ئامێدیێ، مەحمود نهێلی:
ژ بۆ پتر گرنگیدان ب كەرتێ گەشتوگوزاری و راكێشانا گەشتیاران بۆ دەڤەرا ئامێدیێ، دەست ب چێكرنا هەژمارەكا پڕۆژەیێن گەشتیاری ل دەڤەرا ئامێدیێ هاتیە كرن، ژ وانان ژی: چێكرنا پرەكا شیشەی یە ل سیلاڤێ.
وارشین سەلمان، دەڤەردارێ ئامێدیێ بۆ رۆژناما ئەڤرۆ دیاركر، چێكرنا ڤێ پرێ ل سنۆرێ دەڤەرداریا ئامێدیێ، پرۆژەیەكێ گەشتیاری یە و دكەڤیتە سیلاڤێ ل سنۆرێ باژێرڤانیا ئامێدیێ و گۆت: «نوكە ئەڤ پرۆژە د قووناغێن بجهئینانێ دایە و ب گوژمێ ئێك ملیار و 740 ملیار دیناران بۆ هاتینە تەرخانكرن».
ناڤهاتی ئاشكرا ژی كر، بلنداهیا ڤێ پرێ 54 مەترن و درێژاهیا وێ ژی دگەهیتە 93 مەتران و دكەڤیتە سیلاڤێ ل هنداڤی رووبارێ ئامێدیێ و گۆت: «پر یا پیادەیە و ژ لایێ رۆژئاڤا دێ دەربازی رۆژهەلاتی بیت، مەرەم ژ چێكرنا ڤێ پرێ هەم دێ جوانیەكا تایبەت دەتە وی جهی، هەم ژی دێ بیتە ئەگەرەك ژ بۆ پتر راكێشانا گەشتیاران بۆ دەڤەرێ، دیسا ژ لایێ ئابۆری و گەشتیاری ڤە دێ خزمەتەكا بەرچاڤ یا خەلكێ دەڤەرێ كەت».
نيشاندان