ئەڤرۆ
حسێن ئەمیر عەبدوللاهیان وەزیرێ دەرڤە یێ ئیرانێ راگەهاند، نها پەیوەندیێن وان ل گەل وەلاتێ سعوودیێ گەلەک د باشن و هەر دو وەلات یێ بەرهەڤیان دکەن بالیۆزخانان ڤەکەن، ئەو یەک ژی دێ بیتە پێنگاڤەکا گرنگ بۆ باشبوونا پەیوەندیێن ئیرانێ ل گەل سعوودیێ.
وەزیرێ دەرڤە یێ ئیرانێ ئەو یەک ژی دیار کر، رێککەفتنا ئیرانێ و سعوودیێ دێ کاریگەریەکا خوە یا باش ل دەڤەرێ کەت، رێککەفتنا ئیرانێ و سعوودیێ دێ بیتە ئەگەرێ هندێ رەوشا رۆژهەلاتا ناڤین پتر ئارام بیت، ئەو یەک د بەرژەوەندیا هەموو وەلاتێن دەڤەرێ دایە.
ئەڤرۆ
پارێزگارێ دهۆكێ و شاندەكێ هەرێما كوردستانێ ب مەرەما پشكداریكرن د كۆڕبەندێ سالانە یێ ژوورا بازرگانیا كلدانی و ئەمریكی دا سەرەدانا ویلایەتا مشیگان ل ویلایەتێن ئێكگرتی یێن ئەمریكا كرن.
شاندێ هەرێما كوردستانێ ل ویلایەتا مشیگان یا ویلایەتێن ئێكگرتی یێن ئەمریكا پشكداری د كۆربەندێ سالانە یێ ژوورا بازرگانیا كلدانی و ئەمریكی دا كر، د مەراسیمێن ڤەكرنا كۆڕبەندی دا چەندین پەیڤ هاتنە پێشكێشكرن، خانم گرێتچین ویتمەر، حاكما ویلایەتا مشیگان د پەیڤا خوە دا ب گەرمی ب خێرهاتنا شاندێ هەرێما كوردستانێ كر و خوەشحالیا خوە ب پشكداری و سەرەدانا شاندی دیار كر و هیڤیا پێشڤەبرن و خورتكرنا پەیوەندیان خواست.
دیسا هەر د چارچوڤێ كۆڕبەندی دا دیدارەكا گرنگ د ناڤبەرا د. عەلی تەتەر، پارێزگارێ دهۆكێ و خانم گرێتچین ویتمەر، حاكما ویلایەتا مشیگان ب بەرهەڤبوونا ئەندامێن شاندێ هەرێما كوردستانێ دیدارەك ئەنجام دا، د دیدارێ دا باس ل پێشڤەبرنا پەیوەندیێن دوقولی بۆ گەشەپێدانا دەرفەتێن ئابووری و گەشەكرن و دەرفەتێن كارێ هەڤپشك هاتە كرن.
شاندێ هەرێما كوردستانێ ل ویلایەتێن ئێكگرتی یێن ئەمریكا ل گەل خانم سەحەر خوری كینكانۆن، راوێژكارا بلند یا سیاسی ل دێسكێ ئیراقێ یێ وەزارەتا دەرڤە یا ئەمریكا كۆمبوون،
د. عەلی تەتەر، پارێزگاری دهۆك، د گەل دا خانم” بەیان سامی عەبدولرەحمان، نوونەرا حوكمەتا هەرێما كوردستانێ ل ئەمریكا و خانم ڕۆبینا عەزیز، ئەنداما پەرلەمانێ كوردستانێ و د. محەمەد شوكری، سەرۆكێ دەستەیا وەبەرهێنانێ و ئەیاد شێخ حەسەن، سەرۆكێ ژوورا بازرگانی و پیشەسازی یا دهۆكێ هەڤدیتنەك ل گەل كۆنگرێسمان “جۆن موولینار” و كۆنگرێسمان “هەیلی ستێڤینس” كۆمبوون و باس ل پێكهاتەیێن ئایینی و نەتەوەیێن هەرێما كوردستانێ و سەرەدانێن وان بۆ هەرێمێ و پێكڤەكاركرن ل سەر ئارمانجێن هەڤپشك هاتە كرن.
ئەڤرۆ
هەولێر، قائید میرۆ:
بڕیارە مەها بهێت دەست ب ئاڤاكرنا شوقەیێن كرێدار و هەژاران بهێتە كرن و سەرۆكێ دەستەیا گشتیا وەبەرهێنانێ ژی دبێژیت: ل هەموو دەڤەران دێ پڕۆژەیێ ئاڤاكرنا یەكەیێن ئاكنجیبوونێ كەڤیتە د بیاڤێ بجهئینانێ دا.
دكتۆر محەمەد شوكری، سەرۆكێ دەستەیا وەبەرهێنانێ بۆ رۆژناما ئەڤرۆ دیار كر، دەستەیا وەبەرهێنانێ بەردەوام كار بۆ بجهئینانا بڕیارا حوكمەتێ بۆ ئاڤاكرنا 20 هزار یەكەیێن ئاكنجیبوونێ بۆ خەلكێ هەژار و كرێدار دكەت، ل هەموو باژێڕێن هەرێما كوردستانێ شوقە بۆخەلكێ كرێدار دێ هێنە ئاڤاكرن و بڕیارە ل مەها گولانێ ل هەموو پارێزگەه و ئیدارەیێن سەربخوە دەست ب ئاڤاكرنا شوقەیێن كرێدار و كێم دەرامەتان بهێتە كرن.
دكتۆر محەمەد شوكری گۆت: «پڕۆژێ ئاڤاكرنا شوقەیێن كرێداران كار ل سەر قووناغێن دەستپێكی هاتیە كرن و بڕیارە ل دەستپێكا مەها گولانێ هەتا دووماهیا هەیڤێ هەموو ئەو پڕۆژەیێن تایبەت ب تەخا كرێداران ڤە بهێنە دەستپێكرن و ل گورەی مەرجێن ژ لایێ حوكمەتا هەرێما كوردستانێ ڤە هاتینە دیاركرن، ئەو یەكە ل سەر وەلاتیان دێ هێنە بەلاڤكرن».
ئەڤرۆ
ب پشكداریا 365 هزار و 151 قوتابیان ل سەرانسەری پارێزگەها دهۆكێ دوهی 29/4/2023 ئەزموونێن قووناغا قوناغا ئێكێ بنەرەتی هەتا 11ێ ئامادەیی یێن دووماهیا وەرزێ دویێ هاتنە دەستپێكرن.
دوهی و ل دەمژمێر هەشتی سپێدێ ل سەرانسەری كوردستانێ ئەزموونێن دووماهیا وەرزێ دویێ خولا ئێكێ یێن سالا خواندنێ 2022/2023 بۆ قووناغێن ئێكێ بنەرەتی هەتا 11 ئامادەیی دەستپێكرن و ل سنوورێ پارێزگەها دهۆكێ ژی 365 هزار و 151 قوتابی پشكدارن.
ب مەرەما دووڤچوونا رەوشا ئەزموونان دوهی ماجد سید سالح، جێگرێ پارێزگارێ دهوكێ و عومەر عەلی تاها، رێڤەبەرێ گشتی یێ پەروەردێ سەرەدانا چەند هولێن ئەزموونان ل سنوورێ پەروەردا روژئاڤا كرن و ژ نێزیك ئاگەهداری رەوشا ئەزموونان بوون.
ئەڤرۆ
ئامێدیێ، مەحمود نهێلی:
ژ ئەنجامێ پەقینا تی ئێن تیەكێ ل چیایێ سەرێ ئامێدیێ ل رۆژا ئەینیا بۆری كەسەكی گیانێ خوە ژ دەست دا و كەسەكێ دی ژی ب گرانی بریندار بوو.
بەرپرسێ پۆلیسێن نەخۆشخانا ئامێدیێ بۆ رۆژنا ئەڤرۆ دیار كر، پشتی نیڤرۆیا رۆژا ئەینی سێ كەس گەهاندنە نەخۆشخانا ئامێدیێ، كو ئێك ژ وانا ب ناڤێ دلشاد عەبدولرەحمان بوو، هەر ل جهێ روودانێ گیانێ خوە ژ دەست دا بوو، كەسەكێ دی ژی بناڤێ نەجیب عامر ب گرانی بریندار ببوو، كو تی ئێن تی ل چیایێ سەر ئامێدیێ پێڤە پەقی بوو.
عوبەید سەبری ئێك ژ كەسوكارێن قوربانیان بۆ رۆژناما ئەڤرۆ دیار كر، چار وەلاتی، كو خەلكێ گوندێ سپیندارێ یێ دەڤەرا بەرواری ژووری بوون ب مەرەما ئینانا گل و گیایێ بهارێ قەستا چیایێ سەرێ ئامێدیێ كرن، لێ تی ئێن تییەك پێڤە د پەقیت و گۆت: «پسمامێ مە دلشاد گیانێ خوە ژ دەست دا و نەجیب ژی ب گرانی بریندار بوویە».
ئەڤرۆ
قائید میرۆ:
شیرەتكارەكێ ئابووری یێ سامانێن ئاژەلێ بەحسێ دیاركرنا بهایێ گوشتی دكەت و دبێژیت: ل وەلاتێن جیهانێ ل گۆرەی كوالێتیا گوشتی و تەمەنێ ئاژەلی بها ل سەر گوشتی دهێتە دانان و گۆت: جورەكێ ئاژەلی دهێتە هەرێما كوردستانێ بۆ سەر بڕینێ دبێژنێ براهمەنێ هندی، هژمارەكا زۆرا یا گولكێن براهمەنێ هندی دهێنە هەرێما كوردستانێ د بنەڕەتدا ئاژەلەكێ وەحشیە و ریشالەكێ زۆر بهێز دناڤا گوشتی ڤی جۆرێ گولكی هەیە و ژبەر ئەرزانیێ زۆر زێدە دهێتە هەرێما كوردستانێ و زۆرترین مفا بۆ بازرگانان هەیە.
شارۆخ محەمەد، شیرەتكارێ ئابووریێ سامانێن ئاژەلی بۆ رۆژناما ئەڤرۆ دیار كر» گوشت ئێك ژ وان خوارنانە كو بهایەكێ زۆر هەیە ژلایێ زانستی ڤە و ژێدەرەكێ سەرەكیێ دابینكرنا ڤیتامینایە، لەوڕا ژی پێدڤیە وەلاتیان شارەزایی هەبیت ل دۆر گوشتی، دڤێت حوكمەت بهای ل سەر گوشتی دانیت و ل گۆرەی تەمەنێ ئاژەلی بهایێ گوشتی بهێتە دیاركرن.
زێدەتر گۆت: ل وەلاتێن جیهانێ بهایێ جودا ل سەر گوشتی هەنە و هەتا ئەو مۆرا لسەر گوشتی دهێتە لێدان ژلایێ ساخلەمیێ ڤە رەنگێ ڤێ مۆرێ یێ جودایە، بۆ نموونە ئاژەلەكێ شەش سالی بۆ كارگەهێن گوشتێ قودیكا دهێتە سەر بڕین، بهایێ خوە هەیە و مۆرەك ل سەرە جودایە ژ مۆرێن لسەر گوشتێ دی و گۆشتفرۆشی ل بازاڕی نەشێن ڤی جورێ گوشتی بفرۆشنە وەلاتیان، چونكە تایبەت بۆ كارگەهان دهێتە سەرژێكرن و بەرهەم ئینان.
خویاژی كر، هەتا بەرهەمێ گوشتێ نافخۆ جورەكێ مۆرێ هەیە و بەرهەمێ بیانی جودایە مۆرا خوە هەیە، گوشتێ نازك و تازە دگەل یێ پیر رەنگێ مۆرا خوە هەیە. بەلێ مخابن ل هەرێما كوردستانێ ئێك جۆرێ مۆرێ لسەرە و كەس نوزانیت ئەڤە چ جۆرەكێ گوشتیە، بەرۆڤاژی ل وەلاتێن جیهانێ وەلاتیان زانیاری هەنە و سەربڕ یان گوشفرۆش نەشێت چو فێلا بكەت ل فرۆتنا گوشتی، هەتا نوكە ل هەرێما كوردستانێ نەهاتیەكرن و پێدڤیە مۆرێن گوشتی بهێنە دیاركرن و ب رێیا راگەهاندنێ وەلاتی بهێنە هشیاركرن.
ڤی شیرەتكارێ ئابووریێ سامانێن ئاژەلی گۆت» ئاریشە ل سەر گوشتی نینە بەرهەمێ كیش وەلاتیە، گرنگ ئەڤە گوشتەكێ تازە و كوالێتیا باش هەبیت ژلایێ زانستی، ڤێجا ئەو گوشتە ل كیش وەلاتی هاتبیت ئاریشە نینە، ژبەركو ژلایێ زانستی ڤە ئاژەلێ تەمەندار زۆر جیاوازە دگەل ئاژەلێ كێم تەمەن، چەندی تەمەنێ ئاژەلی بەرەف زێدەبوونێ ڤە بچیت رێژەیا ریشالان زێدەبن چەوریێن زیانبەخش زێدە دبەن، بەرۆڤاژی ئاژەلێ تەمەنێ وی كێم بیت تژی ریشال كێمە و چەوری ژی كێمترە و كاریگەریێن خراب ل سەر ساخلەمیا مرۆڤی نینە.
ئەو یەك ژی دا زانین «ئەز دگەل جوداكرنا جورێ ئاژەلانم، چونكە ئاژەلەك ل وەلاتەكێ وەك ئیسپانیا هاتبیتە بەرهەم ئینان، زۆر باشترە ژ ئاژەلەكی كو ل وەلاتەكێ دی هاتبیتە بەرهەم ئینان، نوكە جورەكێ ئاژەلی دهێتە هەرێما كوردستانێ بۆ سەر بڕینێ دبێژنێ براهمەنێ هندی، هژمارەكا زۆرا یا گولكێن براهمەنێ هندی دهێنە هەرێما كوردستانێ د بنەڕەتدا ئاژەلەكێ وەحشیە و ریشالەكێ زۆر بهێز دناڤا گوشتی ڤی جورێ گولكی هەیە و ژبەر ئەرزانیێ زۆر زێدە دهێتە هەرێما كوردستانێ و زۆرترین مفا بۆ بازرگانان هەیە.
شارۆخ محەمەد ئاماژەكر» مخابن جووتیارێن هەرێما كوردستانێ هشیاری نینە ل دۆر خوەدی كرنا ئاژەلان و جوداهی ناڤبەرا ئاژەلێن نافخۆ بیانی نینە، بەلكو دكەڤیتە سەر خودانکرنا كرنا ئاژەلی و جورێ خورانا ئاژەلی، دەرزیەك هەیە دبێژنێ مەلتی ڤیتامین تێكەلی خوارنا ئاژەلا دهێتەكرن دەمێ نۆشدار دبێژیتە جووتیاری رێژەیا هندێ بكار بینە جووتیار و دبیت زێدە بكەت، ئەڤە دبیتە ئەگەرێ زیانێن مەزن.
باشترین حالەت بۆ كۆنتڕۆلكرنا ئاژەلی ئەڤە بەری بهێتە سەربڕین هەیڤەكێ بهێتە راگرتن و چو دەرزی و دەرمان و ڤیتامانان نەدەنێ و ل دووڤ دا بهێتە سەربڕین هەتا مێلاكا ڤی ئاژەلی ژ هەموو ڤایرۆسێن پیس بهێتە پاقژكرن.
شارۆخ محەمەد ئاشكراكر» فێلەكا دی ژی ل فرۆتنا گوشتی دهێتەكرن ل هەرێما كوردستانێ هەیە، ئەو ژی گوشتێ مەڕی دهێتە فرۆتن ل شونا گوشتێ بەرخی، نابیت وەلاتی گوشتەكی بكڕن بێی مۆرا حوكمەتێ، زۆر ئاژەل هەنە جوان و قەلەون، بەلێ گوشتێ وان بۆ خوارنێ بكێر ناهێت، وەلاتی نەشێت ب چاڤێ ئاسایی گوشتێ ساخلەم بنیاسیت، ئەم وەكی كورد مللەتەكێ گوشت خۆرین، هەر چەندە رێژا خوارنا گوشتی بۆ هەر تاكەكی دناڤا جڤاكیدا نەگەهشتیە ئاستێ ستاندەرد، بەلێ هێشتا زۆر وەلاتێن جیهانێ هەنە زێدەتری هەرێما كوردستانێ گوشتی دخۆن، بۆ نموونە ئەمریكا زێدەتری هەرێما كوردستانێ گوشتی دخۆن، گوشت خوارنەكا زۆر ساخلەمە ئەگەر بهێتە ب شێوەیەكێ ساخلەم بهێتە بەرهەم ئینان.
ئەڤرۆ
ئەمیر ئەترووشی:
رێڤەبەرێ گشتی یێ ئاڤ و ئاڤەڕۆ ل هەرێما كوردستانێ راگەهاند، هەتا نوكە نێزیكی 319 هزار پشكداران مفا ژ هاریكاریا حكومەتا هەرێما كوردستانێ یا لێبوورینێ وەرگرتینە، هەموو لێبورییان نێزیكی حەفت ملیار دینارێن عیراقی بوو و ژ كوژمێ نێزیكی ملیونەك و هەشتێ و ئێك هزار پشكدار ژ 81% ژ وان هاوبەشان هەتا نوكە پیڤەرێ ئاڤێ گرێدایە.
ئاری ئەحمەد، رێڤەبەرێ گشتی یێ ئاڤ و ئاڤەڕۆ ل وەزارەتا شارەوانی و گەشتوگوزار دەربارەی گرێدانا پیڤەرێ ئاڤێ ژ لایێ وەلاتیێن هەرێما كوردستانێ و هاریكاریا حكومەتا هەرێمێ بۆ لێبورین ژ كرییا ئاڤا وەلاتیان راگەهاند، وەكو هاریكاریەك ژبەر رەوشا داراییا وەلاتیێن هەرێما كوردستانێ و گۆت: داخازێ ژ وەلاتیان دكەین سەرەدانا رێڤەبەریێن ئاڤێ بكەن و پیڤەرێ ئاڤێ گرێبدەن بۆ هندێ ژ ڤێ دەرفەتێ مفاداربن.
رێڤەبەرێ گشتی یێ ئاڤ و ئاڤەڕۆ ئەو ژی دا دیاركرن، تا نوكە نێزیكی 319 هزار پشكداران مفا ژ ڤێ هاریكاریا حكومەتا هەرێما كوردستانێ وەرگرتیە، هەموو لێبورییان نێزیكی حەفت ملیار دینارێن عیراقی بوو و ژ كوژمێ نێزیكی ملیونەك و هەشتێ و ئێك هزار پشكدار ژ 81% ژ وان هاوبەشان هەتا نوكە پیڤەرێ ئاڤێ گرێدایە.
ل سالا بوری وەزارەتا شارەوانی و گەشتوگوزار رازەمەندی ژ ئەنجومەنێ وەزیران وەرگرت بوو، بۆ وێ چەندێ هەر وەڵاتیەك تایبەتی ئەوێن جهێ ئاكنجیبوونا وان پشتی ئەو سەرەدانا رێڤەبەریێن ئاڤێ دكەن پابەند بن ب گرێدانا پیڤەرێ ئاڤێ و لێبورینەك بو بهێتەكرن، ب شێوەیەكی كرییا 80 هزاری یا هەیڤانە بۆ بكەنە 10 هزار دینار و ئەو وەڵاتیێن ل ناڤ سەنتەرێن باژێرێن مەزن ژ 80 هزاران هەیڤانە بۆ بكەنە 20 هزار دینار.
• یا پێدڤیە دەرس هەموو بهێتە خواندن وەكو رۆژنامەیان، پاشی بابەت بهێنە پشككرن بۆ چەند لقەكان، ژبەركو زانینا هەر پارچەیەكێ دێ گرێدای تێگەهشتنا بابەتی بیت.
• یا گرنگە ئەو تشتێ تو دخوینی ب تشتەكێ راست ل دەوروبەرێن خۆڤە گرێدەی، ژبەركو ئەو دێ پتر هزرا تە ل بابەتی ئینیتەڤە دتاقیكرنێ دا، هەروەسان باشترە پێزانینێن خوە بكەیە كەتوار داكو تە شیانێن بیرئانینا وێ ل تاقیكرنێ هەبن.
• شێوازێ خوە یێ تێگەهشتنێ نەگوهۆرە ددەمێ تاقیكرنێ دا، هەكە تو ژوان كەسان بی ئەوێن ب دەنگەكێ بلند دخوینی یان برێڤە د چی و د خوینی، بلا شێوازێ تە یێ تاقیكرنێ ژی وەسان بیت داكو چ ترش بۆ تە پەیدانەبن.
تشتێ هاتیە زانین ژی ئەوە كو قوتابی ژ تاقیكرنا د ترسن، ژبەركو ئەو هزر ل مال و كەس و كارێن خۆ دكەت، دەوروبەرێن وی دبنە ئەگەر كو ئەو یێ ئارام نەبیت، ژبەركو گەلەك گرنگیێ ددەنێ و دیسان قوتابخانێ و ب تایبەت قوناغێن دواناوەندی ل بەر وی دكەنە چیا، ئەڤ چەندە هزرێن نێگەتیف بۆ وی پەیدادكەن، یا ل سەر قوتابی پێدڤی یە ل دەمێ تاقیكرنان خۆ ژ هەموو جورێن قەهوێ و حەبێن خەوهاتنێ دوور بكەت، ژبەركو ئەو دبنە ئەگەر كو پتر هشیار بمینیت و هزركرنا وی كێم دبیت و باشترە خوارنا وی گەلەك یا باش بیت و تێر بنڤیت ژ (8) دەمژمێران كێمتر نەبیت و خوە ژوان تشتان دوور بكەت یێن كارتێكرنێ ل كوئەندامێ دەماران دكەن و یاریێن ب مەترسی نەكەت و هندەك راهێنانێن وەرزشی یێن سڤك ئەنجام بدەت ژبۆ بەرفرەهبوونا زەڤلەكێن وی.
ئەڤرۆ
بەرپەرێ ساخلەمیێ:
د.عبدلمەتین عبدالرحمان شكری، تایبەتمەندێ نەخۆشیێن زارۆكان دیاركر كو پشتی 48 سعەتا ژ دایكبوونێ زارۆكان پێدڤی ب پشكنینەكی َهەیە كو دێ سێ چپكا ژ پێن زارۆكی وەرگرن و دێ تاقیكەت و كۆمەكا نەخۆشیێن دناڤ لەش و خوینا واندا دێ دیاڕبن و گۆت: ئەم دبێژینە ڤان نەخۆشیان یێن بەرزە و ئاریشە ئەوە هەكە ل پاشەرۆژێ دیاربوون دێ چارەسەریا وان یا ب زەحمەت بیت، بۆ نموونە رژینا پەریزادێ (غودە)، كو هەكە ل دو رۆژێن ئێكێ نەهاتە دیاركرن ب رێكا پشكنینان و پشتی هینگی دیاربوو دێ ئاریشا بۆ زارۆكی پەیداكەت و كارتێكرنێ ل مەژیێ زارۆكی كەت و دلی و هناڤا و گەرماتیا لەشێ وی و وەرارا زارۆكی و هندەك ژڤان ئێدی چارەسەر ژی نابن و كارتێكرن و شوونوارێن وێ دێ هەتا هەتایێ مینن و گەلەك نەخۆشیێن دی یێن ب ڤی شێوازی دیاردبن، لەورا گەلەكا گرنگە پشتی بوونا زارۆكی ب 48 سعەتا دایباب پشكنینا (غربلێ) یان دبێژینێ (MBS) بۆ زارۆكی بهێتەكرن و گۆت: ئەڤ سیستەمە ل گەلەك وەلاتێن جیهانێ دهێتە پەیرەوكرن و زارۆكێن وان هەموو دهێنە پشكنینكرن داكو ئاریشێن وان زوو بهێنە دەستنیشانكرن و چارەسەركرن بێی كو ئاریشێن مەزن بۆ پەیداببن.
ئەڤرۆ
بەرپەرێ ساخلەمیێ:
چەند ڕۆژە تووشبوون ب نەخۆشیا هەودانا مەژی زێدەكریە، زێدەتر ١٥٠ زارۆكان تووشی نەخۆشیێ بوون.
د.پشدەر عەبدوللا، رێڤەبەرێ نەخۆشخانا د.جەمال ئەحمەد رەشید یا زارۆكان ل سلێمانیێ د كۆنگرەیەكێ ڕۆژنامەڤانی دا ڕاگەهاند، نەخۆشی پێشتر ژی هەر هەبوو، نوكە ڕۆژانە زێدەتر ل پێنج زارۆكان ل نەخۆشخانێ دهێنە تۆماركرن، مژوولی وەرگرتنا نمووناینە ل نەخۆشان هەتا دیارببیت كو ئەگەرێ نەخۆشیێ بەكتریایە یان ڤایرۆسیە.
ئاماژەكر، پێشبینە ب ئاڕاستەیا ڤایرۆسانە، ب وی شێوەی چارەسەری ب ساناهی دبیت، ب تنێ پێدڤی ب دەرمانانە بۆ كێمكرنا تایێ.
د كۆنگرەیەكێ دیتردا، د.سەباح هەورامی، رێڤەبەرێ گشتیێ ساخلەمیا سلێمانیێ ڕاگەهاند، هەرچەندە نەخۆشی بەلاڤبوویە، بەلێ یا مەترسیدار نینە، دەرمان و چارەسەریا پێدڤی بۆ نەخۆشیێ هەنە، داخاز ژ دایكوبابان دكەت، ل دەمێ دەركەفتنا نیشانێن نەخۆشیێ ب نەشارەزایی دەرمانان نەدەنە زارۆكان، بەلكو ببەنە لایێ نۆشداری و چارەسەریا پێدڤی بۆ بكەن.
د. محەمەد مستەفا مزووری، تایبەتمەندێ نەخۆشیێن زارۆكان ل نەخوشخانا هیڤی یازاروكان دیاركر، ئەگەرێن نەخۆشیا هەودانا پەردا مەژی، ڤایرۆسی، بەكتریا و زیندەوەرن، دەربارەی نیشانێن نەخۆشیێ دیاركر كو ل دووڤ عەمری دمینیت و گۆت: هەكە عەمرێ زارۆكی ژ سالەكێ كێمتر بیت، تایا ب هێز، حەزا شیرخوارنێ لاوازدبیت ، گەلەك دكەتە گری، دگەل بێخەویێ ودلرابوونێ و هندەك جارا گەشكە دهێتێ (الصرع).
بەلێ زارۆكێن ژیێ وان مەزنتر پتر دهێن ز بەر تایێن دژوار، ئێشانا سەری كو باش نابیت ب دەرمانا، هەستیاری بەرامبەر ڕووناهیێ، دلرابوون، ئێشانا ماسولكا، بێهێزی و گێژبوون و كێمخوارن و گەلەك نیشانێن دی و گۆتژی: دەمێ دایباب هەست ب نیشانێن نەخۆشیێ دكەن، پێدڤیە كەلوپەلێن وی جودابكەن، تێكەلی زارۆكێن دی نەكەن داكو زێدەتر بەلاڤ نەبیت، ببەنە نەخۆشخانێ یان نوژدارێ تایبەتمەندێ زاروكان.
باشترین كار تو بو زاروكێ خوە بكەی ئەوە تو ب زووترین دەم زاروكێ خوە نیشا دكتورێ بسپور بدەی بەری رەوشا وی ئالوز بیت و نیشانێن نەخوشیێ بەلاڤ ببن.
نيشاندان