دهۆك، هه‌رهین محه‌مه‌د:
بێژیڤان محه‌مه‌د، خانمه‌كا خه‌لكا رۆژئاڤایێ كوردستانێ یه، ئه‌ڤه بۆ ده‌مێ چه‌ند هه‌یڤانه ل به‌ر ده‌رگه‌هێ پاركا نه‌ورۆز ل ناڤه‌ندا بازاری چایێ دفرۆشیت و د هێته هژمارتن ئێكه‌م ژنا چا فرۆش ل دهۆكێ.
ناڤهاتیێ بۆ ئه‌ڤرۆ دبێژیت: پشتی ئه‌م هاتینه دهۆكێ ئه‌ڤه بۆ ده‌مێ چار هه‌یڤایه ئه‌ز ڤی كاری دكه‌م و ڤی كاری ژ نه‌چاریا خوه دكه‌م ومن چ كه‌سێ خوه نینه كو بۆ مه كار بكه‌ت و بتنێ ئه‌ز و كچا خوه و ده‌یكا خوه ل كه‌مپا دۆمیز ل گه‌ل ئێك دژین و هه‌ڤژینێ من ژی وه‌غه‌ركریه، بۆ زانین هه‌ر ژ ده‌مژمێر دوی نیڤرۆ هه‌تا بانگێ عه‌یشا دمینم و چایێ دفرۆشم، ل وه‌رزێ زڤستانێ كارێ من باشتر بوو، نوكه كار گه‌له‌ك یێ كێمه و كریا من یا ترۆمبێلێ و مه‌زاختیێ مال ده‌رناكه‌ڤن و چا ژی یا ئه‌رزانه و بكڕان ب چ بها دڤێت ئه‌ز دفرۆشم و كه‌سه‌كێ نازڤرینم، من ئارامی نینه، چنكو ل ڤێره كاردكه‌م و ل مال ژی كارێ مالێ یه.
نيشاندان