جەماوەرێ وەرزشی تایبەت یێ یارییا باسكێت بۆلێ د نوكە دا مژیلی دیتنا روودانێن مەزنترین قارەمانی ل سەر ئاستێ جیهانێ دانە ئەو ژی مۆندیالا جیهانی2023ێ، ئەوا ل ئەینییا بوری هەڤڕكیێن وێ ب مێڤاندارییا هەرسێ وەلاتێن فلپین، ئەندونیسیا و چاپانێ هاتینە كرن و دێ هەتا 10ێ مەها بهێت بەردەوامبیت ب پشكدارییا 32 هەلبژارتیێن وەلاتێن جیهانێ دهێنە كرن و هاتینە بەلاڤكرن ل سەر هەشت كۆمان و بڤی رەنگی:
كۆما ئێكێ: ئەنگۆلا، كۆمارا دۆمینیكان، فلپین، ئیتالیا.
كۆما دویێ: باشورێ سودانێ، سربیا، چین، بۆرتۆریكۆ.
كۆما سێیێ: ئەمریكا، ئوردن، یۆنانستان، نیۆزیلەندا.
كۆما چارێ: مسر، مەكسیك، مۆنتینێگرۆ، لیتۆانیا.
كۆما پێنجێ: ئەلمانیا، فینلەندا، ئوسترالیا، چاپان.
كۆما شەشێ: سلۆڤینیا، كیپ ڤێرد، جورجیا، ڤەنزوێلا.
كۆما حەفتێ: ئیران، ئسپانیا، كوتیڤۆار، بەرازیل.
كۆما هەشتێ: كەنەدا، لاتیڤیا، لوبنان، فرەنسا.
بڕیارە ئەڤرۆ هەشت یاری ژ گەرا دویێ بهێنە كرن ئەو ژی، ئیتالیا- دۆمینیكا دەمژمێر11 سپێدێ، ئوسترالیا- ئەلمانیا ل 11:30 سپێدێ، مۆنتێنێگرۆ – مسر دەمژمێر 11:45 سپێدێ، لوبنان- كەنەدا دەمژمێر 12:45 نیڤرۆ، فلپین- ئەنگۆلا دەمژمێر سێ بەری ئێڤاری، چاپان- فنلەندا دەمژمێر 3:15 بەری ئێڤاری، لیتۆانیا- مەكسیك دەمژمێر 3:30 بەری ئێڤاری، فرەنسا- لاتیڤیا دەمژمێر 4:30 ئێڤاری.
بۆ زانین هەلبژارتیێ ئەمریكا پێنچ ناسناڤ یێن ب دەستڤە ئینایین، یۆگسلاڤییا و ئێكەتییا سۆڤیەتی سێ ناسناڤ یێن و هەر ئێك ژ ئسپانیا، سربیا و بەرازیل دو ناسناڤ و ئەرجەنتین ئێك ناسناڤ دەستڤە ئیناین.
مۆندیالا جیهانێ یا باسكێت بۆلێ شەڕەكێ جودا د ناڤبەرا ئۆرۆپا و ئەمریكا دا پەیداكر
نيشاندان