سالح حكیم
هه‌كه بهێن، هه‌موو ره‌فتار و كریارێن خوه ب گشتی وه‌كو جڤاك، ژ ڕه‌نگان جودا بكه‌ین، دێ بینی بتنێ ب ڕه‌نگێ ڕه‌ش و سپی ئه‌م جفاكێ خوه پێ وێنه‌دكه‌ین، بدیتنا من ئه‌ڤه شاشیه‌كه، مخابن دبیت پتریا مه وه‌سا هزر دكه‌ین. كورد جڤاكه‌كێ په‌ككه‌فتی یه كه‌سێن خودان ئه‌زموونێن زانستی تێدا نینن لێ ئه‌ڤه شاشیه پێنه‌ڤێن تاك د بیاڤێن جودا دا، یێ هه‌ی دشێت گاڤان به‌ره‌ڤ پێشڤه‌چوونا زانین، و مه‌عریفه‌یا كۆمه‌لگایی پاڤێژیت. هه‌تا ڕادده‌كی ئه‌ڤا هاتیه‌كرن نه كێمه لێ وه‌كو پێدڤی نینه، ب دیتنا من هه‌كه پشته‌ڤان و هاریكاری ژ لایێ مادی و مه‌عنه‌وی ڤه بۆ تاكی ڤی جڤاكی هه‌بیت یان ده‌م و ده‌لیڤه پێرا بهێن ڕۆخساندن دێ گاڤێن باشتر ژی هێنه هاڤێتن، چونكی بسپۆر د وارێن جودا ناڤ جڤاكێ مه هه‌نه بۆ پێگه‌هاندن و رێكخستن و په‌روه‌رده‌یا مرۆڤان، هه‌لبه‌ت كاریگه‌ریا ئالاڤ و ته‌كنه‌لۆژیا ئه‌ڤرۆ ژی، هاریكاره بۆ مرۆڤی كو بكاریت گه‌هاندنا خه‌به‌رێن له‌زگین ب وێ جیهانا هنده مه‌زن ب گونده‌كێ بچووك پێ بحه‌سبینیت. ئه‌ڤه ژی ئێك ژ رێخوه‌شكرنه‌كێ یه بۆ كه‌سی هه‌كه كار سه‌ر بكه‌ن نابیت ئه‌م هه‌می ڕه‌نگان تێكه‌لی ڕه‌ش و سپی ب تنێ بكه‌ین، د ناڤ هه‌موو جڤاكان دا، خالا لاوازییا تاكی و كۆمی ب رێكێن سه‌رده‌م دهێنه ڕاسته‌رێكرن. بۆچی پێدڤیه پیڤه‌رێ كشان و پیڤانان هه‌بیت؟ گڕۆڤه ژی ژێ ئه‌وه دا بشێن باشتر وه‌كو جڤاك خوه پێناسه بكه‌ین و هه‌لسه‌نگینن. ل ئاستێن جڤاكێ شیاین ڤه‌لڤینێن هزری و مه‌عریفی ،به‌ره‌ڤ كۆپیتكا پێشداچوونێ برین، هه‌ر چونه‌بیت خوه دگه‌ل وان جڤاكان تاقی بكه‌ین، و هه‌لسه‌نگینین، بلا د داكێشانا تڕازیێ ژی دابن لێ فه‌ره تاك میكانیز م ڕێوڕه‌وێن جڤاكبوونێ بزانیت و قانوونان لێ بپارێزیت.
هه‌كه هه‌تا نهۆ مه جڤاكێ خوه دكوكا ڕه‌نگێن جودا جودا نه‌نیاسیبیت، دێ چاوا خوه دگه‌ل جڤاكێن بیانیا پێناسه‌كه‌ین، یان دێ چاوا قانوونێن جڤاكێن وه‌لاتێن رۆژئاڤای وه‌كو پێزانین وه‌رگرین، دڤێت ئه‌رێنی و نه‌رێنیا هه‌موو جڤاكێن دونیایێ ل خوه شرۆڤه بكه‌ین. كار ل سه‌ر په‌یره‌وێن باشیا وان بكه‌ین، ساشیێن وان ژی ژ جڤاكێ خوه جودابكه‌ین، ژ ئه‌ڤرۆ پێدا كار و پێداچوونا ل سه‌ر شاشی و باشیێن خوه ژی بكه‌ین، ب تڕازیا هه‌لكێشان و داكێشانێ وان جڤاكێن شیاین پێشداچوونا د گاڤێن خوه‌دا بكه‌ن، ئه‌و جڤاكێن حه‌تا نهۆ نه‌شیاین ژی چو نوویاتی داهینانێن زانستی ئه‌نجامبدده‌ن، پێدڤیه خوه ل گه‌ل هه‌ر دو جه‌مسه‌ران ب تڕازیه‌كا پاقژ و رێكوپێك خوه بكێشین.
ڕه‌نگه مه گه‌له‌ك باشی هه‌بن، لێ د هه‌مان ده‌مدا شاشیێن مه تێرا باشیێن مه ناكه‌ن، دابهێن ژ ڕوویێ ئه‌رێنیڤه خوه شۆڕڤه‌بكه‌ین.
ژ ئالیێ پۆزه‌تیڤ پتر د هه‌ول و بزاڤان دابین، خالێن نه‌رێنی و نه‌گه‌تیڤ، هه‌كه د داكێشانا تڕازیێ ژی دابن، فه‌ره به‌ره‌ڤ هه‌لكێشانێ ڤه ببه‌ین، له‌و پێدڤیه بزاڤا تاكێ ڤی كۆمه‌لگه‌هی ئه‌لترناتیڤ، و هۆشیاركرنا مه‌ژی و ئاڤڕاندن و ئاڤاكرناره‌وشه‌نبیركرنێ بیت، دا مرۆڤ ، د خزمه‌تا د جڤاكێ مرۆڤایه‌تیێ دابیت.
نووترين نووچه
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
- بەغدا ب نە هنارتنا مووچەیێ خەلكێ كوردستانێ قەرەبوویا كێمبوونا داهاتییێن خوە دكەت
- نێچیرڤان بارزانی سەرەخوەشیێ ل ئەیاد عەلاوی دكەت
- مەسرور بارزانی: ئیراقێ پێدڤی ب حوكمڕانییەكا دادپەروەرانە هەیە
- تێكگەهشتنەكا باش هەیە و د زووترین دەم دا حوكمەت دێ هێتە پێكئینان
- وەزارەتا كۆچ و كۆچبەران سكالا دژی داخوازیێن مە بۆ مافێن ئاوارەیان تۆمار كریە
سالح حه‌كيم
ئه‌رێ مه مفا ژ سه‌ربۆرا تڕاژیدیێن خوه وه‌رگرتیه؟
سالح حه‌كیم
ده‌ربازبوون و سه‌ركه‌فتن د هه‌ر سه‌ربۆره‌كێ دا، گرنگیا وێ سه‌ربۆێ یه یا ته پێشده‌م د سالێن ژیێ خوه‌دا تێدپه‌راندین به‌ركو ڕه‌وایه هه‌ر كه‌سه‌كێ خودان ئه‌زموونا خوه‌یا ژیانێ بكاریت مفایی ژ ڕابووریێ خوه یان وان سه‌ربۆران ببینیت و تێدا ئه‌رێنی و نه‌رێنیا د ئێك ده‌م دا شرۆڤه بكه‌ت و بهه‌لسه‌نگینیت، ل ڤێره هه‌كه بهێن پتر فۆكسێ بئێخینه سه‌ر لایه‌نێ وان ژان و تراژیدیێن ڤی جڤاكێ كورد دیتین به‌حس لێبكه‌ین كا ئه‌رێ مه وه‌كو پێدڤی چه‌ند مفا ژ خالێن ویێن نه‌رێنی وه‌رگرتیه، كا ئه‌م چه‌ند شیاینه سه‌ربۆرێن خوه تێدا ڤه‌بگێرین، داكو پێخه‌مه‌ت ده‌ستنیشانكرن و گه‌هشتنا ڕێیا ڕاست و دروست، بۆ ژیانا خوه‌یا تاكه‌كه‌سی و بۆ ده‌ورۆبه‌ران بجهكه‌ین. پێنه‌ڤێن تاكێ جڤاكێ كوردت د وه‌لاتێ خوه‌دا خودان سه‌دان تڕاژیدی سه‌ربۆرێن ژیانێنه، مینا ئه‌نفال و ده‌ربه‌ده‌ری و مالوێرانی و كاره‌ساتێن چه‌رگبڕ ده‌ربازكرینه، له‌و فه‌ره‌بوو مفا ژێ هاتبانه وه‌رگرتن، داكو مه شیابا ده‌نگێ خوه بكه‌ین هه‌موو جڤاكێن دونیایێ، دیسا شیاباین ب ئاسانی كارێن خوه بۆ پێشڤه‌برنا ژیانێ ب جوانی ئه‌نجامدابان، چونكی سه‌ربۆرێن ژیانێ دبنه هاندار و فاكته‌رێ وێ چه‌ندێ كو شاره‌زای و بسپۆری ل جه‌م مرۆڤی په‌یداببن، ئانكو ئێك ژ ئه‌گه‌رێن بهێزبوون و وه‌راڕ و كارو شیانێن مرۆڤی تێدا دیار دبن، چو پێنه‌ڤێن تاكێ جڤاكێ كوردستانی پاڕزینكێ وی یێ پڕه ژ سه‌ربۆرێن ژیانێ، لێ وه‌كو پێدڤی كار سه‌ر نه‌هاتیه‌كرن، كو جڤاك بگشتی مفای ژێ ببینن، مخابن ڤی جڤاكی گه‌له‌ك كاودانێن جودا جودا دیتنه، ئه‌و هه‌موو نه‌هامه‌تی ژیانا سه‌خه‌ت و دۆژوار ل سالێن ژیێ خوه تێدا ده‌ربازكرینه، ئه‌ڤجار هه‌ر ئێك ل دووڤ بلندی و نزمی ڕێژه‌یا خوه ئه‌ڤچه‌نده دیتیه، ئانكو به‌گره‌وه‌نده‌كه پێدڤیه مفا ژ سه‌ربۆرا وان هابانه وه‌رگرتن جهێن په‌یوه‌ندیدار گرنگی پێ هاتبادان، ئه‌نفال ئێك ژ كاره‌ساتێن هه‌ره مه‌زنه ل دونیایێ هه‌موویێ لێ مخابن ئه‌م نه شیاینه وه‌كو پێدڤی ڕه‌نگه‌ك ژ ڕه‌نگان وان هه‌موو نه‌هامه‌تی و تراژیدیا بكه‌ینه كه‌فاله‌ك كو بالا هه‌ر تاكه‌كێ جیهانی پێ ڕاكێشین، ڕاسته تا ڕاده‌كێ ب جۆرێن جودا به‌حس ل هنده ناڤه‌رۆكێن وێ كاره‌ساتا ناڤبری هاتینه‌كرن، لێ وه‌كو پێدڤی گرنگی ب خالێن ویێن نه‌رێنی هابانه‌دان له‌و مه نه‌شیایه بگشتی مفا ژ ئه‌زموونا وان ڕوودانێن تراژیدی وه‌رگرین.
هشیاری و رێخستنا به‌خته‌وه‌ریێ
سالح حكیم
پێدڤیه هه‌ر تاكه‌كێ جڤاكی هایداری لسه‌ر كه‌لتوورێ گشتی یێ جڤاكێ خوه هه‌بیت، داكو ئه‌ڤ چه‌نده ببیته فاكته‌رێ وه‌رار و گه‌شه‌كرنا ناسنامه‌یا وان یا كه‌سایه‌تی. پێنه‌ڤێت مرۆڤان گه‌له‌ك ئارمانج د ژیانێ دا هه‌نه، یا كو ژ هه‌میێ گرنگتر ژی ئه‌وه هزر د چاره‌نڤێسی خوه دا بكه‌ت، داكو بشێت كه‌سه‌كێ به‌خته‌وه‌ر بیت د ژیانا خوه دا، بلا بێزار نه‌بین، نه‌خاسمه ده‌مێ هیڤیێن ته بجه نه‌هێن، وه‌ریسی نه‌ئێخه حه‌فكا خوه، بێژی خلاس ئه‌ڤه دووماهی ده‌رفه‌تا منا ژیانێ یه، پێدڤیه به‌رده‌وام بشێی سه‌ر هه‌می نه‌خوه‌شیێن خوه ڕا یێ شادبی و ل سه‌ر هه‌موو نه‌خۆشیێن خوه زال ببى بۆ ده‌سڤه‌ئینانا وان ده‌ستكه‌ڤتان، ئه‌ڤێن ب ساناهی بده‌ستڤه نه‌هێن، هه‌كه بده‌ستڤه ژی هاتن، فه‌ره تو چو جار ڕابۆریێ خوه ژ بیرنه‌كه‌ی، نه‌گه‌هشتنا مرۆڤی بۆ هنده‌ك ئارمانجان، نابیت ل گه‌ل خه‌م و ژانان بژین، جاران گه‌هشتنا مرۆڤی بۆ ئارمانجێ، ژی لێ به‌خته‌وه‌ریێ ل جه‌م مرۆڤی په‌یدا ناكه‌ت، بێ تو بزانی فاكته‌ر ژێ چنه باندۆرا ده‌روونه‌كێ نه دروست دبن، سه‌ده‌مێ نه‌به‌خته‌وه‌ریا ته، به‌رده‌وام كارپێكه‌رێن ڤێ ئێكێ د چارچووڤه‌كێ به‌رته‌نگ ته‌ماشه‌یی ژیانێ دكه‌ن، حه‌ز دكه‌ت جڤاك هه‌موو وه‌كو ره‌فتار و دیتنا وان بسه‌لمینن، بێیكو بزانیت كا كیه چو ژ ژیانێ دڤێت، وه‌كو زانایه‌كی ئاماژه‌پێدایی و دایه خۆیاكرن ئه‌و كه‌سێن ب ڤی ئاوای ره‌فتارێ دكه‌ن دوور نینه رۆژه‌كێ ژ رۆژان ئه‌قل و مه‌ژیێ خوه ب ته‌مامی ژده‌ستبده‌ن، یان ترسا ژ وێ چه‌ندێ ئه‌وه ڕوودانه‌كێ ب سه‌رێ خوه بینن، چونكی د ده‌روونێ خوه دا یێ به‌خته‌وه‌ر نینه، بێزاریێ د هزر و ناخێ وی دا زال بوویه، له‌و دێ بیت سه‌ده‌مێ گرفتان بۆ كه‌سوكارێن خوه دروست دكه‌ت، دێ وان تووشی ئاتافه‌كێ كه‌ت، ژبه‌ر هندێ چو زووتره، باشترین چاره‌سه‌ری بۆ كه‌سێن هۆسا هه‌بیت، ژ لایێ جهێن شۆله‌ژێ ڤه، ب هێز و ئه‌كتیڤ كار ل سه‌ر بهێنه‌كرن ئه‌و جۆره نه‌خوه‌شی بهێنه چاركرن، چونكی گاڤا مرۆڤی خوه پێ چه‌كداركر چو پێنه‌ڤێت دێ كاریگه‌ریا خوه یا نه‌رێنی ل سه‌ر جڤاكی هه‌میێ كه‌ت.
دیتنا دایك و بابا د گوهۆرینا ته‌مه‌نێ زارۆی دا
سالح حكیم
قووناغ و سالێن ژیێ مرۆڤی هه‌ر ژ زارۆكینیێ هه‌تاكو ناڤسالڤه‌چوونێ به‌رده‌وام د گوهۆرینان دایه، هه‌ر ژ ته‌مه‌نێ بچووكاتی ده‌م دگه‌ل مرۆڤی دهێنه گوهۆرین، لێ تشتێ من دڤێت ئاماژێ پێبده‌م، ئه‌وه ده‌مێ شاشیا هنده ده‌یك و بابا هه‌ر ته‌مه‌نێ زارۆكێ خوه ب پاشه‌رۆژه‌كێ لقه‌له‌مدده‌ن، هه‌تاكو دهێت ته‌مه‌نێ پێگه‌هشتی، ل گه‌ل وێ هلبژارتنێ ناگونچن، چونكی قووناغ و سالێن ژیێ هه‌ر مرۆڤه‌كی به‌رده‌وام دگوهۆرینێ دانه، داكو پتر سه‌ر راستیا فى چه‌ندێ هلببین باشتر پێزانینا ژێ وه‌رگرین، مه پێدڤی ب ده‌می هه‌یه، بۆ هه‌ر هه‌لبژارتنه‌كێ دگوهۆرینا ته‌مه‌نێ زارۆیێن خوه‌دا سستی و زیره‌كی دو كڤانێن ژێكجودانه پشتی كه‌سێن زانا ئاماژه‌پێدای مه‌رج نینه هلبژارتنان مرۆڤی یا درۆست بیت دێ بینی گه‌له‌ك جاران دایك و باب هنده زارۆكێن خوه هه‌ر ژ بچووكاتی خه‌ونا ب بزاڤێن وانڤه دبینن وه‌سا ده‌ستنیشان دكه‌ن ئه‌ڤ كه‌سه دێ بیته فلان تشت ل پاشه‌رۆژێ چونكی هه‌ر ژ بچووكاتی یێ زیره‌كه لێ مه گۆت ئه‌و نه مه‌رجه زارۆكێ زیره‌ك دبۆرینا قووناغ و ته‌مه‌نێ خوه‌یێ پێگه‌هه‌شتی هه‌ر وه‌كو ته‌مه‌نێ زارۆكینێ بمینیت زیره‌ك ئه‌گه‌ر ئه‌م بهێین ته‌ماشه‌یى جڤاكێ خوه بكه‌ین هه‌ر د كه‌ڤندا بابوباپیران دگۆتن هه‌كه خیاره دتیتكى دیاره، به‌لێ گه‌له‌ك جاران دبینین به‌روڤاژى ژێ گۆتنێ دزڤریت هنده‌ك زارۆ د زارۆكینیا خوه زۆر دچالاك و پڕی بزاڤن دیباب بێ ئیرادا هه‌بوونا خوه دێ هزر د به‌هره‌مه‌ندیا پاشه‌رۆژا وی زارۆى كه‌ن، لێ مخابن هنده‌ك هه‌ر ژ ژیێ سنیله‌یێ ئه‌و جالاكى و بزاڤا پێشی ته‌مه‌نێ سنێله‌یێ نامینیت هه‌مى دێ بیته سستی و خاڤی و ته‌مبه‌لى، پێدڤیه مرۆڤ چو بریاران ل سه‌ر چاره‌نێڤسازێ چو كه‌سێ نه‌ده‌ت داكو پشترا په‌شێمان نه‌بیت و تووشی چی هه‌لویستێن شاش نه‌بیت گه‌له‌ك جاران دایكوباب دبێژین كورێ خوه یان كچا خوه مه چاڤه‌رێیا ڤان جۆره ره‌فتاران ژ هه‌وه نه‌دكر لێ هه‌ر تشت به‌روڤاژی وێ هزركرنا مه ده‌ردكه‌ڤت هۆلێ هه‌ر وه‌سا من دڤێت ئاماژێ ب خاله‌كا دی بده‌م جۆره‌كێ دیێ شاشیێ ل جه‌م دایك و بابان ل ناڤ جڤاكی وه‌كو دیارده یا به‌ربه‌لاڤه ده‌مێ دایباب جوداهیێ د ناڤبه‌را زارۆكه‌كێن خوه‌دا دكه‌ن گرنگیێ ب ئێكێ ده‌ت یێ دن ئێهمالدكه‌ن ئێكێ سه‌ر حسابا یێ دی زیره‌ك دهلبژێرن ب دیتنا من ئه‌ڤه ژی جۆره‌كێ دیێ شاشیێ یه ل جه‌م سه‌میانێ خێزانێ فه‌ره هه‌موو ئه‌ندامێن خێزانێ وه‌كو ئێك بهێنه حه‌سباندن، چونكی ئه‌ڤێ دهێته ئێهمالكرن ڕه‌نگه ژ لایێ سایكۆ لۆجیێ ڤه تێكبچیت هه‌ست ب كێماسیان بكه‌ت باوه‌ری ب چو ڕه‌نگێن ژیانێ نه‌مینیت گرنگی نه‌دانا مرۆڤى وه‌كى ئێك بۆ هه‌مى ئه‌ندامێن خیزانێ كێماسی ب تنێ بۆ سه‌میانێ خێزانێ دزڤریت.
باوه‌ریا ته.. بده‌ستڤه‌ئینانا هیڤیا ته‌یه!
سالح حه‌كیم
بۆ دیتنا هه‌ر كاره‌كی بێگۆلی ژ هه‌ر بۆچوونه‌كێ، ئه‌ڤه هه‌موو ژ سه‌خله‌تێن نه‌باوه‌ری بخوه‌بوونێ نه، ل جه‌م تاكێ نهو په‌یدا دبن، ئانكو ژ كاڤلۆژانێ هزری ده‌ردكه‌ڤن بۆ بازنه‌كێ گرتیدا كارپێدكه‌ت ژیانا خوه‌یا رۆژانه پێ ده‌ربازدكه‌ن پتریا وان كه‌سان ل دووڤ دل و عاتیفێ فه‌رمانێ ب كریار و ره‌فتارێن خوه‌یێن نه‌گه‌تیڤ دكه‌ن سه‌ر هه‌بوونا خوه زال دبیت، ل ڤێره بۆ مه دیار دبیت دلسه‌ركێش و خوه سه‌پینه‌رێ هه‌موو ئه‌ندامێن دن یێن له‌شێ مرۆڤینه له‌و فه‌ره مرۆڤ جاران گه‌نگه‌شێ دگه‌ل هه‌بوونا خوه بكه‌ت دا بزانیت فاكته‌رێ لاوازی و نه‌باوه‌رییا خوه و باشتر بنیاسیت و بسه‌لمینیت كا چاوانیا چاره‌سه‌ریێ د كیژان خودیكا ژیانێ دا دێ بینیت پڕانیا بیرمه‌ند و ئاقلدار و ده‌رووناس د وارێ جڤاك نیاسینێ دا وه‌سا خۆیا دكه‌ن تاكه رێك بۆ مرۆڤی خوه زڤرینه داكو هه‌ول بدده‌ت كار بكه‌ین بۆ ده‌ستڤه‌ئینانا هیڤیا خوه بۆ دورستكرن و قایلكرنا پڕا باوه‌رییێ ناڤبه‌را خوه ده‌ورۆبه‌رێن خوه ژی سه‌ر بنیات و پره‌نسیپه‌كێ قاهیم ب نژنین بۆ ژیانه‌كا به‌رده‌وام له‌وت پێدڤیه مرۆڤی پرۆگرام هه‌بن رۆژانه پرتۆكێن جودا بخوینیت و بنڤێسیت دا كو مفایی ژ هنده‌ك وانه و سه‌ربۆر و قووناغێن ژیانێ وه‌رگریت خودانێ وێ ڤه‌ژان و وێ رێ میكانیزما خوه‌یا تایبه‌ت بیت داكو ژ به‌ری ژییێ ته به‌ر ب سه‌رنشیڤیێ ڤه بچیت پێدڤیه بزاڤێ بكه‌ین بلا ئه‌م ب گشتی ئه‌و نه‌بیت كار و كریارێن مه بتنێ وه‌سفكرن و هه‌ڕفاندا خه‌لكی بیت فه‌ره هه‌ر ئێك ژ مه هه‌ڤپشك و پێگه‌هێ كارێ خوه‌بیت، چونكی ماده‌م سه‌رده‌مێ ته‌كنه‌لۆژ و وه‌را و پێشڤه‌چوونا جڤاكانه پێدڤیه ب رژدی ئیراده‌كا بێهز دورسبوونا باوه‌ریێ بین د وی چارچووڤێ به‌ری نهایێ به‌رته‌نگ خوه رزگار بكه‌ین ئه‌و ژی خودان ڕه‌وشت و كه‌سایه‌تیه‌كا بنه‌جه تایبه‌ت ناڤ جڤاتان بێ هزركرن فه‌ره مرۆڤ نه ئاخڤیت و هه‌ڤالینیا كه‌سێن خودان ئه‌زموون ره‌فتارێن باش بكه د وێ رێیێ دا بنگه‌هێ خوه ئاڤاكه و باوه‌ریا خوه بهێز بێخیت و مفایی ژ شیره‌تا كه‌سێن پسپۆرا ئه‌وێن د گه‌له‌ك بیاڤان دا هه‌یی وه‌رگرین بلا هه‌رده‌م مه باوه‌ریێ ب شیانێن خوه وه‌كو به‌هره‌مه‌ند هه‌بیت هه‌ر ژ ژییێ بچووكاتیێ رێیێن باوه‌ری بخوه‌بوونێ بنیاسه، چونكی هه‌كه د ڤی ژیی دا نه‌شیایین باوه‌ریێ بده‌ستڤه‌بینین ڕه‌نگه هه‌تا داویا ژییێ خوه بمینیین كه‌سێن بێ باوه‌ر چو هیڤیێن مه بده‌ستڤه‌نه‌هێن، چونكی تشت ته‌نا گه‌هینیته ئارمانجا ته ب تنێ باوه‌ریا ته نه‌بیت.
ئه‌نجامدانا هنده ره‌فتارێن خۆنیشاده‌ران
سالح حه‌كیم
هه‌كه بهێن ته‌ماشه‌ی جیهانبوونا ئه‌ڤرۆ بكه‌ین، هه‌موو دونیایێ خۆنیشاده‌ران مافه‌كێ ره‌وایێ هه‌ر ملله‌ته‌كی یه، خۆنیشادانان بكه‌ن، لێ خۆنیشاده‌ر ئه‌دائه‌كا ئارام دژی هه‌ر توندوتیژیه‌كێ بكاردئینن، مخابن به‌روڤاژی ئه‌ڤا نهو ئه‌م ل پارێزگه‌ها سلێمانی و ده‌ڤه‌ردارێن وێڤه دهێته دیتن، به‌لكۆ گه‌له‌ك دووره ژ خواست و داخوازیێن مافخوازیێ، تایبه‌تی ره‌فتارێن هنده گه‌نجێن خوین گه‌رم فه‌ره رێ پێنه هێته دان ئاسایش رۆلێ خوه ببینیت ئارامیا وه‌لاتی ژ هه‌ر مه‌ترسیه‌كێ بپارێزن، نابیت هه‌ر چیا ژ ده‌ستێ هنده گه‌نجا بهێت ئه‌نجامبده‌ن، ئه‌رێ ئه‌ڤ عه‌قلیه‌تا هه‌نێ دێ چو ل بوهایێ مرۆڤایه‌تیێ زێده‌كه‌ن؟ ئه‌رێ كه‌نگی ئه‌ڤه ره‌فتارێن مافخوازانه؟ دیتنا من ئه‌ڤه لۆتكا زه‌نگا مه‌ترسیا ملله‌تانه شاشیه‌كا هه‌ری نیگه‌تیڤه به‌رانبه‌ری مرۆڤ و مرۆڤایه‌تیێ دهێته كرن، سۆتنا باره‌گایێن حزبی دزی و تالانكرنا كه‌رسته‌یێن ناڤا باره‌گایان دا ئه‌ڤه هه‌مان ره‌فتارێن پێشی چه‌ند سالانه یێن مه ژ گرۆپێن ڕادیكال ئه‌ڤێن دبێژنێ داعش دیتین، و گوه لێبوین، لێ دیسا ئه‌ڤرۆ ئه‌ڤ یه‌كه ژ لایێ هنده‌ك كه‌سانڤه هاته ئه‌نجامدان، یێن كو بناڤێ خوه خۆنیشاده‌ران ڤان جۆره رێكارێن چه‌په‌ل ئه‌نجامدده‌ن، ب دیتنا من ئه‌و نه‌هاتیه داخوازا مافێ خوه یان یێ خه‌لكی بكه‌ن، به‌لكۆ به‌رۆڤاژی یێ هه‌ولدده‌ت مافێ ملله‌تی ب گشتی بنپێ بكه‌ت، قه‌وارێ كوردستانێ راده‌ستی دوژمنی بكه‌ن، ئه‌م نابێژین هه‌موو خوه خۆنیشاده‌ران شاشن، به‌لكو مافه‌كێ ره‌وایێ وانه داخوازا مووچێ خوه بكه‌ن، لێ مه‌زن دبێژن ئێكێ خراب دشێن گونده‌كی ب ناڤێ خوه وێران بكه‌ت.
چه‌ك بۆ رزگاریكرنێ یه، یان بۆ بنده‌ستكرنا ڕزگاریێ؟
سالح حه‌كیم
هه‌كه بهێن به‌حس ل خه‌باتا پارتا كاركه‌رێن كوردستانێ بكه‌ین، پێنه‌ڤێت ئه‌ڤه40 ساله خه‌باتا چه‌كداریێ دكه‌ت، ب چه‌ندین گرۆپ ناڤ و لۆگۆیێن جودا خوه تێستكریه، لێ هه‌تا نها ب وان هه‌موو ئه‌لترناتیڤ و بزاڤ و پراكتیك دیارنه‌بووینه، لێ مخابن هێشتا نه‌شیاینه ئاڤێ ژ كانێكێن ئازادیا گوندێن خوه ڤه‌خون، نه‌شیاینه ل بن سیبه‌را داربه‌ریه‌كا وه‌لاتێ باكۆر ب ئارامی ڕووننه خار، نه‌شیاینه چو پرسگریكێن سیاسی وه‌لاتێ دگه‌ل حوكمه‌تا ئه‌نقه‌ره چاره‌بكه‌ن، نه‌شیاینه ئاشتیێ به‌رده‌ستبكه‌ن، و نه‌شاینه خه‌لكێ باكۆر ب گشتی ژ خوه رازیبیت، تایبه‌تی كوردێن دیاربكر و مێردین و باتمانێ كۆ تێهنیێن لیبرالیخوازیێ نه، ڤێجا ب چو حه‌ق دێ خوه كه‌نه خودانێن ڤی وه‌لاتی، ئه‌ڤ وه‌لاتێ ب خوینا هزارها عه‌گید و قاره‌مانێن گیان لێپه‌خشی، هه‌كه راسته هین برانه وه‌رن دا برانیێ بكه‌ین، نه بنه فاكته‌رێ مالخراپكرنا خه‌لكێ سڤیل، گۆشتنا برایێن خوه كو رۆژانه فرۆكێن داگیركه‌رێن ڕژێما توركیا خه‌لكێ بێ گونه‌ه سه‌ر جه و عه‌ردێ وان دگوژن، ئه‌ڤه سیه ساله گوندێن كوردستانا باشۆر هاتینه چۆلكرن، سه‌ده‌م هه‌ر هووینن هه‌موو هه‌ولدانا دكه‌ن ئازادیا ڤی وه‌لاتی بكه‌ن دۆزه‌خ، ڕاسته سیاسه‌تا توركیا دژی هه‌ر ته‌نه‌وایی یا كوردیه ئه‌و نا خوازن كورد خودی پێگه‌هێ خوه‌یێ سیاسی بیت، لێ دیسا نابیت به‌رژه‌وه‌ندیا ملله‌ته‌كی ب گشتی گوری لایه‌نه‌كێ سیاسی بیت، ڕاسته وی لایه‌نێ سیاسی مافێ وێیه خواست و داخوازیان بكه‌ت لێ نه ل سه‌ر حسابا هه‌ڕڤاندن و پشكا كوردستانا باشۆر، چنكو بتنێ مافێ خوه دێ ژ توركیا وه‌رگرن، نه‌ك ژ هه‌رێما كوردستانێ، كه‌نگی دروسته ئه‌ڤ كریارا ته‌قاندنا بۆڕیا نه‌فتێ مانه هه‌ر سه‌روه‌ت و سامانێ بۆ هه‌موو كوردانه.
كورد ل ده‌ڤه‌رێن دی یێن ئیراقێ ل ژێر گه‌فێن به‌رده‌وامن
سالح حه‌كیم
ئه‌و خێزانا كورد یا ژ لایێ وی كه‌سێ بێ وژدانڤه هاتینه كوشتن، ب دیتنا من نه روودانه‌كا بچووك و كێم وێنه‌یه، به‌لكو به‌روڤاژی د هه‌بوونا خوه‌دا روودانه‌كا گه‌له‌كا مه‌زنه، دناخ و وژدانا هه‌ر تاكه‌كێ كورد دا، ل كوردستانێ. و هه‌موو مرۆڤایه‌تیێ، ل دونیایێ هه‌ژاندیه. له‌و پێدڤیه په‌رله‌مانێ عیراقێ كۆمبوونه‌كا بله‌ز، سه‌ر چاوانیا گوشتنا وێ خێزانا ناڤبری خۆیا بكه‌ن. داخۆیانیێن دروست ژ حوكمه‌تا كازمی بهێنه‌دان، كا چاوا ئه‌ڤ روودانه دروستبوویه، هه‌كه ئه‌ڤ كه‌سه نه هێته سزادان، ڕه‌نگه كوشتنا كوردان ببینه دیاردكا رۆژانه، له‌و فه‌ره ئه‌و كه‌سه ب توندی بهێته سزادان، ببنه وانه بۆ هه‌ر كه‌سه‌كێ دی، یێ ده‌ستێ خوه درێژ بكه‌ت بۆ كوشتنا كوردان. فه‌ره ئه‌و ده‌سته بهێنه برین، له‌و هه‌ر چی زۆیتره باشتره. ڤه‌كۆلین ب ڕژدی سه‌ر بهێنه‌كرن، راسته هنده دانپێدانێن ده‌سپێكی ژ لایێ بگوژیڤه هاتنه دان لێ ئه‌و به‌س نینه دڤێت ده‌م و رێ ل ڤان جوره كه‌سان بهێنه‌گرتن، بگه‌هێن مافێ خوه‌یێ ڕوا، و لۆجستی. ئه‌رێ گه‌لۆ كوشتن و سه‌ربرینا كوردان، كه‌نگی دێ ئه‌ڤ گه‌ف و مه‌ترسی ل سه‌ر ده‌ڤه‌ردارێن عیراقێ جهێن ئاكنجیبوونا كوردان خلاسبیت، ئه‌رێ ئێمناهیا عیراقێ دكیڤه‌دایه، لێ بۆ من جهێ سه‌رسۆرمانێ یه، كو هنده‌ك هه‌بن، د نووكه‌دا خوه‌زییان بۆ حكمرانییا حكمه‌تا به‌غدا ڕادهێلن، دبێژن هیڤیا مه ئه‌وه رۆژه‌كێ ژ رۆژان عه‌رب ئاسایش و رێڤه‌به‌ریێ لمه بكه‌ن. لێ مه یا ژبیركری ئه‌نفال، و كاره‌ساتێن جودا جودا یێن وان ب سه‌رێ گه‌لێ كورد ئینایێن، نها ژی هه‌ر ده‌مێ ده‌لیڤه بۆ دروستبوون، دێ خوینا مه كوردا ڤركه‌ن. هه‌كه ل دیرۆكا كوردا بنێرین پتریا كه‌فتنا كوردان ژ لایێ دوژمنێن خوه‌ڤه، باوه‌ریبوونه ب دوژمنی، بۆ نموونه ژ به‌ری چه‌ند رۆژان ده‌مێ به‌رێز مسته‌فا كازمی هاتیه كوردستانێ، خه‌لكی ب چو باوری پێشوازی لێ دكرن، هنده‌كان وه‌سا هزردكر كازمی یێ هاتی ده‌سته‌كێ وی رۆژه یێ دی هه‌یڤه دێ شه‌وق و رۆناهیێ ده‌ته هه‌می وه‌لاتی، مه ب چاڤێن خوه باجا وێ پێشوازییا گه‌رم دیت، ئه‌و كوشتنا خێزانه‌كا كورد ل پایته‌ختێ عیراقێ ب ده‌سته‌كێ عه‌ره‌بكێ فاشل هاته ئه‌نجامدان، لێ هه‌ر چی به‌هانه‌كا هه‌بیت ب وی چاڤی ته‌ماشه‌ی مه دكه‌ن، كا ئه‌و جامێرێن دگۆت عه‌رب ژ مه چێترن، هه‌موو هیڤی و داخوازییا وان ئه‌و بوو كازمی بهێت ده‌ستێ خوه دانیت سه‌ر هه‌موو
ده‌روازان. سنۆر راده‌ستی وانببن، ئه‌ڤه به‌رهه‌مێ تێگه‌هشتنا وانه، یێن ب ڤی جورێ هزركرنێ سه‌ره‌ده‌ریێ دكه‌ن، لێ بۆ وان خه‌ونه، كوردستان ئاگرێ جه‌هنه‌مێ یه بۆ هه‌ر دۆژم و نه‌حه‌زه‌كی.
كارڤه‌دان د وه‌رگرتنا هه‌لویستان دا
سالح حه‌كیم
به‌رپاكرنێن ژیانێ دا پێنه‌ڤێن سه‌رئه‌ڤرازی و سه‌رنشیفیێن خوه هه‌نه، ب هه‌موو خوه‌شی و نه‌هامه‌تێن خوه‌ڤه پشكه‌كن ژ ژیانا مه مرۆڤان، به‌رته‌نگی و به‌رفره‌هی ئه‌زموونێن رێڤه‌برنا ژیانا هه‌ر تاكه‌كی نه د جڤاكی دا، سه‌ر هه‌بوونا ڕوویێ ڤی عه‌ردی، هه‌ر مرۆڤه‌ك وه‌كو دیتنا خوه دسه‌لمینیت، ئانكۆ ل دووڤ شاره‌زایی و هشیاریا تێگه‌هشتنا خوه، ئه‌و ژینگه‌ھا مرۆڤی تێدا دژین كا چاوان مفا ژ سه‌ربۆرا ده‌ردۆرێن خوه وه‌رگرتیه، چاوان دێ شێت تێدا یێ سه‌ركه‌ڤتی بیت، پێنه‌ڤێت هنده‌ك جارا هنده‌ك كاودانێن ژیانێ بێ ئیرادا ته دهێنه هه‌بوونا ژیانا ته‌دا، بێكو ڕه‌هند و خوه‌زایێن وێ بشێن ب درۆستی ده‌ستنیشان بكه‌ین، ئانكۆ بێ هه‌بوونا ئیرادا مرۆڤی كێشه درۆستدبن، پتریا هه‌لویستان دهێنه وه‌رگرتن دا ئاریشه‌یێن جڤاكی پێ چاره‌سه‌ر بكه‌ین.
نه به‌رۆڤاژی به‌ره‌ڤ دۆخه‌كا مه‌زنترڤه ببه‌ین، لێ دێ بینی پتریا جاران ئه‌و كاودانێن به‌رته‌نگ ئه‌وێن د ژیانا مرۆڤی دا سه‌رهلدده‌ن، هینگێ هێزا ته هاری ته ناكه‌ت هه‌كه ته پێشده‌م كار سه‌ر نه‌كربیت. پرۆژه بۆ نه‌بن، ئانكو به‌ری هه‌ر گۆتنه‌كێ هزركرن بۆ دڤێن، داكو وه‌كو پێدڤی بشێن ده‌ربرینێ ژ هه‌لویستێ خوه بكه‌ین، جاران ژی كاودان ژ نشكانڤه درۆست دبن، له‌زاتیا د هه‌لویستان دا لاواز ده‌ردكه‌ڤنه هۆلێ. ئه‌و كارڤه‌دان دێ بنه فاكته‌رێ تووشبوونا ئاریشێن ده‌رۆنی ژی بۆ مرۆڤى، ژ وێ بریار و هه‌لویستی به‌رته‌نگێ ته دایی دێ پرسگریك په‌یدابن، نه‌خاسمه هه‌كه مرۆڤ هه‌ست ب شاشیا خوه‌كر، لێ مه گوتن گه‌له‌ك جارا ژ نشكان ڤه هه‌لویستێن هۆسا دهێنه وه‌رگرتن، تایبه‌تی ده‌مێ كاودانه‌كێ نه‌خوازیار دهێنه پێش، له‌زاتی و توره‌یی دبنه سه‌ده‌مێ دلته‌نگیێ د په‌یداكرنا ئاریشێن جڤاكی دا، دانا هه‌لویستی، یان وه‌رگرتنا هه‌لویستێ ژ ره‌فتار و سلۆگانێن
مرۆڤی دیار دبن، مه بڤێت نه‌ڤێت دێ ده‌ربرینێ ژ هه‌لویستێ خوه كه‌ین، بدیتنا من و گه‌له‌ك فه‌ره ژی هه‌لویست هینگێ بهێنه وه‌رگرتن، ده‌مێ مرۆڤ هه‌موو ڕه‌هه‌ندێن كاری و بكه‌رێ كاری دخوینیت. ئه‌گه‌رێ وه‌رگرتنا هه‌لویسته‌كێ زوو و ل هه‌مبه‌ری وان پێرابوونان كارڤه‌دانێن نه‌خوزراو، هه‌م بۆ مرۆڤی و هه‌م ژی بۆ ده‌وروبه‌رێن مرۆڤی په‌یدادبن.
ئێكگرتنا ئه‌مریكا د دیرۆكه‌كا هه‌مه‌جوردا
سالح حه‌كیم
ئه‌مریكا و چاوانیا بهێزبوونا وێ، هه‌كه بهێن به‌رێ خوه بدده‌ینه ڕه‌هندێن دیرۆكا وی وه‌لاتی، كا چاوا شۆڕه‌ش و داستانێن جودا تۆماركرینه.
چاوا سه‌ركه‌فت، وه‌كو دیار مێژوویێ بۆ مه ڤه‌گێرایه، پێنه‌ڤێت گه‌له‌ك قووناخێن جودا دا كاودان و نه‌هامه‌تیێن سه‌خت وی وه‌لاتێ ناڤبری تێپه‌راندینه. خودان شۆره‌شه‌كا ئێكگرتی هشیاریا جڤاكی بوو، له‌و گه‌هشته وی ئاستێ پێدڤی، پتریا شۆره‌شێن وان وه‌لاتێن دونیایێ یێن دژی بزاڤا ئه‌مریكا كاركری، هه‌ر زوو یێن هه‌ڕفتین، به‌لكو ل سه‌ر ئاستێ هه‌موو جیهانێ چو شۆره‌ش هه‌مبه‌ری بزاڤا شۆره‌شا ئه‌مریكا نه‌شیایینه راوه‌ستن. له‌و هێزا وان بوویه جهێ سه‌رسۆرمانێ بۆ هه‌موو خه‌لكێ جیهانێ، ئه‌مریكا وه‌كو ئه‌م دبینین، ئایدۆلۆژیا خوه یا ژ هێزا چه‌كی وه‌رگرتی، كو دنوكه‌دا ده‌وله‌تا هه‌ری زلهێزه ل جیهانێ هه‌میێ دهێته نیاسین. به‌رهه‌مێ ڕه‌نجا ئێكگرتن، و ئێكرێزیا كه‌دا ده‌ستێن سیاسه‌تڤان و ره‌وشه‌نبیرێن وانه، د كه‌ڤن دا و دنوكه ژی دا هه‌مان ئه‌و ئێكگرتنا دناخ و مه‌ژیێ واندا چاندیه، هه‌ر د كه‌ڤن دا ئه‌مریكا كه‌فتییه ژێر (انتیدابا) بریتانی، كو بریتانی بهێنه ئه‌مریكا و داگیربكه‌ن، و بێخنه ژێر ده‌ستهه‌لاتا خوه. ملله‌تێ ئه‌مریكا هه‌میان ده‌ستێ خوه دا هه‌ڤ، و هه‌میان گوهدێریا رابه‌رێ خوه‌كر(جۆرج واشنگتون)، ب وی شێوه‌ی ئه‌مریكی شیان ب ئه‌وی چه‌كێ سڤك سه‌ركه‌فتنێ ل سه‌ر بهێزترین داگیركه‌ر تۆمار بكه‌ت، ئه‌وژی بریتانی بوون، هه‌تاكو بریتانیا ب وێ هێزا خوه‌ڤه، داخوازا دانوستاندنان ژ به‌رپرسێن ئه‌مریكا كرن. ژبه‌رڤێ ئێكێ، مه كورتكرنه‌ك ل سه‌ر دیرۆكا وێ به‌حس كر، كو هه‌می ملله‌تێن جیهانێ، تایبه‌تی ژی ملله‌تێن بنده‌ست. ژوان ژی كورد،بو خوه وانا ژێ وه‌رگرن، چونكی براستی ژی ملله‌ت ب ئێكگرتنێ
سه‌ردكه‌ڤن، و ب ئێك نه‌گرتنێ ژی دادكه‌ڤن و ژناڤ دچن،ل دووماهیا بابه‌تێ خوه ژی دێ بێژم، پێدڤیه ئه‌م كورد ئێكرێزیا خوه چێكه‌ین، داكو وه‌لاتێ مه‌ژی یێ بهێزبیت، و به‌ر ب بهێزبوونێ ڤه بچیت.
نيشاندان
WP Facebook Auto Publish Powered By : XYZScripts.com