ئه‌ڤرۆ، هه‌رهین محه‌مه‌د:
عه‌دنان ئه‌حمه‌د محه‌مه‌د، ماموستایێ زانكویێ بۆ به‌رپه‌رێ په‌روه‌رده‌و زانكو گۆت: دڤان كاودانان دا و بۆ وی قوتابی یێ پاشه‌رۆژا خوه مسۆگه‌ر دكه‌ت، و پشتی خواندنا وی ب دووماهی دهێت، و ئه‌و زه‌حمه‌تا وی بری بۆ چه‌ندین سالان و كاره‌ك ب ده‌ست وی بكه‌ڤیت، و ئه‌وكاره داهاته‌كی بۆ وی مسوگه‌ر كه‌ت، له‌ورا دبینم ل قواغا زانكویێ قوتابی تایبه‌تمه‌ندیه‌كا پێشه‌یی ب خوه ڤه بگریت دێ بۆ وی گه‌له‌ك باشتر بیت، و یێن پێشه‌یی هه‌ردولا بخوه ڤه دریت، ئانكۆ فێری و مرۆڤ فێری پیشه‌كێ دبیت و ب وێ پیتێ وه‌كو دبێژن مرۆڤ دو چیچكا به‌ره‌كی ب كوژیت، و شوینا مرۆڤی باوه‌رنامه‌ك هه‌بیت و بێژیت ئه‌ڤ باوه‌رنامه دێ شه‌فاعه‌تێ بۆ من بكه‌ت و كاره‌كی بۆ من بینت، و دبینم و ل دووڤ ڤان كاودانا ئه‌و باوه‌رنامه بتنێ شه‌فاعه‌تێ بۆ مرۆڤی ناكه‌ت كو مرۆڤ بیته خودان كار، به‌لێ هه‌كه بسپوریا مرۆڤی یا پێشه‌یی بیت و مرۆڤ فێری پویته‌كێ و پیشه‌كی یه و مرۆڤ دشێت كاره‌كی بكه‌ت و دبیت ئه‌و باوه‌رنامه شه‌فاعه‌تێ بۆ مرۆڤی بكه‌ت، ژبه‌ركو هه‌كه مرۆڤ ل چو دام و ده‌زگه‌هێن میری و حكومی یێ دامه‌زراندی نه‌بیت و ل چو كه‌رتێن تایبه‌ت ژی چ كاران نه‌كه‌ت، و دبیت مرۆڤ ب وێ پێشه‌یا مرۆڤی زانی و باوه‌رنامه‌پێ وه‌رگرتی كاره‌كی ب ده‌ستێن خوه بكه‌ت و سه‌ركه‌فتنێ تێدا بینت و بیته خودان داهاته‌كێ باش، له‌ورا گه‌له‌ك یا گرنگه ده‌مێ قوتابی دهێته زانكویێ پێداچوونه‌كێ دهزرێن خوه دا بكه‌ت و بزانیت كیش پشك و تایبه‌تمه‌ندی بۆ وی یاباشه و ل ده‌مێ ده‌رچیت ب وێ بسپوریا وی خانی كاره‌كی ب ده‌ست خوه ڤه بینت و دهه‌می تایبه‌تمه‌ندێن كارگێری و ئابوری و پێشه‌یی و ئه‌ندازه‌یی و ته‌ندروستی بن ئه‌و قوتابیێ دهزراهندێ دا بیت ب بوراندنا چارسالێن زانكۆیێ دێ باوه‌رنامه‌كێ ب ده‌ستخوه ڤه ئینت و خوه پاشان ئه‌و خوه پیچشنه ئێخیت و ده‌لیڤا وی یا كاركرنێ و پێشكه‌فتنێ دێ گه‌له‌ك یا لاواز بیت و و دسه‌ر وی دمینت ئه‌و خوه پێش بێخیت و كار ل سه‌ر خوه بكه‌ت دا كو بشێت پاشه‌رۆژا خوه مسوگه‌ركه‌ت.
عه‌دنانی ئه‌و چه‌نده ژی گۆت: پتریا قوتابیان پشكه‌كا كێم ژێ دبینم كو حه‌زو ڤیانا هاتینه وێ پشكێ یا وان هه‌لبژارتی و هه‌كه به‌حسێ بسپوریا خوه بكه‌م (كارگێری كار) قوتابی هنده‌ك پێزانینێن ساده یێن ده‌ستپێكی ل سه‌ر هه‌بن و ژبه‌ر وێ یه كێ هاتیه پشكا كارگێری كار و پتریا وان ئه‌وه پتریا قوتابیان ره‌نگڤه‌دانا تێكرایێ وانه و دبیت تێكرایێ وی ژ نه‌چاری به‌رێ وی یێ دایه ڤی به‌شی، چونكو ل چو جهێن دی نه‌هاتیه وه‌رگرتن و هنده‌ك جاران ژی ل دووڤ سیسته‌مێ مه‌ركه‌زی یه یێ به‌لاڤكرنا قوتابیان ل سه‌ر كولیژان وه‌سان هاتیه وه‌رگرتن و دبیت وی هنده‌ك هه‌لبژارتنێن دی هه‌بن و هنده‌ك كێن دی ژی هه‌نه دبیت بتنێ بۆ ناسناڤ هاتبت و حه‌زدكه‌ت وی ناسناڤی ب ده‌ست خوه ڤه بیت و دبیت ئه و چو ژ وی ناسناڤی نه‌زانیت بتنێ وی گوهلێبوویه، یان درامایه‌كێ دا دیتیه و كو ئه‌و ژی بیته رێڤه‌به‌رێ كارایه و هه‌كه ئه‌و ژی ل كارگێری كار بخوینت ئه‌و ژی دێ بیته رێڤه‌به‌رێ كومپانیه‌كێ و دێ بیته خودان تومبێله‌كا دووماهیك مودێل و دبینم دیتنه‌كا شاشه و پێدڤیه قوتابی ل سه‌ر خوه كاربكه‌ت و شیانێن خوه زێده‌بكه‌ی دلایێ كارگێری و كومپیوته‌ری و زمانێن سه‌ره‌كی و گه‌له‌ك جاران به‌ره‌ڤانیێ ژبسپوریا كارگێری دكه‌ین، چونكو چ دامو ده‌زگه‌ه و كومپانی و رێكخراو رێڤه‌به‌ریێن حكومی نینن كارگێریا خوه نه بیت، ئانكو ب ره‌نگه‌كێ مه‌زن مفا ژ ڤی پشكێ دهێته وه‌رگرتن.
ماموستایێ زانكۆیێ هه‌روه‌سا گۆت: و پتریا ده‌رچووێن پشكا كارگێری كار ل سه‌ر باوه‌رناما وی نڤیسیه ئه‌ڤه ده‌رچوویێ پشكا كارگێری كاره، به‌لێ ئه‌ڤه وێ چه‌ندێ ناگه‌هینت كو كه‌سێن خودان شیان ناڤ دا نینن كو ل سه‌ر خوه كاربكه‌ت و بووینه خودان كار و مه‌به‌ست ئه‌و نینه وه‌زیفێ حكومی، یان كه‌رتێ تایبه‌ت مه‌رم ژێ ئه‌وه وان ب شیانێن خوه ل سه‌ر خوه كاركریه و بوووینه خودان كار.
نيشاندان