د.عزت فندی

ڕۆژناما ئەڤرو هژمار (٣٦٣٠) ل رۆژا (٧/١١/٢٠٢٤)ێ ڕوپەلێ دەهێ بابەتەک بناڤ و نیشانێ : ئەگەر دیدار بیت یان نڤیسین نەکەسێ ژ هەوە ئامادەکریە و نەکەسێ نڤیسییە بلاڤکریە ، ژ نڤیسینا کاک موسەدەق تۆڤی
دەسپێک
بەرسڤەکا کورت؛ لێ ب بەلگە و دکۆیومێنت ، هەروەسان( ب زمان و ئاستێ خوە دێ نڤیسم )و (هەر کەس بەرپرسە ژ نڤیسینا خوە )
١- خۆدانێ بابەتی نڤیسیە ؛ ب ڕامانا کۆ : کەسێ ژ هەوە بابەت نەنڤیسی یە و ئەڤ بابەتە هەمی ژ داڕشتن و لێکدان و دانانا منە !! و دبێژیت چ ئەرشیف ژی نەماینە و ئەڤە پتری بیست ساڵانە ب سەرڤەچووی
بەلێ ئەز دبێژم هەمی تشت ل دەفمن ئەرشیفکریە و ڤێگاڤێ ئێک ئێکە دێ ل پێشچاڤێت هەوە دانم و رێزکەم
– بابەتێ من لسەر برایەتی (٢٥) لاپەڕە ب دەستخەتێ من، ژ پەیڤا ئێکێ هەتا یا داوی هەمی لسەر ئامادەییا برایەتی یە ( وێنە دگەلدایە – ب هویری ژیوەکی خوە و دەستخەت دێ ل ئەکاونتێ خوەیێ فێسبووکێ بەلاڤەکەم)، دانان و چالاکی و تەوەر و رێکخستن و خۆپیشاندان و ئاهەنگ و ووو هەمی من تەوەرێت بۆ داناین و نڤیسین و تنێ( تە) ل گۆڤارێ یێ تایپکری و بەلاڤەکری بیست و پێنج لاپەڕ وەکی خوە و ب خەتێ من دحازر و ئامادەنە ؛ئەڤە بەرسڤە : کا من لسەر برایەتی نڤیسی یە یان کاک موسەدەقی
– بابەتێ کاک مسەدەقی (١٣) لاپەرە ، (٩) لاپەر مێژووا خواندنا کوردی ل بادینا وەک پێشەکی ، (٢) لاپەر ل سەر برایەتی ؛ (ڤەگوهاستن ژ تۆمارا برایەتی وەک ئەرشیفێ فەرمی ل ئامادەیێ بۆ هەر کەسەکی یێ بەردەستە) ، (٢) لاپەر ژێدەرن ( وێنە دگەلن ب دەستخەتێ وی نە) ئەڤە ژی بەرسڤە هەکو دبێژیت بابەتێ منە و تنێ ( عزەت) ژێدەرە
– گەلەک تێبینی و پەڕک و دەستخەتێ هەڤاڵێن من یێن برایەتی ژی دپاراستینە، ئەو ژی لدوی داخواز من هەکە من تشتەک ژبیرکربیت یان نەزانیبیت دگەل ب دەها وێنێت برایەتی ( وێنە دگەل دانە)
– ئەڤە بەرسڤ بۆ کاک موسەدەقی، خۆدانێ دوو لاپەران خوەکریە مێژوونڤیسێ ئامادەییا برایەتی ، ئەز خۆدانێ نڤیسینێ و ئەرشیفێ برایەتی و چەندین چاڤپێکەتنێن رۆژنامەڤانی و تەلەفزیۆنی و دگەل چەندین هەڤاڵێن وی دەمی دگەل مە کارکری یان رێکخستنێن نهێنی ؛ ئەڤرۆکە و هێشتا ئەم دساخ کەسەک بهێت و راستیا بگهوریت و خوە بکەتە قارەمان و پەلەوان و مە هەمیا دبەر ئاڤێدا بەردەت .
٢- کاک مسەدەق گەلەک ژ ئاخفتنا من یێ تەنگاڤ بووی کو من گووتیێ تو ل دهۆک بووی و ئەز ل دجلە بووم ، دبێژیت ئەز سەرنڤیسکار بووم و تو نڤیسەر بووی ئەز سەربلندم و سۆپاسدارم هەکە نڤیسەر بم و من شیابیت خزمەتا رۆشنبیریا مللەتێ خوە بکەم ، بۆ من نڤیسەری ژ هەر پلە و پۆستەکی بلندتر و سەرفرازترە هەرچەندە من پلە پۆستێت حزبی و حوکومی گەلەک بلنتر یێت دیتین و کارکری ژی و نهۆ پلا من یا زانستی ژی یا هەری بلندە ، لێ دووبارە دکەم نڤیسەری ژ هەر پلەیەکا دی بۆ من رەواتر و خوەشتر و ژ هەژیترە، یێ شانازیێ ژی ب سەرنڤیسکاریێ دبەت بۆ وی پیروزبیت
٣-یێ هاتی مێژوو و رێکەفت و ڤەکرن و گرتن یێت داینە بەرێک کۆ فلان رۆژێ دجلە نەمابوو و فلانێ هەبوو، برا ئەو نەبابەتێ سەرەکیە ؛ دبیت چەندین ساڵا ئەم هەڤاڵ و دوست بووین مە پێکڤە کارکری و من چەندین بابەت ل دهوک یێت بەلاڤەکرین ؛ دبیت پێش و پاشەک هەبیت، لێ بابەتێ سەرەکی برایەتی یە، کو بابەتێ مەیە و تنێ تە (دوو )رێز یێت لێ زێدەکرین ؛ تە دڤێت هەمی کاغەزان تێکەلی ئێک بکەی
– باشە پا دەستخەتێ تە لدەفمن چ دکەت ؟ هەکە تە بۆ من نەهنارتبیت دا ئەز بخوینم و کا چەند دگەل بابەتێ مە دگونجیت و ل دویف داخازاتە بکەینە پێشەکی ما من ئەڤ نڤیسینە ژ بەرویکا خوە ئینایە دەر یان تە داینە فمن
– سوپاس بۆ تە ، کو ب خێرا ڤی بابەتی من ئەرشیفێ خوە لێکدا و گەلەک بەلگێت دی ب پێشچاڤ من کەتن بۆ هەر وەختەکێ دی هەکە ئێکی ڤیا ڕاستیان بشێلیت یان ب ئەزمانەکێ زڤر ئاخفت ئەڤە د دروست و بەرهەڤن .