هەرهین محەمەد:
ئه‌ڤرۆ، هه‌رهین محه‌مه‌د:
سترانبێژێ گه‌نج سه‌ردار غه‌رزی دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: خوه‌شیا ده‌نگی ئیراده‌یا خودێ و ژمالباتا مه و كوچه‌رێن غه‌رزا و ده‌نگیێ مه ژی كارتێكرنا خوه هه‌یه و دناڤ خالێن مه‌دا ده‌نگبێژ هه‌بووینه وه‌كو فازلێ جزیری و محه‌مه‌د شرین و ده‌نگێ وان یێ خوه‌ش بوویه و ده‌ستپێكێ بابێ من رابوویه ب كاروانێ ستران گۆتنێ و هه‌ردیسان مامێ من كوڤان بابێ مونایێ و ل ده‌ستپێكا من یا ستران گۆتنێ ژی ل ده‌ستپێكا سالا 2000 بوویه و ئه‌ز ل گه‌ل گرۆپێ هونه‌رمه‌ندێ خۆدێ ژێرازی عه‌بدولواحد زاخۆیی بووم و من كاركری و ل ده‌ستپێكێ من سترانێت هونەرمەند عه‌بدولواحد زاخۆیی وه‌ردگرتن، به‌لێ ئه‌و بخوه وه‌كو هه‌لبه‌ست و ئاواز من گه‌له‌ك پشكداری ل گه‌ل هونه‌رێ هونه‌رمه‌ندان كریه و من هه‌لبه‌ست و ئاواز داینه گه‌له‌ك هونه‌رمه‌ندان هه‌تا كو ل ده‌رڤه‌ی وه‌لاتی ژی بوون وهه‌روه‌سا دبیاڤێ زارۆكان ژی دا من خزمه‌ت كریه و من بخوه ژی گه‌له‌ك به‌رهه‌م توماركرینه و ئێك ژوان ل سالا 2007 (ژینا بێ ئومێد) و به‌ری وی دەمی ژی ل سالا 2003 و هێرڤه دچووم ئاهه‌نگا و نوكه خودان دەهـ به‌رهه‌مم و ل سالا 2013 ژی به‌رهه‌مه‌كێ گوڤه‌ندو شه‌هیانان من تۆماركریه.
ل دۆرنووترین كارێ خوه یێ هونه‌ری غه‌رزی گۆت ژی داخوازیا سترانا دوقۆلی گه‌له‌ك ژ من هاتیه كرن و نوكه مژوولی سترانه‌كا دوقۆلی مه ل گه‌ل سترانبێژ ئیلونایێ بناڤێ (مه‌م و زین) كو ژ په‌یڤ و ئاوازێن من بخوه‌نه و موزیك زه‌كه‌ریا قامشلو و وه‌حید قامشلو و ستران دقوناغا توماركرنێ دایه و ل ژڤانه نێزیك به‌لاڤ بكه‌م.
هه‌روه‌سا گۆت: دژیێ زارۆكینیێ دا گه‌له‌ك دچوومه ده‌واتان و ئه‌ڤه دەهـ سال پتره نه‌چوویمه چو ده‌واتان بتنێ هه‌كه ده‌واتا هه‌ڤاله‌كی ، یان كه‌سه‌كێ نیاس بیت دچم و ده‌مێ دچم ژی گه‌له‌ك داخوازا سترانێت هونەرمەند عه‌بدولواحد زاخۆیی دهێته‌كرن كو بێژم و ئه‌م ژی ب دلخوەشی ڤه داخوازا ئه‌وان بجهـ دئینین و خوه‌شیه‌كێ ده‌ته شه‌هیانێ.
نيشاندان