بەرپرسا کۆمسیۆنا ئێکەتیا ئۆرۆپا دیار کر، ئەو ل گەل ئەمریکا دانوستاندنان دکەن کو پشتی راگرتنا شەڕی هێزێن سەربازی رەوانەی ئۆکرانیایێ بکەن دا بۆ پاراستنا ئێمناهیا ئۆکرانیایێ ل وێرێ بجه ببن و رۆسیا ژی ئێدی ئێرشی ئۆکرانیایێ نەکەت، ژ بەر ڤێ یەکێ ژی د چەند رۆژێن بهێت دا سەرکردەیێن ئێکەتیا ئۆرۆپا دێ ل پاریسێ سەبارەت ب هنارتنا هێزێن سەربازی بۆ ئۆکرانیایێ دانوستاندنان کەن.
ل ئالیێ دی سیرگێی لاڤرۆڤ وەزیرێ دەرڤە یێ رۆسیا ژی دیار کر، وەکو رۆسیا ئەو ب چو رەنگەکێ رێ نادەن هێزێن ناتۆ ل ژێر ناڤێ پاراستنا ئێمناهیا ئۆکرانیایێ ل سنۆرێ رۆسیا بهێنە بجهکرن، رۆسیا ب چو رەنگەکێ تشتەک وەسا قەبوول ناکەت و گرنگە وەلاتێن ئێکەتیا ئۆرۆپا و ئەمریکا ژی تشتەک وەسا نەکەن، چونکی ئەو یەک دێ بیتە ئەگەرێ روودانا ئالۆزیێن نوو، مخابن وەلاتێن رۆژئاڤایی دخوازن ئالۆزیێن هەی زێدەتر لێ بکەن و بابەتێ هنارتنا هێزێن سەربازی بۆ ئۆکرانیایێ پێشهاتەیەک مەترسیدارە و رۆسیا تشتەک وەسا قەبوول ناکەت.
ئۆرۆپا: دێ هێزێن سەربازی رەوانەی ئۆکرانیایێ کەین
نيشاندان