رێڤەبەریا رێكخستنا پلێتێن ئاهێن خوارنێ ل پارێزگەها دهۆكێ ل دۆر پلێتا ئەلكترۆنی یا ئاهێن خوارنێ‌ هۆشداریێ‌ ددەتە وەلاتیان و بەلاڤكریە، هەر وەلاتیەكێ هەتا 1/6/2023 پلێتا خوە یا ئاهێن خوارنێ‌ وەرنەگریت، بەرپرسە ژ بڕینا بەهرا خوە یا ئاهێن خوارنێ.
رێڤەبەریا رێكخستنا پلێتێن ئاهێن خوارنێ ل پارێزگەها دهۆكێ ئاگەهداریا وەلاتیێن پارێزگەها دهۆكێ دكەت، كو دووماهی ژڤانێ وەرگرتنا پلێتا ئەلكترۆنی یا ئاهێن خوارنێ ژ نك بریكارێن ئاهێن خوارنێ 1/6/2023 یە، هەر وەلاتیەكێ هەتا وی دەمی پلێتا خوە وەرنەگریت، بەرپرسە ژ بڕینا بەهرا خوە یا ئاهێن خوارنێ.
رێڤەبەریا رێكخستنا پلێتێن ئاهێن خوارنێ ل پارێزگەها دهۆكێ ئاماژە ب وێ‌ چەندێ‌ ژی كریە، هەكە پلێت بۆ بەغدا هاتنە ڤەگەڕاندن، وەلاتی بەرپرسە ژ ڤەگەڕاندنا وێ ژ بەغدایێ.

دهۆك، لەزگین جوقی

رێڤەبەرێ‌ كۆچ و كۆچبەران و بەرسڤدانا قەیرانا ل پارێزگەها دهۆكێ‌ دیار كر:» دەمێ‌ گرێبەستا رێكخراوەكێ‌ ب دووماهی دهێت بۆ پشتەڤانیا ئاواران و حوكمەتا هەرێما كوردستانێ‌ وێ‌ ڤالاتیێ‌ پر دكەت. نوكە ژی دێ‌ گرێبەستا پشتەڤانیا كارەبێ‌ ب دووماهی دهێت، لێ‌ كارەب ژ كەمپان دهێتە بڕین و دێ‌ بەردەوام كارەب ل كەمپان هەبیت و ئەو ڤالاهیا دروست بیت دێ‌ ژلایێ‌ حوكمەتا هەرێما كوردستانێ‌ ڤە هێتە پركرن»

پیر دەیان جەعفەر رێڤەبەرێ‌ كۆچ و كۆچبەران و بەرسڤدانا قەیرانا ل پارێزگەها دهۆكێ‌ بۆ راگەهاندكو: «هەیڤا شەش ژ ئەڤ سالە گرێبەستا رێكخراوان بۆ دابینكرن و پشتەڤانیێ‌ و هەڤكاریا كارەبێ‌ دێ‌ ب دووماهی هێت و پێدڤیە حوكمەتا عیراقێ‌ چارەسەریەكێ‌ ببینت، لێ‌ كارەب ژ كەمپان ناهێتە بڕین و دێ‌ حوكمەتا هەرێما كوردستانێ‌ پشتەڤانیێ‌ كەت، ئەو ژی ل دووڤ سنۆرێ‌ هەر دەڤەرەكێ‌. بۆ نموونە كەمپێن ل زاخۆ دێ‌ رێڤەبەریا كارەبا ئیدارا سەربەخۆیا زاخۆ پشتەڤانیێ‌ كەت، ل سێمیلێ‌ دێ‌ رێڤەبەریا كارەبا سێمیلێ‌ كەت و ب ڤی شێوەیی ڤالاهیی دهێتە پركرن و كارەب ژ كەمپان ناهێتە بڕین».
خۆیاژی كر:» حوكمەتا عیراقێ‌ ب كوژمێ‌ پتر ژ 180 ملیار دیناران قەرداری پارەیێ‌ كارەبا كەمپێن ئاوارانە و گەلەك جاران هاتیە داخوازكرن، بەغدا ڤی كوژمێ‌ پارە ب مەزێخیت هەتا نوكە ژی پارەیێ‌ دابینكرنا كارەبێ‌ بۆ ئاواران نە مەزاختیە و پێدڤیە حوكمەتا عیراقێ‌ هەڤكاریا ئاواران بكەت نوكە ژی دێ‌ گرێبەست وان رێكخراوان ب دووماهی دهێت یێن پشتەڤانیا كارەبێ‌، دەمێ‌ ژ كاركەڤتن چێدبیت ئەو رێكخراو پشتەڤانیێ‌ دكەن ل دەستپێكا هەیڤا شەش ژ ئەڤ سالە دێ‌ گرێبەستا وان ب دووماهی هێت و دێ‌ رێڤەبەریێن كارەبێ‌ ل پارێزگەها دهۆكێ‌ ڤی ئەركی وەرگرن و بەردەوامیێ‌ ب پشتەڤانیا كارەبێ‌ هێتە دان و كارەب دێ‌ یا بەردەوام بیت و ناهێتە بڕین ژ كەمپان».
ئاشكەرا كر : «هندەك ژ ئاواران شاش تێگەهشتینە و دبێژن هەكە پشتەڤانیا رێكخراوان نەمینت دێ‌ كارەب ژ كەمپان هێتە بڕین، ب هیچ شێوەیەكێ‌ كارەب ژ كەمپان ناهێتە بڕین، دێ‌ بەردەوام كارەب ل كەمپان هەبیت و ئەو ڤالاهیا دروست بیت دێ‌ ژلایێ‌ حوكمەتا هەرێما كوردستانێ‌ ڤە هێتە پركرن».
پیر دەیان گۆت:700 خێزانێن ئاوارە ناڤێن خۆ بۆ زڤرینا شنگال تۆماركرینە و پتر ژ 150 سەرۆك خێزان زڤرینە شنگال و 29 سەرۆك خێزانا ژی زڤرینا خۆ بۆ شنگال هەلوەشاندن و لێڤەبوون و ناچنە شنگال، هەتا نوكە نێزیكێ‌ 330 هزار كەسێن ئاوارە د ناڤ كەمپان ژ دەرڤە كەمپان ل سنۆرێ‌ پارێزگەها دهۆكێ‌ ماینە ژ ئەنجامێ‌ هێرشا تیرۆرستێن داعش ل سالە 2014ێ‌ خەلكێ‌ ژ شنگال ئاوارە بوون و هەتا نوكە ژی خەلكێ‌ شنگال ماینە نەشیاینە ڤەگەرن «.

ئەڤرۆ

شیرەتكارێ‌ سەرۆكێ‌ حكومەتێ‌ بۆ كاروبارێن وزێ‌ دیار كر، چێكرنا سكران دبیتە ئەگەرێ‌ هندێ‌ ئاڤ ب هەروە نەچیت و دیسان ئێك ژ ئارمانجێن دانانا سكران ئەوە، كارتێكرنا وێ‌ ناهێلیت لەهی ل وان رەخ و دورێن سكر لێ‌ هەیی چێببن، دیسان چێكرنا سكران دبیتە ئەگەرێ‌ عمباركرنا ئاڤێ‌ و نەهێلانا كێمیا ئاڤێ‌ و دێ‌ ئاڤا ژێر ئەدر ژی زێدە بیت و ژینگەها وەلاتێ‌ مە ژی دێ‌ خۆش بیت، دیسان مرۆڤ دشێت ل رەخ و دورێن وان سكران بكەتە جهێن گەشتییاری یێن خۆش و دلڤەكەر ژی.

د. بێوار خەنسی، شیرەتكارێ‌ سەرۆكێ‌ حكومەتێ‌ بۆ كاروبارێن وزێ‌ د دیدارەكێ‌ دا بۆ رۆژناما ئەڤرۆ دیار كر: هەر ئەردەكێ‌ ئاڤ لێ‌ پەیدا ببیت، ژیان ژی دێ‌ ل وی جهی پەیدا بیت و پێشكەڤیت، ب تایبەتی ژی هەكە تەنگاڤێن بچووك بهێنە چێكرن، نوكە ژی حوكمەتا هەرێما كوردستانێ‌ گرنگییێ‌ ب ڤی بابەتی ددەت، ب تایبەتی ژی ل وان جهێن چ رووبار و كانی یێن ئاڤێ‌ لێ‌ نەبن، لەوما یا گرنگە ڤەكۆلین و دیراساتێن گرنگ بۆ وان گەلی و نهالان ژ لایێ‌ جیۆلۆجی و جیۆمۆرفۆلۆجی ڤە بهێنە كرن، ژ پێخەمەت هندەك « پۆندێن بچووك» لێ‌ بهێنە چێكرن، ئەڤە دێ‌ بیتە ئەگەرێ‌ هندێ‌ خەلكێ‌ گوندان دێ‌ شێن مفایی ژ وان پەنگاڤان بینن د بیاڤێ‌ ئاڤا ڤەخوارنێ‌ و چاندنێ‌ دا، دێ‌ پتر كەسكاتی ژی ل وان جهان پەیدا بیت، یێن كو ئەو پنگاڤێن بچوووك لێ‌ دهێنە چێكرن.
ناڤهاتی گۆت ژی: چێكرنا سكران و پەنگاڤێن بچووك دێ‌ بیتە ئەگەرێ‌ ڤەژاندن و پێشخستنا ئابووری و ژین و ژیارا خەلكێ‌ مە ژی، هەروەسا حوكمەتا هەرێما كوردستانێ‌ ل سالا 2020ێ‌، بریار دا هەر سال ل دووڤ رەوشا ئابووری یا حوكمەتا هەرێمێ‌، ب كێمی ڤە 25 پەنگاڤێن بچووك ل هەرێما كوردسانێ‌ بهێنە دروست كرن، د نوكە دا مە نێزیكی 120 پەنگاڤێن بچووك یێن ئاڤێ‌ ل هەموو پارێزگەهێن هەرێما كوردستانێ‌ هەنە، دیسان هەكە شیانێن مادی یێن حكومەتا هەرێما كوردستانێ‌ باشتر بن و بشێن سالانە پتر پەنگاڤێن بچووك لێ‌ چێكەن، دێ‌ بیتە ئەگەرێ‌ هندێ‌ كارتێكرنا هشكەسالیێ‌ ل سەر هەرێما كوردستانێ‌ كێمتر لێ‌ بهێت، د هەمان دەمدا د كۆمبوونەكێ‌ دا ل گەل وەزیرێ‌ ژێدەرێن ئاڤا عیراقێ‌، مە تەكەزی ل سەر هندێ‌ كر، كو «تەجروبا» هەرێما كوردستانێ‌ بكەنە نموونە بۆ هەموو عیراقێ‌، ئەو جهێن دووری ئاڤێ‌ و دول و نهال لێ‌ هەین، وان جهان ب پەنگینن و ئاڤێ‌ ل وان دەڤەران عمبار بكەن، چونكی هەكە ئاڤ نەما، خەلك دێ‌ نەچار بن جهێن خۆ چۆل بكەن و قەستا وان دەڤەران بكەن، یێن كو ئاڤ لێ‌ هەیی.
د. بێوار هێشتا دبێژیت: چێكرنا سكران دێ‌ بیتە ئەگەرێ‌ پەیدابوونا ئەمنا ئاڤێ‌ و ئەمنا ئابووری ژی، چونكی هەر جهەكێ‌ ئەمنا ئاڤێ‌ لێ‌ نەبیت، دێ‌ گەلەك ئاریشێن ژیانێ‌ ل وی جهی پەیدا بن، ژبەركو ئاڤ ستوونەكا سەرەكییە بۆ دانان و ئاڤاكرنا هەر وەلاتەكی ل جیهانێ‌، دیسان هەر پلانەكا مرۆڤ ددانیت، هەكە ئاڤ تێدا نەبیت، ئەو پلان و پرۆژە سەرناكەڤیت، هەروەسا ل پارێزگەها دهۆكێ‌ دیراسەكا باش هاتییە كرن، بۆ چێكرنا پەنگاڤ و سكران، ئەڤ چەندە دی بیتە ئەگەرێ‌ هندێ‌ كو جۆتیارێن ڤێ‌ پارێزگەهێ‌ مفایەكێ‌ باش ژ چێكرنا وان سكر و پەنگاڤێن بچووك ببینن.