سالار محه‌مه‌د

ل ئه‌ینییا بۆری ل بارەگایێ مەكتەبێ بەرێز”سەربەست لەزگین”ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهوكێ ب ئامادەبوونا خانم د.ڤیان سلێمان و د.عەلی تەتەر پارێزگارێ دهوكێ و گوهدار شێخۆ سەرپەرشتیارێ ئیدارا سەربەخۆیا زاخۆ و بەرپرسێن لقێن ئێك و هەشت یێن پارتی پێشوازی كر ل شاندێ یانا وەرزشیا دهـۆكێ كو پێكهاتبوون ل سەرۆک و دەستەیا كارگێری و دەستەیا راهێنەران و یاریزانێن یانێ و درێورەسمەكێ تایبەت دا خەڵاتێن رێزلێنانێ پێشكێشی وانا كڕن بهـەلكەفتا سەركەفتنا دیروكێ بەرامبەر یانا ئیتیفاق یا سعودی و گەهشت ب یاریا فینالێ یا قارەمانیا كەنداڤ
هەر دڤێ رێورسمێ دا بەرێز”سەربەست لەزگین”پەیڤەک پێشكێشكر وێرایی بخێرهـاتنێ خوشحالیا خۆ ب سەرەدانا شاندێ یانه‌یا وەرزشی یا دهـۆكێ نیشان دا بۆ بارەگایێ مەكتەبێ و گوت: هەردو یانەیێن دهۆك و زاخۆ گرۆتینەكا دی یا دایە خەلكێ دەڤەرا بەهـدینان ب پێشكێشكرنا ئاستێن بلند هەروەسا گوت جهـێ خوشحالیێ یە كو یانه‌یا دهـۆک ل كۆپا كەنداڤی شیایی خۆڕاگریت ب گەهیتە یاریا فینالێ و هیڤی و ئومێدەكا مەزن مەیا هەی كو یانه‌یا دهـۆک دشێت ببیتە قارەمانێ خۆلێ و ئەڤ سەركەفتنە ببیتە دەستكەفتەكا مەزن و دیرۆكی بۆ هەڕێما كوردستانێ و ئیراقێ
هەروەسا ژ باڵ خۆڤە ژی سەرۆک و دەستەیا كارگێری و راهێنەر و یاریزانێن یانه‌یا دهـۆك یا وەرزشی سوپاسیا بەرێز”سەربەست لەزگین”و هەڤالێن ئامادەبوویی كڕ بۆ ڤێ پێشوازیا گەرم و پشتەڤانیا بەردەوام بۆ یانێ و هەروەسا سۆزا سەركەفتنێ و پێشكێشكرنا ئاستەكێ بلند دا ل یارا دووماهیێ یا كۆپا كەنداڤی.
بۆ زانین تیما یانه‌یا دهۆك دێ دو یارییان د فینالێ دا كه‌ت یا ئێكێ ل هه‌شتێ مه‌ها نیسانا بهێت بیته‌ مێڤانا یانه‌یا ئه‌لقادسیه‌ یا كوه‌یتی، یارییا دویێ ل 15ێ هه‌مان مه‌هـ دێ مێڤاندارییا یانه‌یا كوه‌یتی كه‌ت.

قەیس وەیس:

ب دووماهی هاتنا یاریێن گەڕا 24ێ‌ ژ هەڤڕكیێن خولا ستێرێن ئیراقێ‌ یا فوتبۆلێ‌، یانەیا زاخۆ بەردەوامی دا سەرێ‌ لیستا خولێ‌ و یانەیێن زەورا و شورتە بۆ رێزبەندیێ‌ بەردەوامن، ژلایێ‌ خوەڤە بۆ گەڕا پێنجێ‌ تیما دهۆكێ‌ یاریێن پاشئێخستی هەنە ژبەر پشكدارییا دهۆكێ‌ د كۆپا كەنداڤی دا.
زاخۆ پێشەنگ پاراست
تیما فوتبۆلا یانەیا زاخۆ بەردەوامە ل سەر ئاست و ئەنجامێن خوە یێن باش و شیا سەرێ‌ لیستا خولێ‌ ب پارێزیت پشتی سەركەفتنەكا گرنگ ل سەر مێڤانا خوە یانەیا نەفت یا بەغدایی بینت ب گۆلەكێ‌ بێ‌ بەرانبەر، دیارییا واندا ئەوا ل پێنج شەمبییا بۆری ل یاریگەها یانەیا زاخۆ هاتیە كرن، گۆلێن زاخۆ ژلایێ‌ یاریزانان ئەمجەد عتۆان و پیشەكارێ‌ وێ‌ دیبۆتی ئۆگۆتا تۆماركرن، بڤێ‌ ئەنجامی یانەیا زاخۆ بەردەەوامی دا سەرێ‌ لیستێ‌ ب كۆمكرنا 49 خالان.
یارییا دهۆكێ‌ هاتە پاشئێخستن
تیما یانەیا دهۆك ب هەڤڕكیێن كۆپا كەنداڤی بۆ یانەیێن قارەمانێن كەنداڤی ڤە مژوویلە كو بۆ گەڕا پێنجێ‌ یە یاریێن وێ‌ دهێنە پاشئێخستن، پشتی ل پێنچ شەمبییا بۆری شیایی سەركەفتنەكا دیرۆكی ل سەر یانەیا ئیتفاق یا سعۆدیێ‌ بینت ب گۆلەكێ‌ و دەربازبتە یارییا دووماهییا قارەمانیێ‌ كو دبیتە جارا ئێكێ‌ د دیرۆكا یانەیێن ئیراقی و كوردستانی دا، بۆ زانین ئەو یاریێن تیما دهۆكێ‌ د خولا ستێرێن ئیراقێ‌ دا هاتینە پاشئێخستن هەر ئێك دگەل یانەیێن، تەلەبە ل بەغدا، دگەل شورتە ل دهۆكێ‌، دگەل هەولێرێ‌ ل هەولێرا پایتەخت، دگەل نەفت میسان ل دهۆكێ‌ و دگەل دیالا ل باژێرێ‌ دیالا.
هەولێر و نەورۆزێ‌ خوسارەتیێن گران دان
هەر ژ چارچووڤەیێ هەڤڕكیێن گەڕا 24ێ‌ دا هەردو یانەیێن كوردستانی هەولێر و نەورۆز ژ دەرڤەیی یاریگەهێن خوە تووشی خوسارەتیێن مەزن بوون، ل پایتەختێ‌ ئیراقێ‌ بەغدا تیما هەولێر ب چار گۆلان تووشی خوسارەتیێ‌ بوو بەرانبەر یانەیا زەورا، ژلایێ‌ خوەڤە یانەیا نەورۆز هەر ل بەغدایێ‌ ب سێ‌ گۆلان بەرانبەر گۆلەكێ‌ تووشی خوسارەتیەكا گران بوو بەرانبەر یانەیا تەلەبە، هەردو یانەیێن كوردستانی دەست ڤالا ڤەگەریانە باژێرێن خوە، ئەنجامێن یاریێن دی بڤی شێوەیی نە، مینا – نەجەف، نەفت میسان چنە-4 شورتە، كارەبا 1-1 كەربەلا، ئەلقاسم 3-2 حدود، جەوییە چنە-1 كەرخ، ئەلگەرمە چنە- چنە نەفت ئەلبەسرا.
هەلوەستێ‌ گشتی یێ‌ رێزبەندییا خولێ‌ پشتی بۆرینا 24 گەڕان بڤی رەنگی یە.
1- زاخۆ 49 خال.
2- زەورا 49 خال.
3- شورتە 47 خال ژ 22 یارییان.
4- جەوییە 41 خال.
5- تەلەبە 40 خال ژ 23 یارییان.
6- ئەلقاسم 35 خال ژ 23 یارییان.
7- دهۆك 34 خال ژ 19 یارییان.
8- ئەلگەرمە 34 خال.
9- هەولێر 32 خال ژ 23 یارییان.
10- نەفت میسان 32 خال ژ 23 یارییان.
11- ئەلكەرخ 32 خال.
12- نەورۆز 30 خال.
13- نەفت 30 خال ژ 23 یارییان.
14- نەجەف 30 خال.
15- كارەبا 28 خال.
16- مینا 25 خال.
17- نەفت بەسرا 23 خال ژ 23 یارییان.
18- كەربەلا 17 خال.
19- دیالا 23 خال ژ 23 یارییان.
20- حدود 13 خال.

ب شێوەكێ‌ فەرمی ڕاهێنەرێ‌ هەلبژارتیێ‌ ئیراقێ‌ یێ‌ ئسپانی خیسۆس كاساس پێكهاتیێ‌ تیما خوە بۆ هەر یاریێن ب هێز یێن چارچووڤەیێ‌ ڤاڤارتنێن دەربازبوونێ‌ بۆ مۆندیالا 2026ێ‌ دگەل هەر هەلبژارتیێن كوەیت و فلەستین ڕاگەهاندن، هارۆن ئەحمەد تاكە یاریزانێ‌ پارێزگەهێ‌ و یانەیا دهۆك دگەل كوڕێ‌ باژێرێ‌ زاخۆ و ڕەڤەندا كورد ل ئۆرۆپا مێرخاس دۆسكی دناڤ پێكهاتیێ‌ ئیراقێ‌ دانە، هەروەسان یاریزانێ‌ دهۆكێ‌ پیتەر گۆرگیس ژی هاتییە داخوازكرن.
ل دووڤ پێكهاتیێ‌ نوو هاتیە ڕاگەهاندن هەر ئێك ژ جەلال حەسەن، ئەحمەد باسل، عەلی كازم، كەمیل سەعەد، ئاكام هاشم، مەناف یونس، رێبین سۆلاقاـ ئادەم تالب، فرانس زییا، حسێن عەلی، ئالایی فازل، شربل شمعۆن، ئەمیر ئەلعیماری، محەمەد ئەلتایی، لۆكاس سلیمۆن، ئەمجەد عتۆان، ئیبراهیم بایش، یوسف ئەمین، عەلی جاسم، ئوسامە رەشید، هارۆن ئەحمەد، زێدان ئیقبال، مێرخاس دۆسكی، ئەحمەد یەحیا، ماركۆ فەرج، عەلی یوسف، عەلی حەمادی، موهەنەد عەلی، ئەیمەن حسێن و پیتەر گۆرگیس.
بۆ زانین ئەڤرۆ دێ‌ ئێكەم یەكا خوە یا ڕاهێنانێ‌ ل باژێرێ‌ بەسرا كەن، ل 20ێ‌ ڤێ‌ مەهێ‌ مێڤاندارییا هەلبژارتیێ‌ كوێت كەت، ل 25ێ‌ هەمان مەهـ دێ‌ ل ئوردنێ‌ بیتە مێڤانا هەلبژارتیێ‌ فلەستینێ‌.
هەلبژارتیێ‌ ئیراقێ‌ د كۆما دویێ‌ یا ڤاڤارتنێن ئاسیا دەربازبوون بۆ مۆندیالا جیهانی ل رێزا دویێ‌ دهێت ب كۆمكرنا 11 خالان ئەوا هەلبژارتیێ‌ كوریا باكۆر سەرێ‌ لیستێ‌ دهێت ب 14 خالان، ئوردن ب نەهـ خالان رێزا دویێ‌ دهێت، عومان ب شەش خال، كوەیت ب چار خال و فلەستین ب سێ‌ خالان رێزێن چارێ‌ هەتا شەشێ‌ دهێن، بۆ زانین خودانێن رێزێن ئێكێ‌ و دویێ‌ دێ‌ ئێكسەر دێ‌ دەربازبنە مۆندیالێ‌.

د دیدارەكا رۆژنامەڤانی دا نۆڤاك دیۆكۆڤێچ ستێرێ‌ سربی و پلەدارێ‌ حەفتێ‌ د ڕێزبەندییا جیهانی یا یارییا تێنسا ئەردی دا ژ دەستدانا ناسناڤێ‌ قارەمانییا ئیندیان وێلز یا نێڤدەولەتی ب خەمگینی دا دیاركرن لێ‌ گەشبینە بۆ قارەمانیێن داهاتی ڤەگەڕیتە ئاستێ‌ خوە یێ‌ جاران.د دیدارەكا رۆژنامەڤانی دا نۆڤاك دیۆكۆڤێچ ستێرێ‌ سربی و پلەدارێ‌ حەفتێ‌ د ڕێزبەندییا جیهانی یا یارییا تێنسا ئەردی دا ژ دەستدانا ناسناڤێ‌ قارەمانییا ئیندیان وێلز یا نێڤدەولەتی ب خەمگینی دا دیاركرن لێ‌ گەشبینە بۆ قارەمانیێن داهاتی ڤەگەڕیتە ئاستێ‌ خوە یێ‌ جاران.ستێرێ‌ سربی گۆت: كاودان یێن هاتینە گوهۆڕین تایبەت د ڤان هەردو سالێن بۆری دا، هەست ب پاشڤەچوونا ئاستێ‌ خوە دكەم، هەرچەندە ناسناڤان دەستڤە دئینم لێ‌ ئەو شیان و هونەرییا بەری نوكە من هەیی وەكو جاران نا هێتە دیتن، ئەڤەژی ڤەدگەریت گەنجێن خوون گەرم ب لەشسڤكییەكا باشتر و بەرهەڤیێن بەردەوام بوویە ئەگەر هەڤڕكی بهێزبیت، هەرچەندە سرۆشتییە كۆمەكا دی یا ستێران بهێنە پێش، لێ‌ ئەز ژی ڕژدن ئاستێ‌ جاران ڤەگەرینم و بەردەوامیێ‌ بدەمە ناسناڤان.

مەحمود نهێلی

ل ژێر چاڤدێریا بەرەڤان حەمدی بەرپرسێ لقێ هەژدە یێ پارتی د چارچووڤەیێ بەرنامێ مەها رەمەزانێ دا و بەرهەڤبوونا هەژمارەکا کارگێران و بەرپرس و دەستەیا کارگێریا لژنا ناوچا سەرسنک قارەمانیەکا تەپا سەر مێزێ بۆ ٤٠ یاریزانان ل هۆلا رێکخراوا قەدش هاتە ڤەکرن و بۆ هەیاما ده‌هـ روژان دێ بەردەوام بیت، ئه‌ڤ چالاكییه‌ ل دووڤ به‌رنامه‌كێ تایبه‌ت یێ سالانه‌ بۆ هه‌موو گه‌نجێن ده‌ڤه‌را ئامێدیێ دهێته‌ ڕێكخستن.
د پەیڤەکێ دا به‌ره‌ڤان حه‌مدی بەرپرسێ لقێ 18 سوپاسیا خەلکێ قەدش ب گشتی و لاوان ب تایبەتی کر کو ل هەلبژارتنێن ٢٠٢٥ێ ب دلسوزی و جوشەکا مەزن بۆ سەرکەفتنا پارتا خۆ کار کر و گوت: هەردەم ئەم پشتەڤانێن لاوان و وه‌رزشڤاناینە و یا پێدڤی بۆ هەوە دێ کەین، لەوما دوكه‌لۆپه‌لێن دی یێن وه‌رزشی كو گرێدایی ب یارییا تەنسێ یێن نوو دێ بۆ هەوە دابینكه‌ین، دێ چالاكیێن وه‌رزشی ژی به‌رده‌وامن و ل سەر دخوازا هەوە وەکۆ پارسال دێ قارەمانیەکا فوتبۆلێ بۆ تیمێن مللی ل قەدش و دەروبەران د ڤێ مەهێ دا دێ هێنە ڤەکرن.