپێكێ راگه‌هاند: به‌رهه‌م ئینانا پترۆلێ ل عیراقێ به‌رده‌وامه و سازی و دامه‌زراوێن پترۆلێ ئارام و بێ ئاریشه‌نه.
محه‌مه‌د باركیندو سكرتێرێ گشتی یێ رێكخراوا وه‌لاتێن هنارتنا پترۆلێ كۆ ئوپێكه دیاركر باوه‌ریه‌كا ته‌مام ب به‌رپرسێن رۆژهه‌لاتا ناڤین هه‌یه كۆ هه‌موو شیانێن خۆ بۆ كۆنترولكرنا ره‌وشێ دئێخنه كاری.
سكرتێرێ گشتی یێ ئوپێكێ گۆت: زێده‌باری هه‌ڤركی و دژواریا گه‌فێن شه‌ری و ئالوزیێن زۆر عیراق ب ته‌مامی پێگیرێ رێكه‌تنا ئوپێك پلاسه.
سكرتێرێ گشتی یێ ئوپێكێ گۆت ژی ل گه‌ل ئهوێ چه‌ندێ داخازیا كرینا پترۆلێ كێمه لێ ب نامه‌یه‌كێ ب سه‌رۆكێ ئه‌مریكا گه‌هاندیه كۆ ئوپێك بتنێ نه‌شێت ل بازارێ پترۆلێ هه‌ڤسه‌نگیێ ب پارێزیت.
پەیمانگەها تەکنیکی یا ئامێدیێ ژبەر بەفرێ تاقیکرنا ئەڤرۆ پاشئخست
ئەڤرۆ نیوز، نەوزاد هلۆری:
ژئەگەرێ بارینا پێلەکا بەفرێ ل شەڤا بوری هەتا سپێدەهیا ئەڤرۆ ل دەڤەرا ئامێدیێ و درۆستکرنا ئاریشەیان هەمبەری هاتن و چوونا ترومبێلان، پەیمانگەها تەکنیکی یا ئامێدیێ تاقیکرنا ئەڤرۆ پاشئێخست. ب گورەی راگەهاندنەکا پەیمانگەهێ کو دەست ئەڤرۆ نیوز کەفتە، تاقیکرنا ئەڤرۆ رۆژا پێنجشەمبی بۆ دەمەکێ نەدیار هاتە پاشئێخستن، بەلێ رێزبەندا تاقیکرنێن دوڤ دا، دێ وەک خوە مینیت.
هه‌رسێ سه‌رۆكاتیێن هه‌رێمێ: رێكارێن سه‌ربازی ب چ شێوه‌یه‌كی ئاریشان چاره ناكه‌ت
ئه‌ڤرۆ نیوز:
پشتی كۆمبوونا سیێ سه‌رۆكاتیێن هه‌رێما كوردستانێ د راگه‌هاندنه‌كێ دا دلته‌نگیا خو ل سه‌ر ئه‌وان روودانێن ده‌ڤه‌رێ ده‌ربری و مه‌ترسیا تیرۆرێ به‌رفره‌هـ بوویه و گه‌فێن راسته‌قینه بۆ سه‌ر هه‌رێما كوردستانێ و عیراقێ و ده‌ڤه‌رێ هه‌یه.
سێ سه‌رۆكاتیێن هه‌رێما كوردستانێ ل سه‌ر پێشهاتێن سپێده‌هیا ئه‌ڤرۆ، ئاماژه ب وێ چه‌ندێ دایه كۆ رێكارێن سه‌ربازی ب چ شێوه‌یه‌كی ئاریشان چاره ناكه‌ت، هه‌ڤده‌م داخاز ژ هه‌موو لایه‌نان دكه‌ین هه‌رێما كوردستانێ ژ هه‌ڤركیان دوور بێخن.
د چارچوڤێ كۆمبوونێن خول یێن خودا، ئه‌ڤرۆ 8/1/2020 هه‌ر سێ سه‌رۆكاتیێن هه‌رێما كوردستانێ كۆمبوون.
د وێ كۆمبوونێ دا دوماهی پێشهاتێن هه‌رێما كوردستانێ و عیراقێ و ده‌ڤه‌رێ ئێخستنه به‌ر دانوستاندنان و هه‌لسه‌نگاندنێن هوور بۆ روودا و هه‌لویستێن حوكمه‌تا هه‌رێما كوردستانێ كرن، دڤی چارچوڤه‌یی دا هه‌ر سێ سه‌رۆكایه‌تیێن هه‌رێمێ، دلته‌نگیا خۆ بۆ گه‌شه‌كرنا روودانێن ده‌ڤه‌رێ ده‌ربری د ده‌مه‌كیدایه مه‌ترسیا تیرۆرێ به‌رفره‌هـ بوویه و گه‌فێن راسته‌قینه بۆ سه‌ر هه‌رێما كوردستانێ و عیراقێ و ده‌ڤه‌رێ هه‌نه.
ده‌ربارێ روودانێن چه‌ند رۆژێن بوری ب تایبه‌تی پێشهاتێن سپێده‌هیا ئه‌ڤرۆ، هه‌رێما كوردستانێ ته‌ئكید دكه‌ت كۆ رێكارێن سه‌ربازی ب چ ئاوایی ئاریشه‌یان چاره ناكه‌ت.
هه‌رێما كوردستانێ ل گه‌ل ئارامكرنا ره‌وشێ و دانوستاندنێ و چاره‌كرنا دیپلوماسیانه ئاریشه و سه‌قامگیری و ئارامیێ دایه، داخازێ ژ هه‌موو لایه‌كی دكه‌ین هه‌رێما كوردستانێ ژ هه‌ڤركیان دوور بێخن.
هه‌رێما كوردستانێ ب پشته‌ڤانیا هیزێن هه‌ڤپه‌یمانێن نێڤ دوله‌تی ل عیراقێ و هه‌رێماكوردستانێ بۆ به‌رده‌وامیا به‌رهنگاربوونا تیرۆرێ و ریب ری بوونا وان ب پێدڤی دزانیت، تایبه‌ت ل چه‌ند هه‌یڤێن بوری لڤینێن تیرۆری زۆر بووینه، له‌ورا داخازێ ژ جڤاكا نێڤ دوله‌تی ب چ شێوه‌یه‌كی رێكێ نه‌ده‌ت تیرۆر سه‌رهلبده‌ته‌ڤه.
نيشاندان
WP Facebook Auto Publish Powered By : XYZScripts.com