شلێر ئەمراهنژاد / تەهران
دهما من شانۆگەرییا «تێگەهشتنا شاش» یا ئالبێر كامۆ دخوهند، من دیت ئەو شانۆیهك پر پر ناسكری یه. ئالبێر كامۆ خوه و مه ههموویان وهك سسیپهوس دبینه.دایك، مارتا، ژان، ماریا و ههتا كالهمێرێ كو ل عوتێلێ دخهبته، ئەز و تو، ب هشمهندی ئان بێهشمهندی، لێ ب كێف و سهرخوهشیێ، ئەم بهر ب قووچ و لووتكهیێ ڤه دچن و دادكهڤن خوارێ. لێ ڤێ جارێ، نه بهر ب بنی ڤه، ژ بهر كو هشمهندیا مه یا كۆمی و كۆلهكتیف ههر جارێ نێزیكی لووتكهیێ دبه.
ههر كهس د ڤێ عوتێلێ ده ڤهگوههریه و مهسخ بوویه.ههر كهس ژ هنهكی هشمهندی و هنهكی نهزانینێ ئێشێ دكشینه و بێ گۆمان، بێههمدیا وان ئەو خستیه ناڤ چهرخا خهراب یا ڤێ عوتێلێ. دیارە ههر كهس وندا بوویه و پۆلدانكهك و دیوارهك دهروونی ل دۆرا وان هاتیه كشاندن و ژ بۆ كو برهڤن و ههبن، دڤێ ئەو بێهنا خوه ڤهدن. پر ئەشكهرهیه ههر یهك ژ وان تشتێ كو یێ دن ههیه تونه.
(مارتا) دڤێ جارێ ڤێ گاڤێ ژیانێ پاشده بخه و قهتل و كوشتنێ بهردهوام بكه ههیا كو رۆژهكێ ئەو ببه ژن و ئەڤینداریێ بكه و ببه وهكی (ماریا).
دایك وهستیایه و دڤێ بمره و بێهنا خوه ڤهده.
ژان ژ وهلاتێ رۆژێ دهرباس بوویه لێ نهگەهشتیه جهێ خوه یێ ئارمانجكری. دڤێ ئەو دیا خوه ببینه و وێ بدهست بخه و خوه رزگار بكه.
(ماریا) ههر تشتێ كو (مارتا) نینه، یه و ژ ڤیا كو ببه وهكی مارتا دترسه.
بهلكی كالێ پیر بێتر و بێتر ههر تشتی دزانه كو ئەو نه قهزاوهتێ دكه و نه ژی تو كهسی خلاس دكه و ههبوون و پهیورێ وی ئەوە كو چهرخا عوتێلێ بزڤرینه و ئەو نهسهكنه.
ئهز نزانم ئەو ژ كو هاتیه ئان چقاس كار كریه. ئەز تهخمین دكم كو كالێ پیر ئالبێر كامۆ ب خوه یه، كو تهنێ دبینه و دنڤیسه.
________
«تێگەهشتنا شاش» ناڤونیشانێن شانۆگەرییەكا نڤیسەر و فیلۆسۆفێ فەرەنسی ئالبێر كامۆییە كو ل سالا 1943 نڤیسیە.
نيشاندان