ئەڤرو نیوز ، نەوزاد زادە هلوری
سەرەدانا تەخ و چینێن جوداجودایێن کوردستانێ بو سەر مەزارێ نەمران ل بارزان
نووترين نووچه
- سەرۆك بارزانی و شاندەكێ حزبا دەعوە پرسا پێكئینانا حوكمەتا نوو یا ئیراقێ گەنگەشەكر
- پاراستنا زمانێ دایكێ ئەركەكێ نیشتمانییە ل سەر ملێ مە هەموویان
- پاراستنا زمانێ دایك، پاراستنا ناسنامە و پاشەڕۆژا كوردستانێ یە
- زمان بنەمایێ سەرەكیێ ناسنامەیا مە یا نەتەوەییە
- گوهۆڕینێن دیموگرافی و ب ئەرەبكرنێ ل سنۆرێ مادەیێ 140 دهێتە كرن
- سەرۆك بارزانی: ئێكەتییا قوتابییان و لاوان قوتابخانەیا پێگەهاندنا خەباتكاران بوو
- سەرۆك بارزانی پیرۆزباهی ل ڕێكخەرێ گشتیێ بزاڤا گۆڕانێ كر
- گرنگە د حوكمەتا بهێت یا ئیراقێ دا هەڤپشكی و هەڤسەنگی و ل هەڤكرن بنەمایێن سەرەكی یێن هەڤبەندیێ بن ل گەل بەغدا
- نێچیرڤان بارزانی و جۆشوا هاریس دووماهی پێشهاتێن پرۆسەیا سیاسی ل ئیراقێ گەنگەشەكر
- ئێكەتییا قوتابییان و لاوان ڕۆلەكێ كاریگەر د بزاڤا ڕزگاریخوازا گەلێ كوردستانێ دا هەبوو
سهرهكى غير مصنف
ب وێنه: دارا ئهڤينداران ل دهۆكێ ب نياسه
ئهڤرۆ نيوز، نەوزاد زادە ھلۆری:
کەڤنترین و مەزنترین دار ل ھەرێما کوردستانێ دکەڤیتە گوندێ ھلورا یا سەر ب کارگێریا ناحیا شێلادزێ ب دویراتیا 8کم و بەرکەڤناتی و مەزناھیا وێ گەشتیار ناڤێن خوە و ئەڤیندارێن خوە ل سەر دنڤیسن و ژ بەر ڤێ گەلەک ب دارا ئەڤینداران ددەنه نیاسین.
سەدیق عەبدوللا وەلاتیەکێ گوندێ ناڤھاتی یە بۆ ئەڤرۆ نیوز گۆت: (مەزنترین دار ل ھەرێما کوردستانێ دکەڤیتەگوندێ مە و ناڤێ وێ دار چنارا خالانەیە کو ژیێ وێ دڤریت بو 400 سالان بەری نھا و بلنداھیا وێ دگەھیتە 30م و رووبەرێ دەردورێن قورمێ وێ دارێ دگەھیتە 14.5م و گەلەکا ب خەم و رەوشە ب تایبەتی د وەرزێ بھارێ دا و سالانە خەلکەکێ زۆر قەستا وێ دکەت بو دیتنێ وهكو گەشتوگوزار).
زێدەتر گۆت: (ھەر کەسێ بھێتە سەرەدان و دیتنا ئەڤێ دارێ ناڤێت خوە ب رەمز و پیتێن جوان دنڤیسن کو ئەڤ یەک ژی رامانە کو ناڤێت خوشتڤی و ئەڤیندارێن خوە ل سەر دنڤیسن و ھندەک ژی وەکو بیرھاتن ناڤێت خوە دنڤیسن).
ناڤبری د درێژاھیا ئاخفتنێن خوه دا گۆت: (ئەو ئەڤیندار و کەسانێن کو ناڤێت خوە دنڤیسن ناڤێت وان نێزیکى 10 سالان ل سەر دارێ دمینن و ژێ ناچن و دەما بوو جارا دویێ دھێنە سەرەدانا وێ دارێ گەلەک ژ وان کەیف خوش دبن و ھندەک ژی ئاخینکان رادھێلن بو بیرھاتن و ئەڤیندارێن خوە).
ئهڤى وهلاتيێ گۆندێ هلۆرا ل دوماھیێ گۆت: (ناڤ نڤیسان ژل ایێ ھەردوو رەگزایە، بەلێ پرانیا وان کور دنڤیسن).
ژدهستدانا بیردانكێ.. داعش و چرچل
چهندى هزر بكهم كو ئهو ئێشا ژدهستدانا بیردانكێ (فقدان الژاكره) ئهوا ئهم گهلهك د فلمێن ئاكشن و یێن درامایان دا دبینین، یان د رۆمانان دا دخوینین، ههما دهروهكه و تشتهكێ دهستكرده، یانژى راستیه هنده مهزن دكهن ههتا دبیته تشتهكێ وهسا كو خهلك باوهر ژێ بكهن، جارهكێ من بهیانهك و كهنیهك و ژبیركرنا میلان كۆندێرا خواند كو “بهختهوهرترین مللهت ئهون یێن بێ بیردانك و بێ دیرۆك” من ژى سهحركه ئهمریكا! ئهرێ عیراقا 1941 دشیا ل بهرامبهر ئمبراتۆیا بریتانیا یا مهزن براوهستێت كو دهسههلاتى ل چارێكا ئاكنجیبووێن ئهردى كرى و 33 ملیۆن كیلۆمهترێن چار گۆشه گرتین، چارێكا جوگرافیا ئهردى؟ فهریق حسێن فهوزى سهرسالارێ لهشكرى و پهسهندهك و سیردانهكا چارگۆشا زێرین، ههر چار عهقیدان: سهلاحهدین ئهلسهباغ، فههمى سهعید، كامل شهبیب و مهحموود سهلمان. پلان بۆ شۆرهشێ دنابوون د شهرگهها شهرێ جیهانێ یێ دویێ دا، دیسا كهس چالاكتر نینه ژ موخابهراتێن ئهنگلیزى كو دهستێن خوه یێن درێژ كو دگههنه ههمى تشتێن ڤهشارتى، بایۆزێ بریتانى دنڤیست كو شۆرهش یا گهههشتیه بهردهرێ مالێ، لهندن ژى بهرسڤ نادهت، بالیۆزێ بریتانى كورنۆالیس گۆت:
ـ شۆرهشا مایس ئهز ڤهجنقاندم ههتا رادهیێ هندێ ئهز گوهشیم و گێژكرم، بهلێ چرچل ب ههدراى یێ چاڤهرێ بوو دا كو داگیركرنا عیراقێ بزڤرینتهڤه، شۆرهش بوو پشتا لهشكرێ عیراقێ شكاند، خوه تشتهك بۆ نههێلا و چهك و فرۆكه و ئهفسهر و سهرباز نههاتنه قهربۆكرن ب چو رهنگهكى، لهشكرێ عیراقێ پتر ژ ههشتێ ژ سهدێ ژ هێزا خوه یا ئهسمانى ژ دهستدا و پتر ژ فرهقهكا پیاده یا تهمام. چرچل ئهڤ سهربۆره بۆ خوه گرتبوو، ژ كێ ژ بسمارك ئهوێ سڤكاتى ب نابلیۆنێ سیێ یێ دهخهس كرى، دا كو دهلیڤێ بدهتێ و بێگونهه بكهت كو بۆ داگیركرنا فرهنسا ههمیێ یێ چاڤهرێ بوویێ. بسماركى پێهنهك ل پاشیا نابلیۆنێ سیێ دا بهر ب رۆما ب نهفكریهكێ رهزیل، برۆسیا و كۆماریا فایمار و ئهو ویلایهتێن دیتر بوونه ئێك دا كو ئهلمانیا یا ئێكگرتێ دیار ببیت، وهكو ستریهك د ناڤ تهنگا ئهورۆپا ههمیێ را!!. ئهرێ عیراقا پشتى 2003 دكاریت ل بهرامبهر ویلایهتێن ئێكگرتى یێن ئهمریكى براوهستێت؟ بیرهاتنا پێنجهمێن یا داگیركرنا ئهمریكى ل پایزا 2010 ل سهر مهرا دهرباز دبیت، كهس ژى داخۆیانیێن سهیدایێ راج بهحس ژێ ناكهت: لهشكرێ عیراقى نهكاریت سنۆرێن خوه یێن ناڤخوه یى نهك یێن دهرڤه بپارێزیت! ههر وهسا داخۆیانیێن گهلهكان كو خوهڤهكێشانا ئهمریكى درهوهكه، مانۆرهیهك بۆ هندێ كو وانهیهكێ بدهته سیاسهتمهدارێن عیراقێ و جیهانێ، وانهیهكا نوو د براگماتیێ دا، دا كو پهیڤا دووماهیان یا وان بیت: ئهرێ مه نهگۆتبوو ههوه؟ هوون بۆچى جارا ئێكێ گۆهێ خوه نادهنه كهسێ؟ ئهرێ پێدڤیه كارهسات بهێته روودا ندا ژنوو تێبگههن كا چ دهێته روودان؟ ئهرێ هوون بۆچى ههمى ئێكێن شاش ههمیان دجهربینن، بهرى كو بهێنه رێكا راست و هنگ د جهرباندى؟ ههر وهسا ژى داعشێ ژى وهكر دهمێ حوهكمهتا عیراقێ گوهشاندى حهتا گێژ كرى، ئابوورێ وێ تێكدا و نیڤا لهشكرێ وێ ژى پووچ و پهلاچهكر، كهلوپهل و چهك ناڤودهنگى و مۆرالا وى، زێدهبارى وێرانكرنا سێ پارێزگههێن وێ ب ههمى قهصهبهیێن وێ ڤه، باژارێن وێ ژێرخانێن وێ ههمیان، ئهڤ ڤهجنقینا حوكمهتا عیراقێ، هینگى كۆچكا سپى یا بچووك ل دهڤهرا كهسك، ب ههدارى چاڤهرێ دكر ـ جوداهیهكا مهزن ههبووو د ناڤبهرا چاڤهرێكرنێ و تكبیرێ دا، ئهڤجا درووشمێ وان ئهوه خشیمیا مه جهێ كهیسگرتنا وانه، نهك مهرجه ژى كو كهسێ عهرهب سیخۆرهك بیى یان دهستكهك بیت یان خاین بیت، ئهو بهسى وانه كو یێ نهزان و خشیم بیت، ههر دهم وى تشتى دكهت یێ كو ههردهم دوژمن ل هیڤیا وى تشتى. هینگى یێ نهزان دێ زیانێ گههینته خوه پتر ژ دوژمنێ خوه! پشتى دووماهیا داعش بالیۆز دێ دهسههلات خوه جارهكا ل سهر عیراقێ رائێخیت، ب ههمى سازیێن خوهڤه چو دبچووك بن یان مهزن، ژ پهیرهوێن خواندنا بنهرهت بگره ههتا سیستهمێ ناڤخوه یێ جڤاتا نوونهران و یا دادگهها ئێكگرتى، زێدهبارى بنگههێن ئهسمانى و یێن پیاده یێن نوو، ئهوێن كو رهنگه بنگههێ ئهنجۆلیك كریه بنگهههكێ ناڤهندى!.
و/ ئهڤرۆ
رهوشا سهقايێ سوبههى
ئهڤرۆ نيوز:
رێڤهبهريا گشتيا كهشناسى و بيڤهلهرزێ ل ههرێما كوردستانێ راگههاند كو سوبههى رۆژا سێشهمبى رێكهفتى 10ى كانوونا دويێ 2017 ئهسمانێ دهۆكێ دێ ئهورهكێ ناڤهندى بيت و هندهك جاران ژى بۆ ئهردهكێ تهمام هێته گوهؤڕێن.
پشكا پێشبينيان ل رێڤهبهريا گشتيا كهشناسى و بيڤهلهرزێ ل ههرێما كوردستانێ د نڤيسارهكێ دا كو دانهك بۆ ئهڤرۆ نيوز رهوانه كرينه راگههاند كو ژ ئهنجامێ فشارێن بلندێن رۆژههلاتێ توركيا دهێته پێشبينيكرن ئهسمانێ دهۆكێ ئهورهكێ ناڤهندى بيت و هندهك جاران ژى بۆ ئهردهكێ تهمام هێته گوهؤڕێن.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژههلات بيت ب رهنگهكى د ناڤبهرا 5 ههتا 15كم دا و ماوێ ديتنێ ژى دێ د ناڤبهرا 9 بۆ 10كم دا بيت، پلێن گهرمێ ژى دێ د ناڤبهرا 1 بۆ 12 پلان دا بن.
ماموستایەکێ زانکۆیێ: یەڵدرم گرنگیا ھەرێما کوردستانێ د فەرھنگا ئێمناھی و سیاسی یا تورکیا دا دووپاتکر
ئەڤرۆ نیوز:
زێرەڤان بەرواری ماموستایێ زانکۆیا دھوکێ بۆ رۆژناما ئەڤرۆ دبێژیت: تورکیا گوھۆڕین د سیاسەتا خوە یا رۆژھەلاتا ناڤین دا دروستکرینە و ئەڤ چەندە بۆ دو فاکتەرێن سەرەکی ڤەدگەریت، ژ وانا فاکتەرێ جیۆپۆلیتیکی، کو ئەنقەرە ھەست ب دۆرپێچا ھەرێمی دکر، ژلایێ رووسیا و ئیرانێ ڤە، بتایبەتی پشتی تێکچوونا بەلانسا ھێزێ د بەرژەوەندیا بلۆکێ رووسی دا، ھەروەسا فاکتەرێ ئەمنی کو تورکیا پرەنسیپا ئەمنی کریە ئێکەمین شەنگستێ سیاسەتا خوە یا دەرڤە ل رۆژھەلاتا ناڤین وەک ڤەرێژەک بۆ لاوازیا ھەلویستێ ئەمریکی و ئورۆپی و نەپێگیریا وان ب پەیمانێن ناتۆ یێن پاراستنا ئەندامێن خوە ژ مەترسیێن دەرڤە.
ناڤھاتی دیارکر ژی: سەرەدانا سەرۆک وەزیرێن تورکیا بۆ عێراقێ نامەیەکا سیاسی یە بۆ دەستھەلاتا بەغدا ب دیارکرنا رۆلێ تورکیا و قەیرانا سووریێ دا و ھێزا ڤێ دەولەتێ بۆ گوھۆرینا ھەڤکێشەیێن سیاسی و دوورخستنا عێراقێ ژ چارچۆڤێن ئیرانێ و ھەروەسا دیارکرنا ھەلویستێ ئەنقەرە بەرامبەر شنگالێ و ھێزا پەکەکێ دڤێ دەڤەرێ دا،کو تورکیا ڤێ چەندێ ب مەترسی ل سەر خوە دزانیت،ھەروەسا ھەرێما کوردستانێ ژی گرنگیا خوە ھەیە بۆ تورکیا،ژبۆ پاراستنا بەلانسا ھێزێ دناڤبەرا ھێزێن کوردی دا،لەورا تورکیا ھەرێما کوردستانێ ب نموونە دزانیت بۆ خوەشکرنا پەیوەندیێن تورکی کوردی ل سەر ئاستێ ھەرێمی دا،دیسا ھەولدان ژلایێ تورکیاڤە بۆ دۆپاتکرنا پشتەڤانیێ بۆ ھەرێما کوردستانێ،کو بەغدا نابیتە بەدیل بۆ رۆلێ ھەولێرێ.
زێرەڤانی دیارکر ژی: تورکیا ھەولدەت پەیوەندیێن خوە ل گەل عێراقێ نورمال بکەت، بتایبەتی پشتی لێک نێزیکبوونا تورکیا و رووسیا، لەورا نوکە تورکیا ھەولددەت پەیوەندیێن ئابووری و سیاسی ل گەل بەغدا باش بکەت، ژ پێخەمەت لاوازکرنا رۆلێ ئیرانێ و زڤراندنا رۆلێ ئەنقەرە ل رۆژھەلاتا ناڤین دا،بتایبەتی پشتی ئالۆزبوونا قەیرانا سووریێ و دوورکەفتنا دەولەتێن عەرەبی ژ پرۆژێ تورکیا بۆ گوھۆرینا رژێما ئەسەدی تورکیا دێ ھەولدەت ب رەنگەکێ پراکماتیکی بەرژەوەندێن خوە ب پارێزیت،ھەروەسا گرنگترین گوتۆبێژ ژ سەرەدانا یلدرمی دێ بادەکا ئەمنی و سیاسی و ئابووری بن، لەورا ژلایێ ئەمنی ڤە تورکیا پێدڤی ب ھاریکاریا عێراقێ ھەیە، ژبۆ لاوازکرنا ھێرشێن پەکەکێ و نە ب کارئینانا وێ ل دژی بەرژەوەندێن تورکیا ل دەڤەرێ،دیسا ھەڤکاریا ئەمنی ل سەر بادەکا کوردی و تێگەھشتنێن ھەرێمی ل گەل بەغدا ژلایێ سیاسی ڤە تورکیا دێ بۆ بەغدا دیارکەت،کو ئەو خۆدانا کێشا سووریێ و کێشەیێن دی یێن عەرەبیە و ئێدی ئەنقەرە سەربەخۆتر دێ سیاسەتا دەڤەرێ کەت،بەغدا ژی پێدڤی ب گوھۆرینا ھەلویستێن خوەیە دڤێ پرسێ دا،ھەروەسا ژلایێ ئابووری ڤە تورکیا پێدڤی ب بازارێ عێراقی ھەیە، بتایبەتی پشتی لاوازبوونا لیرێ تورکی و کارتێکرنا وی ل سەر ئابوورێ تورکیا.
ماموستایێ زانکۆیێ ھێشتا دبێژیت: پەکەکە ئێک ژ گرنگترین بادەکێن ئەمنی یە کو تورکیا دڤێت ل گەل بەغدا بەحس بکەت،بتایبەتی پشتی دیاربوونا پەیوەندیێن بەغدا ب پەکەکێ ڤە،دیسا تورکیا دێ ھەولدەت کو ھەرێما کوردستانێ ژی پشتەڤانیا وێ بکەت د ھەولێن دژایەتیا پەکەکێ دا،لێ ھەرێما کوردستانێ د قۆناغا نھۆ دا پشکدار نابیت د چو ناکۆکیێن لەشکەری دا ل گەل پەکەکێ، ژبەرکو ئەڤە د بەرژەوەندا کوردان دا نینە، ھەروەسا ناکۆکیێن ھەرێمی دێ کوردان کەتە کارتا گڤاشتنێ، لەورا ھەرێما کوردستانێ ژی مەترسیێ ل سەر ئەزمۆنا کوردستانێ دروست ناکەت ب دروستکرنا شەرێ برا کوژیێ.
ئەوژی دیارکر: تورکیا پەیوەندیێن ئیستیراتیجی ل گەل ھەرێما کوردستانێ ھەنە، لەورا سەرەدانا یلدرمی بۆ کوردستانێ بتنێ دۆپاتکرنا گرنگیا ھەرێما کوردستانێ یە د فەرھەنگا ئەمنی و سیاسی یا تورکیا دا، ھەروەسا ئەنقەرە ھەرێمێ ب فاکتەرێ بەلانسا ئەمنی دزانیت ھەمبەری پرۆژێ ئیرانێ و دیسا ب فاکتەرێ بەلانسا ئابووری ژی دزانیت،کو کوردستان نھۆ گرنگترین بازارە بۆ ئابوورێ تورکیا،لێ یا گرنگە کو ھەرێما کوردستانێ ب چارچۆڤەکێ نوو سەرەدەریێ ل گەل ئەنقەرە بکەت، بتایبەتی پشتی گوھۆرینا دراماتیکی د سیاسەتا تورکیا دا و ئامادەبوونا تورکیا بۆ گوھۆرینا گرنگترین پرۆژێن خوە ل دەڤەرێ، لەورا ھەرێما کوردستانێ ژی پێدڤی ب سیاسەتا ژیواری ھەیە، بۆ پاراستنا بەرژەوەندیێن خوە ل گەل تورکیا.
رهوشا سهقايێ سوبههى
ئهڤرۆ نيوز:
رێڤهبهريا گشتيا كهشناسى و بيڤهلهرزێ ل ههرێما كوردستانێ راگههاند كو سوبههى رۆژا شهمبى رێكهفتى 31ى كانوونا ئێكێ 2016 ئهسمانێ دهۆكێ دێ ئهورهكێ ناڤهندى بيت و هندهك جاران ژى بيته ئهرهكێ كێم.
پشكا پێشبينيان ل رێڤهبهريا گشتيا كهشناسى و بيڤهلهرزێ ل ههرێما كوردستانێ د نڤيسارهكێ دا كو دانهك بۆ ئهڤرۆ نيوز رهوانه كرينه راگههاند كو ژ ئهنجامێ فشارێن بلندێن رۆژههلاتێ توركيا بۆ سهر ههرێما كوردستانێ دهێته پێشبينيكرن ئهورهكێ ناڤهندى بيت و هندهك جاران ژى بيته ئهرهكێ كێم.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژههلات بيت ب رهنگهكى د ناڤبهرا 10 ههتا 20كم دا و ماوێ ديتنێ ژى دێ د ناڤبهرا 9 بۆ 10كم دا بيت، پلێن گهرمێ ژى دێ د ناڤبهرا 4 بۆ 17 پلان دا بن.
سهقايێ رۆژا ئهينى دێ ب ڤى رهنگى بيت
ئهڤرۆ نيوز:
رێڤهبهريا كهشناسى و بيڤهلهرزێ ل هەرێما کوردستانێ راگههاند كو سوبههى رۆژا ئهينى رێكهفتى 9ى كانوونا ئێكێ 2016ێ ئهسمان دێ د ناڤبهرا ساهى وئهورهكێم دابيت ودێ يێ سار بيت.
پشكا پێشبينيان ل رێڤهبهريا گشتيا كهشناسى و بيڤهلهرزێ ل ههرێما كوردستانێ د نڤيسارهكێ دا كو دانهك بۆ ئهڤرۆ نيوز رهوانه كرينه راگههاند كو ژ ئهنجامێ بهردهواميا كارتێكرنا فشارێن باكوورێ توركيا و كارتێكرنا بارسته ههوايهكێ سار بۆ سهر ههرێما كوردستانێ دهێته پێشبينيكرن ئهسمان د ناڤبهرا ساهى وئهورهكێم دابيت ودێ يێ سار بيت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژههلات بيت ب رهنگهكى د ناڤبهرا 5 ههتا 15كم دا و ماوێ ديتنێ ژى دێ 10كم بيت، پلێن گهرمێ ژى دێ د ناڤبهرا 1 بۆ 11 پلان دا بن.
زیانێن نڤستنا ب زەخمەی ڤە
ئهڤرۆ نيوز:
بۆچوونا تایبەتمەندان ل دۆر ڤی بابەتی د جودانە، لێ ھندەک ڤەکۆلین ھەنە دوپات دکەن، ل بەرکرنا زەخمەی زیان ل سەر ساخلەمی و سەروسیمایێ مەمکان ھەنە، ھندەک ژی دبێژن ژبەرکرنا زەخمەی ل ناڤمالێ و ل دەمێ نڤستنێ گەلەگ مفا ھەنە، ژ وانا ژی چێنەبوونا پرسکان ل سەر مەمکان و باشترکرنا زڤرینا خوینێ ل وی جھی، لێ ھندەک وەسا دیار دکەن کو ل بەرکرنا زەخمەی ب شەڤێ گەلەک ئاریشان چارە دکەت وەکو پەنجەشێرا مەمکی.
ل بەرکرنا زەخمەی ل ناڤمالێ و ل دەمێ نڤستنێ ڤان ئاریشان پەیدا دکەت:
1- ئاریشێن ھەناسێ، دبیت ژی زەخمێ تەنگ زیانێ بگەھینیتە زەپلەک و پەراسیان.
2- خاڤبوونا مەمکان و گوھۆرینا سەروسیمایێ وان.
3- زەخمێ تەنگ ئاستەنگان بۆ زڤرینا خوینێ چێدکەت و زیانێ دگەھینیتە شانەیێن سینگی.
4- چێبوونا پرسکان ل سەر پیستێ مەمکی و ھەودانا پیستی چێدکەت.
5-ٍ ئاریشان بۆ زەپلەکێن ستووی و ملان چێدکەت و ئێشانێ دئێخیتە پشتێ.
6- ل بەرکرنا زەخمەی ب ئاوایەکێ بەردەوام پەیوەندیا ب چێبوونا ئاریشێن قولوونێ ڤە ھەی.
7- زیانێ دگەھینیتە رژێن لیمفووی، ل گۆری ھندەک ڤەکۆلینان کڤاشتنا بەردەوام ل سەر مەمکان بۆ دەمەکێ درێژ دبیتە ئەگەرێ پەنجشێرا مەمکی.
8- پەق و دەرز و نیشانێن بەرفرەھبوونێ ل دەڤەرا سینگی چێدکەت.
بۆ سڤککرنا زیانێن زەخمەی ل دەمێ نڤستنێ ل دووڤ ڤان شیرەتان ھەرە:
1- عەیارا زەخمەی دروست بکە و نەھێلە ل پشتێ بلندتر لێبھێت و پێدڤییە ل نیڤەکێ بیت.
2- زەخمێن وەرزشی بکە بەرخوە ھەکە تە بڤێت ب شەڤێ ل مال ل بەر تەبیت.
3- ئەو زەخمێن تێلە و ئاسن پێڤە نەکە بەرخوە.
4- زەخمێن پەحن و کوور بکە بەرخوە.
5- ئەو زەخمێ تە دکڕی بلا ھندی قەبارێ مەمکان بیت، بلا دو یان سێ دکمێن گرێدانێ پێڤە بن.
ئهفغانيهكێ ئاواره پشتى دهستدرێژيا سكسى كريه سهر كچا بهرپرسهكێ ئێكهتيا ئورۆپى كوشت
ئهڤرۆ نيوز:
پۆليسێن ئهلمانى سنێلهكێ ئهڤغانى ب تۆمهتا دهستدرێژيكرنه سهر كچا بهرپرسهكێ مهزنێ ئێكهتيا و ئورۆپى و كوشتنا وێ دهستهسهركر.
دهستهلاتدارێن ئهلمانى راگههاند كو ئهڤ كێشه ڤهدگهريته 16ى چريا دويێ دهما لاشێ ماريا يا كچا كليمني لادنبۆرگر ئهوێ ههر ژ سالا 2008ێ وهره وهكو هاريكاريا پشكا واتادار ب كاروبارێن قانوونى ل ئێكهتيا ئورۆيى كار دكهت هاتيه ديتن.
تهرمێ ماريا لادنبۆرگر د رووبارێ دريسام دا ل باژێرێ فرايبۆرگ ل باشوورێ ئهلمانيا هاتبوو ديتن.
ههر وهكو مالپهرێ ئهلمانى بهلاڤكرى، ماريا يا 19 سالى ل كوليژا نوشدارى دخواند و ل دهمێ خوه يێ ڤالا وهكو خۆبهخش ل كهمپهكا كۆچبهران كار دكر، پشتى ئاههنگهكا زانكۆيێ ل 16ى چريا دويێ بهرزه ببوو.
پشكنينا DNA تهكست ل سهر وێ چهندێ كريه كو ئهڤ كچه بهرى بكهڤيته د ناڤا رووبارى دا گيانێ خوه ژ دهست دايه و بهرى گيان ژ دهستدانێ ژى دهستدرێژيا سكسى كريه سهر، پاشان هاتيه خهندقاندن.
ب گۆرهى رۆژنامێن ئهلمانى تۆمهتبار سنێلهكێ ئهڤغانى يێ 17 سالى يه ب ناڤێ ئهلجانى سالا بۆرى چوويه ئهلمانى و يێ بێ كهسوكاره، ژ بهر هندێ ژى خێزانهكا ئهلمانى ب خودان دكهت و مهزاختنێن وى ب ستوويێ خوه ڤه گرتينه.
بھایێ غازێ ھاتە دەستنیشانکرن
ئەڤرۆ نيوز:
پشتی ل ڤێ دووماھیێ بھایی فرۆتنا غازێ ل گۆرەپانا گران بووی بۆ دووڤچوون و چارەکرنا ڤێ ئاریشێ داکو نەبیتە بارگرانی ل سەر وەلاتیان دوھی رۆژا 7/11/2016ێ ئەندازیار ئوسمان یونس جێگرێ پارێزگەرێ دھوکێ بۆ کاروبارێن تەکنیکی و د ھەمان دەم دا سەروکێ لژنا سوتەمەنیێ ل پارێزگەھا دھۆکێ سەرپەرشتیا کۆمبوونا لژنا سوتەمەنیێ کر.
دکۆمبوونێ دا بەحسێ رەوشا سوتەمەنیێ و پێدڤیا خەلکی ب غازێ و ئەو رێژا دگەھیتە بریکارێن بەلاڤکرنا غازێ ل پارێزگەھێ وچاوانیا زێدەکرنا وێ رێژێ کو بھایێن غازێ وەکو جاران لێ بھێت وبلند نەبن ب گشتی ھاتە کرن.
د ھەمان کۆمبوون دا بڕیار ھاتە دان قنینێ غازێ بو مالا بھایێ ( 8) ھزار دینارا و د ناڤ گروەپانان دا ب (7) ھزار دیناران بھێتە فروتن، ھەروەسا لژنا سوتەمەنیێ دیارکریە کو ھەر بریکارەک یان گۆرەپانەکا سەرپێچیێ بکەت و پتر ژ وان بھایێن دیارکری ب فروشیت دێ تووشی پێرابوونێن قانوونی بیت و ژھەموویان خواست پێگریێ ب رێنما و بھایێن نوو بکەن.
نيشاندان
WP Facebook Auto Publish Powered By : XYZScripts.com