د داخویانیەكێ دا جێگرێ سەرۆكا یانەیا پۆلیتەكینیكی سەركەفت رەشید بۆ رۆژنامەیا ئەڤرۆ گۆت: وەكۆ یانەیا پۆلیتەكنیكی بۆ مە دەستكەفتەكێ مەزنە كو تاكە یانەیە ل سەر ئاستێ كوردستانێ و پارێزگەها دهۆكێ ب سێ یاریزانان پشكداری قارەمانیەكا جیهانی یا باوەرپێكری بكەین، ژلایێ كارگێری ڤە پالپشتی بۆ یاریزانا هاتە كرن، قارەمانیەكا هوسا ڤەكری و یاریزان ل سەر هەمی ئاستێن هەرە بلند پشكدارن، دگەل یاریزانان كۆمبوون كربوو پێخەمەت هێزی بدەینە یاریزانێن خوە و پالپشتیا خوە بۆ دیاركەین، هەر چەندە نەشیاین پشتەڤانیا دارایی بۆ یاریزانا بكەین لێ ئەوان ب داهاتێ خوە یێ تایبەت پشكدار د قارەمانیێ دا كرینە، ئەگەر ڤێ چەندێ ژی ڤە دگەرێت بۆ دەمێ رازەمەندیا دامەزراندنا یانەیێ بمە هاتیە پەخشین لسەر هاتیە نڤێسن كو داخوازا هیچ كوژمەكێ پارەیی ژ فێدراسیونێ و جهێ پەیوەندیدار نە كرییە.
هەروەسان ناڤهاتی گۆت: دێ پشت بەستنێ ب داهات و شیانێن خوە یێن كەسۆكی و سپونسەران بۆ هەر قارەمانیەكا جیهانی جهێ خوە د ناڤ دا كەین، خالا هەرە گرنگ ئاماژە پێ بدەم نوكە دا ئەم یانەیا یاریێن تاكی و جەنگی دهێنە نیاسین، دەمەكە مە خوە ژ یاریێن كۆم دوورئێخستی ئەگەر ژی مەزاختی و تێچوویەكێ زور دچیت، پشتەڤانیا سەرەكی بۆ هەر قارەمانی و چالاكیەكێ پالپشتی ژلایێ سەرۆكا یانەیێ پرفیسورا د. ئاری عادل ئەڤ چالاكییە دهێنە ئەنجامدان و دشیان دابیت دێ پشتەڤانییا هەر قارەمانیەكێ كەین.
دووماهیێ سەركەفت رەشید گۆت: نۆكە ژی بەرهەڤی بۆ هەڤڕكیێن خولا پلە ئێكا كوردستانێ یا تێنسا ل سەر مێزێ دكەین بۆ دەربازیوونێ بەر ب خولا نایاب، یاریزان د ئاستەكێ باش دانە و راهێنەر خودان سەربۆر و شارەزایە، وەرزێ بوری ژبەر نە پشكداریا مە د خولا ئیراقێ دا ئەم پاشڤە چووینە خولا پلە ئێك، دێ بزاڤێ كەین دووبارە ب هێز ڤە گەرینە خولا نایابا ئیراقێ.
شیان هەبن دێ پشكدارییێ د هەر قارەمانیەكێ دا كەین
نيشاندان