ئهڤرۆ نیوز:
دهمهكێ كێم بهرى نوكه فرۆكێن شهركهرێن توركیا سێ جاران گهلێ بالندا یا سهر ب ناحیا شێلادزێ بوردمانكر.
ب گورهى ئهوان زانیاریێن ئهڤرۆ نیوز دهستخوڤه ئینایى، هژمارهكا خهلكى ب مهرهما دهم بوراندن چوینه گهلى و ئاڤا مارك.
بوردومانا گهلێ بالندا ددهمهكێ دایه كو ئهڤرۆ سپێدێ چیایێ كورهژار هاتبویه بوردومانكرن، دیسان ل نێزیك سهرسنكێ ژى بومبهكا چاندى ب كاروانێ هێزێن توركیا تهقى و قوربانى ههبوون.
ئەڤرو نیوز:
ئهڤرۆ 15-5-2019 بههزاد عەلى ئادهم جێگرێ پارێزگهرێ دهوكێ سهرپهرشتیا كومبونا لیژنا كونترولكرنا رودانێن ئاگرى وپاراستنا ژینگههێ كر.
دكومبونێدا بهحسێ هاتنا وهرزێ هاڤینێ ومهترسیا پهیدابونا رودانێن ئاگربهربونێ وچاوانیا ئامادهكرنا پلانهكا رێكخستى دناڤبهرا فهرمانگههێن پهیوهندیدار وجوتیاران وخهلكێ پارێزگههێ دا بو وێ یهكێ سهرهدهریهكا بلهز دگهل ههر رودانهكا ئاگر بهربونێ بهێته كرن وئاگر بهێته كونترولكرن و زیان ل سهر بهرههمێ جوتیاران وژینگهها پارێزگههێ نهخاسمه دارستانێ بهێته كێمكرن.
ههر دكومبونێدا بریار هاته دان كو لیژنێن لایهكى ل سهر ئاستێ ههموو قهزا وناحیان ژى بهێنه دورستكرن بو دوڤ چونا بابهتێ كونترولكرنا ئاگرى وپاراستنا ژینگههێ .
جێگرێ پارێزگهرێ دهوكێ داخاز ژفهرمانگههێن پهیوهندیدار وئهندامێن لیژنێ كر كو ههموو دههڤكاربن و ههر ئێك ل دوڤ تایبهتمهندیا خو ههر ژسوبه رێكهفتى 16-5-2019 دهست بجهئینانا بهرنامێن كومبونێ وكارێن پێ هاتینه راسپاردن بكهن تایبهتى چێكرنا هێلێن ئاگرى ل جهێن گشتى ودارستانا وزهڤیێن چاندنێ ههروهسا تهكهزى ل سهر رولێ راگههاندنێ وماموستایێن ئاینى ویێن پهروهردێ ژى كر كو رولێ خو ببینن وهشیاریێ دناڤ خهلكیدا بهلافكهن بو وێ یهكێ رودانێن ئاگر بهر پونێ پهیدانهبن تایبهت ل دهمێ ئهنجامدان سهیران وگهشتا وبهرههڤیا كارگێریا پارێزگهها دهوكێ نیشان دا بو پشتهڤانیكرنا بهرنامێ لیژنێ.
ل دوماهیێ گهنگهشه ب تێروتهسهلى ل سهر بابهتێن كومبونێ هاتنه كرن وچهندین بوچون وپێشنیار هاتنه ئاراستهكرن بو كاراكرنا بهرنامێ لیژنێ وبریار هاته دان ههر دوو حهفتیا جارهكێ لیژنا ناڤبرى كومببیت ودوڤ چونا بجهئینانا بهرنامێن خو بكهت.
ئەڤرۆنیوز،سەباح زوهێر:
ئەڤرۆ ب ئامادەبوونا دکتور نزار عسمت رێڤەبەرێ گشتی یێ ساخلەمیا پارێزگەھا دھوکێ و قايمقامێ ئاکرێ و رێڤەبەرێ ساخلەمیا قەزا ئاکرێ ئامیرێ میفراسێ ل نەخوشخانا گۆلان یا گشتی ھاتە ڤەکرن و دێ کەڤیتە کارکرنێ دا بۆ خزمەتکرنا نەخوشێن دەڤەرێ.
د.نزار عسمت رێڤەبەرێ گشتی یێ ساخلەمیا پارێزگەھا دھوکێ دکونگرەکێ روژنامەڤانی دا دادیارکرن کو نەخوشخانا گۆلان ئێک ژ وان نەخوشخانێن ھەرە گرنگە ل دەڤەرا ئاکرێ کو چەند دەڤەرێن دی ژی وەکو(بەردەرەش و شێخان و بلێ) قەستا وێ دکەن، بۆ ھندێ ژی پێدڤیە پتر پیتەدان ب ڤێ نەخوشخانێ بھێتەدان.
رێڤەبەرێ گشتی یێ ساخلەمیا پارێزگەھا دھوکێ گۆت ژی ئێک ژ وان بزاڤان بۆ نەخوشخانا ناڤبری دانانا ئامیرێ میفراسێ و دانانا ئامیرێ ھوربینیێ بوو، کو کوژمێ ھەردوو پروژان نزیکی (ملیار و نیڤایە) کو ژ ئێک ژ ئامیرێن گرنگ و پێشکەفتی یە، ڤەکرنا ڤی ئامیرەی گرنگیەکا مەزن یا ھەی دێ خزمەتا دەڤەرێ ھەمیێ کەت، ژپروژێن ستراتیژیێن دی یێن ساخلەمیا پارێزگەھا دھوکێ بۆ ئاکرێ دروستکرنا نەخوشخانەکا ھەوارھاتنێ یە ل ئاکرێ، ھەروەسا دانانا ئامیرەکێ رەنینێ یە بۆ ڤێ دەڤەرێ، ب ئاناھیا خودێ پشتی نەمانا قەیرانێ و باشترکرنا رەوشا ئابوری ئەو پروژە دێ ھێنە جێبەجێکرن.
ئەڤرۆ نیوز، عەلی حاجی:
دانانا پیڤەرێن ئاڤێ ل زاخۆ ٥٠% دەرباز کر و ماوێ مولەتا دانانا پیڤەران بۆ ماوەیێ ٢ ھەیڤان ھاتە درێژ کرن و ھەر ھاولاتیەکێ د ژڤانێ دەست نیشان کری دا نەدانیت دێ ھێتە سزادان.
رێڤەبەرێ ئاڤا زاخۆ بۆ ئەڤرۆ نیوز دیارکر ھەتا نوکە رێژەیا دانانا پیڤەران ل زاخۆ زێدەتری ٥٠% یە ، یا بەردەوامە و پێدڤی یە ھەمی مال بنە خودان پیڤەرێن نوو ، ژڤانێ دانانا وان بۆ ماوێ دو ھەیڤان ھاتە درێژکرن کو ژبەری نوکە ھەتا دەست پێکا ھەیڤا پێنچ ھات بو دەست نیشان کرن لێ ئەو ژڤان بو دەست پێکا ھەیڤا تەموزێ ھاتە درێژکرن و ھەر ھاولاتیەکێ ھەتا ژڤانێ دەست نیشان کری ژی ھەر ھاولاتیەکێ نەدانیت دێ ب کوژمەیێ ١٠٠ ھزار دیناران ھێتە سزادان ، لێ ل گورەی پێزانینێن گەھشتینە بەر دەستێ مە ھندەک گەرەکا ب نە یاسایی ل سەر پیڤەرێن خوە دو ھێل کێشاینە و ھەر مالەکا ئەڤ سەرپێچی یە ل سەر بھێتە گرتن دێ ب کوژمەکێ پارەیی ھێتە سزادان.
ئەڤرۆ نیوز:
کرێکارەکێ خەلکێ شنگالێ ل سەر ئاڤاھیەکێ بلند یێ ھەولێرێ خوە ھاڤێتیە خوارێ و داوی ب ژیانا خوە ئینایە.
راگەھاندنا پۆلیسێن ھەولێر دیارکر ئەڤ گەنجێ شنگالی ب مەرەما کارکرنێ ھاتیە ھەولێرێ و ل جاددا سولتان موزەفەر کرێکار بوویە، پشتی دووماھی ب ژیانا خوە ئینای و خوە د ئاڤاھیەکێ ٩ قاتی دا ھاڤێتی تەرمێ وی ھاتیە رەوانەکرن بۆ قەزا شنگالێ بێ کو ئەگەرێن ڤێ روودانێ بزانین.
ئەڤرۆ نیوز:
ھاریکارێ وەزیرێ دەرڤە یێ کومارا ئیسلامیا ئیرانێ راگەھاند کو پێدڤیە پەنابەرێن ئەفغانی وەلاتێ وان بجە بھێلن.
زێدەتر عەباس عێراقچی دیارکر سێ ملیۆن پەنابەرێن ئەفغانی د ئاخا ئیرانێ دا دژین ژ بەرکو نوکە ئەمریکا سزا دانینە سەر ھنارتنا پەترولا ئیرانێ دشیان دا نینە چاڤدێریا وان بکەن لەورا پێدڤیە ل ماوێ بھێت ئەگەر رەوش ب ڤی رەنگی یا بەردەوام بوو نەچارن ژ ئیرانێ دەربکەن یان ڤەگەرنە وەلاتێ وان.
ئەڤ داخویانیا ھاریکارێ وەزیرێ دەرڤەیێ ئیرانێ د دەمەکی دایە کو ئیرانێ میلیشیایەک ب ناڤێ فاتیمون ژ پەنابەرێن ئەفغانی دروستکریە و بۆ پاراستنا بەرژەوەندیێن خوە ھنارتینە رۆژئاڤایێ کوردستانێ و سوریێ پێخەمەت پشتەڤانیا رژێما بەشار ئەسەدی.
ئەڤرۆ نیۆز:
هیڤیدار ئەحمەد، جێگرێ سەرۆکێ لژنا دارایی و ئابووری ل پەرلەمانێ کوردستانێ بۆ ئەڤرۆ نیۆز دیارکر : پشتی 5/5/2019 مە لگەڵ رێڤەبەریا کارەبا پارێزگەها دهۆکێ کۆمبوونەک لەسەر رەوشا کارەبا وێ پاریزگەهێ ئەنجامدای. دوو کێشێن مەزن هەبوون، یەکەم: ژبەر لاوازییا هێلێن ڤەگۆهاستنا کارەبێ ژ هەولێرێ بۆ دهۆکێ پشکا کارەبا دهۆکێ ژ کارەبا نیشتیمانی کو 24%یە ناگەهیت و ئەڤەژی پێتڤی ب 15 ملیۆن دولارا بوو.
دووەم: دابینکرنا 830 هەزار لێترێن گازوایلێ بۆ وێستەگا کواشی یا کارەبێ هەتاوەکو 120 مێگاوات کارەبا بهێنە دابینکرن، پشتی کۆمبوونێ ئێککسەر مە وەکو ئەندامێ پەرلەمانێ پارتی ل گەڵ رێڤینگ هرۆری، سەرەدانا ئەنجوومەنا وەزیران کر و ل گەڵ نێچیرڤان ئەحمەد مە گفتوگۆکرن و گەهشتنە ئەنجامی کو ئێکسەر بڕیارا ئێکێ یا خەرجکرنا 15 ملیۆن دولارا بۆ ڤەگۆهاستنا هێلەکا مەزن یا کارەبێ ژ شەقلاوا بۆ سۆران، سۆران ئاکرێ، ئاکرێ بو دهۆکێ، ل گەل تەمامبوونا ئەڤی پڕۆژەیی هێلا نیشتیمانی شیان هەیە دئێک دەمدا هەتاوەکو 550 مێگاواتێن کارەبێ بۆ پارێزگەها دهۆکێ خەرج بکەت، کو نها تنێ شیان هەنە 350 مێگاواتا ڤەگۆهێزیت.
ئهڤرۆ نيوز:
پهرلهمانێ كوردستانێ د روونشتنا ئهڤرۆ رۆژا چارشهمبى 8ى گۆلانا 2019ێ خواندنا سيێ و دووماهيێ بۆ پرۆژێ راستڤهكرنا قانوونا سهرۆكاتيا ههرێمێ كر و پهسهند كر.
پشتى خواندن و دهنگدان ل سهر برگه و ماددێن پێشنيازكرى، ل دووماهيێ ههموو پرۆژه خسته دهنگدانێ و ب پتريا دهنگێن پهرلهمانتاران، كو 89 دهنگێن بهلێ بوون، پرۆژه هاته پهسهندكرن.
ب گۆرهى قانوونێ، سهرۆكێ ههرێما كوردستانێ، دێ د ناڤ هۆلا پهرلهمانى دا ب پتريا دهنگێن رهها يێن پهرلهمانتاران ئانكو 56 دهنگان هێته ههلبژارتن و ههكه ئهو دهنگ ب دهست ڤه نهئينان دێ ههلبژارتن چينه خولا دويێ و بۆ سهرۆكاتيا ههرێمێ بهربژارى ب تنێ پێدڤى ب 1+50 ههيه.
ئهڤرۆ نيوز:
ل رۆژێن بۆری ھژکارەک گوندێن کوردان ل سنوری قەزا مەخموور ژبەر مەترسیێن داعشێ ھاتنە چوولکرن و وەلاتیەکێ کورد ژی ژلایێ چەکدارێن داعش پشتی ب دیل کەفتیە دەست چەکدارێن داعش ھاتە شەھیدکرن، قایمقامێ قەزا مەخموورژی ئاماژە بوێ چەندێ دکەت، ھێزێن لەشکری بۆ پاراستنا وەلاتیان ل ھژمارەک گوندان ھاتینە جێھگیرکرن.
رزگار محەمەد، قایمقامێ مەخموور بۆ رۆژناما ئەڤرۆ دیارکر، پشتی زێدەبوونا لڤینێن چەکدارێن داعش ل سنوری مەخموور وەلاتیێن ھژمارەک گوندێن دەڤەرێ بتایبەتی یێن سەرب ناحیا قەراج گوندێن بجە ھێلاینە و یان ئاوارەی ناڤا سەنتەرێ قەزایێ بووینە یان ژی بەر ب دەڤەرێن ئارام چووینە، چونکە بەری نوکە چەکدارێن سەر ب گروپا تیرۆرستیا داعش ل سنورێ ئەڤان گوندان لڤینێن زۆر ھەبووینە و چەندین جاران بەرھنگاری ھێزێن ئەمنی و سەربازیێن عیراقێ بووینە، ھەروەسا ھەر ل نێزیکا وان گوندان گورزەکا مەزن ل چەکدارێن حەشدا شەعبی دا بوو، ھەتا خەلکێ وان دەڤەران ژ ترسا داعش نەشیا بۆ گیایێ بھارێ بچنە ئاقارێن خوە، مخابن دو ژوان گوندێن کوردان بتەمامی ھاتینە چۆلکرن و گوندێن مایژی گوندیان مالێن خوە بارکرینە، بەلێ ھێشتا پشکەکا وەلاتیان د گونداندا ماینە، واتە ھندەک گوند بتەمامی ھاتینە چۆلکرن و ھندەکژی نیڤی بووینە، ئەڤەژی بۆ سەلامەتیا ژیانا خۆیە وەلاتی دوور دکەڤن ل جھێ مەترسیا داعشێ لسەر ھەبیت.
رزگار محەمەد ئاماژەکر، مە وەکی ئیدارەیا مەخموور و لیژنا ئەمنی ل قەزا مەخموور ھێزەکا سوپایێ عێراقێ کو پێکھاتیە ل فیرقەیا چواردە ل ئەڤان گوندێن مەترسی لسەر جێھگیرکریە، ھەتا خەلکێ ئەڤان گوندا ھەست ب پشتڕاستبوونێ بکەن ژلایێ ئەمنی ڤە، سەقایێ ئەڤسالە کاریگەری لسەر چالاکیێن چەکدارێن داعش ل سنورێ مەخموور ھەبوویە، ژبەرکو پشتی رزگارکرنا دەڤەرێن عێراقێ ل گروپا تیرۆرستیا داعش ھێشتاژی ھەر چەکدارێن داعش ل مەخموور مابوون، لێ ژبەر ھاتنا بارانەکا زۆر و بلندبوونێ ئاستێ ئاڤا زێی مەزن ئاستەنگ لھەمبەر ھاتن وچوونا چەکدارێن داعش ل سنورێ مەخموور چێبووینە، ھەگەر رەوشا سەقای نەمبایە بێگومان لڤینێن وان زێدەتر دبوون.
ژ لایێ خۆڤەژی ژێدەرەکێ ئەمنی ل قەزا مەخموور بۆ رۆژناما ئەڤرۆ ئاشکراکر” چەکدارێن داعش بووینە مەترسی لسەر ژیانا وەلاتیان، بتایبەتی ھژمارەک گوندێن دەڤەرێ ھەنە کێمتر ھێزێن سەبازی قەستا وان دکەن و مەفرەزەیێن داعش بەردەوام خوە نێزیکی ئەڤان گوندان، ل حەفتیا بۆری چوار وەلاتیێن کورد بمەرەما دەرئینانا دۆمبەلان چووینە نێزیکی چیایێ قەرەچۆغ پشتی ھاتینە دەستەسەرکرن ئێک ژوان وەلاتیێن کورد ناسناما ئاسایشێ ڤێەبوویە و ب ئێخسیری دگەل خۆ بریە، بەلێ مخابن پێنج شەمبیا بۆری داعشێ ڤیدیۆیەک بەلافکر و تێدا ئاشکراکر، ئەو کارمەندێ ئاسایشێ ھاتیە شەھیدکرن.
نيشاندان