د داخویانیەكێ دا سكرتێرێ یانەیا ئافرەتێن دهۆكێ دیار كر ئەو چاڤەڕێ پشتەڤانییا دارایی نە ژ پارێزگەها دهۆكێ پێخەمەت پشكداریا تیمێن وان یا فوتسالێ و باسكێت بۆلێ بۆ هەردو قارەمانیێن ئیراقێ و كوردستانێ و نێزكترین قارەمانی د ڤێ مەهێ دا یە.
زێدەتر سلێمان زەكی بۆ رۆژنامەیا ئەڤرۆ گۆت: پشتی فیدراسیۆنێن ئیراقێ و كوردستانێ ژڤانێ قارەمانیێن خوە یێن فوتسالێ و باسكێت بۆلێ دەستنیشانكرین كو دێ هەر ژ ناڤەرساتا مەها بهێت دەستپێكەن، وەكو كارگێرییا یانەیێ مە ژی بەرنامەیێ خوە و پلان بۆ پشكداریكرنێ دانا، ل سەر راسپاردا پارێزگارێ دهۆكێ كو دێ پشتەڤانییا یانەیا ئافرەتێن دهۆكێ كەت پێنگاڤا ئێكێ مە دەستنیشانكرنا كادرێ راهێنانێ یێ تیما فوتسالێ ل سەر ئاستێ تازەپێگەهشتییان كربوو و ئەڤە مەهەكە راهێنانێن خوە دكەن و تیمەكا كچێن پارێزگەهێ هاتییە پێكئینان و ب هەمان شێوە كادرێ راهێنانێ یێ تیما باسكێت بۆلێ ژی هاتییە دانان و راهێنانێن وان ژی د بەردەوامن ژبۆ باشترین بەرهەڤی بۆ قارەمانیێن كوردستانێ و ئیراقێ و نێزكترین قارەمانی یا پلیستانكە ل دووماهییا مەها بهێت دێ دەستپێكەت.
ژلایەكێ دیڤە ناڤهاتی ئەوچەندە دیاركر هەتا نوكە نە شیاینە مووچەیێ كادرێ راهێنانێ بەرهەڤبكەن ژبەركو ئەو چاڤەڕێ پشتەڤانییا دارایی یا پارێزگارێ دهۆكێ نە و گۆت: ب سۆپاسی ڤە ل ئادارا بۆری د. عەلی تەتەر بەرهەڤییا خوە دیاركربوو كو دێ پشتەڤانییا كچێن پارێزگەهێ و یانەیێ كەت لەوما سەر ڤێ یەكێ ب خوەشحالی ڤە مە بەرهەڤیێن خوە كرینە و ئەم چاڤەڕێ پشتەڤانییا دارایی نە یا پارێزگارێ دهۆكێ و گەشبینن دێ دەمەكێ نێزیك دا پشتەڤانیێ كەت پێخەمەت پێشئێخستنا ئاستێ كچان ل پارێزگەها دهۆكێ و پووتەدان ب شیانێن وان.
ئافرەتێن دهۆكێ چاڤەڕێی پشتەڤانیێ نە بۆ قارەمانیێن ئیراقێ و كوردستانێ
نيشاندان