كۆچبه‌ركرنا ب كۆم نه‌چاریه یان چاڤلێكرنه؟
سالح حه‌كیم
هه‌كه بهێن ب هووری لسه‌ر خواست و داخوازیێن وه‌لاتێن كۆچبه‌ردبن، بزانین چنه پتر كینه دچن، رێژه چه‌ند ژ سه‌دێ بهانه‌یێن وان ئه‌رێنینه چه‌ند ژی ژێ نه‌رینینه، دا بهێن لسه‌ر ڕابوه‌ستین، باس ژ وان فاكته‌ران بكه‌ین ئه‌ڤێن رۆژانه دبنه بهانه بۆ چوونا خێزان و گه‌نجێن ڤی وه‌لاتی كا چو بهێته‌كرن، باشه بۆ ڕاوه‌ستاندنا خه‌لگی بگشتی یا گه‌نجی ژی ب تایبه‌تی ئه‌رێ گه‌لۆ ڕاسته هنده جاران چوونا خه‌لكی بۆ سه‌ر سنۆرێن ئه‌ورۆپا نه‌چاریه؟ تایبه‌تی ته‌خه‌كا گه‌نجان، لێ دبیت رێژا نه‌چاریێ رێژه‌كا كێم بیت، پتر چاڤلێكرن بیت، چونكی هه‌ر سال ڤی ده‌می چوونا خه‌لكی بۆ وه‌لاتێن ئه‌ورۆپا ب دیتنا من وه‌كو دیارده‌كا به‌رچاڤ لێ هاتیه، به‌لكۆ نه بتنێ گه‌نج خێزان و ژن زارۆ ژی ناڤ وان كۆمان دا دهێنه دیتن، رۆژانه وان دیمه‌نێن چه‌رگبڕ و ناخ هه‌ژین دبینین، هه‌كه بهێن پرسیار بكه‌ین بۆچی گه‌نجێ مه یێ نه‌رازیه؟ وه‌لاتێ خوه دهێلیت ئه‌و فاكته‌رێن سه‌ره‌كی بێكاری نه یان نه خزمه‌تگازاریێن به‌رچاڤن، وه‌كو پێدڤی بۆ گه‌نجی نه‌هاتینه‌كرن پتریا هیڤی و ئارمانجێن هنده‌كا ماینه هه‌لاویستی گه‌له‌ك ژ وان خودان باوه‌رنامه‌یێن مه‌زن ژلایێ گرنگیپێدانێ ل جهێن په‌یوه‌ندیدار هاتینه فرامۆشكرن، هه‌تا رادده‌كێ جهێ شۆله‌ژێ بایه‌خێ پێنه‌دایه، لێ ئه‌و ته‌خه‌كا گه‌نجان دبیت نه‌چاربن نه هه‌موو نه‌چارن هه‌ولا چوونا ژ ده‌رڤه دكه‌ن وه‌لاتێ خوه بجه دهێلن به‌ر ب دۆرهێله‌كێ نه دیارڤه دچن. لێ ته‌خا پتریا گه‌نجان ئه‌ون ئه‌ڤێن سنۆرێن وه‌لاتێن ئه‌ورۆپا دبه‌زینن چاڤلێكرنا به‌رچاڤه، مه هه‌میان گوهلێدبیت ب چاڤ دبینین هنده گه‌نجان ترومبیلێن خوه‌ی یێن لسه‌ر ده‌فته‌رێ دا فرۆتین یێن به‌ره ب ئه‌ورۆپا ڤه چووین، یان هنده‌ك خێزان ل ڤێ دهۆكێ خانێ خوه یێ ب پازه ده‌فته‌ران دفرۆشن رێكا مرنێ دایه به‌رخوه ئه‌رێ ما ئه‌ڤه نه دیارده‌كا شاشه؟، ماده‌م تو كه‌سه‌كێ حالخوه‌شی یا دی چو واته‌یا ژیانێ دگه‌هینیت.
