ئامێدیێ، مەحمود نهێلی:
پشتی چەند گوللە ب مال و ماركێت و ترۆمبێلێن وەلاتیان كەفتین ل كۆمەلگەها قەدشێ یا سەر ب ناوچەداریا سەرسنكێ ڤە، بەرەڤان حەمدی، بەرپرسێ لقێ 18 یێ پارتی و وارشین سەلمان، دەڤەردارێ ئامێدیێ و رێڤەبەرێ ناوچەداریا سەرسنكێ، سەرەدانا كۆمەلگەها ناڤهاتی كر و دیار كر، یا پێدڤی بیت دێ ئەنجام دەن ژ پێخەمەت پاراستنا سەر و مالێ وەلاتیان.
بەرەڤان حەمدی، بەپرسێ لقێ 18 یێ پارتی دیموكراتی كوردستان دیار كر، د دەمێ ڤان سێ حەفتیێن دووماهیێ دا و ژ ئەنجامێ شەڕ و هەڤڕكیا د ناڤبەرا چەكدارێن پەكەكێ و لەشكرێ توركیا دا ل دەڤەرا وان چەندین گوللەیێن دوشكێ و بی كەی سیێ ب مال و ماركێت ترۆمبێلێن وەلاتیان كەفتینە و گۆت: «مە وەك لقێ 18 و دەڤەردارێ ئامێدیێ و رێڤەبەرێ ناوچەداریا سەرسنكێ سەرەدانا ڤی جهی كریە و پاشی لایەنێن پەیوەندیدارێن ئەمنی ژی هاتینە بۆ وێ یەكێ كا چو پێدڤی یە بهێتە ئەنجامدان».
ناڤهاتی گۆتژی: «پاراستنا ئێمناهیێ كارێ ئێكێ یێ مەیە و چو رێكارەكا پیدڤی بیت بۆ پاراستنا خەلكێ خوە و بۆ مانەڤە و خزمەگوزاریان بۆ وان، ئەم دێ كەین، مە لایەنێن پەیوەندیدار یێن ئاگەهداكرین ئارامیێ بۆ خەلكێ خوە ڤەگەڕینین، یا ژ دەستێ مە بهێتە دێ كەین، چو وەكو پارتی یان كارگێریا دەڤەرێ ب رێكا پارێزگەهێ و لایەنێن ئەمنی دێ ئەنجام دەین بۆ وێ یەكێ خەلكێ مە یێ پاراستی بیت».
نيشاندان