زاخۆ، دلۆڤان هالۆ:
یونس محەمەد، سەرۆكێ باژێڕڤانیا زاخۆ بۆ ڕۆژناما ئەڤرۆ دیاركر، ژ بەر لەهیێن دوهی حەفت خانی ل تاخێ ڕزگاری یێ ئیدارەیا سەربخوە یا زاخۆ دێ هێنە ڕاكرن و خودانێن وان دێ هێنە قەرەبووكرن.
سەرۆكێ باژێڕڤانیا زاخۆ ئاشكرا ژی كر كو ئەگەرێ سەرەكی یێ ڕاكرنا ڤان خانیان ئەوە، ئەڤ خانیە ل نێزیك هشكەڕۆینە و گۆت: «سالانە ژ ئەگەرێ هاتنا ڕێژەكا زۆر یا بارانێ بەر ب لەهیان دكەڤن و ئاڤ دچیتە دڤان خانیان ڤە و زیانەكا مەزن د گەهیتە وان».
گۆت ژی: «ژ بۆ پاراستنا ژیانا خێزانێن د ڤان خانیان ڤە، مە وەكو سەرۆكاتیا باژێڕڤانیا زاخۆ بڕیار دا خانیێن وان بهێنە ڕاكرن و خودانێن وان بهێنە قەرەبووكرن، داكو ژ زیانا لەهیێن سالانە ڕزگار ببن».
نيشاندان