سالار محەمەد دۆسكی:

5- 6

دەمەكی مە دیت برۆسكەك ب لارسركیێ‌ گەهشتە مە و ئێكسەر ئینا دا دەستێ‌ كاك فەریق و پشتی خاندی سەرۆچاڤێن وی تێكچوون و ئێكسەر گۆت مام (سادق گەلناسكی) ئەو ژی وی دەمی لژنێ‌ بوو گۆت وەرن سەحكەرینێ‌ برۆسكا مەكتەب سیاسی بوو و مە خواند گۆتیە ل هەمی جهان پێشمەرگە بەرەڤانیێ‌ ژ خەلكی بكەن و بزاڤا بكەن خوە ڤەكێشنە سەر سنوری و چەكێ‌ ئیراقێ‌ گەلەكێ‌ مەزن بوو و گولێن ئارپیچیان ژی هاتبوونە كێمیابارانكر وەختێ‌ مە خاندی هەر ئێك ژ لایێ‌ خوە ڤە بەرەف خێزانێن خوە ڤە چوون دا ئاگەهدار بكەن كو بەرەف سنوران بچن و كاودانێن دەڤەرێ‌ یێ‌ رۆژ بۆ رۆژێ‌ بەرەف تێكچوونێ‌ ڤە دچن و بەری برۆسكە بێژیت هندەكا گۆتن دێ‌ شەری كەین و پشتی برۆسكە هاتی و گۆتی خوە ڤەكیچشین هاریكاریا خەلكی بكەین و من جانتێ‌ خوە پشتا خوە ڤەدا و چەكێ‌ خوە هەلگرت و دەمێ‌ بوویە 1988 هاتمە گەلیێ‌ گولێ‌ هەتا 20 مالان وێرێ‌ بوون و من هەمی كومكرن و من بۆ ئاخفت و چ هزرا نەكەن وەرەن دێ‌ پێكڤە باركەین و مە چەند ترەكتور هەنە و دێ‌ باركەین و پێكڤە چووین و هەر وێ‌ شەڤێ‌ مەدارێ‌ و هەر وێ‌ شەڤێ‌ خەلكی گۆتی ئەمێ‌ ل گەل تە و من گۆتێ‌ سەردام دلوڤانیێ‌ ب كەسەكێ‌ نابەت كورد هەر كوردە و هەر كەسەكێ‌ بگەهیتێ‌ جوداهی یا وی و پێشمەرگەكی نینە و هەر هەمی هاتن و گۆت ئەم ل گەل هەوەینە و من گۆتێ‌ هندی بشێن نانی و ئەرزاقی بینن و من گۆتێ‌ هەر ئێك دو سێ‌ دەستێن جلكان بكەتە بەرخوە و من گۆتێ‌ زێر و پارە ل گەل خوە بینن یان ب هاڤێژە جهەكی ئەگەر هاتین راكەن و مە دەست ب چوونێ‌ كر و گەلەك هەڤالان گۆتی دا بهێنا خوە ڤەدەین من گۆتێ‌ نەخێر هوون تشتەكی زانن و ئەم تشتەكی و مە ل سالا 1975 دیتی یە و چ ب سەرێ‌ مە هات من گۆتێ‌ باركەن و ئەم چووینە گەهشتینە كانی بەلاڤێ‌ و مە دیت ل گركا تەقە هاتیەكرن و هەمیان گۆت كەمینە یە بەلێ‌ هندەكا تەقە كربوو و ئەو رێك هات بوو گرتن وی دەمی ئەم شارەزا بووین ل دەڤەرێ‌ چ رێك دچیت و كیش دهێـت من گۆتێ‌ نەترسن و ئەم هاتین وەكی حەشرێ‌ یە و هەبووینە بەل بەلەدكر وی ماوەی دا حوكمەت سیخورێن خوە فرێ دكەت یان ل ئەوان گوندان سیخور هەبووینە و بە بەلیص دكەت دا خەلكێ‌ مە نە چیتە چ عەردان و مە باركر و ئەم چووینە قومری و من گۆتێ‌ دەربازبین ئەم چووینە ئاشیتێ‌ و جاش رەبیێن خوە دا بوون و حوكمەتێ‌ دەبابە ب دەباباڤێ‌ نابوون و فەرمانا ووشتنا م دهات و مە هەمی بزاڤكرن كو خێزانا دەرباز بكەینە سەر سنوری و ئەم بەر لەشكەری را چووین و ئەوا فەرمان نەبوو شەری كەین و چەكێ‌ مە دەستێ‌ مە دا بوو و مە هاریكاریا خەلكی دكر وی دەمی هەر هندەك خەلكێن مە چوونە دەڤەرێ‌ و ئەم چووینە ئاشیتێ‌.
رزگار كەمەكی ئەو ژی گۆت: پشتی چووینە ناڤ ئاخا توركیا حوكمەتا وی وەلاتی رابوو ب دروستكرنا سێ‌ كەمپان (مێردینێ‌، دیاربەكر، موشێ‌) دەشتەك لبن مێردینێ‌ بوو و جهەكێ‌ لەشكری بوو پێشتر حوكمەتا توركیا بوومە چادر ڤەدا بوون و ل دەسپێكێ‌ گوت دڤێت گوند گوند داخلی كەمپێ‌ بن، و دوڤدا ئەم هاتینە رەوانەكرن بۆ بن چادران و هەر هەمی خەلك هاتە ناف كەمپێ‌ و هندەك چادران رەنگە دو مال چوونە بن ڤە و پشتی مە لژنا سەرپەرشتیا كەمپێ‌ دروستكری و مە چەند دیفچوون كرن و پشتی ئەو خەلك هەمی هاتینە دابەشكرن ل سەر گوندان هەر گوندەكی موختارەك وەك نوینەرێ‌ وی خەلكی هاتە هەلبژارتن و هوولەك ل سەری هەبوو و ئەو نوینەر هەمی ل وێ‌ هولێ هاتنە كومكرن و مە هەلبژارتن ئەنجامدان و مە دەرگەهێ‌ بەربژێركرنێ‌ ڤەكر و كا كێ‌ دڤێت خزمەتا ڤی خەلكی بكەت و كومەكا هەڤالان خوە هەلبژارتن، پێشتر دەمێ‌ خەلكێ‌ مە هاتیە سەر سنوری مە كومەكا هەڤان خوە دابوو بەر سینگێ‌ وی خەلكی و لەوما خەلكی دیت بوو كێ‌ خوە لێ‌ كربوو خودان و هاریكاری بۆ كربوو و هەر هەمی خەلكی دەنگێ‌ خوە دامن و گۆتن مە دڤێتـ تو سەرپەرشتیا كەمپێ‌ بكەی و پشتی رۆژنامەڤان و خەلك هاتیە دەڤەرێ‌ و هێشتا ئەم ل سەر سنوری مە دەنگێ‌ خوە گەهاندێ‌ و ئەوا دەنگێ‌ مە گەهاندە توركیا و جیهانێ‌ كو كورد حالەتەكێ‌ نەخوش دا دژین و ئەڤە ئەگەر بوو بهێ/ە هەلبژارتن بۆ سەرپەرشتیا كەمپا مێردینێ‌ و ئەم پێن كەس هاتینە هەلبژارتن ئەز و ئەحمەد و زێبیر و عبدوللا و حسێن و پشتی خەلكێ‌ مە ل گەڤەرێ‌ ژی ئیناینە دەف مە مە هەلبژارتن كرن و مە سێ‌ كەسێن دی ژی زێدەكرن، جەمیل بێسفكی بوو و تەیار گەرماڤی و مكائیل بوو و ئەم دناف سیمەكی دا هاتبووینە كومكرن و پولیس و میتا توركیا دەر دورێن مە گرت بوون و دەست هەلات د دەستێ‌ وان دا بوویە و هەر كارمەندەكێ‌ كەمپێ‌ ئەوێن توركیا ئیناینە هاریكاریا خەلكی بكەن هەر هەمی میت بوون و پێزانین ل سەر خەلكی هەبوون و بزان چ هەیە و چ نینە، هەر ل دەسپێكێ‌ مە كار ل سەر وێ‌ چەندێ‌ كر دێ‌ چەوا شێین خزمەتا خەلكێ‌ خوە كەین و ئەم شیاین (17) لژنا دروست بكەین و هەمی بزاڤێن مە ئەو بووینە بشێن مورالا خەلكێ‌ خوە بلند بكەین و ڤەگەرینن چونكە ل سالا 1988 جورە بێ‌ ئومێدیەك ل دەف خەلكێ‌ مە پیەدا ب بوو، لژنا وەرزشی مە دروستكر و گەنج پێڤە هاتنە گریچدان و رۆژانە بخوە تەپاپ و ڤولی بول دكر، لژنا ساخلەمیێ‌ مە دروستكر و هاریكایا نەخوشخانا كەمپێ‌ دكر ل گەل توركان و هاریكاریا خەلكێ‌ مە دهاتەكرن ژ هەر دو رەگەزان ژن و زەلامان، لژنا دابەشكرنا هاریكاریا و لژنا شەهیدان و لژنا ئارامی كو باشترین لژنە بوو هاریكاریا مە بكەت ئەو لژنە ژ 35 كەسان پێك دهات و هەر هندەك ل جهەكی بوومن جهێ‌ ئاڤێ‌ بەلاڤەكرنا ئەرزاقی جهێن دابەشكرنا قەنینێن غازێ‌ و ئەڤە دا چ كێشە دناڤبەرا خەلكێ‌ مەدا نەهێنە دروستكرن وەك هێزێن مەدەنی بوون دناڤبەرا خەلكی دا و مەرەم ژ ئاڤاكرنا ئەڤان لژنا ئەو بوویە كونترۆلكرنا كەمپێ‌ بوو و مژویلكرنا خەلكێ‌ مە دا كشێن مەزن دروست نەبن و دا هزر نەكەن، گەلەك رێكخراوێن بیانی سەردانا مە دكر دناڤا كەمپێ‌ دا ژ بەر كاودانێن نەخوشێن خەلكی و هاریكاری پێشكێشی خەلكێ‌ مەكرن مەدام میتران سەرەدانا مە كر ل كەمپێ‌ ژ بەر كاودانێن نەخوشێن خەلكی هەر ئێكسەر هندەك خێزان رەوانەكرن بۆ فەرنسا و هەر شاندەكێ‌ هاتبا من رەوشا كەمپێ‌ نیشادا و كارەب ل مەبرین و تەوالێت سەردا چوون و نەخوشی پەیدا دبوون و ئەوا گەلەك نەخوشی بۆ خەلكێ‌ مە دروستكرن دا خەلكێ‌ مە بچیتە ئیراقێ‌ و خوە رادەست بكەت و مەرەەما سەرەكی یا حوكمەتا توركیا ەمپ نەمینن و نەخوشی ومرن گەلەك زێدە بوو ژ ئەنجامێ‌ بێ‌ ئەرزاقیێ‌ و نەخوشیا و هوسا نەخوشی پەیدا بوون رۆژانە شەش هەتا حەفت زارۆكان مرن.

پشكا سيێ‌ و دوماهيێ

ئەو هاریكاریێن بۆ خەلكێ‌ جەژنیكان دهاتن
ب راستی هەلوەستی جامێرانە یێ‌ خەلكێ‌ كوردپەروەرێ‌ هەولێرێ‌ هەنبەر خەلكێ‌ زولم لی گریێ‌ جەژنیكان قەد ناهێتە ژبیركرن, من ب چاڤێن خۆ دیت لۆریێن كەلوپەلێن ناڤمالی دهاتنە ناڤا كەمپێ‌ و ل سەر خیزانێن گەهشتینە ناڤا كەمپێ‌ دا دابەش دكرن كو ئەو كەلوپەل هەموو پێداویستیێن ژیانا رۆژانە بۆ مالەكێ‌ تێدابوون ژ (ئەرزاق, دۆشەك, بەتانی, جلك, شیرێ‌ زارۆكا, لاندك بۆ زارۆیا…هتد) ژ بلێ‌ وێ‌ چەندێ‌ خەلكێ‌ كۆمەلگەها بەحركێ‌ كو ئەوژی وەكو مە زولم لێكری بوون، بەلێ‌ تەخسیری بۆ ئینانا پێدڤیان بۆ خەلكێ‌ جەژنیكان نەدكر، هەروەسا گەلەك هاریكاربوون و گەلەك ناسیاری ل گەل خەلكێ‌ جەژنیكان هەبوون و گەلەك خیزانان قەستا بەحركێ‌ دكر و دەرگەهێن وان هەمیان بۆ خەلكێ‌ مە ڤەكری بوون كو سەر و جلكێن خۆ بشۆن و گەلەك دهاریكاربوون و ل خەلكێ‌ مە خودان دەركەفتن. دیسا رۆلێ‌ جامێرانە یێ‌ (فازل ئاغای) ناهێتە ژبیركرن كو بەردەوام مالا وی یاپڕ بۆ ژ خەلكی و سفرا وان یا دانای بوو و هاریكاریا وی خەلكی دكر, د هەمی لایەكی دا خەلكێ‌ هەولێرێ‌ و دەوروبەر رۆلێ‌ خۆ یێ‌ كوردپەری گێرا و نەهێلا خەلكێ‌ جەژنیكان د وێ‌ رەوشێ دا بمینیت. هەروەسا گەلەك ژ خەلكێ‌ مە یێ‌ دەڤەرا بەهدینان دهاتنە سەرەدانا كەسوكارێن خۆ و هاریكاری بۆ دئینان، هەروەسا هندەك كەسانێن زەنگین وی دەمی پارە دابەش دكرن ب رێكا هندەك كەسان ل سەر ئەو خێزانێن كو دزانین زێدە د هەژارن. هندەك بازرگانێن هەولێرێ‌ هەبوون ل جهێ‌ ئۆفیسێن خۆ هندەك پارە ددانە ئەو كەسێن خەلكێ‌ جەژنیكان دەمێ‌ دچوونە بازاڕی بۆ خۆ كەلوپەلان بكرن ئەگەر بەر چاڤێ‌ وان كەفتبان گازی دكرێ‌ و هاركاری ددانە وان.

رەوشا كاری ل كۆمەلگەها جەژنیكان
پشتی راگوهاستن بۆ ئۆردیگای تەمام بووی و هەموو خەلكێ‌ دەڤەرا بەهدینان ل وێ‌ كۆمەلگەهێ‌ كۆم كرین پشتی دو هەتا سێ‌ هەیڤان ل سەر ژیانا مە ڕا دەربازبووی حوكمەتا رژێمی مەساحەك ژ شارەوانیا هەڤلێری فرێكرە كۆمەلگەهێ‌ بۆ تەختێن كرن و فەرزكرنا پارچێن ئەردی دا هەر خێزانەك خیڤەتا خۆ ل ناڤدا ڤەدەت. ناڤێ‌ وی مەساحی ئازاد بوو، دەمێ‌ هاتی هاتە بەرانبەر قەلعێ‌ كو ئەمن و پۆلیسێن رژێمێ‌ تێدابوون و هندەك خەلك ل دەوروبەران كۆمبوون، من ژی خۆ نێزیك كر سەحكەمێ‌ مەساحە و بەحسێ‌ پارچێن ئەردی دكەت و نەخشەیەك د دەستیدایە، من ژی خۆ نێزیك كر من گۆتێ‌ سەیدا ئەژی مەساحم, كەیفا وی هات و ئێكسەر گۆتە من وەرە ل گەل من بە، ئەم چووینە دویماهیا رۆژهەلاتی كۆمەلگەهی ئەردەكێ‌ چۆل خالەك بۆ من دەستنیشانكر و نەخشە دا دەستێ‌ من و گۆتە من ئەگەر تە بۆ من ئەڤ بلۆكێ‌ مالا دەرئێخست، ئەو راستە تو مەساحی، بۆ من كارەكێ‌ ئاسان بوو، ژ بەر كو من باش ژ نەخشەی دزانی، ژبەر كو تەتبیقا من سێ‌ هەیڤان ل سەر نەخشەی بوو ژبۆ دانانا نەخشێ‌ گۆرەپارنەكا نوی یا تەپا پێ‌ ل دهۆكێ‌ كو هەتا نوكە نەهاتیە چێكرن، ئەو گۆڕەپان بەرانبەری كۆمپانیا جیهان یا ترومبێلایە ل تاخێ‌ نزاركێ‌, لەوما پشتی من ئەو بلۆكێ‌ پارچێن ئەردی بۆ دیاركری گەلەك كەیفا وی هات و پێنج دینارێ‌ وی سەردەمی دانە من و گۆت رۆژانە دێ‌ ل گەل بی، هەتا ئەم كۆمەلگەهێ‌ تەمام دكەین.

قووناغا پشتی دابەشكرنا پارچەیێن ئەردی و ئاڤاكرنا خانیان
پشتی تەمامكرنا دابەشكرنا پارچێن ئەردی كو هەر خێزانەكێ‌ ژمارەیا پارچا زەڤیا وی دایێ‌ و هەر خێزانەك چوو خیڤەتا خۆ ل ناڤ پارچا زەڤیا خۆ دا ڤەدای. پاشی حوكمەتا رژێمێ‌ رێك دان كو خانیا بۆ خۆ دروست بكەن، ئەوژی ب گاریتە و حێسیلكا دهاتنە دروستكرن هەر كەسەكێ‌ شیابا ل دویڤ شیانێن خۆ خانی بۆ خۆ چێكرن. ژبەر كو من رۆلێ‌ مەساحیێ‌ د گێڕا ل گەل مقاولێن چێكرنا جاددەیان ل كۆمەلگەهێ‌ پڕانیا خێزان دهاتنە دەف من بۆ كێشانا نەخشەكێ‌ خانی داكو بۆ خۆ ل دویڤ وی نەخشەی ئاڤا بكەت, هەموو خانی ژی بۆ وی دەمی (شەڕقی) بوون، ژۆرەك و هۆلەك و لێنانگەهەك، ئەگەر وی كەسی شیان هەبان دروست بكەت هندەكا دو ژۆر و لێنانگەه دروستدكرن و گەلەكان ژی ژبەر نەبوونا شیانێن مادی لێنانگەه ب دارا و نایلۆنی دروست دكرن, من نەخشێ‌ خانی ل سەر چ كاغەزان دروست نەدكر، هەما ل گەل وان دچوومە ناڤ پارچا ئەردی و كێچ و بەندك و فیتە ل گەل من هەبوون من ب گێچێ‌ بۆ وان ئێكسەر (دیزایین)تەختیت دكر، هەموو ئەو كارێ‌ من دكر بێ‌ بەرانبەر بوو, پاشی مقاولەك هاتە كۆمەلگەهێ‌ ناڤێ‌ وی (عەلیكۆ) بوو ئەندازیارەك ب ناڤێ‌ ئازاد مەساح بوو نوونەێ‌ شارەوانیا هەولێرێ‌ بوو د گەل دابوو، هاتن بۆ دروستكرنا جاددەیان، وی دەمی ئازادێ‌ مەساح هاتە دەف من و ئەز تەسلیمی وی مقاولی كرم گۆتێ‌ گوهێ‌ تە ل ڤی مەساحی هەبیت، یێ‌ زیرەكە و خەلكێ‌ كۆمەلگەهێ‌ یە, مقاولی ب سینگەگێ‌ بەرفرەه، گۆت سەرچاڤان بلا د گەل من دا بیت وی دەمی مساحێ‌ مقاولی ژی هەبوو ئێكێ‌ مەسیحی بوو خەلكێ‌ شەقلاوا بوو ناڤێ‌ وی ئاراس بوو, پشتی مەكائین هاتین و دەست ب كاری كری و مەساحێ‌ مقاولی ئامیرەیێن خۆ ئیناین و هندەكێ‌ سەربۆرا من تاقیكر، كەیفا وی ژی هات، گۆتە مقاولی ئەڤە مەساحەكێ‌ باشە هەرچەندە ئەز دەرچوویێ‌ بەشێ‌ بیناسازی بووم ل پەیمانگەها تەكنیكی یا مووسل, بەلێ‌ بتنێ‌ وانەیەكا مەساحێ‌ مە هەبوو، بەلێ‌ تەتبیقا من ل سەر مەساحێ‌ بوو، لەوما سەربۆڕا من یا مەساحێ ژی یا باش بوو. پشتی بەشەكێ‌ كۆمەلەگێ‌ ڤی مقاولی تەمام كری، مقاولەكێ‌ دی ئینا ناڤێ‌ وی (رەشید كاوانی) بوو، دیسا ئازادێ‌ مەساح ئەز دامە دگەل ویدا ئەوژی كەسایەتیەكێ‌ بەرنیاسێ‌ هەولێرێ‌ بوو, دو كۆڕێن وی مقاولی هەبوون گەنج بوون، ب ناڤێ‌ دلشاد و فەرهاد، هەردو ل گەل من ببوونە هەڤال و وی مقاولی چ مەساح ل گەل خۆ نەئینان بایەخ دا ل سەر من بۆ تەختیتكرنا جاددان، بەلێ‌ تەنێ‌ جیهازێن مەسحێ‌ بۆ من ئینان.

ڕەوشا كرێكاریێ‌ د ناڤا كۆمەلگەهێ‌ دا
پشتی بۆرینا شەش هەیڤان، هندەگ دەستویری ژ لایێ‌ ئەمنا رژێمی ڤە هاتنە دان بۆ ماوەیێ‌ رۆژەكێ‌ هەتا سێ‌ رۆژان و هندەك كەسێ‌ شیان د ماوێ‌ دەستویردانا خۆ دا بچنە هەولێرێ‌ كارێ‌ پالەتیێ‌ بكەن وی دەمی ژبەر رەوشا خەلكی كۆمەلگەهێ‌، هەر كەسێ‌ شیابا كار بكەت ئەگەر چووبا هەولێری بۆ كاركرنێ‌ خودان كاران ل گەل خۆ دبرنە كاری و ب تایبەتی ژی خەلكێ‌ مە یێ‌ چیایی یێ‌ كارپێكری بوو، گەلەك زیرەك بوون بۆ كاری ب تایبەتی یێ‌ ئاڤاهیا هەر كەسێ‌ بۆ كاری چووبا هەولێری؛ ڤەگەریان نەبوو، ئیلا خودان كاران ئەو دبرنە كاری، ژبەر كو هەم زیرەك بوون، هەم ژی دلێ‌ وان پێ ڤەبوو كو ستەم لێكرینە, هەتا ئافرەت ژی دچوونە كاری ژبەر كو پتریا وان بێ‌ زەلام بوون، ئەوژی دچوون كارێ‌ باخچە و دورینا نیسك و نۆكا و ئەو كارێن كو گەلەك زەحمەت نەبوون بۆ ئافرەتێ‌ دكرن. د ناڤا كۆمەلگەهێ‌ دا، من گەلەك كەس دانە كاری ب حوكمێ‌ كو ئەز ل گەل مقاولی بووم، هەموو پالە د ناڤا كۆمەلگەهێ‌ دا مە دانە كاری وەكو (لێنەر, چایچی, زێرەڤان و سائقێن شەفەل و گرێدەر و عادیلە و تەختیتكرنا جادان ب كێچێ‌، ئەڤە هەموو مە ل ناڤا كۆمەلگەهێ‌ ددانە كاری, بەلێ‌ پتریا خانیێن كو دهاتنە ئاڤاكرن ل ناڤا كۆمەلگهێ‌ دا ب كارێ‌ هەرەوەزی ئەنجام ددان. پشتی كارێ‌ چێكرنا جادەیا ل كۆمەلگەها جەژنیكان ب دویماهیك هاتی ئەو مقاولێ‌ من ل گەل كار دكر (رەشید كاوانی) جادەیێن كۆمەلگەها شاخولان وبەرحێشتر وپاشان هندەك جاددەیێن كۆمەلگەها (بنەسلاوە) و دارەتووژی گرتن و ل ڤان جهان هەمیێ‌ من ل گەل وی كاردكر, ل سالا 1990ێ‌ دەست ب چێكرنا فرۆكەخانا هەولێرێ‌ یاكەڤن هاتەكرن, رۆژەكێ‌ ترومبێلەكا ژجۆرێ‌ (مالیبۆ) ب پسیارا هات ل من دگەریا ل ناڤ كۆمەلگەهێ‌، ناڤێ‌ وی (سەلاح نەجار) بوو ژ كەركووكێ‌ هاتبوو، گۆت شارەوانیا هەولێرێ‌ ناڤێ‌ تە یێ‌ دایە من كو تو مەساحەكێ‌ باشی, لەوما ئەزێ‌ هاتیم دا ل گەل من كاركەی من مقاولاتا فرۆكەخانا هەولێرێ‌ یا گرتی، هندی من پالە و سائیقێن مەكینا ژی بڤیت تو بۆ من پەیدا بكە ل ناڤ كۆمەلگەهێ‌ و هەێڤی دێ‌ 350 دینارا دەمەتە و ئەگەر تو یێ‌ باشبی وەكی بۆ من هاتیە گۆتن، دێ‌ بۆتە هێشتا زێدەكەم. ئەم چووینە كەمپا وان یا كاری ل ناڤا فرۆكخانێ‌ و گەلەك پالە و سایق من ل گەل خۆ برن خەلكێ‌ كۆمەلگەها جەژنیكان بوون, ئێك ژ وان سەدیق (بیركیاتی) یێ‌ چوویە بەر دلوڤانیا خوێ‌ سایق گرێدەرەكێ‌ زیرەك بۆ هەروەسا برایێ‌ وی (رەمەزان و عەگید شكەفتی) و (سەدیق هەسنەكی) و هندەكێن دی كو ناڤێن وان ل بیرا من نەماینە، مە ل وێرێ‌ دەست ب كاری كر, وی دەمی مقاولی دو مەساحێن دیژی ئینابوون ئەو دەرچوویێن بەشێ‌ مەساحێ‌ بوون، بەلێ‌ سەربۆڕا وان نەبوو ب تایبەتی ل گەل گرێدەرێ‌ دەما فەرزا تێكەلەی دكر و ب گرێدەرێ‌ دهاتە رائێخستن (فەرش)كرن ب سەنتیم و ملیمان حساب دكر، كارەكێ‌ گەلەك حەساس بوو، لەوما مقاولی پشتی كارێ‌ من دیتی هەردو مەساح فریكرنە مال و ئەز ب تنێ‌ هێلام ل سەر كاری, ئەو جهێ‌ كو دڤیا بۆ دانانا فرۆكا چێكەین 5 كیلۆمترا یا درێژ بوو و 90 مترا یا فرەه بۆ كۆ دگۆتنێ‌ مەدرەجێ‌ فرۆكخانێ‌, پشتی ماوێ‌ سێ‌ هەیڤان مە ل سەر كاركری شەڕێ‌ كوێتی دەست پێ كر، مقاولات هەموو هاتنە راوەستاندن و مقاول زڤڕی كەركووكێ‌.
دەمێ‌ مقاولات ب دو یماهی هاتین، من كارێ‌ چێكرنا سعەتان دكر، ژبەر كو بەری هینگی من خۆ فێری سعەت چێكرنێ‌ كربوو و من دوكانەكا ب دارا و نایلۆنێ‌ ل كۆمەلگەهێ‌ چێكر، بەلێ‌ ژبەر كو گەلەك گەرم بوو، من نەشیا تەحمولا چێكرنا سعەتان ل بن نایلۆنی بكەم، لەوما ئەز چوومە هەولێرێ‌ بۆ خۆ ل كارێ‌ چێكرنا سعەتا بگەریێم و ل جهێ‌ نوكە، ئەو پاركا د ناڤبەرا قەلا هەولێرێ‌ و بازارێ‌ نیشتمان قەیسەری بوو، هەموو جهێ‌ چێكرن و كڕین و فرۆتنا سعەت و رادیۆ و مسەجل و تەلەفزیۆنان بوو یانكو دەمێ‌ تو دچوویە د ناڤا ڤی قەیسەریێ‌ دا، تە ئاگەه ژ چ نەدبوو، ژ بەر دەنگێ‌ مسجل و رادیۆیان, كەسەكێ‌ سعەتچی ل وێرێ‌ بوو ناڤێ‌ وی سەباح بوو، ئەز ب خۆ ل كاری دگەریام من پرسیارا وی كر من گۆتە ئەز كارێ‌ چێكرنا سعەتان دزانم دەرفەتا كاری دێ‌ ل دەف تە هەبیت، بەرێ‌ خودایێ‌ كو ئەز خەلكێ‌ جەژنیكانم، گۆت ئەگەر تو دزانی ئەز دێ‌ تە دەمە كاری بنیڤەی, ئەژی رازیبووم پشتی وی هندەك سعەتێن خرابی داینەڤ من و من چێكرین، گۆتی باشە تو ڤی كاری دزانی هەما هەرۆژ وەرە تەچەند كاركر بۆ من و خۆ ب نێڤەكە, گەلەك باوەریا وی ب من هەبوو، هەما دوكانا خۆ تەسلیمی من كر ئەو چوو هندەك كارێن دی یێت فرۆتنا سعەتا بۆ خۆ بكەت.
بەری چەند سالان من دوكانا سەباحی یا نوی یا سعەتا دیت و ئەز چوومە دەف وی گەلەك كەیفا وی هات كو من پلەیەكا لەشكری یا باش یاهەی.