د داخویانیەكا رۆژنامەڤانی دا د. كازم ئەلروبێعی شارەزایێ فوتبۆلا ئیراقێ و وانەبێژێ ئاسیایی دیار كر خولێن كوردستانێ گەلەك رێكخستی ترە ژ خولا ستێرێن ئیراقێ و دۆڤچوونەكا تایبەت بۆ دهێتە كرن.
زێدەتر ناڤهاتی گۆت: هەر ژ دەستپێكا وەرزێ نوو یا هەردو خولێن ستێرا ئیراقێ و نایابا كوردستانێ من دۆڤچوونەكا باش كرییە تایبەت ژ لایێ ڕێكخستێ و پەیداكرنا یاریزانێن بەهرەمەند دناڤ باژێران دا، دیاربوو كو گرنگییەكا باش ب خولا نایابا كوردستانێ دهێتە دان و هەروەسان ئەو یانەیێن ل سنۆرێ هەرێما كوردستانێ د خولا ستێرێن ئیراقێ دا ژی هەڤڕكییەكا باش دگەل یانەیێن بەغدایی و یێن باشۆرێ ئیراقێ دكەن، سەرباری جوداهییەكا مەزن یا مەزاختی و پشتەڤانییا دارایی كو یێن كوردستانی كێمتر وەردگرن، گەلەك جاران دێ بینی یاریزانێ پیشەكار یەددەكە ئانكو مفایی ژێ نا وەرگرن ویێن گرێبەستێن مەزن ژی هاتینە.
هەروەسان گۆت: خولا كوردستانێ شێوازەكێ ڕێكخستی دهێتە كرن، پرانییا یانەیێن پشكدار ب ئاست و تەكتیكەكا جوان دناڤ یاریگەهێ دا هەڤڕكیێ دكەن و خالێن وان دیارن، بەرۆڤاژی خولا ستێرێن ئیراقێ ئەڤە چەندین جاران ڕاوەستیان و چەند یاریێن پاشئێخستی هەنە، خولا كوردستانێ زێدەتر گرنگیێ ب یاریزانێن نافخوە ددەت ئەڤە ژی ئەگەر بۆ بەرهەڤكرنا یاریزانێن نافخوە.
خولا كوردستانێ ڕێكخستیترە ژ خولا ستێرێن ئیراقێ
نيشاندان