كورێ باژێرێ دهۆكێ روباد خەلیل ڕاهێنەرێ تیما فوتبۆلا لاوێن یانەیا دهۆك ب فەرمی باوەرنامەیا ئاسیایی یا جورێ (a) وەرگرت پشتی بۆ ماوەیێ هەیڤەكێ ب شێوەیێ دو قووناغ ئەوا ل بەغدا پایتەختێ ئیراقێ هاتیە كرن.
ل دۆر ڤێ یەكێ ڕاهێنەرێ ناڤهاتی كو بۆ ئەڤرۆ گۆت: پێخوەشحالی ڤە وەكۆ ئێك ژ ڕاهێنەرێن كوردستانێ و پارێزگەها دهۆكێ پشكداری د خولا ئاسیایی یا باوەرنامەیا ئەی بووم و ب سەركەڤتی و سەرڤەرازی دەرباز كربوو، خول ژلایێ فدراسیۆنا فوتبۆلا ئیراقێ ب هەڤكارییا فدراسیۆنا ئاسیا بوو، ئەوا ژلایێ وانەبێژێن نێڤدەولەتی رەحیم حەمید و سەعەت حافز كو ب دو قووناغا هاتبووكرن 15 رۆژ بۆ هەر قووناغەكێ، ب شێوەیێ تیۆری و پراكتیكی ڤە دهاتە پێشكێشكرن.
هەروەسان روباد خەلیل گۆت: پێنەڤێت وەرگرتنا ڤێ باوەرنامەیێ گەلەك یا گرنگە ب هەموو لایەكی ڤە، ژلایێ بەردەوامییا من وەكو ڕاهێنەر دگەل لاوێن دهۆكێ چنكو ئێك ژ مەرجێن ڕاهێنەراتییا تیمێ دڤێت باوەرنامەیا ئەی هەبیت هەروەسان دەلیڤە پەیداكرییە كو بشێم ببمە ڕاهێنەرێ تیما دویێ یا پێشكەڤتیان(ردیف) یێن كێمتر21 سالی، هەروەسان تیمێن خولێن نایابا ئیراقێ، دیسان دشێم وەكو هاریكارێ ڕاهێنەرێ تیما خولا ستێرێن ئیراقێ، یا دویێ ژی ئەو پێشهاتە و زانیاریێن من وەرگرتین دێ مفایەكێ باش گەهینمە یاریزانێن خوە، وەرگرتنا باوەرنامەیێ بەس نینە ژبەركو مۆلەتا كارییە لێ پێشئێخستنا ئاستێ خوە و دووڤچوونا زانستێ ڕاهێنانێ و بلندكرنا شیانێن خوە ئەركەكێ دییە بەردەوام كار لسەردكەم.
باوەرنامە مۆلەتا كارییە لێ دڤێت ئاستێ خوە پێشبێخیت
نيشاندان