ئەڤرۆ نیۆز،زنار تۆڤی:

فەرماندێ هێزێن پۆلیسێن فیدرالی یێن عێراقی فەریق رائید شاکر جەودەت دادیارکرن:کو ئەڤرۆ ئەینی 30.6.2017 هێزێن پۆلیسێن فیدرالی بەرپێن داعشێ بەرتەنگ کرینە ل لایێ باشۆری یێ باژێرێ کەڤن و شیاینە کونترۆلێ ل سەر وێستگەها سۆتەمەنیا کۆماری ل باب لەکش و مزگەفتا کەعب بن مالک ل بابلجەدید بکەن،هەروەسا هێزێن پۆلیسان د پێشڤەچوونێ دانە ل سێ جهان و هێزێن داعشێ ژی توشی شکەستنەکا مەزن بووینە ل باژێرێ کەڤن.

هەروەسا فەرماندە رائید جەودەتی گۆتیە:هێزێن پۆلیسێن فیدرالی شیاینە کۆنترۆلەکا تەمام ل سەر کەنیسەیا ساعە و مزگەفتا عومەر ئەسوەد و مزگەفتا کەرار و باشۆرێ سەرچخانە و گەراجا سەرچخانە بکەن،هەروەسا هێزێن بەرپەرچدانەیا ب لەز نەخۆشخانا کۆماری و نەخۆشخانا بەتۆل و ئاڤاهیێ کێم ئەندامان و ئاڤاهیێ زارۆیێن بێ دایک و باب و نەخۆشخانا تەنگاڤیان و نۆشداریا ددانان ل تاخێ شیفا ژ بەرمایکێن داعشێ پاقژ کرینە.

فەرماندێ هێزێن پۆلیسێن فیدرالی ل عێراقێ گۆتیە ژی:کو هێزێن پۆلیسێن فیدرالی ئەڤرۆ 54 داعش کوشتینە و 7 ترۆمبێلێن داعشێ ل گەل 24 تی ئێن تی یێن ڤەدای ژناڤبرینە،هەروەسا 15 کەمەرێن مینرێژکری و کارگەهەکا چێکرنا تی ئێن تی یان ل گەل سەنتەرەکێ پەیوەندیان ژناڤبرینە،هەروەسا هێزێن پۆلیسان دەست ب سەر تۆنێلەکا دا گرتینە کو 40 رۆکێت تێدا بوون.

ئەڤرۆ نیۆز،زنار تۆڤی:

پەیڤدارێ هەڤپەیمانیا نێڤده‌وله‌تى ل دژى داعشێ رايان ديلون دیارکریە،کو ره‌وشا باژێرێ کەڤن ل مۆسلێ یا ئالۆزه‌.

دوهی 29 خزیرانا 2017 وه‌زاره‌تا به‌رگریا عێراقێ دوماهی هاتنا ده‌ستهەلاتا داعشێ ل مۆسل راگه‌هاند.

رایان ديلون د ‌دیدارەکێدا بۆ ميديایان گوتیە:ل گورەی ژێدەرێن مە، چه‌ند سه‌دەک ژ چه‌كدارێن داعش له مۆسلێ ماینە،هەروەسا وان داعشا خوە‌ ل‌ گه‌ره‌كێن مۆسل کەڤن و نه‌خۆشخانا كۆمارى یا ۆی باژێری‌ خوە حه‌شارداینە.

هەروەسا ديلونی باوەریا خوە ب هێزێن‌ عێراقی ده‌ربریە و گۆتیە:مە دڵنيایی هەیە کو دێ داعش شكەستنا ئێكجاره‌كى ئینیت،سه‌باره‌ت ب دوماهی هاتنا شه‌رى ل مۆسل ناڤهاتی ره‌تکریە،کو هيچ دەمەکێ ديار بكەت،دیلونی گوتیە ژی:نەشێم دەمەکێ دیارکری ده‌ستنيشان بكه‌م،لێ د وێ باوەریێ دامە کو شه‌ر دێ‌ چه‌ند رۆژێن دی هەبیت.

سه‌باره‌ت ب‌ تاخێن مۆسلا کەڤن پەیڤدارێ هەڤپەیمانان گوتیە:ره‌وش‌ زۆر یا ئالۆزه‌.

سێ سالان بەری نوکە و ل 29 خزیرانا سالا 2014 دا ئه‌بۆ محه‌مه‌د ئه‌لعه‌دنانى پەیڤدارێ داعشان،د به‌ياننامه‌يه‌کێ دا دامه‌زراندنا ده‌ستهەلاتەکا ئيسلامى ب ناڤێ خيلافه‌تێ ل‌ مۆسلێ راگه‌هاند بوو.

ئەڤرۆ نیۆز،زنار تۆڤی:

فەرماندێ هێزێن پۆلیسێن فیدرالی یێن عێراقێ رائید شاکر جەودەت دادیارکرن:کو هێزێن بەرپەرچدانەیا بلەز یێن پۆلیسێن فیدرالی یێن عێراقی 45 تیرۆڕستێن داعش ل مۆسلێ کوشتینە و هەروەسا دەست ب سەر تۆرەکا تۆنێڵێن داعشێ ل کۆمەلگەها نۆشداری دا ل باژێرێ کەڤندا گرتینە و 6 ترۆمبێلێن بۆمبرێژکری ژی ل تاخێ شیفا ژناڤبرینە.

هەروەسا گۆتیە:یەکینەیێن پۆلیسێن فیدرالی ب درێژاهیا 150 میتران پێشرەوی کریە ل بابلجەدید و باب لەکش و 8 تیرۆرست ژی کوشتینە و هەروەسا 6 ماتۆرسکل و 7 ترۆمبێلێن مینرێژکری ژی ژناڤبرینە.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقێ فەریق رائید شاکر جەودەت دادیارکرن:کو هێزێن عێراقی تیرۆرستێن داعش ل باکۆرێ باژێرێ کەڤن ل مۆسل د چارگۆشەیەکا نێزیکی 200 مەترێن چارگۆشە دا دۆرپێچکرینە کو دبیتە دوماهی جهێ وان ل سەرجخانە،هەروەسا ل چەند رۆژێن بهێن دا دێ هێزێن عێراقێ دوماهیێ ب وان چەکداران ئینن.

ئەو ژی دیارکریە کو یەکینەکا فرقا سێ ب پشتەڤانیا تانک و زریپۆشان نێزیکی کۆمەلگەها بازرگانی ل سەرجخانە بووینە،شیاینە ترۆمبێلەکا مێنرێژکری ل گەل 34 تێ ئێن تی یان ل گەل 5 جهێن بەرگریا وان ژناڤ ببەن،هەروەسا هێزەکا فرقەیا پێنجێ شیاینە ب چنە بابلجەدید ب پشتەڤانیا فرۆکێن بێ فرۆکەڤان و ل ژێر بۆمبەبارانکرنەکا دژوار یا جهێن داعشێ و هەروەسا 12 تیرۆرست هاتینە کوشتن،هێزێن وان دەست ب سەر کارگەهەکا چێکرنا کاتیۆشان و چەکێ بەرەڤانیکرنا ژ فرۆکان دا گرتیە.

هەروەسا دیارکریە کو هێزێن عێراقێ ئەڤرۆ 37 ژن و زارۆک رزگارکرینە و نوکە شەرێ مال ب مال دهێتەکرن و ئەڤرۆ هێزێن عێراقی مزگەفتا نۆری و کەرار ژی کونترۆلکرینە،لێ ب هزاران سڤیل ل مۆسلێ ئاسێ بووینە و هەروەسا داعشان ب هزاران ژی خەلک کوشتینە.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقی رائید شاکر جەودەت دادیارکرن:کو 4 تیمێن پۆلیسێن فیدرالی شیاینە ل جادەیا فارۆق ل ناڤەراستا باژێرێ کەڤن ل مۆسل بچنە دەڤەرێن بابلتۆب و سەرچخانە و بابلجەدید و باب لکش،ژ پێخەمەت کونترۆلێ ل سەر وان جهان بکەن و تیرۆرستان ژێ دەربێخن.

ئەو ژی گۆتیە:یەکینەیێن پۆلیسێن فیدرالی ژلایێ باشۆرێ باژێرێ کەڤن ڤە پێشرەوی کریە ژ سێ لایانڤە،بۆ وان ئارمانجێن بۆ هاتینە دەست نیشانکرن ب هەڤکاریا فرۆکێن شەرکەر و فرۆکێن سیخۆریێ،هەروەسا هێزێن وان شەرەکێ دژوار ل گەل ترۆرستێن داعش کرینە کو هژمارا وان دگەهیتە ل دۆرێن 300 تیرۆرستان،دیسا هێزێن وان شیاینە کونترۆلێ ل سەر 70% یا باژێرێ کەڤن بکەن،دیرکریە ژی:کو هێزێن وان زیانێن مەزن یێن گیانی و ژناڤبرنا چەکان ژی گەهاندینە تیرۆرستان.

فەرماندێ پۆلیسێن فیدرالی ئاماژە ب هندێ دایە:کو هێزێن وان 63 تیرۆرست کوشتینە،کو دناڤ وان دا 5 سەرکردێن داعشێ هەنە،کو ئەبو ئەحمەد جبوری وەزیرێ دیوانا پۆلیسێن سەبازیە،ئەبۆ فاتیمە ئەنساری بەرپرسێ سەربازی ل لایێ راستێ یێ مۆسلێ کو ب رەگەز مەغربیە،هەروەسا ئەبۆ ئەنەسێ سوری بەرپرسێ مەفرەزێن داعشێ ل لایێ راستێ یێ مۆسل،تیرۆرست ئەبو رەقیە.

فەرماندێ پۆلیسێن فیدرالی دیارکریە ژی: هێزێن پۆلیسان 14 ترۆمبێلێن مینرێژکری ل گەل 52 تی ئێن تی یان ژناڤبرینە،هێزێن وان چەند ماددەیێ کیمیایی گرتیە ل گەل چەندین کەمەرێن مینرێژکری و چەندین جۆرێن چەکێن گران و کۆگەهێن چەکی،هەروەسا گۆتیە:کو داعشێ نێزیکی 5000 سڤیلان گرتینە و وەک مەرتالان بۆ خوە ب کار دئینن.

ئەڤرۆ نیۆز،زنار تۆڤی:

فەرماندێ هێزێن پۆلیسێن فیدرالی ل عێراقێ فەریق رائید شاکر جەودەت دادیارکرن:کو ئەڤرۆ رۆژا سێشەمبی 27.6.2017 هێزێن پۆلیسێن فیدرالی ل دووڤ چەکدارێن داعش دا مال ب مال دچن و ل تاخێ بابلجدید ل مۆسل شەرێ نارنجۆکان ل گەل داعشێ دکەن.

هەروەسا ناڤهاتی گۆتیە:مە ب دەهان خەلکێن سڤیل ژ زارۆک و ژنێن دورپێچکری ل دەڤەرێن شەر تێدا رزگارکرینە و مە ڤەگۆهاستینە جهێن ئێمن ژ دەرڤەی باژێرێ کەڤن ل مۆسل.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقێ رائید شاکر جەودەت دا دیارکرن:کو هێزەکا پۆلیسێن فیدرالی مزکەفتا زیوانی باژێرێ کەڤن ل مۆسلێ رزگارکریە.

هەروەسا گۆتیه:کو 4 فرقەیێن شەرکەر یێن گرێدایی پۆلیسێن فیدرالی شیاینە رێکێن سەرەکی ل باژێرێ کەڤن ل مۆسلێ بێخنە ژێر کونترۆلا خوە،دیسا هێزێن مە گەهشتینە گومەلگەهێن بازرگانی ل سەرچخانە، ئالایێ عێراقێ ژی هاتیە بلندکرن ل سەر جادەیا فارۆق.

فەرماندێ پۆلیسێن فیدرالی دیارکریە ژی،کو هێزێن وان ژ سێ لایان ڤە پێشرەوی کریە،هەروەسا ل چەند رۆژێن بهێن دێ گەهنە جادەیا کورنیش ل سەر رووباری

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عیراقێ راگەیاند،کو ئەڤرۆ ٢٦ خزیرانا ٢٠١٧ ھێزێن مە ل باژێرێ مۆسلا کەڤن هێرشەکا داعشێ تێکشکاندیە و چار چەکدارێن خوەکوژ ژی کوشتینە.

فەریق رائید شاکر جەودەت فەرماندێ پۆلیسێن فیدرالی یێن عێراقی دادیارکرن،کو هێزێن پۆلیسێن عێراقی هێرشەکا داعشێ ل باژێرێ کەڤن ل مۆسلێ تێکشکاندیە و 4 خوەکوژ ژی کوشتینە و دو ماتۆرسکلێن مینرێژکری ژی ژناڤبرینە،هەروەسا هێزێن وان شیاینە کونترۆلێ ل سەر هێزێن داعشێ ل دەڤەرا سەرچخانە بکەن.

هەروەسا گۆتیە ژی،هێزێن ئەندازەیا سەربازی ژی شیاینە جادا نەینەوا بۆ پرا کەڤن ڤەکەن و ئەو دەڤەرە ب تەمامی ژ مین و تی ئێن تی یان هاتیە پاقژکرن.

فەرماندێ پۆلیسێن فیدرالی هەروەسا دیارکریە،کو هێزێن وان 4 رێکێن ئێمناهیێ بۆ خەلکێ ڤەکرینە داکو خوە ژ داعشێ قورتال بکەن،دیسا هێزێن شەرکەرێن شەڤێ ب هاریکاریا نیشانشکێنا شیاینە دربێن مەزن ل داعشێ بدەن.

ئەڤرۆ نیۆز،زنار تۆڤی:

بتنێ 1% ژ دەڤەرێن مۆسلا کەڤن ل رۆژئاڤایێ وی باژێری مایە د دەستێ تیرۆرستێن داعشێ دا.

یەحیا رەسۆل پەیڤدارێ فەرماندەیا ئۆپەراسیۆنا هەڤبەشێن عێراقێ راگەهاندیە کو هێزێن عێراقی بەشەک ژ دەڤەرێن فاروق و موشاهدە ل بەشێ باکۆرێ رۆژئاڤای ل مۆسلێ کۆنترۆلکرینە و هێزێن پۆلیسان ژی ل دەڤەرێن مووسلا کەڤن پێشرەوی کریە.

گوتیە ژی ئەو دەڤەرێن کو هەتاکو نوکە نەهاتینە رزگارکرن،پێکهاتینە هەر ئێک ژ نەبی جەرجیس، سەرچخانە، رەئسولحور و بابلتوب و بەشەک ژ موشاهدە.

ئاماژە ب هندێ ژی دایە کو دەڤەرێن مۆسلا کەڤن گەرەکێن بچووک و تەنگن، لێ هژمارەکا زۆر یا خەلکێ لێ دنیشتەجێنە.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقی فەریق رائید شاکر جەودەت سەرجەمێ زیانێن داعش ل شەرێ مۆسلێ ل گەل هێزێن پۆلیسێن فیدرالی هەر ژ هەیڤا 10 ل سالا بوری هەتاکو نوکە داینە دیارکرن.

فەرماندێ پۆلیسێن فیدرالی زێدەتر دبێژیت:هێزێن وان ب سەدان تیرۆرست ل مۆسل کوشتینە کو دناڤ وان دا چەندین سەرکردێن بیانی و عەرەبی هەنە،هەروەسا هێزێن وان شیاینە کونترۆلی ل سەر 2352 کم2 ژ ئەردێ مۆسلێ بکەن،هێشتا دبێژیت:مە 46 جهێن گرنگ ژ دەستێ داعشێ ئیناینەدەر و دیسا 20 هزار خێزان ل ژێر دەستێ داعشێ قورتالکرینە و مە 133 هزار نەفەرێن خوارنێ پێشکێشکرینە.

هەروەسا دیارکریە،ل ڤان 8 هەیڤێن شەرێ گران مە 1139 ترۆمبێل و 601 ماتۆرسکلێن مینرێژکری یێن داعشێ ژناڤبرینە ل گەل 22 گەمیێن ئاڤێ،هەروەسا هێزێن پۆلیسان 1400 جۆرێن چەکێن جودا گرتینە و 49 فرۆکێن سیخۆریێ ئێخستینە و 26 تۆنێل و 12 کارگەهێن چێکرنا چەکی و کاتیۆشان کونترۆلکرینە،هەروەسا هێزێن پۆلیسان 361 کەمەرێن مینرێژکری ژناڤبرینە،دیسا 2111 مین و تی ئێن تی یێن ئەردی ژی پەقاندینە.