ماورۆ میلۆسۆ رێڤەبەرێ وەرزشی یێ تیما تەپا پێی یا یانەیا ناپۆلی دیاركر ئەو دێ هەمی بزاڤان كەن دەست ژ ستێرێ خوە یێ نیجیری فیكتۆر ئۆسیمین بەر نەدەن و هەمە گرێبەستا وی گران ژی بیت دێ ب قەر ئینن.
هەروەسان گۆت: سرۆشتی یە ئۆسیمین ل سەر بڕیارا ئێكلاكرنا مانا خوە د گەل یانەیا مە گیرووكەت ژبەركو ئەو پێدڤی ب هزرێ یە، پێنەڤێت ئەو ژ یانەیا ناپۆلی خوەشتر نابینت وەكو شاهان ل باژێرێ مە دژیت، ئەم ژی دگەل كەیفخوەشین، لەوما ناهێلین ژ یانەیا مە بچیت، راستە ئۆفەرێن مەزن هەتا 100 ملیۆن یۆرۆیان ژی بۆ هاتییە، لێ رازی نەبوویە و هیڤییا من ئەوە ل حەفتییا بهێت ئەو گرێبەستا خوە دگەل مە نووبكەت و بزاڤێن مە د بەردەوامن بۆ رازیكرنا وی.
ل ڤەگۆهاستنێن هاڤینا ئەڤ سالە هەر ئێك ژ یانەیێن بەرشەلۆنا، ریال مەدرید، ئارسنال، چێلسی و پاریس سانجێرمان و هیلال یا سعۆدیێ بزاڤێن رازیكرنێ كربوون لێ ناپۆلی 120 ملیۆن یۆرۆ داخوازكربوو،
ناپۆلی: هەكە ب قەر بیت ناهێلین ئۆسیمین ژ دەستێن مە دەركەڤیت
نيشاندان