په‌یوه‌ندیێن سیاسی و كه‌سایه‌تیێن هه‌رێمێ
سالح حكیم
وه‌كو دیار په‌یوه‌ندیێن هه‌رێمێ دگه‌ل وه‌لاتێن جیران و جیهانێ ب شێوه‌كێ به‌رچاڤ، رۆژ بۆ رۆژێ به‌ره‌ڤ باشتربوونێڤه دچن، و ده‌نگێ كوردان پتر بۆ وه‌لاتێن دونیایێ دهێته به‌رپاكرن. هه‌لبه‌ت كارئه‌كته‌ر و سیاسه‌تڤانێن كورد یێن مینا به‌رێز نێچیرڤان بارزانی. كارێزما، و كه‌سایه‌تیه‌كا به‌رچاڤ، یا د په‌یوه‌ندیێن سیاسی دا دورستكری بۆ وه‌لاتێن رۆژهه‌لاتا ناڤین. و ئه‌ورۆپا ده‌وله‌تێن زلهێز، تایبه‌تی سه‌ردانا ڤێ دایێ ئه‌لمانیا كۆربه‌ندێ مۆینش، خاله‌كا گرنگ و ئه‌رێنیه بۆ پتر بهێزئێخستنا په‌یوه‌ندیێن جڤاكێن ناڤ ده‌وله‌تی پێنه‌ڤێن كه‌سایه‌تیا به‌رێز نێچیرڤان وه‌كو سه‌رۆكێ هه‌رێما كوردستانێ و هێژا مه‌سرۆر بارزانی وه‌ك سه‌رۆكێ حوكمه‌تا هه‌رێمێ باندۆر ڕاسته‌وخوه ل هه‌موو وه‌لاتێن دونیایێ كریه تایبه‌ت د په‌یوه‌ندیێن سیاسی رۆل و پێگه‌هێ وان یێ دیاربوویه وه‌كی كارائه‌كته‌رێن ناڤده‌وله‌تی پشكا هه‌ری مه‌زن به‌ر كه‌سایه‌تیا وان كه‌ڤیته هه‌لبه‌ت ب پێشبه‌ریا خوه شیاینه ناڤ و ره‌وشت و داب و نه‌ریتێن كوردان بۆ جیهانێ بده‌نه نیاسین، تایبه‌تی ئه‌ڤ كۆمبوونێن ل وه‌لاتێن ئه‌ورۆپی و ئه‌قلیمێ بوونه جهێ متمانه‌یێ ژ هه‌موو ئالیه‌كێڤه به‌حس ل هه‌موو كێشه و گیرۆگرفت و وان هه‌موو پرسگریكێن كوردان ئه‌ڤێن دگه‌ل وه‌لاتێن هه‌ڤسۆ هه‌یی ل سه‌ر مێزا دانوستاندنێ ب ته‌سه‌لی دهێن به‌حسكرن، له‌و ئه‌ڤرۆ په‌یوه‌ندی و سیاسه‌تا هه‌ڤتێگه‌هشتنێ بۆ كه‌سایه‌تێن جیهانێ نڕخه‌كا مه‌زن بوو، ئه‌ڤه ژی قازانجه‌كا هه‌ری باشه بۆ گه‌لێ كورد له‌و فه‌ره لایه‌نێن سیاسی یێن كوردستانی پتر بزاڤان بكه‌ن ژ كه‌ڤلۆژانكێ خوه‌یێ نه‌ڤیانێ ده‌ركه‌ڤن ئێدی هه‌ڤبگرن خودان ئێك گوتارا خوه‌یا سیاسی بن، داكو پێگه‌هێ هه‌رێمێ پتر به‌ر ب پێشڤه‌چوونێ ڤه بچیت، بهێزتر لێبهێت، ل هه‌مان ده‌م دا ببنه ئێك چه‌په‌ر ل هه‌مبه‌ری دوژمن و نه‌حه‌زێن دۆزا ڕه‌وایا كوردان، داكو كورد ژی ل نێزیك ببن خودان هێز و ده‌وله‌تا خوه‌یا مه‌یدانی خودان ئالا، پێنه‌ڤێت ره‌واجا سیاسه‌تڤانێن كوردان ل رۆژهه‌لاتا ناڤین ب كارتێكر و كه‌سایه‌تیێن هه‌رێمێ دهێته وه‌سفكرن، ترس و دودل و ده‌روونێ دوژمنێن كوردان دا دهێت دیتن، له‌و چاڤپێنه‌رابوونا وان ل دژی كارێزما و دبلۆماتكارێن كوردان ده‌رمانێ چو ژێ نه‌هاتنێ یه چونكی سیاسه‌تڤان و كۆڕا په‌یوه‌ندیێن ناڤ ده‌وله‌تی كه‌سایه‌تیێن بێ ڕكابه‌رن و بێ هه‌بوونا وان چو پرسگریكێن سیاسینه ل ئیراقێ؛ نه ژی ل وه‌لاتێن جیران چاره نابن
پێنه‌ڤێت هه‌رێما كوردستانێ ژ لایێ ئه‌منی و ئاڤاكرنێ ڤه پێشڤه‌چوویه گه‌له‌ك باشتر ژ وه‌لاتێن ده‌وروبه‌ر دهێت دیتن، له‌و ئه‌و ب چاڤێ حه‌سوودیێ لێ دنێرن هه‌مانده‌م دا ژ لایێ ئاسایش سه‌قه‌مگێریێ وه‌لاته‌كێ هه‌ری ئارامه ب هه‌می ئۆلۆ نه‌ته‌وه‌ڤه ب یه‌كسانی ب هه‌ڤرا تێدا دژین، له‌و هه‌رێم نابیته جهێ ترسێ بۆ وه‌لاتێن هه‌ڤده‌ر و جیران به‌روڤاژی كورد هه‌رده‌م ئه‌و فاكته‌ربووینه بزاڤكریه په‌یوه‌ندیێن خوه دگه‌ل وان وه‌لاتان خوه‌شتر لێبكه‌ت داكو ببنه جیرانێن باشتر.
