وهرارا خیزانی و جودابوون
سالح حكیم
خیزان، ئانكو كۆمهكا كهسانه ل ژێر ئێك ئاڤاهی دژین و خوهشی و نهخوهشیێن خوه ب ههڤڕا دبۆرینن و بهرژهوهندیێن وان ئێكن، پێنهڤیت ب گشتی خێزان ههموو بهر ب وهراربوونێ ڤه دچیت، لهوا جودابوون ژی دێ پهیدابیت ژبۆ خوهشكرنا ژین و ژیارا رۆژانه، كو ئهڤه كارهكی ئهرێنی و شروشتیه د ناڤا ههموو جڤاكێن جیهانی دا ههیه، داكو تاك بشێن باشتر خوه رێكوپێك بكهن، چو ژلایی كهلوپهل و پێداویستیێن ژیانێڤه یان ژلایی پهروهردهكرنا زارۆیین خوهڤه، چونكی د جڤاكی مهدا پتریا خێزانان ژ گهلهك كهسان پێكدهێن كو سهمیان نهشێت ب دروستی ب ئهركێ پهروهردهكرنا خێزانی راببیت، ژبهر كارتێكرنا ئهندامێن خێزانی ژ گهلهك روویانڤه، گهلهك جاران مایتێكرن د ئهڤێ چهندێ دا دبیت گهلهك كهس ههنه جودابوون بۆ وانا نهخوهشه، ئێك ژ وان ئهگهران ژی وی كهسی باوهری ب خوه نینه كو بیته سهمیانێ خێزانهكێ و پاشی بشێت ب جوانی وێ خێزانی پهروهرده بكهت، ئانكو هزر د شكهستنێ دا دكهت، لهوا نهڤێت بیته سهمیان یان نهڤێت ژ خیزانا مالباتێ دووربكهڤیت، دخوازیت ههردهم د ناڤا مالباتێدا بژیت، چ پێنهڤیت ههكه خێزان ژ گهلهك كهسان پێكهات دێ ئاریشه پهیدابن، ژبهر هندێ جودابوون چارهسهریه بۆ ههموو ئاریشهیان، لهوا پێدڤیه مرۆڤ بزانیت دهیكو بابان ههردهم دل ب كوڕ و كچین خوهڤه ههیه و نهڤێن ژی دووربكهڤن بهلێ جودابوون ئێك ژ رێكێن بهردهوامبوونا وهرارا ژین و ژیارێ یه و ئازادییا تاكان باشتر لێدكهت، لهوا دێ شێت دهربرینێ ژ بۆچوونێن خوه كهت دخوه د رێڤهبرنا ژیانێ دا،راسته دایكوباب ماندیبوونهكا زوور كێشایه ههتاكو ئهو تاك گههشتیه ڤێ رۆژێ و ل بیرا خوه بینن كو ئهوژی رۆژهكێ ژ دایكوبابهكی جودابووینه و ئهڤه سونهتا ژیانێ یه. پێدڤیه شهڕێ مه ل گهل ژیانێ یێ ههری بهردهوامبیت.