سالار محەمەد دۆسكی:

7- 7

د. سەباح ئاكرەیی گۆت: پشتی پێشمەرگەی كونترۆل هەمی دەڤەرێ‌ هاتیەكرن و كەفتیە دەستێ‌ پێشمەرگەی، حوكمەتێ‌ بزاڤكر بهێتە دەڤەرا ئاكرێ‌ وی دەمی مالا مە ل مەسیفی بوو، جەنابێ‌ سەرۆك (مەسعود بارزانی) گۆت دكتور دەڤەر یا داخوازا تە دكەن، و من گۆتی سەرچاڤا سەرۆك دێ‌ چم و هەمان رۆژ هاتمە دەڤەرێ‌، و حوكمەت نێزیكی بەردەش بوو و هندەك هێز هەبوو پێشتر و من هندەك هێز ژی ل گەل خوە بر و دو شەڤان مە رێكا حوكمەتێ‌ گرت و حوكمەت ئاسێ‌ بوو و هەتا دەڤەرا (دوبەردان) و دەمێ‌ مە رێك گرتی نەشیا زێدەتر بهێت و خوە ڤەكێشا و ل دەڤەرا (مەندان) مە كنترولكر و پشتی وی ماوی جەنابێ‌ سەرۆك هاتە( دهۆك) من دیت و گۆت من بەرنامە هەیە پشتی دهۆكێ‌ سەرەدانا ئاكرێ‌ بكەم و چوومە ئاكرێ‌ و بەرهەڤی مەكرن بۆ هاتنا سەرۆكی و جەنابێ‌ سەرۆكی چوبوو سەرسنگ و ئەز چوومە دەف ب مەرەما بەرهەڤیێن تەمام بۆ هاتنا وی و جەنابێ‌ وی دووپاتكر ل سەر سەردانا خوە و دووبارە چوومە ئاكرێ‌ و جەماوەر مە بەرهەفكر و هاتینە بەردەش بەراهی یا وی و پلانێن ئێمناهیێ‌ هاتبوونە و دیسا بەرنامێ‌ هاتنا وی گۆتنا گوتارەكێ‌ و چەند سمیناران ل دەڤەرێ‌ هاتبوونە بەرهەفكرن و هاتنا وی بۆ دەڤەرێ‌ یا سەركەفتی بوو.
د. سەباح ئاكرەیی، بەحسێ‌ چەند گرفتان كر ل وێ‌ قوناغێ‌ و گۆت: بەری بهێنە ناڤ ئاكرێ‌ هێشتا بارەگایێ‌ مە ل بێخمە بوو، حوكمەتا بەعس هەمی بزاڤكرن مە ژناڤ ببەن یان ژەهرێ‌ بكەنە ناڤ خوارنێ‌ و زی پێزانین گەهشتنە مە و رێكخستنێن نهێنیی و پێشمەرگە دناڤ باژێری و پێزانین گەهشتنە مە و مە پێزانین هەبوو كو كەسەك هاتیە تەرخانكرن كو ببیتە خوارن چێكەر و بهێت ژەهرێ‌ بكەتە ناڤ خوارنا بوومە دئینیت و پشتی ماوەكی مە دیت كەسەك هات بناڤێ‌ (س) كو پێشتر دوستێن بابێ‌ بوون و مە بخێرهاتنا وی كر و مە كیفا خوە پێئنا و گۆت: كورێ‌ من بناڤێ‌(ك) دێ‌ هێتە دەف هەوە و هندەكا بابەت هوسا بووە شرۆڤەكریە و چ تشتێ‌ هوسا نینە و ل گەل من هاتیە و هاتە دەف من و من گۆتێ‌ ئەڤە مە بۆ هەوە گەنجان كریە و گۆت مام دێ‌ چەوا تشتەكێ‌ هوسا كەم و بابێ‌ وی گۆت هوون چ لێ‌ بكەت هوون ئازادن حەزكەی نە وەرگرن و من گۆتێ‌ مە بۆ گەنجان كریە و مە دڤێت مللەتێ‌ خوە ژ بن دەستی رزگار كەین، و مە گۆت كورێ‌ مەیە و من ئازادكر نوكە ئەو كادرە دناڤ حزبێ‌ دا، هەر هەمان قوناغ دەنگۆباس بوومە هات كو ئێكەتیێ‌ پیلان هەیە دەڤەرا بەهدینان هەمیێ‌ بگریت و ژ ئاكرێ‌ دەستپێ‌ بكەت و 160 ناڤ دانابوون كو هاریكاریا ئستخباراتێ‌ كریە، كو دێ‌ ئەڤان دەستەسەر بكەت و خەلك بتریست و ببنە ئەندام و پێشمەرگە ل گەل ئەوان و خەلك گەلەك ترسیان و ئەوێن ناڤێن وا لیستێ‌ دا گەلەك ترسیارن و هندەكا خوە ڤەشارت و قوناغا ئێكێ‌ 13 دەستەسەركرن 10 زەلام و سێ‌ ئافرەت هێشتا وی دەمی ئەم ل بێخمێ‌ بووین و هاتین یێ‌ خەلكی گرتن و من گۆتێ‌ هێزەكێ‌ ببنە سەر ئاڤا ریباری و ئەگەر ئەڤ كەسە برن ژێ‌ وەربگرن و مە نەڤێت نافێ‌ خەلكێ‌ مە بكرێتی و هاریكاریا بەعیسا بچیت و ئەگەر مە تشتەك ل گەل هەیە ئەم دێ‌ چارەسەركەین و شاندەك بناڤێ‌( جەواد حەجی سالح) ئامر بەتلیون بوو سەر رێكێ‌ رونشتن و جەماعتێن ئێكەتیێ‌ ئەوێ‌ چووینە ئاكرێ‌ بابەت گەهشت بوویێ‌ و ئەوا رێكا خوە گوهارت بوو و پشتی جەماعتێن مە دیتی و چووینێ‌ و تەقە لێكر لێ‌ نە گەهشتنێ‌ چونكە جه نەیێ‌ خوش بوو، و ئەو بلەز چوون و ئەو شارەزابوون، وی فەرماندێ‌ من راسپاردی هاتە مەسیفی و گۆت مە شك هەنە ئەو كەس برینە بارەگایێ‌ سەركردایەتییا ئێكەتیێ‌ وی دەمی سەركردایەتییا ئێكەتیێ‌ ل شەقلاوە بوو، چوومە دەف (كوسرەت رەسول عەلی) من گۆت هەوە پلان هەیە بادینان بگرن و جەماعەتێن هەوە ئەڤ كارەكریە و ئەڤە نە جهێ‌ قەبلوكرنێ‌ یە، چونكە دەڤەرا مەیە و مە دڤێت بهێنە ئازاد كرن و (كوسرەت) گۆت دێ‌ ڤەكولینێ‌ كەین و بابەت ڤەشارت و هەڤالێن مە ناڤ شەقلاوێ‌ پرسیاركر و زانی كو هاتینە بارەگاریێ‌ (سەفین) ئەوێ‌ ل گەل من ئامر بەتلیون (جەعفەر كوسە) ئەم ژ دەف (كوسرەت) چووینە وی بارەگایی و من گۆتە جەواد هەرە هەڤالێن خوە ببە گرێ‌ بەرامبەر بارەگایی و هندەك ژی ل گەل من هاتن و ئەم چووینە بارەگایی ڤە و من خواست (سەفین) بینم گۆت دەركەفتی یە و (جەعفەر) گۆت ئەفێن چەكدار هێدی هێدی دەركەڤن من گۆتێ‌ بێژە جەواد ب سەر ئەوان نەكەڤن و دهشیار بوون، خودێ‌ ژێ‌ رازی بیت و ئەو نەشیان بچنە هنداڤ و پشتی بورینا دو دەمژمێران و دوڤدا ئێك هات و گۆت سەفین حەز كەت دەرڤەی بارەگایی بینن و من ل دەرڤە دیت و من گۆت هەوە هندەك گرتینە و ژن ل گەل دا هەنە و دڤێت ئەڤ شەڤە ئەڤە ل مالێن خوە بوون و (سەفین) گۆت فرێكەینە بەرەی كوردستانی وی دەمی بارەگایێ‌ بەرەی ل دیانا بوو و دەمژمێر شەشی ئێڤاری بوو و دەوامێ‌ بەرەی هەتا هەشتێ‌ یە و من گۆتێ‌ مادەم ژن ل گەل دانە دڤێت شەڤێ‌ نەمینن و گەلەك بزاڤكرن من گۆتێ‌ چارە نینە وی بەرخودایێ‌ چارەنینە ئێكسەر گۆت ببنە و لبنداڤەكێ‌ بوون و مە دەرخستن و من گۆتێ‌ خوارنێ‌ بدەنێ‌ ببنە ئاكرێ‌ و من گۆتێ‌ من نەڤێت هوون ببنە پرەك بۆ حوكمەتێ‌ و مە دڤێت خزمەتا مللەتێ‌ خوە بكەین، و ئەم خوە چارە بكەین و ل گەل مللەتێ‌ خوە بن و مە ئازادكرن، كێشەكا دی بوومە دروست بوو مە ئالایەكێ‌ زەرێ‌ پارتی ب عامودەكێ‌ ڤە كربوو ل سەرێ‌ گرتی و ئێكەتیێ‌ بزاڤكرن ئەو ئالا بهێتە خوار، و مە گۆتێ‌ نابیت بهێتەخوار و هەر هەمان گۆت كورەكی بینە خوار بوو لێكدان و ئامر بەتلیونێ‌ مە شڤان شەهید بوو، و خەلكی هێرشێ‌ كر و ئەوا رەبیا خوە بەردا چوون وی ەمی ل مەسیفی بووین و جەنابێ‌ سەرۆكی گۆت ل ئاكرێ‌ چێ‌ بوویە و چووم خەلكێ‌ كەفتیە ناڤ ڕەزا و ڕەنگە شەڕەكێ‌ ناڤخوە دروست ببا و من هەڤال ڤەكێشا و ئێكێ‌ ژی شەهید ب بوو بناڤێ‌( بەهزاد) كاودان نەخوش بوو، و مە كونترۆل كر و شەهید هاتەدانان و كاك (نیهاد و زەعیم عەلی) و پێشمەرگە مە بناڤێ‌( حەسەن ) هەبوو زیرەك بوو و گۆت دكتور خوە گیرو بكە هەتا رێك بهێت ئێمناهیكرن، و دەركەفت بەرهەڤی هاتبوونەكرن ژلایێ‌ حوكمەتێ‌ ڤە بۆ تیرۆركرنا من و كاك (حەسەن) پێزانین هەبوون و حەسەن هێز ئینا و گۆت هەرە و هەتا چوویمە خوارێ‌ دەف (نیهاد و زەعیم عەلی) گۆتن ئەم بێژین بلا ئەڤ جەماعەت چەكا بدانن من گۆتێ‌ كینە بەحسێ‌ هێزەكێ‌ كر كو خودان 130 چەكدار بوون و من گۆتێ‌ بلا جارێ‌ راوستن و پیتا ناڤێ‌ وی (ع) بوو وی دەمی سەرۆكێ‌ بەرەی بووم و بەرپرسێ‌ سوپایێ‌ دەڤەرێ‌ بووم، و چووم ئەوا هێزەكا مەزن دروست كریە و پێشوازی لمن كر و من گۆتێ‌ نارینم من ڤێت بریارێ‌ بدەم ل گەل پارتی بم و هەمی سەرسورمان بوون، و من گۆتێ‌ چارەنینە و بابێ‌ وی پشت پەنجەرێ‌ بوو بناڤێ‌(ف) گۆتە كورێ‌ خوە ئەوا دكتور دبێژیت دێ‌ ئەو بیت، و سەرۆك عەشیرەتن و خودان هێزبوون و دو كەسان پێ‌ نەخوش بوون و دەركەفتن و من گۆتێ‌ ئالایێن خوە بینە خوار و دێ‌(نیهاد) ئینمە ڤێرە و من گۆتە نیهاد ب دووماهی هات، و سەرسورمان بوو و من گۆتە (نیهاد) وەرە و ئەم 200 كەس بووین و چووینە بارەگایی و هاتنە ل گەل مەدا نوكە خانەشینە.
د. سەباح ئەو ژی گۆت: ئێك ژ ئاریشێن مە ل گەل هندەك كەسێن دی كو سینگە سینگانێ‌ چێبووی ئەوا خوە دانا خودانێن قەزا ئاكرێ‌ بۆ حوكمەتێ‌ دیاركربوو كو ئەو خودانێن دەڤەرێ‌ نە و ئەم گەریان ناف هەمی ئاكرێ‌ و چووینە بەر دەرێ‌ قشلێ‌ و ئەم چووینە سیپەی و ئەم 12 دەمژمێرا ڤەكێشا و گەریامە وەك بەرسفەك دا بزانن ئەو نەشێن بەرامبەری مە راوستن و ئەم چووینە سێ‌ تازیا و بتنێ‌ تازی رێكەك بوو خوە نیشا بدەین هێز و سەنگا مە چەندە و خەلك هاتە بەراهیێ‌ مە ل دەرێ‌ قشلێ‌ و رێك ل مەگرت و ئەڤێ‌ گەلەك دەنگڤەدان و بابەت گەهشتە هندەك چەكدارێن ل گەل حوكمەتێ‌ و رۆژا پاشتر هاتە دەڤەرێ‌ و راپورت بوومە هات كو ئێك ژوا گۆتیە ئەڤی ئەم شكاندین شكرا من هەم دەف حوكمەتێ‌ و دەف بارزانیان و هەتا نوكە حوكمەتێ‌ هزر كر قەزا مەیە، یا دووێ‌ هوسا دیاركر كو مە چ سەنگ نینە ل دەڤەرێ‌ و برایێ‌ وی گۆت ملیون دینار من تەرخانكرن و جەماعەتك دروستكر ژ پێنچ كەسێ‌ بۆ چاڤدێری و گەهاندنا پێزانینا و بابەت گەهشتە مە و مە بەرهەڤی كرن و دیفچوون مە زێدەتر و ل هەیڤا هەشت مە بەرنامە هەبوو و هەیڤا نەه چووینە ئاكرێ‌ و بابەت ب دووماهی هات.
هێشتا گۆت: سەرەدان و كارێن مە چ پارە بوومە ژ حزبیێ‌ نەهات وی دەمی مە ملك و پارەكێ‌ باش هەبوو و نەچاربووم من مولكێن خوە فرۆتن، خانیەك ل هەولێرێ‌ و عەردەكێ‌ چاندنێ‌ 34 دوەم من فرۆتن و باغچەك من فرۆت و دوڤدا ئەو عەرد بوو حساروك نوكە ب 50 ملیون دولارا دهێتە فرۆتن و ئەڤە هەمی هاریكاری مە بۆ كر وی دەمی حزبێ‌ شیان نەبوون و ئەم گەهشیتنە كاودانێن بەرتەنگ و مخابن ئەوێ‌ مە دیت دەستێ‌ وان گەلەك دچیت یێ‌ مولیدا و شەفەل و كەل و پەلێن بێخمە دبەنە ئیرانێ‌ و دفرۆشن و مە دیت ئەمێ‌ بو مللەتی چ كەین و هندەكا دڤێت كاودانێن خوە چ كەن و كاودانێن خەلكی نەخوش بوون و بێ‌ مووچەی بوو و ئیبراهیم خەلیل دەستێ‌ هندەكا دابوو كەسێ‌ چ نەدیت و من دیت بزاڤەكا هزر بكەین دیفچوونا ئەڤان كەسا بكەین ئەڤێن دەستێ‌ خوە دكەنە تشتێ‌ مللەتی دا بهێتەكرن ولەوما ل هەیڤا ئێك سالا 1992 هەژمارە یا (614) ژرۆژناما خەبات من گوتارەك بەلاڤكر و پشتی من دو هەیڤان دیراسەت كری كاودانێن مللەت دا دێ‌ چلێ‌ هێت و من ڤەكولینەك كر ژ هەمی ئالی ڤە و پاشەرۆژێ‌ و من بەلاڤەكر ب مەرەما دیتنا چارەكێ‌ و پشتی پێنچ هەیڤان من دیت چ نەبوو و رێكەفتی 13/5/1992 ل گەل جەنابێ‌ سەرۆكی(مەسعود بارزانی) كومبووم و من گەلەك بابەت بوو بەحسكرن و كاودنێن دەڤەرێ‌ بگشتی و من ژ خواست بچمە دەرڤە بۆ مەرەما خواندنا خوە و گۆت خوە بگرە و پشتی سێ‌ هەیڤ دەربازبوون ل هەیڤا 10/1992 چوومە دەرڤە.