هه‌رهین محه‌مه‌د:

هونه‌رمه‌ندێ سترانبێژ هونه‌ر ئه‌حمه‌د، ددیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: من به‌رهه‌مه‌ك چێكریه‌ و من كلیپكریه‌ كو ژ ئاوازا مامۆستا هه‌لكه‌وت زاهره‌ و ب هه‌ردو شێوازا ب به‌هدینی و سورانی من گۆتیه‌ و پێنچ كورو پێنچ كچ تێدا پشكدارن و ژڤانه‌ ل چه‌ند رۆژێن بهێت بهێته‌ به‌لاڤكرن، هەروەسا دوو سترانێن دی ژی ئێك ب به‌هدینی یه‌ و ئێك ب سورانیه‌ ل به‌رده‌ستن و نوكه‌ ل سه‌ر كاردكه‌م و هه‌ردوك ژی ژ ئاوازێن ئاوازدانه‌ر هه‌لكه‌فتزاهره‌.
ناڤهاتی گۆت: بۆ من جهێ شانازیێ یه‌ كو ئه‌ڤه‌ نوزده‌ ساله‌ قوتابیێ مامۆستا هه‌لكه‌وت زاهری مە ئه‌ز و میرا كه‌ڤنترین قوتابیێن وی نە و ئه‌وی ئه‌م فێركرینه‌ كو ره‌وشته‌كێ جوان هه‌بیت و نموونه‌كا جوان بین بۆ گه‌نجان حەڤە ددەمەکی دایە کو من سێ به‌رهه‌م هه‌نه‌ و دیوتوبی دا دئامادانه ‌و ده‌رباره‌ی ئه‌وان پارچه‌ ڤیدیویا ئه‌وێن د تیكتوكی دا به‌لاڤ دبن ژ هزرێن مامۆستا هه‌لكه‌وت زاهری نە و ئه‌وان رێلزا گه‌له‌ك بینه‌ر ل خوه‌ كۆمكریه‌ و ده‌نگێن هونه‌رمه‌ندێن ده‌ڤه‌را به‌هدینان هه‌موویان د خوەشن، به‌لێ ژ هه‌موویان پتر حه‌زژ ده‌نگێ هونه‌رمه‌ند عه‌بدولقهارزاخۆیی دكه‌م و بۆ من جهێ شانازیێ ل گه‌ل وی سترانه‌كێ بێژم و بیرا من دهێت ل به‌رنامێ كوردستان ستار وه‌كو مێئكئاپ ئارتێستبووم و من بۆ هونه‌رمه‌ند عه‌بدولقهاری مئێكئاپ دانایه‌ و ئه‌و لژنه‌ بوو و ل وی دەمی من سترانه‌كا وی گۆت بناڤێ (گه‌نجاتی چووپیراتی هات) و ئه‌و هونەمه‌دێن دی ژی ئه‌زێ داغبارم وه‌كو هه‌ڤال ئیبراهیم و نۆژدار محه‌مه‌د تاهر و ئه‌و هونه‌رمه‌ندێن بووینه‌ قوتابخانه‌هه‌موو ده‌نگ خوه‌شن، به‌لێ گه‌له‌ك داغبارێ هونه‌رمه‌ند ته‌حسینتاهای مه‌ ب تایبه‌ت سترانا وی (بێریڤانێ) و دیسان هونه‌رمه‌ندعه‌یشه‌شان و كه‌ویس ئاغا و هه‌ردیسان هونه‌رمه‌ند ئیسماعیل جومعه‌و هه‌تا نوكه‌ گوهداریا وی دكه‌م، چونكو ده‌نگێ خوه‌ش و كه‌سایه‌تیه‌كا جوان هه‌یه‌.
ئه‌وچه‌نده‌ ژی گۆت: ئه‌م سترانا بۆ خه‌لكی دبێژین هه‌كه‌ ئه‌م سترانا بخوه‌ بێژین پێدڤی ناكه‌ت به‌لاڤ بكه‌ین و دڤێت ب حه‌زو دلێ خه‌لكی بێژین و گه‌له‌ك جاران هه‌ڤالان داخوازكریه‌ و من ستران بۆ گۆتینه‌.

سندس سالح سلێڤانه‌یی:

سترانبێژ(هه‌لكه‌ت محه‌مه‌د) د دیداره‌كێ دا بۆ به‌په‌رێ هونه‌ری یێ رۆژنامه‌یا ئه‌ڤرۆ گۆت: دژیه‌كێ بچووكدا من حه‌زژ گۆتنا سترانان دكر، هه‌روه‌سا به‌هره‌یه‌ك ژی بۆ خودێ دایه‌ مه‌، له‌ورا ده‌مێ ده‌لیڤه‌ هاتی مه‌ ده‌ستپێكر و سترانا منا ئێكێ ب ناڤێ (من ژبیرنه‌كه‌) ل سالا 2016 هاته‌ به‌لاڤكرن و خه‌لكه‌كێ زۆر حه‌زژێكرن، چنكو په‌یڤ و ئاواز و ستایلێ وێ یێ غه‌ریب بوو.
هه‌روه‌سا گۆت: ئه‌ز گوهداریا هه‌موو سترانبێژان دكه‌م و حه‌زژ هه‌موویان ژی دكه‌م، لێ شێوازێ من یێ سترانگۆتنێ من ب خوه‌ یێ چێكری، ئانكو ستایلێ من یێ جوودایه‌ كو دبێژنێ (سلۆ) كو ئه‌ڤ ستایله‌ پتر ل گه‌ل ده‌نگێ من و كه‌سایه‌تیا من دگونجیت، لێ من مفا یێ ژ هونه‌رمه‌ندێن به‌ری خوه‌ ژی وه‌رگرتی، سه‌باره‌ت سترانێن من ژی هه‌موو بۆ من دخۆشن و حه‌زژ هه‌موویان دكه‌م، چونكۆ هه‌ر سترانه‌كا من بابه‌تێ خوه‌ هه‌یه‌، لێ سترانا پتر ژ هه‌موویان ئه‌ز حه‌زژێدكه‌م ب ناڤێ (نه‌چه‌) یه‌، كو ژ په‌یڤ و ئاوازێن من بوو، هه‌روه‌سا تایبه‌تمه‌ندیا خوه‌ ل ده‌ف من هه‌یه‌.
ل دووماهیێ سترانبێژ(هه‌لكه‌ت محه‌مه‌د) گۆت: ناڤه‌رۆكا پتریا سترانێن من ئه‌ڤینی نه‌ و هه‌لبژارتنا په‌یڤ و ئاوازێن وان كاره‌كێ ب ساناهی نینه‌، بۆ زانین من سترانه‌ك ب سه‌رۆك (مه‌سعود بارزانی) ژی گۆتیه‌، ب ناڤێ (ئه‌م خودان مه‌سعودین مه‌سعود) كو لڤێ دووماهیێ ببوو (ترێند) و ل هه‌موو جهان گوهداریا وێ دهاته‌ كرن، نوكه‌ هنده‌ك بابه‌تێن دی ل به‌ر ده‌ستێن منن دێ كه‌مه‌ ستران، چونكۆ ئه‌ز دزانم گوهدارێن سترانێن من حه‌زژ چ جۆرێ سترانان دكه‌ن، بۆ زانین نوكه‌ ئه‌ز كاری ل سه‌ر دو سترانان دكه‌م كو ئێكی ژوان ل دویته‌ ل گه‌ل كچه‌كێ دێ بێژم، نوكه‌ ناڤێ وێ ئاشكرا ناكه‌م و بلا ئه‌و سۆپرایز بیت، سترانا دویێ ژی ب ستایلێ (سلۆ) یه‌ و دێ هه‌ردو سترانان پێشكێشی وی خه‌لكی كه‌م یێن گوهداریا سترانێن مه‌ دكه‌ن، لێ هه‌رده‌م ئه‌ز دبێژم سترانگۆتن باره‌كێ گران و ب زه‌حمه‌ته‌ هه‌موو كه‌س نه‌شێن بێژن، له‌ورا داخوازا من ژ هه‌موو سترانبێژان ئه‌وه‌ سترانێن پاقژ و د ئاستدا بێژن، نه‌ بۆ چه‌ند ڤیۆ و لایكان كاربكه‌ن، چونكۆ هونه‌ر كاره‌كێ گه‌له‌ك پیرۆزه‌.

زاخۆ، دلۆڤان هالۆ:

هونەرمەند مه‌هدی گولی د دیداره‌كێ دا بۆ ڕۆژناما ئه‌ڤرۆ دیاركر كو ده‌نگ خوه‌شی نه‌ ب مرۆڤییه‌ به‌لكو به‌هره‌یه‌كه‌ ل ده‌ف مرۆڤی په‌یدا دبیت، ئه‌ڤ به‌هره‌یه‌ ل ژیێ زاڕۆكینیێ ل ده‌ف مروڤی په‌یدا دبیت، و ل ده‌مێ مرۆڤ مه‌زن دبیت ل مرۆڤی دیار دبیت، پرانیا هونه‌رمه‌ندان ل ده‌ستپێكێ هه‌ڤالێن وی پالدده‌ن و پشته‌ڤانیا وی دكه‌ن هه‌تا کو دهێتە دناڤ قادا ستران گۆتنێ دا یا من ژی ب ڤی شێوەیی بوو، ل ژیێ سێزده‌ سالیێ من ل شەهیانێن گۆندییان ستران گۆتینه‌، و تا نوکە من حەفت كلیپ هه‌نه‌.
ناڤهاتی ئاماژە ب وێ چەندێ ژی کر کو ل ده‌ستپێكا خوه‌ من حه‌ز ژ ده‌نگێ هونەرمەندان نایف كه‌شانی و خه‌لیل باكۆزی و ئیسڤێ ئه‌بۆ خورتا و محه‌مه‌د تێجری و ئسكه‌نده‌ر گولی دكر، ئه‌ز ب هه‌موو ده‌نگبێژان یێ داخبارم ب تایبه‌ت شوكری ڕێكانی، ئه‌م د ژینگه‌هه‌كێ دا بووین بتنێ مە گۆهدارییا سترانێن فولكلوری دکر، ره‌سه‌نایه‌تیا سترانا کوردی یا فۆلکلورییە، و گۆتنا سترانێن فۆلكلوری یێن كۆچك و دیوانی گه‌له‌ك ب زه‌حمه‌ته‌، لەورا كێم سترانبێژ هه‌نه‌ خوه‌ د هاڤێژنه‌ دڤی بواری دا، چونکی به‌هرا پتریا سترانبێژان خوه‌ د هاڤێژنه‌ د بوارێ سترانا هه‌ڤچه‌رخ دا.
گۆت ژی:»بنیاتێ سترانا فۆلكلوری هه‌موو ئێکە، لێ ده‌ڤه‌ر بۆ ده‌ڤه‌رێ شێوازێ وێ یێ جوودایه‌ وەکو ئاواز و سەلیقە، بۆ نموونە ده‌ڤەرا بۆتان ب شێوه‌یه‌كێ سترانا فۆلکۆری دبێژن و ل شه‌رنه‌نه‌خێ ب شێوه‌یه‌كێ و ده‌ڤه‌رێن گولی و سندیان ژی ب شێوه‌یه‌كێ دبێژن، لێ سه‌لیقا مه‌ و بۆتان نێزیکی ئێكه‌، گۆتنا سترانا فۆلكلوری ل دۆل و نهال و زۆزانێن كوردسانێ گەلەك خوەشە، و ل وان كۆچك و دیوانان ژی خوەشه‌ کو ئەو کەسە لێبن یێن د سترانا فۆلکلۆری بگه‌هن و ته‌ویکا ل سترانێ بدەن، د بنه‌مالا مه‌دا دەنگبێژ هه‌بووینه‌ وەکو بابێ من و مامێن من، ئه‌ز حەز ژ هه‌موو سترانان دكه‌م، ئێكه‌م ستران من گۆتی و حەژێکری سترانا محه‌مه‌دێ ئاغێ بوو، و سترانێن فۆلکلوری یێن داوه‌تان ژی ئەز دبێژم ب تایبه‌ت ڤان سالێن دوماهییێ ژبه‌ری كو زاڤایی ببنه‌ هۆلا شه‌هیانێ، ل ده‌مێ زاڤایی لێكدده‌ن ب ده‌ست قوتان ئه‌م سترانان پێ دبێژین».
زێدەتر ژی گۆت:»ملله‌تێ كورد گه‌له‌ك شه‌ر و ده‌رده‌سه‌ری دیتینه‌ له‌ورا بوویه‌ خودانێ ڤی فۆلكلورێ زه‌نگین، و گه‌له‌ك جورێن سترانێن فۆلكلوری هه‌نه‌، وه‌كو سترانا لاوك كو كور بەندەکێ و كچ بەندەکێ دبێژیت، وئه‌ز پتر حه‌ز ژ لاوكێن ده‌ڤه‌را بۆتان دكه‌م، سترانا پیرە پایزۆك ژی هەیە کو هندەك دبێژنێ لاڤژ، د به‌رێ دا ده‌مێ دچوون دارا و مازییان و كه‌زوانان و سه‌ر كانیێ ئەڤ سترانە د گۆتن، سترانا فۆلکوری هەموو بابەتان بخوەڤە دگریت وەکو سترانێن ئەڤینی کو ب كور و كچان هاتینه‌ گۆتن و سترانێن شه‌ران و مێرخاسیێ و سترانێن داوه‌تان ژی».