ئەڤرۆ، زنار تۆڤی:
745 قوتابیێن پۆلا 12 ئامادەیی یێن دەڤەرداریا شنگالێ ژ لایێ سەرۆكێ حوكمەتا هەرێما كوردستانێ ڤە ب گوژمەكێ پارەی دوهی 24/6/2023 ل هۆلا رێڤەبەریا پەروەردا دەڤەرداریا سێمێلێ هاتنە خەلاتكرن.
مەیسەر حەجی، رێڤەبەرێ پەروەردا دەڤەرداریا شنگالێ بۆ رۆژناما ئەڤرۆ دیار كر، ئەو قوتابیێن هاتینە خەلاتكرن، هەموو خەلكێ دەڤەرداریا شنگالێ نە و ل قووناغا 12 ئامادەیی دخوینن، دوهی رۆژا دووماهیێ یا ئەزموونا وان بوو، هەر قوتابیەكی 120 هزار دینار وەرگرتن، سەرجەمێ گشتی یێ وێ هاریكارییێ 82 ملیۆن دینارێن ئیراقی بوون و گۆت: «ئەو گوژمێ پارەیی ژ لایێ مەسرور بارزانی، سەرۆكێ حوكمەتا هەرێما كوردستانێ ڤە، بۆ وان قوتابیان هاتیە دابینكرن، هەروەسا ئەڤە جارا سێیێ یە، سەرۆكێ حوكمەتێ ڤێ هاریكارییێ پێشكێشی قوتابیێن شنگالێ دكەت، ئەڤە هاریكاریەك و پشتەڤایەكا گەلەك باشە بۆ قوتابیێن وێ دەڤەرێ«.
ناڤهاتی گۆتژی: «ئەو قوتابیێن هاریكاری وەرگریتن، ل 58 قوتابخانەیێن دەوربەرێن شنگالێ دخوینن و هەموو ب زمانێ كوردی دخوینن، هەروەسا ئەو قوتابخانێن د ناڤا شنگالێ دا ژ ئەگەرێ شەڕێ داعشێ هەموو وێران بووینە و نەهاتینە ئاڤاكرن ژ لایێ حوكمەتا ئیراقێ ڤە».
نيشاندان