دهۆك، لەزگین جوقی:
د. ئەیاد فەیسەل ئێك ژ وان نۆشدارێن د ناڤ كەمپێن ئاوارەیێن شنگالێ دا دێ چارەسەریا نەخۆشان كەت بۆ ئەڤرۆ دیار كر، مەحما خەلیل، ئەندامێ پەرلەمانێ ئیراقێ دەستپێشخەرییەكا مرۆڤی بۆ چارەسەركرنا نەخۆشیێن پێستی و پێشكێشكرنا چارەسەریان بێ بەرامبەر بۆ زارۆكێن سێوی و ڕزگاربوویان و خێزانێن وان ل كەمپان كریە.
د. ئەیاد گۆت: «ئەڤ كارە ژ لایێ دكتۆر تارق رەشۆ و دكتۆر ئەیاد فەیسەل ڤە ب پشتەڤانیا مەحما خەلیل دێ هێتە كرن و چارەسەریا نەخۆشان بێ بەرامبەر دێ هێتە كرن».
دهۆك، لەزگین جۆقی:
ماجد شنگالی، ئەندامێ لژنا ساخلەمیێ ل پەرلەمانێ ئیراقێ بۆ رۆژناما ئەڤرۆ خویا كر، ل ئیراقێ دو هزار و 638 تووشبوویێن ئایدزێ هەنە.
د. ماجد شنگالی گۆت: «470 ژ وان ل سالێن بۆری مرینە و سەنتەرێن جوانكاری و تاتۆیان یێن بێی دەستووری، ئەگەرێ سەرەكی یێ ڤەگوهاستنا وێ نەخۆشیێ نە.
سەندیكا نۆشدارێن ئیراقێ هۆشداریێ ل بەلاڤبوونا ئایدزێ ل ئیراقێ ددەت و دبێژیت: نەخۆشی و ڤایرۆسێ «ئایدز» ب رێكا سەنتەرێن بێی دەستووری یێن جوانكاریێ و تاتۆكرنێ دهێتە ڤەگوهاستن و داخواز دكەین وەلاتی ب كارنەئینن.
ئەڤ هۆشداریە پشتی وێ چەندێ دهێت، ل پارێزگەهێن ئیراقێ رێژا تووشبوونێ ب نەخۆشی و ڤایرۆسێ ئایدزێ د زێدەبوونێ دایە.
هەولێر، قائید میرۆ
شارەزایەكێ كەرتێ وزێ داخواز دكەت، مینا بەرهنگاربوونا گرۆپا تیرۆرستیا داعش هەڤپەیمانیەكا نێڤدەولەتی بۆ بەرهنگاربوونا وان گروپێن میلیشیاژی بهێتە پێك ئینان، یێن بووینە مەترسی ل سەر ژێرخانا ئابوریا ئیراق و جیهانێ. هەروەسا دبێژیت: هێرشا لسەر كێلگەها كۆرمۆر ئاماژەنە بۆ ڤێ چەندێ رێكێ نادەن ژێرخانا ئابوورا هەرێما كوردستانێ گەشەیێ بكەت و دژی رێكەفتنا ئیراق و ئەمریكانە بۆ زێدەكرنا بەرهەمێ غازێ.
دكتۆر ئەرشەد تەها، شارەزایێ بیاڤێ وزێ بۆ رۆژناما ئەڤرۆ دیار كر «هێرشا ل سەر كێلگەها كۆرمۆر چەند پەیامەك بوون، ب تایبەتی بۆ هەرێما كوردستانێ و ئەمریكا، چونكو هێشتا هەیڤەك دەباز نەبوویە ل سەر سەرەدانا سودانی بۆ ئەمریكا و ئێك ژ رێكەفتنێن ناڤبەرا ئیراق و ئەمریكا ئەڤە ئەمەریكا پشتەڤانیا ئیراقێ بكەت بۆ زێدەكرنا بەرهەمێ غازێ.
زێدەتر گۆت: هەر سال ئیراق ب گوژمێ شەش ملیار دۆلاران غازێ ل دەرڤە هارودە دكەت، ل ئیراقێ چوار كێلگەهێن بەرهەم ئینانا غازێ هەنە د دەمێ نوكەدا، ئەو ژی كێلگەها عوكاس ل ئەنبار و مەنسووریە ل دیالە و كێلگەهەك ل بەسرە و كێلگەها كۆرمۆر ل پارێزگەها سلێمانیێ، شەش سالێن بۆری دا ئەمریكا دەلیڤە دابوو ئیراقێ غازێ ل ئیرانێ بكڕیت ب مەرجەكی لەزێ بهێتەكرن ل بەرهەمئینانا غازێ ل نافخۆیا ئیراقێ، بەلێ هێرشا لسەر كێلگەها كۆرمۆر ئارمانج ئەڤەبوو ئیراق سەقامگیریێ بخۆڤە نەبینیت و رێكەفتنا ناڤبەرا ئیراق و ئەمریكا.
گۆت ژی «كێلگەها كۆرمۆر 530 ملیۆن پێ سێجا د ئێك رۆژدا دهێتە بەرهەم ئینان و بڕیاربوو هەیڤا داهاتی سەد هزار ملیۆن پێ سێجا غازێ هاوردەی كەركووكێ بكەت ب مەرەما بەرهەم ئینانا كارەبێ، چونكە ئەم ژبیر نەكەین 80%ێ یا كارەبا هەرێما كوردستانێ دهێتە بەرهەمئینان ب رێیا غازێ یە، لەوڕا چەند زیان ب هەرێما كوردستانێ بكەڤیت هند زیان دێ ژێرخانا ئابورا ئیراقێ، ل شەش هەیڤێن بۆری دا چەكدارێن میلیشیا سەلماندیە مەترسینە لسەر بەرەف پێشچوونێن ئیراقێ و دەڤەرێ، ژبەركو نەك تنێ ل ئیراقێ ل سووریێ و لبنان و سعودیێ و چەندین وەلاتێن دی هێرش ئەنجامداینە.
خویاژی كر، هەتا گرۆپێن میلشیاتان هەبن، بەرژەوەندیێن خەلكێ ئیراقێ و ئابورا جیهانێ و دەڤەرێ ژی یا پاراستی نابیت، هەروەسا پەیامەك ئاشكرایە و چاوا هەڤپەیمانیەكا نێڤدەولەتی دژی داعش هەبوو ب دیتنا من پێدڤیە هەڤپەیمانیەكا جیهانی ژی دژی میلیشیا بهێتە پێك ئینان، چونكە ئەو میلیشیا جوداهیێ ناكەن ناڤبەرا بنگەهێن سەبازی و سڤیل، ژلایەكێ دیڤە جوداهی نینە ل ئارمانج گرتنا ژێرخانا ئابوری ل هەر جهەكێ دەستێ وان بگەهیتێ، هێرشا ڤێ دوماهیێ ببیتە ئەگەرێ پێك ئینانا هەڤپەیمانیا نێڤدەولەتی بۆ بەرهنگاربوونا وان گروپێن دەرچووی ل قانوونێ هەرێما كوردستانێ و ئیراق ژی پشكداریێ د ڤێ هەڤپەیمانیێ دا بكەن.
دكتۆر ئەرشەد تەها ئاماژە كر «ل هەر چوار كێلگەهێن غازێ یێن ئیراقێ تنێ زێدەتر وەبەرهێنان ل كێلگەها كۆرمۆر هاتیەكرن و هندەك وەلات هەنە ناخوازن هەرێما كوردستانێ پشكداربیت ل دابینكرنا غازێ بۆ بازاڕێن جیهانێ، ئەمریكا ئابلۆقەیێن ئابوری داناینە سەر ئیرانێ رێكێ نادەت چو دەولەتەك غازێ ل ئیرانێ بكڕیت، تنێ مۆلەت دایە ئیراقێ بۆ پێدڤیێن نافخۆ غازێ سالانە ل ئیرانێ بكڕیت، ڤێ چەندێ ژی كاریگەریێن خۆ هەنە ل سەر ڤێ هەڤكێشەیێ و ب تنێ ئارمانج هەرێما كوردستانێ نینە، وەلاتێ قەتەر ئێك ژ وان وەلاتێن زۆرترین غازا شل بەرهەم دئینیت و مەترسی ل سەر هەیە، چونكە ناهێلن غاز و نەفت ل دەریایێ سۆر بهێنە هنارتن بۆ بازاڕێن جیهانێ، واتە سەرەڕای ڤێ چەندێ میلیشیات مەترسینە بۆ سەر سەقامگیری و ئابورا هەرێما كوردستان و د هەمان دەم دا مەترسینە بۆ سەر سەقامگیری و ئابورا جیهانێ و دەڤەرێ ژی.
ئەمیر ئەترووشی:
نوونەرێ كریستیانێن قەزا شنگال دیاركر، بەری سالا 2014ێ، 52 خێزانێن كریستیان ل شنگالێ هەبوون، بەلێ پشتی هێرشا تیرۆرستێن داعش هەتا نوكە چ خێزانەكا كریستیان نەچووینە شنگالێ».
عیسا شەمعون، نوونەرێ كریستیانێن قەزا شنگال بۆ رۆژنامەیا ئەڤرۆ راگەهاند، خانیێن وەلاتیێن كریستیانان ل شنگالێ هاتنە خرابكرن و تالانكرن، گەلەك جاران رێكخراوان سوز دایە ئاڤاكەن، بەلێ هەتا نوكە خانی نەهاتینە ئاڤاكرن بۆ وەلاتیێن زەرەرمەند، ئەگەر خانی بهێنە چێكرن دێ خەلك دەست ب ڤەگەریانێ كەت و نوكە ئەز ب خۆ یێ بەرهەڤیێن خۆ دكەم ئەگەر خێزانا من رازی بیت دێ ڤەگەرمە شنگالێ «.
ئاشكرا كر، خێزانەكا كریستیان بەری نوكە چوو بوو شنگالێ ئەو ژی دووبارە بوویە، ژ بەر كۆ هێشتا خزمەتگوزاری ل شنگالێ د ئاستێ پێدڤی دا نینن خەلك چاڤەرێنە ئاڤەدانی دەست پێ بكەت و خەلكێ زەرەرمەند بهێتە قەرەبووكرن هەتا بشێن ڤەگەرن».
ژ لایەكێ دووڤە، ئەندامەكێ جڤاتا پارێزگەها نەینەوا دیاركر، قایمقامێ شنگالێ دێ ل سەر رێككەفتنا دناڤبەرا حكوومەتا هەرێما كوردستانێ و ئیراقێ هێتە دانان و ل جڤاتا نەینەوا كار هاتیە كرن.
جەمال شەشو، ئەندامێ جڤاتا پارێزگەها نەینەوا راگەهاند، لیژنەك ل نەینەوا هاتبوو پێكئینان بۆ دانانا قایمقامێ شنگال و ئەس ئێك ژ ئەندامێن جڤاتا پارێزگەها نەینەوا بووم بۆ دانانا قایمقامی لێ من دیت ئەڤ كارە ژ جڤاتێ و پارێزگەهێ ژی مەزنترە من خۆ ژ ئەندامەتیا لیژنێ ڤەكێشا و ب دیتنا من پۆستێ قایمقامێ شنگال دێ برێكا بجهئینانا رێككەفتنا شنگالێ هێتە دانان.
ئاشكرا ژی كر، باشترین چارەسەری بۆ شنگالێ ئەو هەمی خالێن دناڤ رێككەفتنا شنگالێدا بهێنە بجهئینان.
هەرهین محەمەد:
ماموستایەكا بسپور د بوارێ پەروەردەكرنا زارۆیێن خۆدان پەروەردەیا تایبەت دیار كر كو ئەڤە ساڵا ئێكێ یە ئەو قوتابیێن خۆدان پەروەردەیا تایبەت وەردگرن و گۆت: ئەڤ قوتابیە ب زەحمەت فێر دبن و مە رێكێن تایبەت هەنە ل گەل وان هەتا كو فێر دبن، ئەم هەیڤانە ل گەل دایك و بابێن وان كوم دبین و رێكێن بساناهی نیشا ددەین داكو ئەوژی ل مال ل سەر زارۆیێ خوە كار بكەن.
سەمیرا خورشید، هاریكار ل قوتابخانا ئاڤا و ماموستایا قوتابیێن پەروەردا تایبەتە ل هەمان قوتابخانە گۆت: (د ئەڤ سالە دا من سێ قوتابیێن پەروەردا تایبەت وەرگرتینە و ئەڤ قوتابیە ژی وەكو هەموو قوتابیێن دی د ئێك پول دانە و چ جوداهی دناڤبەرا وان دا نینە، بەلێ ل دەستپێكێ هەستكرن ب یاریا دی هەر هەبیت دناڤبەرا وان و قوتابێن ئاسایی دا، بەلێ ئەم زوی كونترول دكەین، د پولێ دا و ب گێرانا سمینارا بۆ قوتابیان دیار دكەم كو هوین هەموو وەكو ئێكن و چ جوداهی دناڤبەرا كەسێ دا نینە).
ماموستا سەمیرایێ ئەو چەندە ژی گۆت: (ئەڤە سالا ئێكێ یە ئەم ئەڤان قوتابیان وەردگرین و تشتێ بۆ من بزەحمەت ئەز هاریكارم و دڤێت دوڤچوونا ئەوان ژی بكەم و هەیڤانە ژی كومبوونا دایك و بابێن و گەنگەشێ ل سەر هندێ دكەین ئەرێ ئەڤ قوتابیە رۆژ بۆ رۆژێ دهێنە گۆهارتن یان نە، ئەڤ قوتابیە پیچەك ب زەحمەت فێر دبن و مە رێیێن تایبەت هەنە ل گەل وان هەتا كو فێر دبن، ئەم ل گەل دایك و بابێن وان كوم دبین و رێكێن بساناهی نیشا وان ددەین داكو ئەوژی ل مال ل سەر زارۆیێ خوە كار بكەن).
شەرمین جەهوەر رێنماكار ل هەمان قوتابخانە دیار كر كو جیهانا زارۆكێن نورمال و یێن خودان پەروەردەیا تایبەت نە وەكو ئێكە، چونكی زارۆیێ نورمال دووڤچوونەكا دەروونی دگریت د كاودانەكێ دەستنیشانكری دا، بەلێ قوتابێن پەروەردا تایبەت ئەڤ حالەتە هەردەم یێ ل گەل ژیانا وی هەموویێ، بۆ نمونە قوتابیێ ئاسایی دو دلیا ئەزمونان یا هەی و پێدڤی ب رێكەكێ یە كا دێ چاوا خوینیت و سەركەڤیت، بەلێ قوتابیێ تایبەت پێدڤی ب پشتەڤانیێ یە هەتا كو دگەهیتە پلێن بلند یێن خواندنێ.
شەرمینێ د بەردەوامیا ئاخفتنێن خۆدا گۆت: (قوناغێن سنێلەیا قوتابیێ نورمال و قوتابیێ پەروەردەیا تایبەت وەكو ئێكن، بەلێ بۆ قوتابیێ پەروەردا تایبەت گەلەك ب زەحمەترە، چونكی ئەوی حالەتێ خوە یێ تایبەت هەیە ژبلی گڤاشتنێن جڤاكی یێن دهێنە د رێیا وی دا، ئەو ژی وەكو قوتابیێ نورمال هەست ب سنێلەیا خو دكەن، بەلێ هەست ب كێماسیەكێ دكەن، لەورا ئەو پێدڤی ب قورتالكرنەكێ نە بەری مرۆڤ رێكێ نیشا وان بدەت).
تیما یانەیا دهۆك بەردەوامە ل سەر ئەنجامێن خوە یێن نە باش پشتی دگەل مێڤانا خوە یانەیا حدود یا بەغدایی بێ گۆل وەكهەڤ بوویی، د یارییا واندا ئەوا دوهی ژ چوارچووڤەیێ هەڤڕكیێن گەڕا 26ێ ژ خولا ستێرێن ئیراقێ یا فوتبۆلێ ئەوا ل یاریگەها یانەیا دهۆكێ هاتیە كرن.
د نیڤا ئێكێ دا تیما یانەیا دهۆك ئەو ئاستێ چاڤەڕێ كری نیشان نەدا و چو هێرشێن گۆلكرنێ نە هاتنە دیتن ژلایێ خوەڤە یاریزانێن حدود ژی ب شێوەكێ هەستیاری سەرەدەری دگەل یاریێ دكرن ب ئارمانجا وێ یەكێ چو گۆل ل سەر نە هێنە كرن، نیڤا ئێكێ بێ گۆل و بێ ئاست ب دووماهی هات، د نیڤا دویێ دا هەر ئاستێ یاریێ هاتە گوهۆڕین و هەردو تیما بزاڤێن تۆماركرنا گۆلان كرن، تایبەت یاریزانێن دهۆكێ پشتی پشكدارییا یاریزانێ وان هێران ئازاد گڤاشتنێن باش ل سەر تیما مێڤان هاتە كرن، د بەرانبەر دا تیما حدود هێلا بەرەڤانیێ بهێزئێخستبوو و بزاڤێن هێرشێن هەڤدژ دكرن تا بۆرینا 92 خولەكێن یاریێ، دادڤانێ یاریێ عیسام فازل شەش خولەك بۆ دەمێ زێدەكر هەژمارتن، لێ ئەنجامێ یاریێ بێ گۆل ب دووماهی هات،
زاخۆ بەردەوامە ب كۆمكرنا خالان
ژلایێ خوە تیما یانەیا زاخۆ بەردەوامە ل سەر ئەنجامێن خوە یێن باش و شیا سەركەفتنا چارێ ل دووڤ ئێك و یا 12 دخولێ دا بینت، پشتی ب گۆلەكا ئێكانە سەركەفتنەكا گرنگ ل سەر مێڤانا خوە یانەیا نەفت ئەلبەسرا بینت، د یارییا واندا ئەوا ل شەمبییا بوری ل یاریگەها زاخۆ یا نێڤدەولەتی د سەقایەكێ بارانی و سار دا هاتیە كرن، گۆلا ئێكانە یا كوڕێن خابووری ژلایێ یاریزانێ وێ ناسر ئەحمەد د خولەكا دویێ یا نێڤا ئێكێ ژ یاریێ تۆماركری، بڤێ ئەنجامێ تیما زاخۆ ب سەركێشییا راهێنەرێ خوە یێ قەتەری بەردەوامی دا ئەنجامێن سەركەفتی و پاراستنا رێزبەندییا خوە یا چارێ ژ 12 سەركەفتن، 10 وەكهەڤی و سێ خوسارەتی هەنە, 23 گۆل هەنە بتنێ 10 گۆل ل سەرهاتینە تۆماركرن هەروەسان گۆلپارێزێ وێ عەلی كازم بۆ جارا چارێ د وەرزێ ئەڤ سالەدا وەكو باشترین یاریزانێ یاریێ هاتیە دەستنیشانكرن.
نەورۆز وەكهەڤی ئینا و هەولێرێ خوسارەت بوو
ژ یاریێن دی، نەورۆز ل یاریگەها شەعب چار گۆلان دگەل خودانا سەرێ لیستێ یانەیا شورتە وەكهەڤ بوو د یارییەكا دراماتیكی دا كو دو كارتێن سۆر بۆ یاریزانێن نەورۆز و ئێك بۆ شورتە هاتبوو ڕاكرن، ژلایەكێ دیڤە یانەیا هەولێر بەردەوامی دا ئەنجامێن خوە یێ خراب پشتی دگەل یانەیا مینا یا بەسرایی ب گۆلەكێ بەرانبەر دو گۆلان تووشی خوسارەتیێ بوویی، هەروەسان ئەلقاسم 1-3 زەورا، نەفت ئەلوەسەت 2-2 كەربەلا، كارەبا 1-2 نەجەف، نەفت چنە-2 نەفت ئەلمیسان، تەلەبە 3-2 ئەمانەت بەغدا
هەلوەستێ گشتی بڤی رەنگی یە.
1- شورتە 57 خال.
2- جەوییە 56 خال.
3- زەورا 49 خال.
4- زاخۆ 46 خال.
5- نەجەف 43 خال.
6- دهۆك 40 خال.
7- نەورۆز 38 خال.
8- نەفت 37 خال.
9- حدود 37 خال.
10- نەفت ئەلمیسان 36 خال.
11- تەلەبە 34 خال.
12- مینا 30 خال.
13- كارەبا 28 خال.
14- كەربەلا 25 خال.
15- كەرخ 24 خال.
16- هەولێر 23 خال.
17- نەفت ئەلبەسرا 22 خال.
18- ئەلقاسم 21 خال.
19- ئەمانەت بەغدا 17 خال.
20- نەفت ئەلوەسەت 12 خال.
تیما فوتبۆلا یانەیا شێخان هیڤیێن دەربازبوونێ بۆ چارگۆشەیا زێرین یا خولا پلا دو یا كوردستانێ ژ دەستدان پشتی یانەیا باتیفا بوویە ڕێگر و ب گۆلەكێ تووشی خوسارەتیێ كری، د چارچووڤەیێ یاریێن گەڕا نەهێ و دووماهیێ ژ كۆما ئێكێ یا خولێ و شێخان ژ رێزا دویێ پاشڤە چوویە رێزا سێیێ.
لدۆر ڤێ یەكێ شڤان عەلی هاریكارێ راهێنەرێ یانەیا شێخان بۆ رۆژناما ئەڤرۆ دیاركر: هەرچەندە مە هەردو یانەیان حەز دكر دەربازبینە چارگۆشەیا زێرین لێ ئەنجامێ یارییا مە چو مفا نە گەهاندە باتیفا ژی، وەكو شێخان بۆ وەرزێ ئەڤ سالە یاریزانێن باش مە ئینابوون ژوانا دو پێشەكارێن ئیرانی، مە زەحمەتەكا مەزن دیت هەتا ئەڤ تیمە هاتیە پێكئینان هەروەسان پشتەڤانیەكا باش بۆ تیمێ دهاتە كرن، دیسان پێنج هێرشبەر هەبوون لێ دڤان یاریێن دووماهیێ دا چەنسێ مە یێ گۆلكرنێ نەبوو، هەروەسان گوهۆڕینا دەم و ژڤانێن چەند یارییان كارتێكرن هەبوو و یاریگەهێن یانەیێن دی ستاندەرێ وان نەیێ دورست بوو ل دووڤ یاسایێ، ب گشتی ژی ئاستێ هەمی تیمان باشبوو.
زێدەتر ناڤهاتی گۆت: ئەگەرێ نە دەربازبوونا مە ژی كو یاریا گەل باتیفا مە گەلەك هێرش بەرزەكرن، دو باشترین یاریزانێن مە پشكداری نەكر كاپتن خالد كولكارێ خولێ حەفت گۆلا ژبەر كارتێن زەر و بەرگرێ راستێ ژی بەركارتا سور، دادڤانی چ دژیاتیا مە نەكریە ڤێ یاریێ لێ چەنس دژی مە راوەستیا، یانەیا باتیفا ژی شێوازێ بەرگری دكر بهیڤی بۆ دەربازبیت بلێ دووماهیێ ئەم هەردو یانە ڤەماین، هەتا دووماهیك چركە ژی مە بزاڤا سەركەفتنێ یان وەكهەڤیێ دكر.
بۆ زانین تیما یانەیا شێخان ژ نەهـ یاریێن خولێ دا شیابوو چار سەركەفتنان بینت بەرانبەر چار وەكهەڤییان و ئێكەم خوسارەتی تۆماركرییە و خودانا 19 گۆلان بتنێ شەش گۆل ل سەر بوون رێزا سێیێ هات ب 16 خالان.
عەلی حاجی:
د داخویانیەکێ دا سەرۆکێ یانهیا باتیفا یا وەرزشی بۆ رۆژنامهیا ئەڤرۆ دیار کر وان هەمی کار کرن پێخەمەتی دەربازبوونا تیما وان یا تهپاپێی بۆ چاركۆشهیا زێرین یا خولا پلا دو و هەتا نوکە وان نەشیایە دو موچەیێن مایی یێن یاریزانان بدەنێ.
زێدەتر ئەیهەم جامی گۆت: هەتا دووماهی یاری مە هەمی شیان مەزاختن دا کو بشێن تیما خوە دەربازی قوناغا دویێ ژ ڤاڤارتنێن دەربازبوونێ یێن خولا پلە دو یا کوردستانێ یا تەپاپێی بۆ پلا ئێك بکەین، لێ مە نەشیا وێ چەندێ بکەین و د کوما خوە دا مە شیا رێزا سیێ ب دەستخوە ڤە بینن و ڤێ چەندێ ژی تێرا هندێ نەکر تیما مە دەرباز ببیت، سەرپەرشتێ ئیدارەیا سەربەخویا زاخۆ ژی هەتا ڕادەیەکێ باش پشتەڤانی ل تیما مە دکر و هەیڤانە کوژمەیەکێ پارەیی بۆ تیمێ تەرخان دکر، هەرچەندە د ئاستەکێ بلند دا نەبوو لێ مە دشیا ب وی داهاتی گەلەک کارێن خوە بکەین و ئەو سوزا ب مە دایی جێبەجێکر
ههروهسان ناڤهاتی گۆت: هەتا نوکە مه نەشیایه دو موچەیێن مایی یێن یاریزانێن خوە بدەین و ئەو سوز ب مە هاتیە دان کو دێ ئەو مووچە هێنە دان و مافێ یاریزانان ژی ناهێتە خوارن، پرانیا یاریزانێن مە یێن خەلکێ باتیفا و زاخۆ بوون بتنێ سێ یاریزانێن پێشەکار دگەل مە دا ههبوون، ئەڤە وەرزشە و دڤێت ب هەمی تشتان رازی ببین لێ ئەنجامێن گەرێن دووماهیێ ژ خولێ گومان لدەف مە و جاددەیا وەرزشی دروستکرینە.
ناڤبری گۆت ژی: د ئێک ژ یاریێن د یاریگەها مە دا سەرۆکێ یانەیەکێ ب دەنگەکێ بلند گازی کر و گۆت ئەم دێ یاریا داهاتی دەینە یانەیەکا دیتر داکو هوین دەرباز نەبن و ب ڕێیا پەیوەندیێن خوە مە فیدراسیۆنا تەپاپێی یا کوردستانێ ژی ئاگەهدار کر لێ چو ئەنجامەک نەبوو.
پشتی ب دهستڤه ئینانا رێزا سێیێ ل سهر ئاستێ قارهمانیا كۆپا ئاسیا یا فوتبۆلێ بۆ ههلبژارتیێن ئۆلمپی كێمتر 23 سالی، ههلبژارتیێ ئیراقێ دهربازبوو ئۆلمپیادا پاریس 2024ێ ئهوا دێ ل24ێ تیرمهها بهێت ل فرهنسا هێته كرن، پشتی شیایی د یارییا دهستنیشانكرنا رێزا سێیێ ب سهركهڤیت ل سهر ههلبژارتیێ ئهندونیزیا ب2-1 پشتی درێژكرنا دهمێ زێدهكری یێ یاریێ ئهوا ههڤڕكیێن وان ل قهتهر هاتینه كرن تێدا ههلبژارتیێ چاپان بوو قارهمان و ئۆزپاكستان رێزا دویێ هات و ههر سێ ههلبژارتی بۆ ئۆلمپیادا پاریس 2024ێ پشكداربن، د ئۆلمپیادا پاریس دا 16 ههلبژارتی پشكداربن، ئیراق دێ د كۆما چارێ دا بهرانبهر ههر ئێك ژ ههلبژارتیێن ئهرجهنتین، مهغرب و ئۆكرانیا یاریێ كهت.
بۆ زانین ئۆلمپیا ئیراقێ ل سالا 2014ێ ناسناڤێ كۆپا ئاسیا ب دهستخوهڤه ئینابوو، پێنج جاران دهربازبوویه ئۆلمپیادا جیهانی ل سالێن 1980ێ مۆسكۆ، 1984 لۆس ئهنگلۆس، 1988 سیئول، 2004ێ ئهسینا، 2016ێ ریۆدی جانیرۆ.
بەری ب دووماهی هاتنا هەڤڕكیێن خولا ئسپانیا یا فوتبۆلێ ب چار گەڕان یانەیا ریال مەدرید ناسناڤێ وەرزێ ئەڤ سالە و یێ 36ێ د دیرۆكا خوە دا ب دەستخوەڤە ئینا پشتی ب سەركەفتی ل سەر یانەیا قادش ب سێ گۆلێن یاقژ و مفا ژ خوسارەتییا یانەیا بەرشەلۆنا وەرگرتی ئەوا دگەل جیرۆنا ب 4-2 گۆلان خوسارەت بوویی، د چارچووڤەیێ هەڤڕكیێن گەڕا 34ێ ژ خولا ئسپانیا، پێنج فاكتەرێن سەرەكی بوون كو ریال ناسناڤی ب دەستڤە بینت و بڤی رەنگی بوون.
یا ئێكێ: هاتنا بیلینگهام، هەرچەندە ل دەستپێكێ گەلەكا ئەو هزر دكر هاتنا وی بۆ ناڤ رێزێن ریال مەدرید هەر زوو دێ بیتە یاریزانەكێ كاریگەر دگەل ریالێ، هەرچەندە ئانشلۆتی پشتگەرمیا خوە ژلایێ هێلا ناڤین پێ كربوو لێ شیا هەر ژ 10 یاریێن ئێكێ 10 گۆلان تۆماربكەت، هەرچەندە د چەند یارییان دا تووشی هنگافتنێ ژی بوو لێ ڤەگەڕیانا وی زوو بوو و 18 گۆل د خول و كۆپا ئسپانیا و چامپیۆنز هەبووینە تایبەت گۆلێن كۆژەك.
یا دویێ: بێ باوەرییا بەرشەلۆنا ب پاراستنا ناسناڤێ خوە یێ وەرزێ بوری ئەوا ل سەردەستێ راهێنەر چاڤی هێرناندیز، لێ چوونا ستێرێ وێ لیۆنێل مێسی و لاوازییا هێلا بەرەڤانیێ بوو ئەگەر چاڤی بڕیارا دەستكاركێشانێ بكەت ئەڤچەندە زێدەتر گڤاشتن ل سەر بەرشەلۆنا پەیدابوو لێ پشتی ژ بڕیارا خوە لێڤەبوو دوبارە ئاست و ئەنجام ڤەگەڕیان لێ ئەڤ بڕیارە یا گیرۆبوو ژبەركو ریالێ ب كۆمەكا باش یا خالان سەرێ لیستێ وەرگرت بوو.
یا سێیێ: مێشكەكێ ئاسنی، ب وێ هزرێ ریال مەدرید هاتنە دناڤ خولێ دا دڤێت وەرزێ ئەڤ سالە ب دەستڤە بینن و دڤێت چو خوسارەتیان نە دەین، ئەڤە سیاسەتا ئانشلۆتی و كارگێریا یانەیا ریالێ بوو بەرانبەر ناسناڤی ئەوا سڤكاتی ب چو یانەیان نە بری و هەر تیمەكا كەڤتیە بەرانبەر وێ شەڕی سەركەفتنێ دكر ب سەركێشییا بیلینهگام، ڤێنێسیۆس و رۆدرێگۆ و خولەكێن یاریێ ل دەڤ ریالێ زێدەتری 90 خولەكان بوو.
یا چارێ: بەرەڤانەكێ توكمە، وەرزێ ئەڤ سالە ریالێ شیا ئەوان كێماسیێن دناڤ هێلا بەرەڤانیێ چارەسەربكەت سەرباری هنگاڤتنا دێڤێد ئالابا و ئیدر میلیتاوی لێ یێ ئەلمانی ئانتۆنیۆ رۆدێگر و كارفاخال و ب هاریكارییا ئۆریلیان تچوامینی و فێرلان مند لایێ چەپێ و راستێ ب تەمامی گرتبوون، ئەڤچەندە بوو ئەگەر كێمترین گۆل د خولێ دا ل سەر ریالێ بهێنە تۆماركرن گەهشتینە 22 گۆلان.
یا پێنجێ: بژاردەیێن ئانشلۆتی، راهێنەرێ ریالێ شیا بشێوەكێ باش سەرەدەریێ دگەل یاریزانێن خوە بكەت و پلانێن یاریێ وەكو وی دڤیا ب گوهۆڕیت، د پلانا 4-4-2 دا خەلەتی نەبوو ژبەركو گرنگیەكا مەزن دا بیلینگهامی ل پشت هەردو یاریزانان ڤێنێسیۆی و رۆدرێگی ببنە هێزەكا كۆژەك، خواندنا وی بۆ هەر یاریەكێ هەتا 90% یا سەركەفتی بوو و بەلگەژی پشتی بۆرینا 34 یارییان بتنێ ئێك خوسارەتی هەبوو بەرانبەر شەش وەكهەڤیان، ئەڤەژی ئەگەرەكێ دی یە كو بەری ب دووماهی هاتنا خولێ ب پێنج گەڕان ریال مەدریدێ كار بۆ كربوو ناسناڤی مسۆگەر بكەت.
نيشاندان