ههولێر، قائید میرۆ:
شیرهتكارێ رێڤهبهریا گشتیا توندوتیژیێ ل ههرێما كوردستانێ بۆ رۆژناما ئهڤرۆ ئاشكرا كر، ئامیرێن ئهلكترۆنی و تۆرێن جڤاكی بووینه ژێدهرێ ئاریشێن خێزانی ل ههرێما كوردستانێ و دبێژیت: ئێك ژ ئاریشێن سهرهكی یێن تهلاقێ و ئاریشێن دناڤبهرا ههڤژینان ژ بۆ خراب بكارئینانا تۆرێن جڤاكی و ئامیرێن گههاندنێ ڤهدگهڕیت.
حاجی عزهدین، شیرهتكارێ رێڤهبهریا گشتیا توندوتیژیێ ل ههرێما كوردستانێ دیار كر، هاتنا ئهڤێ پێلا ئامیرێن ئهلكترۆنی و تۆرێن جڤاكی كاریگهری ل سهر جڤاكێ ههرێما كوردستانێ ههبوویه و پێدڤیه بهری هاتنا ئهڤان ئامیران و پهیدابوونا تۆرێن جڤاكی بهرههڤیێن باش بهێنه كرن، ژبهركو بكارئینانا ئهڤان تۆرێن جڤاكی مینا خهنجهرا دو سهره دڤێت تاك ب هشیاری بكار بینیت بهرۆڤاژی دێ كارهسات پهیدابن.
حاجی گۆت: (نهبوونا هشیاریێ و رهوشنبیریا گشتی بوویه ئهگهر چهندین كارهسات پهیدا ببن ژ ئهگهرێ خراب بكارئینانا تۆرێن جڤاكی و ئامیرێن گههاندنێ ب شێوهیهكێ گشتی، نوكه ئێك ژ ئاریشێن سهرهكی یێن دناڤبهرا خێزانێ بتایبهتی ناڤبهرا ژن و زهلامان خراب بكارئینانا ئامیرێن گههاندنێ و تۆرێن جڤاكی یه).
شیرهتكارێ رێڤهبهریا گشتیا توندوتیژیێ گۆتژی: (ل گورهی ئامارێن بهردهست و ئهو بادهكێن دگههنه دادگههێ و نڤیسینگههێن توندوتیژیێ ئهگهرێ سهرهكیێ تهلاقێ خراب بكارئینانا ئامیرێن گههاندنێ یه، هندهك جاران ژی ب نهزانین دهێنه بكارئینان و دووڤدا ئهو كهسێن بكار دئینن دكهڤنه داڤا كهسێن خرابكار ل تۆرێن جڤاكی و ئهنجام ژی یان تهلاقه یان زیندان و كارهسات، مخابن هشیاریهكا تهمام پێدڤیه بۆ خهلكێ مه بۆ چاوانیا سهرهدهریێ ل گهل ئامیرێن گههاندنێ و تۆرێن جڤاكی).
حاجی عزهدین ئاماژه پێ كر كو بهری نوكه باندێن دهرڤه ههبوون بۆ سهردابرنا خهلكی نوكه مخابن باندێن نافخۆیی ژی ههنه و ب رێیا تۆرێن جڤاكی كار بۆ سهردابرنا وهلاتیان دكهن و دووڤدا داخوازا پارهی دكهن یان ئاریشهیان پهیدا دكهن، چونكی تۆرێن جڤاكی رێیهكا زۆر ساناهی یه بۆ گههاندنێ و لهوانهیه ئێك كهس د ئێك دهمدا ل گهل چهندین كهسان چاتێ بكهت.
حاجی عزهدین د بهردهوامیا ئاخفتنێن خوهدا گۆت: (ئهگهرێن دیژی بۆ زێدهبوونا رێژا تهلاقێ زۆرن، بهلێ ڤان سالێن دوزماهیێ تۆرێن جڤاكی بووینه ئهگهرهكێ سهرهكی، نوكه جڤاكێ مه یێ د قۆناغا ڤهگوهاستنێ دا ئانكو یێ بهر ب ڤهكرنێ دچیت ب رێیا ئهڤان تۆرێن جڤاكی، لهوڕا یا گرنگه پهروهردهكا باش یا نفشێ نو بهێته كرن و بهێنه هشیاركرن كو چاوا تۆرێن جڤاكی بكاربینن، ژبهركو زۆر جارا هنارتنا وێنهكی یان ههڤالینیا كهسهكی ب رێیا تۆرێن جڤاكی ببیته ئهگهرێ تێكدانا ژیانا ئهڤی كهسی).
نيشاندان