قەیس وەیس:

چاڤەڕێ‌ دهێتە كرن سوبەهی یاریێن گەڕا 21ێ‌ ژ هەڤڕكیێن خولا پلا نایابا كوردستانێ‌ ل یاریگەهێن جودا یێن هەرێمێ‌ بهێنە ئەنجامدان، ئاكرێ‌ و زاخۆ دێ‌ بەرانبەر یانەیێن هەولێرا پایتەخت ڕاوەستیێن و شەڕێ‌ سێ‌ خالێن یاریێ‌ كەن، ئەوا بڕیارە هەموو یاری ل دەمژمێر 2:30 پشتی نیڤرۆ بهێنە كرن.
تیما یانەیا زاخۆ دێ‌ ل یاریگەها دەلال دناڤ ئەرد و جەماوەرێ‌ خوە دا دێ‌ مێڤاندارییا یانەیا پێشكەرگەییا هەولێر كەت ئێك ژ یاریێن ب هێز و ئاگرین بۆ هەردو یانەیان، كوڕێن خابووری خودان 35 خالان ژ نەهـ سەركەفتن، هەشت وەكهەڤی و دو خوسارەتییان رێزا سێیێ دهێـت، ژلایێ‌ خوەڤە پێشمەرگەیا هەولێر 39 خال كۆمكرینە ڕێزا دویێ‌ دهێت، زاخۆ دێ‌ بزاڤێ‌ كەت بۆ سەركەفتنێ‌ پێخەمەت زێدەتر خوە نێزكبوون بۆ سەرێ‌ لیستێ‌، د بەرانبەردا تیما مێڤان خوە ب دەستڤەبەرنادەت و دێ‌ هێت ب هەمان هیڤی و ئارمانج ئەوژی سەرێ‌ لیستێ‌ یە.
ژلایێ‌ خوەڤە تیما یانەیا ئاكرێ‌ دێ‌ ل یاریگەها خوە یانەیا برایەتی مێڤانكەت و هیڤیێن وێ‌ زێدەتر پێشڤەبچیت ئەوا د نوكە دا 26 خال كۆمكرین ل رێزا پێنجێ‌ دهێت ژ هەشت سەركەفتن، دو وەكهەڤی و هەشت خوسارەتی، مێڤانا وێ‌ برایەتی ب جووداهییا یارییا سەركەفتن دناڤبەرا واندا ل رێزا شەشێ‌ دهێت ب حەفت هەمان خالان، هەڤڕكی و ناكۆكی بۆ سێ‌ خالان كێمتر نابیت ژ یارییا زاخۆ و پێشمەرگە.
ژ یاریێن دی، ئەینیێ‌، هندرین- پێشەسازی، رۆژا شەمبی، شەقلاوە- سیروانی نوو، هەولێر- شێروانە، ڕانیە- چوارقۆرنە، بۆ زانین ژبەر خوەڤەكێشانا یانەیا سەیدسادق ژ خولێ‌ د یارییا ڤێ‌ حەفتیێ‌ دا هاتە هژمارتن خوسارەت ب سێ‌ گۆلان بێ‌ بەرانبەر دگەل یانەیا دەربەندیخان.
لیستا گشتی یا خولێ‌ بەری دەستپێكرنا هەڤڕكیێن گەڕا 21ێ‌.
1- شێروانە 40 خال.
2- پێشمەرگەیا هەولێر 39 خال.
3- زاخۆ 35 خال.
4- ڕزگاری 27خال.
5- ئاكرێ‌ 26 خال.
6- برایەتی 26 خال.
7- هەولێر 24 خال.
8- هندرین 23 خال.
9- دەربەندیخان 23 خال.
10- سیروانی نوو 23.
11- پیشەسازی 23 خال.
12- ڕانیە 23 خال.
13- چوارقۆرنە 19 خال.
14- شەقلاوە 16 خال.
15- سەید سادق پێنج خال.

فدراسیۆنا فوتبۆلا ئیراقێ‌ خشتەیێ‌ یاریێن گەڕا 23ێ‌ ژ هەڤڕكیێن خولا ستێران ڕاگەهاند، ئەوا بڕیارە سوبەهی دەستپێبكەت، ژبەر پشكدارییا دهۆكێ‌ د كۆپا كەنداڤی دا یارییا وێ‌ یا چاڤەڕێ‌ كری سوبەهی دگەل نەفت میسان بۆ دەمەكێ‌ دی هاتە پاشئێخستن، شەمبییا بهێت یانەیا زاخۆ دێ‌ بیتە مێڤانا كەرخ.
یاریێن رۆژا ئەینی
ژبەر پشكدارییا تیما یانەیا دهۆك د كۆپا كەنداڤی دا یارییا وێ‌ یا گەڕا 23ێ‌ بەرانبەر مێڤانا وێ‌ نەفت میسان هاتە پاشئێخستن ئەوا ل بەر بوو ئەڤرۆ هاتبا كرن، ئەڤە دبیە یارییا چارێ‌ یێن تیما دهۆكێ‌ ئەوێن ژبەر كۆپا كەنداڤی هاتینە پاشئێخستن، بەری ڤێ‌ یاریێ‌ بەرانبەر تەلەیە، شورتە، هەولێرێ‌ هاتبوونە پاشئێخستن.
یانەیا هەولێر دێ‌ ل یاریگەها خوە شەهید فرانسۆ حەریری مێڤاندارییا یانەیا مینا یا بەسرایی ل دەمژمێر 9:15 شەڤ كەت، ژلایێ‌ خوەڤە ئەلقاسم دێ‌ بیتە مێڤانا نەفت ل یاریگەها یانەیا كەرخێ‌ ل باژێرێ‌ بەغدا.
یاریێن رۆژا شەمبی
تیما یانەیا زاخۆ دێ‌ ل پایتەختێ‌ ئیراقێ‌ بەغدا بیتە مێڤانا یانەیا كەرخ ل یاریگەها وێ‌ كو بیتە ئێك ژ یاریێن دی یێن گرنگ بۆ كوڕێن خابووری ژبۆ پاراستنا سەرێ‌ لیستێ‌، بەری ب ئەنجامدانا یاریێن پاشئێخستی یێن شورتە و دهۆكێ‌ ئەوا دێ‌ ل دەمژمێر 9:15 شەڤ هێتە كرن، زاخۆ ل رێزا ئێكێ‌ دهێت ب كۆمكرنا 45 خالان، مێڤاندارا وێ‌ ب28 خالان رێزا 14ێ‌ دهێت، هەروەكو بەرپرسێن زاخۆییان گۆتی هەر یارییەكا دهێتە كرن بۆ وان دووماهییە و گەلەگ گرنگە و چو پێكگۆریێ‌ وێ‌ نینە ژبلی سەركەفتنێ‌، هەر ژ یاریێن رۆژا شەمبی، یانەیا زەورا دێ‌ بیتە مێڤانا نەجەفت و كارەبا دێ‌ دیالا مێڤان كەت.
یاریێن رۆژا ئێكشەمبی
ژلایێ‌ خوەڤە یانەیا نەورۆز دێ‌ یانەیا جەوییە یا بەغدایی ل دەمژمێر سێ‌ ئێڤاری ل یاریگەها خوە مێڤانكەت كو ئێك ژ یاریێن بهێز یێن ڤێ‌ گەڕێ‌ نە، تەلەبە و نەفەت بەسرا ل یاریگەها فەیحا، حدود مێڤاندارییا ئەلگەرمە كەت، شورتە دێ‌ مێڤاندارییا كەربەلا كەت.
هەلوەستێ‌ گشتی یێ‌ رێزبەندییا خولێ‌ پشتی بۆرینا 22 گەڕان بڤی رەنگی یە.
1- زاخۆ 45 خال.
2- زەورا 43 خال.
3- شورتە 41 خال ژ 20 یارییان.
4- جەوییە 38 خال.
5- دهۆك 34 خال ژ 19 یارییان.
6- تەلەبە 34 خال ژ 21 یارییان.
7- نەفت میسان 32 خال.
8- ئەلقاسم 32 خال.
9- هەولێر 32 خال ژ 21 یارییان.
10- ئەلگەرمە 30 خال.
11- نەفت 30 خال.
12- نەورۆز 30 خال.
13- نەجەف 29 خال.
14- كەرخ 28 خال.
15- كارەبا 26 خال.
16- نەفت بەسرا 22 خال ژ 21 یارییان.
17- مینا 21 خال.
18- كەربەلا 16 خال.
19- دیالا 13 خال.
20- حدود 13 خال.

شاهۆ فەرید:

د داخویانیەكێ‌ دا جێگرێ‌ سەرۆكێ‌ فدراسیۆنا بلیاردا پارێزگەها دهۆكێ‌ دیار كر یاریزانێ‌ وان یێ‌ گەنج لاوی سەلام تاكە یاریزان لسەر ئاستێ هەرێمێ پشكداریێ د قارەمانییا ئیراقێ یا ناین بالێ كربوو و بڕیارە ل نیسانا بهێت چالاكیێن یارییا بلیاردێ‌ ب شێوەكێ‌َ باشتر بهێنە ئەنجامدان.
زێدەتر ئەحمەد سەلاح بۆ رۆژنامەیا ئەڤرۆ گۆت: قارەمانییا ئیراقێ‌ ل سەر ئاستێ لاوان ل بن18 سالیێ داهاتبوو رێكخستن، هەر پارێزگەهەكێ مافێ دو یاریزانان هەبوو، ب خوەشحالیڤە یاریزانەكێ‌ مە پشكداربوو، سیستەمێ خولێ ژی كەفتنا دو جاركی بوو، یاریزانێ مە هەتا یاریا پێش دووماهیێ چوو لێ هەڤڕكێ‌ وی پتر خوە بەرهەڤكربوو و شیا دەربازبیت.
ئەحمەد سەلاحی گۆت: لاوی تاكە یاریزان بوو ژ كوردستانێ پشكداری كری د ئەڤی ژییێ دا ژبەر وێ چەندێ فێدراسیونا ئیراقێ خەلاتەكێ باش پێشكێشكر، هەرچەندە رێزێن و ئێكێ‌ نە هات لێ‌ شارەزاهییەكا باش وەرگرتییە، ئەم وەكو فێدراسیونا بلیاردێ پارێزگەها دهۆكێ پشتی جەژنێ دێ دەست چالاكیێن خوە كەین ب دو قارەمانیا بۆ سنوكەریێ و نایبن بالێ.

قەیس وەیس:

فدراسیۆنا فوتبۆلا كوردستانێ‌ ب فەرمی یاریێن گەڕا پێنجێ‌ ژ قۆناغا دویێ‌ یا خولا فوتسالا كچان بۆ ئێك مەهـ پاشئێخست، ب ئەگەرێ‌ هاتنا مەها ڕەمەزانا پیرۆز و بڕیارە پشتی جەژنێ‌ ئێكسەر بهێنە ئەنجامدان.
سلێمان زەكی سكرتێرێ‌ یانەیا ئافرەتێن دهۆك بۆ رۆژنامەیا ئەڤرۆ گۆت: فدراسیۆنا فوتبۆلا كوردستانێ‌ ئەم ئاگەهداركرین كو گەڕا پێنجێ‌ ژ هەڤڕكیێن فوتسالا كچان بۆ پشتی جەژنا ڕەمەزانێ‌ هاتە پاشئێخستن، ئەڤچەندە ژی دێ‌ كارتیكرنا خوە یا نەرێنی ل سەر ئاست و بەرهەڤیێن تیما هەبیت، سەرباریی پرانییا یانەیێن پشكدار داخواز دكر خول بەردەوامبیت، لێ‌ بڕیارا دووماهیێ‌ یا فدراسیۆنێ‌ بوو ب بوهانا وێ‌ یەكێ‌ پیرۆزییا مەها رەمەزانێ‌ بهێتە گرتن.
هەروەسان ناڤهاتی گۆت: هەرچەوابیت ئەم پابەندین ب هەر بڕیارەكا فدراسیۆنا فوتبۆلا كوردستانێ‌ دەربكەت، لێ‌ پاشئێخستنا وێ‌ دێ‌ كارتیكرنا نەرێنی هەبیت و ل سەر هەموو یانەیا بیتە ئەرك مووچەیێ‌ مەهەكێ‌ ب هەروەیی بدەنە یاریزانان، بێ‌ ئەنجامدانا ئێك یاری ژی، ئەڤە ژی بارگرانییەكا دارایی یە دێ‌ كەڤیتە ل سەر مللێن یانەیان تایبەت یانەیا وەكو مە هیچ داهاتی، وەبەرهێنان نینە ئەڤە ژی ئاریشەیێن مەزن لێ‌ پشتەڤانییا بەرێز د. عەلی تەتەر پارێزگارێ‌ دهۆكێ‌ گەلەك ئاستەنگ ل بەر ڕێیا مە ڕاكرینە و بوویە ئەگەر ئەڤ سالە ئەم ڕژدبن بۆ سەركەفتنان و بەر ب پاراستنا ناسناڤێ‌ خوە.

عەلی حاجی:

د داخویانیەکێ دا هاریکارێ ڕاهێنەرێ تیما فوتبۆلا یانه‌یا زاخۆ د خولا نایابا کوردستانێ دا بۆ رۆژنامەیا ئەڤرۆ دیار کر ئەو د خول و جاما کوردستانێ دا هەڤڕکیێ دانە و ب کێماسی وان ناسناڤەک دڤێت.
زێدەتر سەردار عومەر گۆت: ئەم د خولا نایابا کوردستانێ و جاما کوردستانێ دا ل سەر ڕێیەکا دروست دچین و هەتا نوکە مە قۆناغەکا باش دەرباز کریە،د خولێ دا مە دەلیڤەیەکا باش ل پێش هەیە کو بشێن خوە بگەهیننە سەرێ لیستا خولێ ژبەرکو هەردو تیمێن ل پێشیا مە یاری د یاریگەها مە دا ل بەرامبەر تیما مە یاری هەیە و ئەڤ چەندە دێ هاریکار بیت بشێن ئاست و ئەنجامەکێ باش ب دەستڤەبینن،ژ هەمی روویەکێ ڤە تیما مە ئاستەکێ باش پێشکێش دکەت و شیان و کوالێتیا یاریزانێن مە ژی گەلەک یا باشە و یاری بۆ یاری ژی باشتر دبن.
ناڤبری گۆت ژی: هەر دیسان د جاما کوردستانێ دا ئەم ژ تیمێن بەربژێرن بۆ ناسناڤی و ئەم دێ هەمی شیانان تەرخان کەین بشێن د وەرزێ ئەڤ سالە دا ناسناڤەکێ ب دەست ڤەبینن و تیما مە ژ هەژی ناسناڤەکێ یە ژبەرکو یێ باشترین ئاست پێشکێش دکەت.